Ástandskönnun- brunavarnir

Margir stórbrunar hafa átt sér stað í landbúnaði hér á landi og hundruðir húsdýra farist í eldi á undanförnum árum.

Nauðsynlegt er að fram fari útekkt á brunavörnum til sveita  og ástandskönnun á þessum málaflokki.

Ekki verður lengur við það unað að húsdýr brenni inni.

Í þessu tilfelli hefur væntanlega allur búsmali verið kominn út - vonandi, þó fréttin sé óglögg þegar talað eru um fjósþak, en fram kemur að rekinn hafi verið suðfjárbúskapur á bænum.

Rafmagnsmálin eru oft veiki hlekkurinn í þessum málum og eins er mikill eldsmatur í einangrun í loftum sem oft getur verið einangrunarplast og ef eldurinn læsir sig í það breiðist hann út um byggingar með leifturhraða.

Þetta á almennt um undanfarna bruna, en hér vantar gleggri fréttir af atburðum til að glöggva sig á aðstæðum.

En það er einboðið að gefa þarf brunavörnum til sveita meiri gaum  en gert hefur verið. Vissulega hefur ýmislegt verið gert og mér er kunnugt um að ýmsir sveitarstjórnarmenn hafa áhyggjur af þessum málum.

Væntanlega mun innganga í Evrópusambandið færa þessi mál til betri vegar,  þar sem hagsmunasamtök og stjórnvöld virðast ekki ráða við viðfangsefnið, en reglugerðir Evrópusambandsins bíða við þröskuldinn.

Útihús í ljósum logum

Hrói höttur

Sagan af Hróa hetti  er með verðmætustu sögum sem til eru.

,,Hrói höttur er persóna úr enskum þjóðsögum frá miðöldum. Sögurnar gerast á Englandi, nánar til tekið í Skírisskógi í Nottinghamshire í Englandi. Flestir sagnfræðingar eru þó á því að Hrói hafi verið fæddur í Loxley í suðurhluta York-héraðs og að hann sé grafinn í Kirkleesklaustri í vesturhluta Yorkhéraðs.

Í nýrri útgáfunum af sögunum og þeim sem þekktari eru er Hrói mikil hetja sem berst gegn óréttlæti og harðstjórn og er þekktur fyrir að stela frá þeim ríku til að gefa þeim fátæku. Hrói höttur er því orðinn eins konar staðalímynd manneskju sem er tilbúin til að gera hvað sem er, meira að segja brjóta lögin, til að aðstoða þá sem minna mega sín.

Í sögunum hefur Hrói stóran hóp fylgismanna, útlaga sem berjast með honum og styðja hann. Í nýrri útgáfum sagnanna er fógetinn í Nottingham mikill harðstjóri sem misnotar stöðu sína til að bæta eigin hag t.d. með ólögmætum eignaupptökum á landi, ofursköttum og ofsóknum á hendur hinum fátæku. Í sumum útgáfum er Jóhann prins andstæðingurinn, sem situr að völdum á meðan bróðir hans Ríkharður ljónshjarta er í krossför í landinu helga. Jóhann prins var uppi á síðari hluta 12. aldar og byrjun þeirrar 13. (f. 24. desember 1166, d. 19. október 1216). Hann var yngri bróðir Ríkharðs og tók við ríkinu eftir dauða hans. Jóhann hafði viðurnefnið lackland, sem þýðir í raun landlaus, vegna þess að sem yngsti sonur átti hann ekki tilkall til valda og erfða. Hann hefur verið nefndur Jóhann landlausi á íslensku og er í raun ekki sá þorpari og skálkur sem margar sögurnar um Hróa hött gefa til kynna. Hann er nú á tímum ef til vill frægastur fyrir að hafa undirritað Magna Carta sem minnkaði völd konungsins í Englandi og margir telja fyrstu tilburði til þess að koma á lýðræðislegum stjórnunarháttum í konungsríki.

Í elstu útgáfunum er Hrói höttur lágstéttarmaður en í þeim síðari er honum yfirleitt lýst sem aðalsmanni og landeiganda. Sumar sögurnar segja að hann hafi barist í krossferðunum en þegar hann kom heim hafi fógetinn veri búinn að yfirtaka landareign hans.

[breyta] Félagar Hróa hattar

Í nýrri sögunum er Maríanna unnusta Hróa. Henni er yfirleitt lýst sem hugrakkri og sjálfstæðri konu af aðalsættum.

Litli-Jón er einn einn af dyggustu stuðningsmönnum Hróa. Honum er yfirleitt lýst sem risavöxnum og sterkbyggðum manni. Þegar þeir Hrói hittast í fyrsta sinn reynir Litli-Jón að koma í veg fyrir að Hrói komist yfir brú og þeir berjast um það með stöfum. Bardaginn endar á því að Litli-Jón vinnur og skellir Hróa út í ána. Eftir bardagann fellst hann hinsvegar á að ganga til liðs við Hróa og berjast með honum gegn ofríki fógetans.

Tóki munkur er einn af óvenjulegri fylgismönnum Hróa. Honum er yfirleitt lýst sem feitlögnum, kátum og vingjarnlegum munki sem er auk þess mikill sælkeri bæði á mat og vín".

Heimild: Wikipedia

Okkur veitir svo sannarlega ekki af að rifja upp söguna af Hróa hetti. 

Hrói höttur býr í Grafarvogi

Forsetinn spámaður?

Gamalt máltæki segir að enginn er spámaður í eigin föðurlandi, Lúk. 4, 24

Nú virðist Ólafur forseti á Bessastöðum vera orðin spámaður í eigin föðurlandi.

Í fyrra þegar Eyjafjallajökull fór að gjósa hafði hann að orði við erlenda fjölmiðla að þetta væri bara byrjunin. Og náttúrlega varð allt vitlaust.

Bændur hafa þurft margt að þola við búskap sinn. Mæðiveiki, fjárkláða, eldgos, riðuveiki og reglugerðarfargan úr landbúnaðarráðuneytinu. Tvö síðartöldu atriðin hefur færsluhöfundur reynt eigin skinni. 1996 var fjárhjörðin felld daginn fyrir sumardaginn fyrsta. Krafan var að fella alla hjörðina þó aðeins ein kind hefði orðið veik. Vatnsdælir bjuggu við riðuveiki í 100 ár og voru flestir bjargálna.

Engum datt í hug að riðubændur þyrftu áfallahjálp og stéttarsamtökin buðu ekki einu sinni í kaffi. Riðuniðurskurður tekur af einum degi og svo getur maður farið til útlanda á eftir.

Sú staða sem upp er nú vegna eldsgoss úr Grímsvötnum er miklu alvarlegri en menn gera sér grein fyrir. Sauðfé er flest komið á beit og allur gróður er ónýtur. Lömb villast undan ef þrengt er að fénu. Ær hætta að mjólka. Þetta er verra en að fá á sig stórhríð að hausti, því möguleiki er á að draga fé úr fönn. Ef fé flæmist í skurði við þessar aðstæður er það komið í ógöngur og getur verið erfitt að bjarga því. Svo eru það dýraverndarsjónarmiðin hvernig á að meta stöðuna ef hún er erfið. Síðan er það sálarstríð bændafólks hvað verður um þetta allt saman.

Svo er það ferðaþjónustan sem er alveg sér kapítuli og miklir hagsmunir og daglegt líf venjulegs fólks.

Samúð mín er svo sannarlega hjá þessu fólki.

Það þarf að fara huga að svæðaskipulagi vegna sauðfjárframleiðslu og gera hana álitlega á svæðum svo sem Vestfjörðum og Húnavatnssýslum þar sem gnægð er góðra bithaga. Vestfirðir hýstu í eina tíð um 30 þúsund mans.

Gosmökkurinn í 5-7 km hæð

Að éta upp afskriftirnar

Í atvinnurekstri er stundum talað um það að þessi eða hinn sé að éta upp afskriftirnar. Rekstrarreikningur fyrirtækja saman stendur af tekjum fyrir selda vöru og þjónustu og gjöldum. Gjaldahliðin getur verið margbreytileg svo sem laun, aðföng, obinbergjöld og afskriftir eða fyrning véla og fasteigna og svo hagnaður eða tap. Sá sem getur ekki lagt fyrir afskriftirnar getur aldrei endurnýjað búnað sinn eða fasteign. Hann gengur á hag sinn.

Þetta er svolítið þreytandi umræða um Landsvirkjun. Fyrirtækið virðist aldrei eiga aur fyrir neinu og alltaf vera á snöpum eftir lánum. Þó er t.d elsta virkjunin, Búrfellsvirkjun búin að starfa í 44 ár. Eitthvað gull er hún búin að mala. Hvert fóru afskriftirnar?

Árið 1967 starfaði ég við byggingu Búrfellsvirkjunar. Við vorum fjórir eða fimm sem unnum við það verkefni að slá upp og steypa súluna sem deilir vatni úr aðalgöngunum niður á aflvélarnar. Félagar mínir voru mér minnistæðir Kristján Þorsteinsson frá Blönduósi og Georg Sigurvaldason frá Eldjárnstöðum. Einnig vorum við ásamt öðrum við að steypa í kring rörinn sem vatni fossaði um til aflavélanna.

Svo var haldi áfram að virkja upp eftir Þjórsá en aldrei virðist Landsvirkjun eiga pening. Alltaf að slá lán. Þetta er stórfurðulegt.  Þetta er verðugt verkefni fyrir ötula hagfræðinga að velta fyrir sér og upplýsa.

Í minni sveit, Svínavatnshreppi, lánuðu gamlir menn búnaðarfélaginu peninga ef það þurfti að kaupa traktor og jarðvinnsluverkfæri.

Lánshæfi Landsvirkjunar lækkar

Karlakór Kjalnesinga á Þingvöllum 17. júní n.k.

Karlakór Kjalnesinga hélt vortónleika 7. maí s.l. í Langholtskirkju. Jafnframt er þetta ár afmælisár kórsins en hann er 20 ára um þessar mundir. Söngstjóri kórsins frá upphafi er Páll Helgason sem lætur nú af störfum og vóru karlakórsmenn að kveðja þennan frumkvöðul og samherja í söngnum.

Efnisskráin var þekkt íslensk lög. Þetta var dúndur góður söngur. Afburða gott jafnvægi í röddum og kórinn var eins og hljóðfæri í höndum Páls. Maður fann það þegar þeir byrjuðu að syngja Kvöldið er fagurt, hvernig öll veröldin leið inn í kvöldið hægt og mjúklega eins og maður væri með yngismey í fanginu.

Svo þegar þeir sungu Fallið Skjaldbreið þá var nú heldur en ekki betur tekið rösklega á, en þá svona einhvernvegin alveg lausir við allt óþol og alveg slakir og náttúrusprottnir. Þá kom fram í kynningu að þeir hefðu gengið á Skjaldbreið og sungið öll 13 erindin  þar.

Öll söngdagskráinn var ein samfella af ljúfum og fallegum söng án sérstakra átaka en allt skilaði sér til áheyrenda og vakti upp gleði og ánægju. Söngurinn var svo mildur og lýriskur.

Karlakór Kjalnesinga á uppruna sinn á Kjalarnesi og í Kjós og víðar um sveitir. Kórinn er skipaður af mörgum hressum hestamönnum og hafa hestaferðir ýmiskonar verið snar þáttur í félagsstarfi kórsins. Þessi uppruni og tenging við landi virðist skila sér afar vel í söng kórsins

Það er því vel til fundið að kórin mun syngja í þjóðgarðinum á Þingvöllum 17. júni á 200 ára afmæli Jóns Sigurðsonar forseta.

Þar mun kórinn breiða út faðminn og taka sumarið í fang sér og syngja fyrir Íslendinga sem vilja vera á Þingvöllum á þessum tímamótum.

Heimasíða kórsins er www.karlakor.is

Mjólkurtrukkurinn

Réttarkerfið er eins og mjólkurtrukkur með drif á öllum hjólum. Hann malar sig í geng um skaflana og ófærðina og tínir upp mjólkurbrúsan og kemur þeim í kaupstaðinn svo fólkið fái mjólkina.

Þetta mál á nú eftir að fara fyrir Hæstarétt. En við sjáum hvað setur. Þetta stefnir í rétta átt.

Bera ábyrgð á eigin lánum

Þjóðgarðurinn á Þingvöllum

 Málavextir:

,,Álfheiður Ingadóttir, formaður Þingvallanefndar, kveðst í yfirlýsingu ekki hafa séð bókun sem nefndarmenn Sjálfstæðisflokksins boðuðu vegna orða sem féllu milli Þráins Bertelssonar og Þorgerðar Katrínar Gunnarsdóttur".

Álfheiður gefur eftirfarandi yfirlýsingu:

,,Núverandi Þingvallanefnd hefur á starfstíma sínum tekist að vinna að framgangi margra heillavænlegra mála sem varða framtíð þjóðgarðsins á Þingvöllum og hefur nefndin verið samstíga um allar stærstu ákvarðanir".

Síðan er greint frá orðkarpi milli alþýðuforingjans Þráins Bertelssonar  og Þorgerðar Katrínar Gunnarsdóttur alþingismanna. Ekki verður fjölyrt um þessi orðaskipt þar sem almenningur hefur ekki fengið upplýsingar um þennan fund. Síðasta fundargerð sem er birt um störf Þingvallanefndar á netinu er frá 2. febr. 2011. Síðan eru liðnir 3 mánuðir.

Kjarni þessa máls er sá að Þingvallanefnd er búin að samþykkja að framlengja lóðarleigusamninga vegna sumarbústaða við Þingvallavatn innan þjóðgarðsins sem henni bar engin skylda til.

Að mínu mati átti að semja brottfara- og rýmingaráætlunáætlun sumarbústaða úr þjóðgarðinum og gefa eigendum hæfilegan frest til þess og þá á ég við nokkur ár.

Þá er það tilefni til athugunar hvort sumarbústaðaeigendur innan þjóðgarðsins hafi verið á listum til framboðs til dómnefndarstarfa vegna Hugmyndaleitar en það gerir þá vitaskuld vanhæfa til starfa vegna eigin hagsmuna innan þjóðgarðsins.

Bókun hefur ekki borist

Ísbirnir éta lítil börn

Ísbirnir éta lítil börn þegar þeir eru svangir. Þeir eru ógurlega sterkir  og geta brotist út úr búrum sínum og tekið börnin. Þetta er staðreynd. Ég mundi ráðleggja barnafólki að taka ekki mark á Bestaflokknum varðandi þessi ísbjarnarmál. Því miður er þetta ekki raunhæft mál.

Hitt er eðlilegra að Bestiflokkurinn boðaði borgarafundi vítt og breytt um borgina þar sem þessi mál væru rædd samhliða skólamálunum og hvað væri í matinn í skólunum og hvort nokkur væri svangur.

Bestiflokkurinn gæti afturá móti efnt til hópferðar í sumar á Hornstrandir og Jökulfirði til að skoða refi. Refir á Hornströndum eru friðaðir líkt og Bestiflokkurinn í Reykjavík og eru ákaflega fallegir og vinalegir eins og fólkið í Bestaflokknum. 

Læt hér fylgja með myndir af refum á Hornströndum sem voru teknar þar. Takið eftir því að þeir borða af leirtaui.

Besti flokkurinn safnar fyrir ísbirni

Hvað þýðir orðið mútur?

Orðið mútur er oftast notað um það þegar borið er fé á menn í hagnaðarskini þ.e. fá einhverjar ívilnanir í staðin eða gott veður í einhvejum málum.

Samkvæmt Íslensri orðabók þýðir orðið mútur einnig;

1 tíminn , þegar fuglar fella fjaðrir.

2 raddarhæsi á kynþroskskeiði pilta.

Heimild: Íslensk orðabók bls 451. Bókaútgáfa Menningarsjóðs 1963.

Biðst ekki afsökunar

Af Hrafnkatli Freysgoða

Hrafnkelssaga Freysgoða greinir frá miklum höfðingja á Austurlandi sem var yfirgangssamur ósvífinn og frekur við samtímamenn, en linur og blíður við þá er fylgdu honum að málun.

Hann drap smalamann vegna þess að hann hafði riðið graðhesti hans í leyfisleysi. Urðu af þessu málaferli og var Hrafnkell dæmdur féránsdómi á Alþingi. Þá var löggjafarvald og dómsvald sæmilga sterk og í stakk búið að sinna sínu hlutverki, en framkvæmdavaldi veikt. Þannig vissi Hrafnkell að erfitt yrði að koma fram hinum uppkveðna dómi yfir honum þar sem hann var aðal höfðingin á Austurlandi og engir höfðingar sem gætu stutt dómhafan til að fullnusta dóminn yfir Hrafnkatli. Það tókst þó að loku.

Það er eðlilegt og tímabært á þessum degi að gefa gaum, hvernig ríkisvaldi er statt á Íslandi. 

Ríkisvaldið er flókið fyrirbæri en greinist í þrjá þætti. Löggjafarvald sem Alþingi og forseti fara með. Dómsvald þar sem dómarar dæma eftir settum lögum og réttarvenjum og svo framkvæmdavald sem er ríkistjórn, sveitarstjórnir og allskonar stofnanir og samtök, þar á meðal stéttarfélög sem í dag halda daginn hátíðlegan.

Talað hefur verið um ráðherraræði og þeir hafi mikil áhrif. En er það svo?

Þegar horft er yfir sviðið nú á tímum er framkvæmdavaldið frekar veikt. Það hefur mikið verið talað um Fjármálaeftirlitið og Seðlabankann og að þessar stofnanir hafi klikkað í aðdraganda hrunsins og allir menn líkir Hrafnkatli Freysgoða hafi fengið að leika lausum hala.

En hvað um aðra þætti ríkisvaldsins svo sem skattembættin, sýslumamsembættin og  Ársreinignsskrá svo dæmi sé tekið.

Það hefur komið fram að einn útgerðarmaður sem situr á Alþingi gat greitt sér milljóna arð af útgerð sinni þó hún sýndi tap. Þetta á varla að vera hægt. Af hverju sá skatturinn þetta ekki?

Dæmi kom upp að skuldabréf var þinglýst á hús sem ekki var búið að taka grunnin af. Af hverju tók sýslumaðurinn ekki mynd af húsinu?

Fyrrverandi formaður Vinnuveitandasambands Íslands sem rak steypufyrirtæki og var komið í mikið þrot var spurður að því hvers vegna hann hafði ekki sent Ársreikningsskrá rekstrar og efnahagsreikning fyrirtækisins til Ársreiningskrár svo hægt væri að greina stöðuna.

Þá svaraði kallinn, ekki er ég að spyrja ykkur í hvernig nærbuxum þið eruð. Nærbuxur eru sem sagt orðnar aðal gunnfáni atvinnurekenda enda eru þeir margir komnir með allt niðrum sig, þó svo margir séu vel girtir í brók.

Niðurstaða mín svona í fljótlegheitum er sú að dómskerfið er í góðu lagi. Löggjafarvaldið er svona bæði og, ákveðin trygging eftir að það komst í hendur þjóðarinnar með atbeina forseta Íslands, þó það sé að vísu mjög vandmeðfarið ákvæði.

Framkvæmdavaldið er veikt eins og á dögum Hrafnkels Freysgoða.

Góðar stundir.

„Hingað og ekki lengra“