Ósvífin hernaðaraðgerð

Þetta er auðvitað ósvífin hernaðaraðgerð að reka fólk úr sínum heimahögum. Ekki einu sinni boðið nesti eða aðrar bætur fyrir land sitt og skemmdir. Ætla svo að vista fólkið í öðrum löndum, af því að þjóðskipulagið er orði svo lélegt í Rússlandi að þeir geta hvorki brauðfætt fólk né borið ábyrgð á því. Þá er það bara rekið í burtu. Þetta ætti náttúrlega ekki að líðast.

Ég mundi glaður geta gefið gott ráð til að taka Rússa í bólinu og gera þeim skráveifu, væri ég inntur eftir því.

Rússar samþykkja vopnahlé í tveimur borgum

Endurskoða samþykktir verkalýðsfélagana.

Það ætti nú að vera auðvelt að bæta úr þessu, með því að setja inn í lög og samþykktir verkalýsfélagana ákvæðu um kosningu eftirlits fólks til setu til eftirlits um Seðlabanka Íslands og aðrar fjármálastofnanir sem félagð hefur lögbundið eftirlit með. Væri þá hæg að fá valinkunna sóma menn sem væru færir í bókhaldi sem þyrftu ekki að vera í félaginu, svo sem gamla sparisjóðsstjóra, fv. endurskoðendur kaupfélaga eða aðra þá sem aðalfundir treysti í þessi verk.

Í rauninni þurfa félögin ekki að hafa áhyggjur af kostnaði þar sem fundarþóknanir eru borgaðar af viðkomandi fjármálastonun. Því væri hægt að fá sérfræðinga að, til að gæta þessarar hagsmuna án staðsetnigar, það er svo móðins núna.

„Hrekja venjulegt fólk út úr stjórnunum“

Þarf ekki að fá upp á yfirborðið stefnumarkmið þessa skæruliðahóps?

Væri nú ekki rétt og skylt af yfirvöldum að upplýsa hvert stenumarkmið þessa skæruliðahóps er, til að auðvelda fólki til að mynda sér skoðun á málefninu.

Það þarf að teikna upp glögga mynd af málinu. Það er ástæðulaust að hópurinn sé í reyfum og umkomulaus.

Margar sviðsmyndir hafa svo sem verið dregnar upp í þáttunum  Verðbúðin sem sumir kannast við aðrir ekki.

Þetta þarf að gera til að glöggva sig á öllu málinu.

Best væri ef hægt væri að vera með einhverskonar gagnstefnu.  Þar sem persónur og leikendur væri gert að koma í yfirheyrslur hjá lögreglu, jafnvel að gefa þeim tækifæri til að tjá sig um stykkið. Þeim væri engin vorkun að mæta.

Þá yrði nú hátíð í bæ og sjó. Gráupplagt væri að vera með einþáttung á stórasviðinu á Granda á Sjómannadaginn þar sem varpað væri ljósi á málavexti heilstætt.

Verður hópurinn leystur upp eða hvað framtíð á hann fyrir sér?

 

Engin innistæða fyrir uppþoti vegna skýrslutaka

Svipuð atvik hjá Íslendingum. Rakettum skotið á loft og valdamenn í hnökkum til sýnis.

Íslenskir valdamenn eru í svipuðu hugarástandi og vilja sýna sig almenningi á hestum.

Man eftir mynd sem birtist af Páli Péturssyni, Stefáni Guðmundssyni og Guðna Ágústssyni á landsmóti í Víðidal þar sem þeir stilla sér upp á hestum til að láta taka mynd af sér.

Enn er verið að skjóta rakettum á Íslandi, dýrum til skelfingar og ætlar Landinn seint að læra að taka tillit til dýra, hvað þetta varðar.

Kim Jong-un Norður Kóru hinn mikli leiðtogi er glæsilegur á myndbandi sem var sent út til að upplýsa þjóðina um þennann mikla leiðtoga og sjálfsagt hafa margar meyjarnar grátið svolítið. Svo eru þeir með risarakettu sem þeir skjóta upp og áfram er haldið að gráta af hrifningu.

Enginn grét eða hló, það ég veit best, þegar Framsóknarmenn stilltu sér upp í Víðdal hér í denn og voru þeir þó ágætlega klæddir og maskaralegir. Ég held að þeir hafi verið á lánshestum. Alla vega átti Páll á Höllustoðum ágæta grá gæðinga hann er látinn blessuð sé minning hans og Stefáns einnig. Stefán er í landsfrægri hestafjölskyldu. Fallegir hestar munu enn vera til staðar til að halda minningu þeirra á lofti. Ekkert veit ég um Guðna í þessum efnum. Hann stendur einn eftir í mannhafinu og grætur hvorki né hlær, en hann er mikil jaxl eins og Skarphéðinn á Berkþórshvoli.

Það var einhver sem spurði Guðna hvernig veðrið hefði verið á 1000 ára afmæli kristninnar á Þingvöllum.  'Arið 2000 var þar blíðskapar veður, hvernig var veðrið Kristnitökuárið? Það var þungbúið svaraði hann háum og þungum rómi.

Á hvítum hesti í áróðursmyndbandi

Stjórnmálabrölt varaþingmanns Sjálfsstæðisflokksins

Arnar Þór Jónsson varaþingmaður Sjálfstæðisflokksins, sendir út dreifibréf til allmargra aðila.

Þeir Sjálfstæðismenn margir hverjir eru tvístigandi um hvort beitt sé réttum aðferðum í baráttunna við Covit veiruna. Það má auðvitað hugsa sér einhverja aðra aðferð og sjálfssagt að tjá sig um þær. Hún verur þá að vera studd einhverjum heilbrigðis vísindum.

Með því að höfða til starfmann sem halda á bólusetningarsprautu er verið að knýja viðkomandi til að taka afstöðu til aðferða stjórnvalda og sóttvarnarlæknis. Þetta verkefni er í lögboðnum ferli sem lög ákveða. Það þýðir ekki að ætla fara leggja það á einstaka hópa eða einstaklinga sem eru venjulegir fótgönguliðar eins og maður segir að fara að takan afstöðu með eða á móti verkefninu og láta einhverja samvisku spurningu hanga yfir fólki  sem hefur takmarkaða ábyrgð og bréfið er stílað er á. Svo verður fólk með samviskubit og kvíða. Það er ekki góð heilbrigðisvísindi

Sem sagt hann virðis vera að hnoðast við að mynda einhverja ímyndaða breiðfylkingu ólíkra hópa til að að búa til  sundrungu í málin og elta atkvæði í nafni frelsisins. Nú veit ég ekkert hvernig þessi samtök Frelsi og ábyrgð eru uppbyggð. Eru þetta aðildarfélög með fulltrúa kosna á stóran aðalfund þar sem mál þetta hefur verið tekið fyrir til afgreiðslu, er varaþingmaðurinn með slíkt lýðræðis umboð? Þannig að þessi aðferð er ef til vill ekki nógu vel hugsuð. Nú má vel vera að í þessum samtökum séu allir á einu máli um þetta bréf. En ætlast til að fót gönguliðar á gólfinu eigi að axla þessa ábyrgð er bar út í loftið.

Reyna að láta fólk fá samviskubit að vinna í einhverjum aðstæðum sem eru ekki alveg ljósar sem varaþingmaðurinn vill að fólk taki ábyrgð á sitt bak, er slæmt að mínu mati. Þó ég geti tekið undir ýmislegt einhverju megi breyta í framkvæmd, þá hef ég enga stöðu til að skrifa bréf sem  ég myndi skrifa í nafni einhverra samtaka sem ég byggði til á skrifborði í tölvunni minni í lokuðu herbergi.

Frelsið er auðvitað dýrmætt, en best fer á því að ræða það undir eigin kennitölu. Ég hef alltaf verið maður frelsins

 

 

Ragnheiður afþakkaði bréfið frá Arnari

Sameiginlegir snertifletir og rætur Ólafs Ragnars og Þorsteins Hallgríms til Vestfjarða

Hátíðarpistill

 

Hef verið að lesa bókina Rætur eftir Ólaf Ragnar Grímsson. Ég er sammála ritdómum um bókina sem ég hef lesið. Nú langar mig að rekja nokkra snertifleti og rætur sem ég kalla svo þó þeir séu ekki alveg eins í raunin en ákveðin hliðstaða í því og þetta er gert til skemmtunar og fróleiks.

1. Báðir höfum við tengingu við Ísafjörð og Vestfirði. Ólafur er fæddur þar og ólst þar upp. Faðir hans var krati. Móðurafi minn, Magnús Guðmundsson og móðuramma mín, Karítas Skarphéðinsdóttir bjuggu þar all lengi og voru kommar og fengu línuna beint frá Moskvu að berja á krötum og íhaldinu og láta þá aldrei í friði. Ættarkjarni minn er kominn frá Ströndum í gegnum Pálsætt. En Ólafur er ættaður frá Ísafirði og Brekkuætt þar um slóðir.

2. Þingeyri, Ólafur ólst upp að hluta til hjá ömmu sinni og afa á Þingeyri. Systurdóttir mín Birgitta Bragadóttir sérfræðingur á Alþingi bjó um nokkurt skeið með manni sínum, séra Gunnari Haukssyni sóknarpresti á Þingeyri. Á Flateyri bjó mitt fólk nokkurn tíma, m.a. Hallgrímur Pétursson, stýrimaður á línuveiðaranum Pétursey ÍS 100, sem sökkt var í seinni heimstyrjöldinni við strönd Bretlands. Hitler var svo vitlaus að skjóta skipið niður fullt af fiski frekar en taka það herskildi og færa til hafnar. Vel að merkja var skipið utan bannssvæðis sem Hitler hafði afmarkað og því á alþjóðlegu hafsvæði og var þetta stríðsglæpur. Skipstjórinn sigldi skíthræddur af vettvangi þegar hann uppgötvaði það. Spurt er: Hvar var utanríkisráðherra Íslands að gaufa þá? Tímdi ekki að offra tundurskeyti á skipið. Skutu áhöfnina í brú skipsins, sem var úr tré. Hallgrímur var einn af stofnendum verkalýðsfélagsins Skjaldar á Flateyri. Hann var stilltur maður og prúður, fastur fyrir, þrekmaður og mannsefni mikið. Þannig er honum lýst í bókinni, Virkið í norðri eftir Gunnar M. Magnús.

3. Stóridalur í Svinavatnshreppi, Ólafur rekur ættar- og fjölskyldubönd á þann bæ. Þar bjuggu æskuvinir mínir og vinir. Ég rek þetta ekkert frekar. Það yrði bara langloka

4. Manchester, Ólafur var þar í háskóla og þar nam  hann hann fróðleik um hugmyndafræði Samvinnuhreyfingunni en hún er upprunnin þaðan. Dóttir mín bjó í Manchester um skeið með manni sínum Auðuni Atla Sigurðssyni frá Ísafirði. Þau eiga dreng sem heitir Dagur Ólafur sem æfir skylmingar við dagsbrún nýrrar aldar. Ólafur Ragnar stundaði miklar skylmingar á stjórnmálasviðinu.

5. Tröð á Álftanesi, þangað tengist Ólafur fólki sem flutti þangað. Amma Karítas átti Tröð um skeið.

6. Báðir gengum við í Miðbæjarbarnaskólan. Ég einn vetur og Ólafur allt sitt barnaskólanám.

7. Báðir höfum við verið formenn í Alþýðubandalaginu. Ólafur formaður heildarsamtakanna, ég formaður aðildar félags.

8. Báðir höfum við verið forsetar. Ólafur Ragnar forseti lýðveldisins, ég var um tíma forseti Búnaðarfélags Svíanvatnshrepps, elsta búnaðarfélag landsins stofnað 1842. Þannig var titillinn í lögum félagsins. Forystumaður félagsins var ekki nefndur formaður heldur forseti, það hefur þótt flottara og var nær tíðarandanum. Ég var settur fljótlega af, ekki er mér kunnugt vegna hvers.

9. Kvöldbænir, báðir höfum við farið með kvöldbænir og beðið fyrir okkar ástvinum.

10. Vífilsstaðir, er snertiflötur vegna berklaveiki. Móðir Ólafs var berklaveik og dó. Móðursystir mín, Pálína Magnúsdóttir var á Vífilstöðum og höggvin og lifði langa æfi. Fór út á kayakróður með hjálparmanni í tilefni 80 ára afmælis síns, út frá Austfjörðum. Það skildu fáir kjark og þrek Pálínu.

11. Köpuryrði höfum við báðir þurft að þola af samferðamönnum. Ólafur var sagður vera með skítlegt eðli og ég fékk einkunina leiðinlega innrættur og vildi láta á mér bera. Þessi köpuryrði hristum við af okkur.

12. Við áttum báðir heima á Óðinsgötunni og áttum Ingibjörgu Þorbergs sem vinkonu. Við Arnbjörn bróðir veiddum fyrir hana hornsíli sem hún hafði í glerbúri sér til skemmtunar. Það var fínt að sníkja lakkrísafskurð í Lakkrísgerðinni hjá Steina. Svo bauð hún mér að syngja í barnatíma sem ég held að ég hafi gert.

Glæsilegt hús Hótel Saga

Það var glæsilegt framtak þegar bændur byggðu Hótelið í Reykjavík. Bæði sem gististað fyrir bændur og svo stafsemi félagsamtaka bænda. Ég þekki svo sem ekki hvernig byggingin gekk, auðvitað vantaði pening í þetta dæmi og þá var lagt á svokallað innvigtunargjald á mjólk og fór það í bygginuna. Ekki veit ég hvað mikla fjármuni bændur lögðu til með þessum hætti, það er annara að upplýsa það.

Það er svo sem gleðilegt að Háskóli Íslands náð því að eignast húsið og gott fyrir bændaséttina að fá kaupanda. En bændur eiga góða að í stjórnmálunum. Ekki má gleymað því Eitthvað af þessu fjármagni eru á grundvelli makaskipta.

Þó hefði verið ánægjulegt ef einhver hluti nýttist áfram fyrir starfsemi bænda.

Það verður mikið áfall þegar bændur uppgötva þetta og ég er satt að segja hræddur um að láta Hótel Sög af hendi skaði sjálfsímynd bænda, þó þeir muni ekki viðurkenna það. En það að sætta sig að eignin hafi verið orði svona skuldsett að ekki hafi verið hægt að hanga á húsinu er ekki gott.

Mér þykir háskólarektor hafa vera of fljótur á sér að ætla sér að ráð því hver þróunin verður um nafngift á staðnum. Skemmtilegra hefði verið að efna til hugmyndakeppni um nýtt nafn. Sjálfum finnst mér Sumarhús koma eitthvað til greina.

En það er merkilegt hvað bygginarstarf bænd hefur dugað  lista og menningarlífi Reykjavíkurborg. Má þar benda Listaháskóla Íslands sem mig minnir að komið sé frá SS, Þjóskjalasafnið var Mjólkur samlag. Áburðarverksmiðjan var að vísu byggð af ríkinu fyrir Marsallhjálpina. Þar er Baltasar búin að ná fótfestu. Þeir færa menninguna inn í þjólífið þeir feðgar.

Svona væri eitthvað hægt að halda áfram, en ættli þetta verði ekki látið duga. Vona bara að bændur fari ekki að grenja. Það verður voða erfitt að sætta sig við söluna á Hótel Sögu. ,,Og hvar eigum við að gista Gunna mín meða alla þessa krakka?

„Finnst nafnið Saga mjög fallegt“

Það þarf að gaumgæfa málin og skipa nefnd vísind og ráðgjafarhóp.

Það er nauðsynlegt að ræða þessi mál. Ég býst við að heilbrigðisstéttinn haf gert og muni gera það sem þeim hefur verið kennt.

Ekki finnst mér að frelsi mitt hafi verið skert. Það er innan marka og hvað segir Frjálshyggjufélagið, það boðaði mótmæli?

Það er þessi spenna sem ruglar fólk það er auðvelt að þola þetta ástnd. Bara vera slakur og fara með æðruleysis bænina. Mér finns það næstum fáránlegt að stjórnvöld út um allan heim séu að nota þessa atburði tila búa til model sem gengu út á að láta alla lúta sér. Svoleiðis dugar ekki á Íslendinga.

Það hafa komið athugasemdir við bæði lyfið sem fólki finnst hafa verið ótrúlega fljótt að rannsaka og koma í umferð. Það má vera að þar eigi sér stað einhver fljótfærni. En allt er þetta staðlað samkvæmt bókinni og þekkingunni og ekkert breytis þó Þórólfur segi af sér og vera velta því fyrir sér að Þórólfur komi bara fram með minnisblað og leggi það fram si svona og ráðherrann og ríkistjórnin verði svo að taka taka ákvörðuna. Ja svona er stjórnkerfið.

 Fólk finnst að frelsi þess sé skert ef það er skildað að fara í bólusetningu er það ekki eitthvað til að vernda aðra. En vel að merkja, ég hélt að þegar maður væri bólusettur þá væri maður bólusettur. Og þar er svolítill veikur hlekkur að maður hafi bara verið bólusettur 70% eða 85% Ég vissi þetta ekki. Við þær aðstæður ætti maður að geta umgengist flesta án þess að taka smit af lausagöngu smitbera og gengið um án þess að hafa áhyggjur um að maður væri sífellt í hönk með heilsuna þarna er spurrning sem þarf að fara yfir

Svo kom þessi hugsanleg vitneskja um að eitthvað væri að og erfitt að gera sér grein fyrir hvað það væri. Sagt var sagt að konur væru með óreglulegar blæðingar. Mér fannst þetta vera móðursýki, en fór hvergi fram með þá fullyrðingu. Það væri lækna að útskýra það og þeir voru of seinir að útskýra það.

Það er svo lítil fyrirhöfn að vera með grímu en nauðsynlegt held ég og var of seint framkvæmt í upphafi faraldursins. Fólk gat þvælt það út og suður um að ekkert gagn væri að því. Hægt hefði verið að benda á að allstaðar þar sem uppskurður eða læknisaðgerð færi fram. Og hvers vegna til að veirur og sýklar kæmust ekki inn í líkamann. Þetta er nú ekki flókið.

Loftræsting er á flestum söðum rangt notuð. Lofti er blásið inn og þá þyrlast loftið til og allar agnir fara fljótt yfir. Það ætti að draga loftið út. Gunnar Bjarnason bændaskólakennari benti á þetta. Loftið ætti ekki að draga niður um strompinn frekar ættu loftop að vera á veggjum, þá væri ammoníaki ekki stöðugt dregið í geng um fjósið. Loftræstingu þarf að stórbæta og hugsa. Hér í minni íbúð er þetta svona að Þorrasölum. Loftið er tekið inn á tveim stöðum á baði og þvottahúsi fer beint út í íbúð og heldur stöðugu loftstreymi um íbúðina og fer svo út í gegn um loftop út í náttúruna. Enda eru ótrúleg loftgæði í íbúðunum. Viðmiðið er að blað A4 hangi uppi við túðuna og haldist þar, þá er loftstreymið í lagi. Spurningin er hvort hinn nýi vísindaráherra gæti ekki skipað Þórólfi vísinda og ráððgjafarnefnd.

Svo þyrfti að halda almannaráðstefnu þar sem yrð vettvangur umræðna og átaka.

Finnst að Þórólfur eigi að segja af sér

Vantar ekki að upplýsa fleira?

Fólkið sem hefur staðið í þessu málastappi hefur staði sig ótrúlega vel. Auðvitað var nauðsynlegt að ganga í málið og ég óska þeim til hamingju með þetta afrek.

Að vísu stendur mál dánarbú Tryggva Rúnara Leifssonar útaf.Sjálfsagt eru dómarar með einhver paragröf sem þeim er skylt að fara eftir sem skýrir þessa niðurstöðu. Er ekki svo vel að mér í þessum málum. En Alþingu verður að gera hliðarráðstafnir svo jafnræði sé með fólki.

Við sem erum á þeim aldri að hafa fylgst með stórnmálaþætti málsins þegar það var í atburðarrás dag eftir dag og á dagskrá í beinni línu frá Alþingu.

Það verður að segjast eins og er að það vantar eitthvert púsli í heildar myndina, finnst mér. Hvað það nákvæmlega er, er ekki gott að fullyrða. Þetta er allt til einhverstaðar. T.D. að fá rannsókarmann frá Þýskalandi o.s.frv. Til hvers voru Íslandingar ekki færir að rannsaka málið.

Það þarf að atvikagreina aðkomu ríkisvalds  og hvernig það fór að þróast í það að málið færi á hliðina. Setja svo svartan ramma utanum skýringar ríkisvaldsins.

 Það yrði gleggra að þáttur ríkisvaldsins væri dreginn glöggt fram og það birt í blöðum eða ritgerð. Auðvitað eru bæturnar sem þarf að greiða hluti af viðurkenningu  rkisins í geng um lög og dóma.

Sérstaklega væri áhuga vert að það væri greint af hverju málið dróst inn á Alþing og danshúsið Klúbburinn, var kominn í sviðsljósið.

Ekki meira í bili Gleðileg jól.

Óljóst hvort ríkið komi til móts við fjölskylduna

Hrútadómar. Fjölmæli

Það er víst ekkert nýtt undir sólinni. Auðvitað er búið að segja flest einhverni vegin á flestum tungumálum?

Lýsing á sauðfjársýningu

Texti svipaður þessum sem fer hér á eftir kemu oft fram í hrútadómum, gætu menn þá sagt, þetta er frá mér, allt stolið.

Prúður góður um herðar, hryggurinn breiður, góð lærafylling. Lágfættur rétt fótstaða. Ull ágæt. Gott heildarsamræmi.

Það væri hægt að segja að allar Þessar ávirðingar sem settar eru fram sé runa af fjölmælum sem borið er upp seðlabankastjóra. Íslendingar eiga doktorsritgerð um fjölmæli og væri rétt af þessum sagnfræðinug að fara glugga í þá bók.

Árni sakar Ásgeir líka um ritstuld