Hagkvæmar virkjanir við Blöndu

Í fréttinni segir ;

,,að þrjár virkjanir hafa verið til skoðunar. Sú efsta er Kolkuvirkjun sem virkjar fallið úr Blöndulóni yfir í Þrístiklu og verður stöðvarhús hennar staðsett sunnan við Þrístiklu. Næsta er Fannlækjarvirkjun sem virkjar fallið frá Smalatjörn í Austara-Friðmundarvatn og verður stöðvarhúsið staðsett sunnan við vatnið. Sú þriðja er Gilsárvirkjun sem virkjar fallið frá Austara-Friðmundarvatni niður í Gilsárlón og verður stöðvarhúsið staðsett mitt á milli Gilsárlóns og Austara-Friðmundarvatns."

Ég man ekki betur en það hafi alltaf verið gert ráð fyrir að byggja þessar virkjanir þegar samningurinn um Blönduvirkjun var gerður, gott ef ekki þær séu nefndar í honum.

Þarna er miðlunin öll fyrir hendi og veituleiðin. Það leynast víða matarholur í orkukerfi landsmanna.

Arðsemi virkjana hefur verið til umræðu. Aðal ávinningur landsmanna er auðvita að vera vinna við auðlindirnar. Ríkið fær skatttekjur af vinnu og aðföngum. Þetta er bara eins og hver annar búskapur.

,,Margs þarf búið með" segir gamall málsháttur. Það er alltaf hægt að auka og bæta búið svo er auðvita hægt að halda því í góðum og föstum skorðum.

Undirbúa þrjár smávirkjanir í Blöndu

Landsfundargestir sektaðir fyrir að leggja ólöglega

Vísir .is segir svo frá kl:17:22;

,, Stöðumælaverðir og lögreglan hjálpuðust að við að sekta bílaeigendur sem höfðu lagt ólöglega fyrir framan Laugardaldshöllina, þar sem landsfundur Sjálfstæðisflokksins fer fram. Á annað þúsund manns er samankominn við setningu landsfundarins sem fer nú fram og því er ljóst að það hefur verið erfitt að finna stæði. Vísir hefur þó ekki upplýsingar um það hversu margir hafa verið sektaðir."

Nú fór i verra. Nú er búið að uppgötva hvernig er hægt að skapa verðmæti

Verðum að skapa ný verðmæti

Það hló enginn

Hér læt fljóta eina örsögu af nágranna mínum fv. Birni Pálsyni á Ytri-Löngumýri. Það er spurning hvort það verði eitthvað hlegið eða klappað þegar Davíð heldur sína ræðu eins og venja er;

Umræður á Alþingi

Á Alþingi hafði Björn gaman af því að láta þingheim hlæja þegar hann hélt ræður. Var ekki sjaldan sem þingheimur veltist um að hlátri þegar hann steig í pontu. M.a. var Björn valinn skemmtilegasti maður þingsins af grínblaðinu Speglinum.

Eitt sinn flutti Vilhjálmur Hjálmarsson, þáverandi menntamálaráðherra í vinstri stjórn Ólafs Jóhannessonar, gagnmerkt frumvarp um grunnskóla. Að lokinni framsöguræðu sinni settist Vilhjálmur í sæti sitt. Hann sér þá að Björn tekur sig upp úr sæti sínu í þingsalnum og stefnir til sín. Taldi Vilhjálmur að nú ætlaði Björn að þakka sér fyrir skörulega framsöguræðu og gott frumvarp. Björn gengur til Vilhjálms, hallar sér að honum og hvíslar í eyra hans:  ,,Hvernig er það Vilhjálmur, það hló enginn ."

Heimild: Vilhjálmur Hjálmarsson fv. Menntamálaráðherra, ævisaga.

Landsfundur hafinn

Hlunnindabréf

Hugmyndir mínar um hlunnindabréf í Íslandsmiðum setti ég fram í janúar 1997 á miðstjórnarfundi Alþýðubandalagsins.  Er hugmyndin byggð á náttúrurétti einstaklinga til frelsis og sjálfsákvörðunar um eigin auðlind. Er hugmyndin reist á jafnræði borgaranna og kemur úr hugmyndafjársjóði samvinnu manna í Þingeyjarsýslu.

Í bréfi frá Pétri á Gautlöndum til Jóns í Múla er sagt að hlunnindabréf séu frábrugðin almennum hlutabréfum að því leiti að þau njóti minni árlegs arðs en hafa svo forgangrétt að eignum félagsins komi til skipta við upplausn þess. Heimild: Benidikt frá Auðnum íslenskur endurreisnarmaður.

Bréfin eru þannig hugsuð að ráðherra gefur á hverju ári út reglugerð um vísitölu veiðiþols og heildar afla að tillögu vísindastofnunar. Er öllum fisktegundir breytt í eina reiknitölu sem kallast þorskígildi. Þessi tala sem var um áramót 1996-1997, 461.070 tonn, er skipt á milli kosningabærra manna sem var 2.309 kg á kjósanda.

Bréfin þessi geta borgararnir nýtt sér, annaðhvort til að veiða sjálfir, ( gott í kreppu) eða setja þau á leiguuppboðsmarka eða lána þau og láta veiða fyrir sig.

Arðurinn eða leigan  af bréfunum skiptist milli einstaklinga og ríkis í hlutföllum 1/3 og 2/3.

Til að koma í veg fyrir röskun á stöðu útgerða og tímabundna óvissu í sjávarútvegi yrði að leiða í lög forleiguákvæði , sem tryggði rétt útgerða til afnota meðan kerfið væri að festast í sessi og útgerðirna að aðlaga sig og borga skuldir og afskrifa gömul skip.

Þau erfast ekki og óheimilt er að selja þau og veðsetja og réttindin fallið niður andlát borgarans. Þannig halda þau áfram að vera í vörslu þjóðarinnar. 

Þessi hlunnindabréf eru þegar til baka er litið, klæðskerasniðinn við niðurstöðu álits Mannréttindanefndar Sameinuðu þjóðanna. Og er ég nú frekar ánægður með að hafa hitt á rétta lausn í þessu máli og það liggi nú fyrir bókfest 12 árum síðar.

Allir fái veiðiheimildir

Vindmyllur í Blöndudal fyrir 60 árum

Þegar ég sá þessa frétt þá rifjaðist upp fyrir mér að þegar ég fór sem sumarstrákur að Syðri-Löngumýrir í Blöndudal 1954 þá var þar uppistandandi vindmylla til raforkuframleiðslu. Dynamór og rafgeymar.

Þegar betur er að gáð þá voru vindmyllur á mörgum bæjum sem ég man eftir. Á þessum tímapunkti voru þær komnar í vanhirðu. Aldrei var talað um þessar vindmyllur, eins og þær ættu sér enga sögu. Og einhverra hluta vegna grennslaðist ég aldrei um þetta vindmyllumál og kann engar skýringar á því.

Allavega læðist að mér sá grunur að þarna hafi verið eitthvert félagslegt framtak að ræða en svo hafi skort þekkingu til að halda búnaðinum við. Vindmyllurnar voru að mig minnir allar eins að stærð.

En ég hef fyrir satt að framleitt var rafmagn með vindorku , sem notað var til lýsingar í Blöndudal fyrir 60 árum.

Það er alveg klárt.

Vindmyllur á Íslandi innan árs

Landsfundur Sjálfstæðisflokksins

Einhver tjaldbúi ætti að dulbúa sig sem sjálfstæðismann og smokra sér inn á Landsfundinn og flytja eftirfarandi tillögu;

Landsfundur Sjálfstæðisflokksins hafnar því algjörlega að Austurvöllur sé notaður sem tjaldsvæði fyrir mótmælendur. Fundurinn ítrekar að þessi tjöld geti skyggt á styttu Jóns Sigurðssonar forseta og mótmælenda.

Fundurinn furðar sig á því að þeir á Hótel Borg skuli ekki vera búnir að mótmæla þessu tjaldbúðarlífi, nóg er nú plássið á Borginna. Enn furðulegra er að dómkirkjuprestar skuli ekki vera búinir að gera athugasemdir við þetta hátterni.

Fundurinn varar borgarstjórn Reykjavíkur alvarlega við að skipta sér af þessu máli, nema því aðeins að útveguð verði salernisaðstaða ef mótmælin dragast á langinn.

Landsfundur Sjálfstæðisflokksins mun aldrei taka ábyrgð á Hruninu eða nokkru sem því tengist.

Aldrei.

Enda var það fólkið sem brást ekki flokkurinn eins og karlinn sagði.

Tjöldin ekki til prýði

Jarðalögin 1976 og braskararnir

Jarðarlögin frá 1976 voru um margt ágæt löggjöf. Það hafði færst í vöxt að braskarar stæðu í jarðakaupum áður en sú löggjöf var sett.

Sveitarfélög höfuð forkaupsrétt að jörðum ef talið var að hagsmunir sveitarfélagsins krefðust þess.

Þá var ákvæði í lögunum að ef einhverskonar gervitilboð bærust í jarðeignir sem spenntu upp verð var hægt að krefjast þess að dómkvaddir matsmenn legðu mat á sanngjarn kaupverð. Þessi ákvæði eru nú öll horfin úr lögunum og hafa sveitarstjórnarmenn bent á það.

Með engu móti verður séð að erlendur aðili sem hyggst reisa hótel á Íslandi þurfi allt þetta landsvæði.

Aðstaða á landsvæði við norður Atlandshaf eru mikilvægir hagsmunir og er eðlileg að leiða að því hugan að þeir séu undirliggjandi.

Verði heimild til sölunnara hafnað koma skaðabætur ekki til álita. Enda er slíkur málflutningur fjarstæðukenndur og hefur ekki neina lagastoð.

Þess vegna væri innanríkisráðherra rétt og skilt í samvinnu við forsætisráðherra sem fer með þjóðlendueignir að bjóða Kínverjanum lóð til að byggja hótel þar sem þess er þörf.

Rétt er að vekja athygli á ályktun sveitarstjórnar Húnavatnshrepps nýlega þar sem ályktað er um hálendismiðstöð á Hveravöllum.

Á Hveravöllum eru sóknarfæri og þar er til deiliskipulag eftir því sem best er vitað og allt tilbúið en vantar fjármagn.

Olnbogar sig ekki áfram á Íslandi

Málaferli í Skálholti

Ég er nú frekar hlynntur varðveislu gamalla húsa og endurbyggingu þeirra, enda alinn upp í fallegum burstabæ úr torfi. En þegar ég sá fyrst fréttir af byggingu Þorláksbúðar við Skálholtskirkju og afstöðumynd við umhverfið þá fannst mér þetta algert stílbrot á umhverfinu, eins glæsileg Skálholtskirkja er. Við þessu virtist ekkert hægt að gera þar sem fullyrt var að öll leyfi væru fyrir hendi.

Ég var mjög óánægður að þeir sem eiga að gæta Skálholtsstaðar hefðu ekki komið auga á þetta stílbrot sem verið var að fremja á umhverfi kirkjunnar. Ég veit í raun ekki enn, hver fer með húsbóndavald í Skálholti, biskup eða dómsmálaráðherra ( innanríkisráðherra ) eða hver er landsdrottinn þar.

Það má búast við að Þorláksbúðarfélagið uni ekki þessari skyndifriðun, og leiti undankomuleiða í málinu með kærum eða úrskurðum.

Þótt Húsfriðunarnefndin hafi sitt í gegn er viðbúið að hún sé skaðabótaskyld í málinu vegna þess hve friðuninn er seint fram komin. Þó hefur Húsfriðunarnefnd upplýst að til greina komi að finna þessu merka húsi annan stað en þá þarf að vinna allt húsið upp og færa og er það ærið starf.

Er því rétt að biskup gangi nú á milli manna og reyni að leita sátta svo það verði ekki leiðindi út af þessu máli. Nógar annir eru nú hjá okkur bloggurum nú um stundir þó þetta bætist ekki við.

Skálholt skyndifriðað

Tilgangslaus framboð í Sjálfsstæðisflokknum

Fréttatíminn greinir frá því að svokallaðar lykilpersónur í sjálfstæðisfélagi Garðarbæjar, heimafélags Bjarna Benediktssonar formans Sjálfstæðisflokksins hafi reynt að koma í veg fyrir að eiginkona hans væri kosin landfundarfulltrúi. Þetta er ótuktarlegt athæfi og ekki gáfulegt í upphafi máls og taktlaust.

Mikið er talað um að landsfundarfulltrúar þurfi að eiga val, sem hægt sé að skera úr um í kosningum. Það liggur beinast við að Evrópusinnar innan flokksins komi sér upp frambjóðenda svo fundarmenn eigi eitthvert val og fram fari raunveruleg mæling á styrkleika málaflokksins innan Sjálfstæðisflokksins.

Lýðræðisáhugu Sjálfstæðisflokksins er blendinn. Sjálfstæðisflokkurirnn er búin að vera valdamikill í landstjórninn á síðustu öld og yfirráðagjarn í Borgarstjórn Reykjavíkur.

1905 voru sveitarstjórnarfulltrúar í Reykjavík 15 og hafa verið það lengst af með þeirri undantekningu þegar vinstri menn fjölguðu þeim upp í 21 sem var heimilt samkv. sveitarstjórnarlögu. Sjálfstæðisflokkurinn fækkaði þeim snarlega aftur niður í 15 þegar þeir komust til valda aftu.

Atorkusamur borgarstjóri getur möndlað með fyrirtæki borgarinnar til sölu því ekki þarf að hafa áhrif á nema 7 borgarfulltrúa til að hafa meirihluta um slík mál, eða eins og þokkalega hreppsnefnd út á landi. Ef fyrirsvarsmenn borgarinnar þyrftur að bera slík mál fram fyrir 60 manna borgarstjórnarþing kæmust menn að því hvar Davíð keypti ölið.

Þess vegna er nauðsynlegra að lýðræðishallinn sé leiðréttur í borgarstjórn Reykjavíkur, frekar en verið sé að efna til gervikosninga um formann Sjálfstæðisflokksins.

Sér engan tilgang með framboði

Sjálfsíkveikja í Sjálfstæðisflokknum?

Frambjóðendurnir verða bara að passa sig á því að vera með tvær ræður í handraðanum.

Þannig var Davíð Oddsson með tvær ræður á landsfundi Sjálfstæðisflokksins þegar hann fór á móti Þorsteini Pálssyni sitjandi formanni og felldi hann.

Eina ræði ef ef um tap væri að ræða og aðra ræðu ef sigur væri í höfn.

Það þarf margt að athuga þegar bálið brennur og vonandi verður slökkvuliðið á staðnum. Nema þriðja framboðið birtist.

Hanna Birna býður sig fram