Pálsætt á Ströndum

Barn þetta verður af Pálsætt á Ströndum í föðurætt og þykja það mér góð tíðindi.

Pálsætt á Ströndum er rakin frá Páli Jónssyni f. 1795 í Ávík, Árneshr., bónda í Kaldbak í Kaldbaksvík á Ströndum og konu hans Sigríði Magnúsdóttur f. 1795 á Hellu, Selströnd Kaldrananeshr.

Páll og Sigríður bjuggu víða á Ströndum svo sem á Kaldbak, Skarði og Svanshóli sem meðfylgjandi mynd er af. En Gunnar Arnar maður Katrínar er frá Svanshóli í föður ætt.

Um Pál var sagt: ,, Vandaður maður og vel að sér ,góður skrifari og í raun listaskrifari".

Um Sigríði var sagt: ,,Að mannskostum jafnoki manns síns".

Móðursystir mín Pálína Magnúsdóttir tók þetta niðjatal saman í samvinnu við Ættfræðistofu Þorsteins Jónssonar og er það gefið út 1991. Er það í þrem bindum alls 1020 blaðsíður.

Menntamálaráðherra á von á barni

Athugasemdir

[Sigríður Jósefsdóttir, 25.11.2010 kl. 22:14]

Pálsætt sú sem þú nefnir af Ströndum er einungis hluti hinnar eiginlegu Pálsættar af Ströndum.  Allir aðrir en Þorsteinn Jónsson vita að hin eiginlega Pálsætt af Ströndum er rakin frá Páli Björnssyni í Reykjarfirði nyrðri, afa Páls í Litlu-Ávík.  Sá átti tvo syni, Jón Pálsson, föður Páls Jónssonar, og Sigurð Pálsson sem bjó á Horni í Hornvík, og mikill ættbogi er kominn af, og þar á meðal ég.

[elva Hallgrímsd (IP-tala skráð) 26.11.2010 kl. 00:32]

er stolt og ein af Pálsætt :) Evu Magnúsard= Arngrímssonar frá Reykjarvík á Strondum :) en barn ráðherra á ættir að rekja til Svanshóls á Strondum barnabarn Sigvalda :)

[Þorsteinn H. Gunnarsson, 26.11.2010 kl. 07:12]

Þessi sneið til Þorsteins Jónssonar er óþörf því hann getur þess í formála um framættir, séu af Páli Björnssyni þ.e. hin eldri Pálsætt.

Hefur Theodór Árnason verkfræðingur , lagt þær að mestu til.

Eru nu ekki allir kátir og glaðir við þessa leiðréttingu?