Ekki hægt að tala svona.

Tæplega hægt að tala svona. Hinsta heimsókn í embætti? Hver veit? Hann gæti einhvern tíman komið aftur, ekki vegna þess að þurrð væri á forsetaframbjóðendum, heldur vegna þess að enginn veit sína ævi fyrr en öll er.

Gunnar á Hlíðarenda sneri aftur. Ólafur Ragnar var eitthvað að möndla með afturkomu í embætti.  Ekki hefur fengist skýring á því, og ef til vill enginn spurt.

Svona orðalag er oft notað um skip sem fer í sína hinstu ferð. Annaðhvort ef það ferst eða er siglt til förgunar. Það verða allir að vanda sig.

Texti verður að hafa stoð í veruleikanum. Hvað segir Písa um þetta? Ég vona bara að Guðni komist sæll í annað starf og þakka honum fyrir sitt framlag að stjórna landinu, það er ekki auðvelt með allt þetta fólk sem er út og suður og endalausar skoðanir.

Góða frjálsa og fallega framtíð Guðni og Eliza. Hafið þökk fyrir ljómandi góða og fína veru á Bessastöðum.

Hinsta heimsókn Guðna innanlands í embætti

Reikniskúnstir. Eldriborgar geta í sumum tilfellum látnir borga sjálfum sér kaupið.

Ríkisvaldið bauð mér upp á heldur mikla lágkúru þegar ég gerði upp skattinn á þessu ári.

Forsaga málsins

Ég fékk bætur fyrir það tjón sem ég varð fyrir þegar mér var skylt að fella fjárstofn minn vegna þess að riða greindist í hjörð okkar hjóna á Reykjum við Reykjabraut fyrir mörgum árum síðan. 

Ærnar voru felldar daginn fyrir sumardaginn fyrsta. Hjá mörgum bændum er sumardagurinn fyrsti í uppáhaldi á sveitaheimilum og svo hefur og verið hjá mér.

Nú eins og kunnugt er ávaxtast fé ekki undir koddanum, Þess vegna lét ég banka minn sjá um ávöxtunina. Svo kemur að því að bréfin eru leyst út og skiptist sú greiðsla í höfuðstól, verðbætur sem eru til að halda höfuðstóli í réttum skorðum og svo vextir. Nú samkvæmt lögum ber okkur að telja þessar svokallaðar vaxtatekjur fram til skatts og verðbæturnar líka, Það er ósanngjarnt því verðbætur eru ekki vextir heldur aðferð til að fá tilbaka ígildi sömu upphæðar sem lögð var inn.

Hvernig haldið að framhaldið verði. Eigandi fjárins kominn með skattskylt fé sem honum ber að telja fram til skatts sem er 10% af vöxtunum sem bankinn skilar i ríkissjóð, vextir og verðbætur.

Svo nota ÞEIR vaxtaskattinn til að greiða mér ellilífeyriinn sem ég á rétt á. Það er auðvelt að vera fjármálaráðherra að gera gamla fólkinu til góða með svona aðferð. Að láta einstaklinginn borga sér sjálfum ellilífeyririnn. Og sennilega er lagður á tekjuskattur aukreitis. Tvískatta allt heilaklabbið og nota til að borga mér ellistyrk. Þetta eru nú ekki fallegar aðferðir við gamalt fólk og ástæðulaust að vera að kjósa fólkið til Alþingis en er manni ekki vorkunn þegar svona fléttur eru uppdiktaðar niður á Alþingi og svona farið með mann, aldurinn farinn að færast yfir eftir unnið ævistarf.

Og forustumenn okkar hjá eldriborgara apparatinu ættu nú að fara niður á þingpalla næst þegar því verður við komið og syngja dírrendí, og aftur dírrenddí.

Vilja hækka frítekjumörk og tekjur

Leiðbeinandi varúðarlög

Á sínum tíma átti ég þess kost að vera í vinnu þar sem hægt var að sjá augljós mistök sveitarfélags á svokölluðu Vallarsvæði. Ég hugsaði mikið um þetta og velti því fyrir mér hvað sveitarstjórnarmenn í Hafnarfirði hafi verið að hugsa þegar íbúðarbyggð er skipulögð á svæði, nánast í hraunrennu eða nú farvegi hraungoss úr Bláfjöllum. Þessi renna er sjáanleg út í sjó hjá golfvelli við ströndina. Og öll stjórnvöld sem reyna að gera rétt og líta til ýmiskonar hættu af völdum náttúruhamfara segja bara, ok þetta er allt í lagi að við samþykkjum þetta bara, það er ef til vill einhver hætta og þá verður henni bara mætt, er það ekki. Íslendingar hafa einu sinni  augjóslega sopið seyðið af slíkum mistökum og þar er hægt að nefna Kröfluvirkjun. Þar var varla búið að bora fullnægjandi rannsóknarborholur til þess að tryggja orku til fyrirtækisins og svo fór að gjósa og allt í pati. Þarna hefði nú verið sterkur leikur að fara sér hægar.

Deilan um Blönduvirkjun voru átök um beitarhagsmuni um beit sauðfjár, það blasti við að Blönduvirkjun var góður kostur til að tryggja orkukerfið á Norðurlandi eftir að Laxárvirkjun var slegin af og Kröfluvirkjun misheppnaðist. Ég vil geta þess að það var fullkomlega ljóst að ekki var hægt að sökkva Laxárdal eins og ætlunin var og voru hvað á maður að segja, of mikil náttúruverðmæti í spilinu sem ekki var réttlætanlegt að fórna. Því var Blönduvirkjun á þessum tíma með augljósan rétt vegna þess að hún var ekki á svæði þar sem von væri á jarðskjálftum og gosi. Enda minnir mig að það hafi verið í málefnasamningi við myndun ríkistjórnar Gunnars Thoroddsen ákvæði sem tók á þessu atriði.

Nú er farið að ræða að flytja Reykjavíkurflugvöll í Hvassahraun. Manninum á götunni leist ekki á það enda var hann ekki spurður. En nú dimmir á þessu svæði og alla landnotkun þarf að gaumgæfa.

Grindvíkingar hafa verið studdir til hins ítrasta og er það vel. Atvinnurekstur þeirra byggir mikið á því að vinna út á sjó. Svo staðan er svolítið betri, en að vera með atvinnurekstur í Hvassahrauni, Hvassahraun er til sölu. Eigendur hugsanlega búnir að uppgötva þetta og vilja losna út úr hugsanlegum skaða sem gæti tafið og orkað tvímælis um landnotkun.

Nafnið á færslunni er sérstakt og sennilega detti engum í hug svona arfa vitlaus lagasetning fyrirfram setning laga á óorðnum atburðum. Flest lög er stefnt gegn óorðnum atburðum. Hægt væri ef til vill að búa þessa hugsun í önnur klæði, það má vel vera. Bændur hafa nokkurt rými til að velta fyrir sér hættu sem eru ekki alltaf mjög sjáanlegar og ég tilheyri þeim hópi. Það eru þá kannske vorhretin sem vont er að átta sig.

Ég átti vinnufélaga sem hafði skoðanir á mörgu og var búinn að koma sér upp ritningu sem hann notaði þegar honum fannst stefna í óefni við lausna mála:

Hann sagði: best, sem vitlausast. og hafði hana uppi skrifaða hjá sér.

 

Hvassahraun komið í söluferli

Barónar?

Kannske flökkufylgi þeirra sem staupa sig. Eina lausafylgi lausamanna, sem er að flosna úr föðurhúsum og er ekki með neinn sérstakan flokk, eins og var í gamladaga. Þá voru margir rígbundnir við gamla flokkinn, sem allir höfðu kosið mann fram að manni.

Þá er eðlilegt að fara þangað sem skemmtilegast er.

Sagðiru hugsjónir? Hvað veit maður? Þýðir eitthvað að eltast við slíkt, þetta reddast. Bara kjósa Framsókn.

Fylgi Miðflokksins komi frá Sjálfstæðisflokknum

Frumbyggja réttur

Strandveiðar eru í raun frumbyggjaréttur og léttari í rekstri frekar en þessi stóru járnhólkar sem kalla á miklar afskriftir og mikla ólíueyðslu og feikna mikinn og dýr net og útbúnað.

Margir hafa áhyggjur því þegar að verið er að hefla sjávarbotninn með hlerum og slíkum veiðarfærum. Það gengur óhjákvæmilega á búsvæði þar sem fiskurinn er að alast upp.

Svo er einn þátturinn og hann er sá að ferðamönnum gæti þótt áhugavert að fylgjast með atvinnuveg sem kallast strandveiðar og þar sést fólk en ekki einhver draugabær.

Arnbjörn bróðir var dauðhræddur þegar verið var að skrölta við Eldey með tröllaveiðarfæri. Bjóst alveg eins við að eyjan hryndi.

Spurt er hvernig stendur á því að búið er að afmá landhelgi bújarða, er það einhvert nýtísku þjóðlendudæmi? Ég stend með trilluköllum. Þeir björguð þjóðinni í kreppunni. Þegar engin lífsbjörg var til í kotinu, þá var alltaf hægt að rangla niður á bryggju og hlaupa glaður heim með fisk sem trillukallinn gaukaði að fólki. Þá sagði amma, elsku Doddi mínn voða ertu duglegur, kondu héran Doddi minn, ég þarf að snýta þér. Doddi lærði af afa sínum að stunda sjóinn og þess vegna kunna Íslendingar að vera fiskimenn og skáldin syngja um þá og telja kjark í þá eins og Sigurður Ólafsson í Laugarnesi. Það gefur á bátinn við Grænland.t.d.

„Ummæli sem dæma sig sjálf“

Skipaútgerð ríkisins aflögð. Óhappa verk.

Skipaútgerð ríkisins var aflögð og allir þungaflutningar lögðust á vegakerfið. Áburðurinn fluttur til bænda með trukkum, nema á Suðurlandi. Flakkað með fisk, ekið út og suður í nafni hagræðingar og má vel vera að í ýmsum tilvikum hafi verið ávinningur af því. En hverjir nutu ágóðans? Svona er hagræðingin búin að ganga að því að ekki er reiknað rétt í báðar áttir. Það þarf að reikna rétt. Ávinningurinn af því að leggja skipaútgerðina niður hefði átt að vera lagður á borðið til samanburðar við ágóðan að því hver ávinningurinn væri t.d. með væntanlegum fiskflutningum. Þannig að ekki væri skaði á vegarkerfinu lagður eingöngu á skattgreiðendur. Að hluta til sprettur umræðan um veiðileyfisgjöld af því að almenningur gerði sér grein fyrir því að vegirnir mundu aflagast en það gerðu stjórnmálamenn ekki. Þó ruku  þeir upp og ferðuðust um landið til að heyra í kjósendum, en hlustuðu ekki. Því er staðan svona og í óefni hefur stefnt lengi. Lagfæring verður dýrari þegar búið er að skemma vegina mikið, en það er nú ofmælt að þeir séu ónýtir.

Tökum Holtavörðuheiði sem dæmi þar var eins og gert er í vegbyggingum. Eystri kanturinn farinn að gefa sig og var orðinn hættulegur fyrir þunga bíla. Þar vann Vegagerðin prýðilegt verk til að styrkja kantinn. Kanturinn var mokaður upp og settur sterkur malarpúði af réttri tegund og gengið frá eftir bestu manna leiðsögn. Það hefði verið ofmælt að segja að vegurinn yfir Holtavörðuheiði væri ónýtur.

Um miðja síðustu öld voru drulluslörk víða á Holtavörðuheiði. Það var bara gert við það sem fyrst. Venjan var að moka það sem gubbaðist upp í miðjunni, sem fyrst og setja hreint efni í þessar viðgerðir.

Svona var gert við vegina og allt gekk í rétta átt. Svo var maður kominn á malbikaðan veg frá Reykjavík norður, sömu leið og leigbílstjórinn 79 af stöðinni ók og sagði þegar bensín titturinn í Fornahvammi spurði ertu ekki orðinn þreyttur? Enginn er þreyttur á leið heim, en svo fór hann útaf og valt og lét lífið. Var það við einbreiða brú? Nú er búið að reikna það út að stytting norðurleiðarinnar um Reyki og Ása sé hagkvæm og komin inn í stjórnmálaumræðuna. Hvernig er hún hagkvæm er það bensínkostnaður fyrir prívatmenn og fyrirtæki? Er sá reikningur/hagræðing nokkuð birtur almenningi? Á þeim vegar spotta þarf að brúa þrjár ár, Giljá, Fremri-Laxá og Blöndu. Ekki hefur verið sett fram það sjónarmið að böðlast um góð landbúnaðarlönd og því þurfum við að gefa þeim þætti gaum.

Það væru nú smart að nota svona fé í að brúa einbreiðar brýr á norðurleiðinni, það væri þá frá og afganginn af styttingarféinu í vegabætur. Svona þarf helst að hugsa og finna einhverja tekjupósta á þungaflutningana, allavega reyna að grafast fyrir um hvað græddist á því að leggja Skipaútgerð ríkisins niður.

Það er hörmung að hafa ekki strandsiglingar fyrir siglingaþjóð eins og við viljum gjarnan vera. Það var dásamlegt að ferðast með skipum Skipaútgerðarinnar á ströndinni og mundi styrkja ferðaþjónustuna.

 

Hafnar því að vegirnir séu ónýtir

Bíllinn bilaður og allt í pati.

Föðurbróðir minn Bergur Arnbjörnsson, Bíla-Bergur, annaðist og stjórnaði meiraprófsnámskeiðum, m.a. á Vestur- og Norðurlandi. Ásamt fleirum.

Einu sinni í blálokin á námskeiði kom hann með eftirfarandi spurningu: Hvað er að bílnum, þegar ekkert er að bílnum og bílinn fer ekki í gang???

Strákarnir götuðu allir: Komu með eitthvað, vantar benzín, tvistur í púströrinu o.s.frv. Þannig að þetta var allt óljóst.

Bergur hafði gefið það út að spurningin gilti ekki til prófs, þetta væri svona auka spurning.

Jón Ragnarsson, bróðir Ómars Ragnarssonar, sagði aðra útgáfu af svarinu . Að gilt svar væri í sögunni sem er svona: Loftgatið á bensínlokinu væri stíflað og við það myndaðist undirþrýstingur í tanknum og bensínkerfið gæti ekki fætt vélina.

Mér þótti gott að fá þessa skýringu frá Jóni. Það sannfærði mig um það að með réttu væri hægt að kalla Berg þjóðsagnarpersónu, þegar menn úr öðrum landshlutum leiðréttu sögur um Bíla-Berg.

Bergur á ættföður sem var þjóðsagnar persóna. Það er Bíblíu-Björn eða Björn Biblía. Hann var landspóstur og hafði biblíu tilvitnar á hraðbergi. Þaðan kemur flökkueðlið í ættina, sennilega.

Ókunnugt um svindljátningu

Formósustríð

Nú getur Pútin væntanlega farið að hjálpa Kim Jong með Formósu. Þá er hægt að auka spennuna í heiminum og vera með allskonar herdót um allan heim.

Það væri betra ef alþýðumenn á borð við Húa Sjúa Pung eða Narta Í tillana væri við völd.

Pútín og Kim Jong Un skrifa undir varnarsamning

Fjallkonan- ímynd, lands, þjóðar og náttúru.

Bókin Fjallkonan er áhugaverð lesning. Skemmtileg og fögur með dýrðlegum myndum af fögrum konum í fjallkonu búningi og hæfir þessu 80 ára afmæli lýðveldisstofnunarinnar. Í bókinni er rakin öll listin við að hanna saum og skreyta klæðin og rakinn ferillinn og hvernig þetta er gert og að mínu mati alveg listilega gert. Maður fær innsýn í hverjar hafa verið fjallkonur og fær að vita hvernig textinn hefur hljóðað.

Mannlíf flytur okkur vangaveltur Illuga Jökulssonar um Fjallkonuna undir þættinum um Kúltúr. Þetta er einhver andstaða gagnvart íslenskum hefðum og menningu, ef til vill til að reyna að draga örlítið úr áhrifum skálda okkar, t.d. Jónasar Hallgrímssonar og Tómasar Guðmundssonar, sem töldu í okkur frelsisást og kjark til að lifa í þessu harðbýla landi og vekja athygli á náttúru, landi og borg.

Og svo þetta þjóðrembutal, að þessi eða hinn hópurinn sé með þjóðrembu, ef minnst er á eitthvað sem er íslenskt, sterkt og fallegt. Fullyrt að hér sé þjóðremba á ferðinni.

Þetta með innflutninginn á þessari hefð er ef til vill rétt. Það hefur nefnilega fréttst að svona tilþrif hjá ýmsum þjóðflokkum og þetta er einfaldlega það sem fólk tekur eftir þegar það kemst í snertingu við okkar menningu alveg sama hvort hún sé svolítið plat. Hafmeyjan sem situr á steini fyrir utan höfnina í Kaupmannahöfn er líka plat.

Við vitum ekki hvernig hugmynd um fjallkonuna varð til. Ef til vill hefur hún komið sem tillaga frá sýslunefndarfundi einhversstaðar, eða einhverjir hafi ráðið ráðum sínum um allt þetta tilstand og farið að setja einhverjar hugmyndir niður. Í bændasamfélaginu er auðvelt að veðja á það að gangnamenn hafi víða getað ímyndað sér að fjallkonan hafi sést í fjöllum og tindum. En auðvitað er þetta hugsað sem ímynd þjóðarsálarinnar 

Stjórnarráð Íslands stóð að útgáfu bókarinnar og er talið að frumkvæði Katrínar Jakobsdóttur sem nú fer um á Þingvöllum með flokk og kynnir staðinn. Ritstjórn Silja Aðalsteinsdóttir árið 2024. Formála ritar Bjarni Benediktsson forsætisráðherra.

Ég tel Fjallkonuna algjörlega stand af sér þessa háðsatlögu sem mér finnst vera og kemur frekar í bakið á málshefjanda sem er öðrum þræði ágætur fjölmiðlamaður. En auðvitað eru hún ímynd sem mikið hefur verið gert úr.

Ég tel að í raun að Hallgerður Langbrók sé fyrsta fjallkonan og allar fjallkonur sem á eftir ganga í hennar slóð.

Ég geri ekkert með þetta frumhlaup Illuga við að reyna að gera lítið úr fjallkonunni og finnst það ómaklegt. Að þetta sé eitthvert óþurftar atriði í Íslandsögunni og vísa því alfarið á bug. Að mínu mati er þetta einstaklega fallegur málatilbúningur og eitthvað til að færa menningu okkar í dýrustu klæði og orð, gera henni hátt undir höfði. Svo eigum við fána sem er afar fallegur og fellur vel að þessum atburði, ég tala nú ekki um þátttöku skáta í viðburðinum.

 

 

„Bókin er greinilega að rjúka út“

Eftir forsetakosningarnar sjá menn draug í hverju horni, eða hvað?

Sérkennilegt ástand á Alþingi. Nú eru sumir með lífvörð, en ekki kunnugt þingheimi hvernig ástandið er.

Þingmaður telur það ólíðandi að sérsveitarmenn séu á sveimi í hliðarsölum.

Ég hélt að Alþingi færi yfir þetta, svona með fullri vissu hvað væri í gangi, en ekki að forseti þingsins hefði heyrt eitthvað í nefnd. Sjálfasagt liggur þetta í höndum ríkislögreglustjóra.

En vel að merkja, væri ekki eðlilegt að hættumat væri gert og hverjir væru í hættu og hvaðan hættan kæmi svo það færu ekki einhverjar sögusagnir í gang. Þessi vitneskja gerir  það að verkum að það verður farið að hvísla og spekúlera. Einhver nefnd væri fengin og menn vissu fyrir fram hverjir væru í þeirri nefnd. Líklega væri eðlilegast að ríkislögreglustjóri kæmi svoleiðis nefnd á, hvort hann veldi í nefndina svona eins og strákar gerðu í gamladaga þegar veriðð var að velja liðsmenn í fótboltalið út á túni í einhverju hverfinu eða að það væru dómkvaddir menn með sérþekkingu í þessa nefnd. Eins væri hægt að elstu menn í þinginu gætu sest í svona nefnd.

Þá er spurt: Er hættulegt að almenningur skreppi á þingpalla? Og ætti von á því að horfa upp á bófahasar.

Þetta er ískyggilegt ástand, satt að segja. Svo tekur maður eftir því að útvarpsstjóri RÚV setur einhverja verkferla af stað við sitt embætti sem eru þá ígildi reglna um að fréttamenn ættu að hafa gát á því hvernig  og um hvað þeir eiga að spyrja og eftir mínu viti að spyrja ekki djarft, nema bera það undir einhvern. Svo er hann að gefa stjórn RÚV einhverjar leiðbeinandi ordur, eftir því sem má lesa í fréttum og tekið fram að hann sé undirmaður Stjórnarinnar

Allt þetta er nú orðið svolítið kátlegt. Það ætti ef til vill að fara að mæla blóðþrýstinginn hjá þingmönnum. Það er víst auðvelt nú orðið, bara skanna með snjallsíma.

 

„Ólíðandi“ að öryggisgæsla Bjarna sé á Alþingi