Uppblásnar hliðarmottur

Sumir eru á móti því að taka blóð yfir höfuð úr hryssum. Bændur eru að drýgja litlartekjur með því að taka þátt í þessari atvinnustarfsemi.

Myndbandið varpaði ekki fallegri mynd á starfsemina og umhverfið mætti vera betra svo sannarlega. Ekki stendur þessi rekstur undir því að kosta tamningu á hrossin. En hægt  væri að fá sér sprautukönnu og mála tökuklefana einu sinni á ári. Tilraun þarf að gera með uppblásnar hliðarmottur á hverri hlið tökubássins og væru þær blásnar upp þannig að þær skorðuðu hyssurna hæfilega af, þannig að þær gætu ekki skaðað sig né þá, sem vinna við verkið.

Spurning hvort motturnar sem notaðar eru í lausagöngufjósum væru nothæfar.

Að lokum þarf að gefa gaum að umhirðu og næringarástandi hryssanna. Þetta er mikið álag á dýrin að taka allt þetta blóð úr þeim og getur það vissulega orkað tvímælis. Vetrarfóður þarf að vera yfir meðallagi eftir þessa áraun dýrsins. Svo væri útlátalítið að hafa umgengni góða eins og kostur er, moka bása og nota möl í alla aðkomu á vinnusvæðinu og götur inn í básinn. Fara varlega í beitingu hunda, umfram nauðsyn. Ef bændur gætu þróða þetta svona einhvern vegin til betri vegar, mundi starfsemin verða fyrri minni gagnrýni og allt léttbærara.

Engan veginn ásættanleg meðferð