Hvert er verðið?

Er nú ekki rétt að spyrja um verðið áður en farið er að kaupa.

Ekki getur ríkisvaldið  fara sprengja upp jarðarverð, og gera þannig leiguliðum og frumbýlingu erfitt fyrir. Hátt jarðarverð hefur bein áhrif að verð búvöru, sem eru öllum almenningi nauðsynlegar.

Eðlilegast væri að miða við fasteignamat.

Vilja að Grímsstaðir verði þjóðareign

Prófessorinn sem fann ekki sjálfan sig

Einu sinni var prófessor sem var voðalega mikið utan við sig eins og almennilegir prófessorar eru. Þegar hann var að klæða sig á morgnana þá fann hann aldrei fötin sem hann átti að fara í. Prófessorinn vildi ráða bót á þessu og ákvað að skrifa niður hvar hann setti fötin um kveldið svo hann gæti gengið að þeim vísum að morgni.

Síðan byrjaði hann að skrifa; Jakkinn á stólbakið, buxurnar á herðatré, sokkarnir á stólinn og skyrtan á stólbakið og prófessorinn í rúminu. Hann var mjög ánægður með þetta framtak sitt eins og prófessorar eiga að vera þegar þeir hafa gert góða hluti.

Morguninn eftir vaknaði hann endurnærður og án fatakvíða og gat gengið að öllum fötunum á vísum stað eins og að framan greinir.

En þegar kom að síðasta liðnum, prófessorinn í rúminu þá fann hann engan prófessor þar og var verulega hissa á því. Þá hófst mikil leit. Og prófessorinn hélt áfram að leita og leita og leita og aldrei fann hann prófessorinn í rúminu og þannig held ég að sagan hafi endað.

Höfundur ókunnur.

Tók þátt í leitinni að sjálfri sér

Búnaðarlagasamningur

Það liggur fyrir að það þarf að gera svokallaðan búnaðarlagasamning við Bændasamtökinn og er undirbúningur hafinn við það mál. Það liggur fyrir að bændaarmur VG   ( Jón Bjarna, Ögmundur og Steingrímur) fara ekki að rugga bátnum og allra síst á Hólum í Hjaltadal við þær aðstæður.

Fyrsta mál á dagskrá VG í dag voru landbúnaðarmál.

Það er vafalaust búið að semja um þetta mál.

Þess vegna var þessi fundur svona hljóður.

http://bondi.is/pages/23/newsid/1100

Áfram samstarf vinstrimanna

Losa þarf þjóðvegina undan ágangi sauðfjár.

Borgfirðingar smala þjóðveg 1 og halda fénaði frá þjóðvegum. Borgfirðingar eru að standa sig í því að halda vegrollum frá þjóðvegum. Mér skilst að þeir fari með skipulögum hætti um þjóðvegi og komi vegarollum inn í næstu girðingu eða tún.

Hér áður fyrr gerðu ökumenn oft ráð fyrir því að get ekið þar sem fjárvon var á þjóðvegum og höfðu andvara á sé. Vegirnir voru þá miklu verri en nú, holóttir malarvegir þannig að hraðinn varð minni.

Nú er komin kynslóð sem gerir ráð fyrir því að vegirnir séu þannig að óhætt sé að aka þá án þess eiga von á kindahópum á vegum. Hámarshraði er 90 km/klst. Það segir sig sjálft að það er útilokað að verjast því að aka á kind á þeim hraða skjótist kind tilefnislaust úr leyni upp á þjóðveginn.

Í sumar fór síðuhaldari til Þingvalla og ók Mosfellsheiði. Þar var allt löðrandi í sauðfé bæði upp á vegi á og við vegkanta. Á veginum var töluverð umferð bæði hjólandi og akandi vegfarenda. Litlu mátti muna að þar yrði stórslys þegar ökumaður ósjálfrátt sveigði frá vegrollu og stefndi á hjólreiðarmann. Mátti í raun segja að vegurinn væri ófær vegna ónógs öryggis vegfarenda vegna aksturskilyrða.

Bann við lausagöngu sauðfjár fátítt á landsvísu

5 kindur stukku í veg fyrir bíl.

5 kindur stukku í veg fyrir bíl gæti þessi fyrirsögn á fréttinni alt eins verið.

Nú ætla ég ekki að mæla því bót að að bílstjórinn hafi horfið af vettvangi. En hann gæti hafa verið í sjokki eftir þetta. Væntanlega hefur hann ekki gert sér grein fyrir því að þarna gætu leynst kindur, ekið á 90 km hraða og kindurnar stokkið skyndilega fyrir bílinn og búmms. Engar sérstakar merkingar hafa verið upp um að þarna væri von á kindahópum á lausagöngu.

Skoðum málið aðeins nánar.

Þegar Vegagerð ríkisins leggur vegi girðir hún vegina af, fjárheldri girðingu. Síðan eru engar lögformlegar reglur til um það hver á að halda girðingunni við eftir því sem ég held. Það hafur lagst á bændur að halda við veggirðingu og Vegagerðin leggur til efni í viðhaldið. Ekki veit ég hvort einhver samningur er til um þessa tilhögun. Úttektarmaður frá Vegagerðinn tekur svo þessar girðingar út að haust. 

Vegagerðin greiðir bændum bætur vegna lands sem fer undir vegstæði, veg + 15-20 metra svæði hvoru megin við veginn svona nokkurskonar frísvæði. Þannig að Vegagerðinn er ekki eigandi að landinu undir vegamannvirkinn.

Þá er spurningin hver ber ábyrgða á því að sauðfé sé á vegum sem eru afgirtir. Samkvæmt núverandi tilhögun fellur tjónið alfarið á tryggingu bílsins. Bóndin fær sitt tjón bætt, en bíleigandi situr upp með tjónið á bifreiðinn. Hver á að sjá til þess að sauðfé sé ekki innan girðingar í vegstæðinu, bóndinn eða Vegagerðin?

Keyrði á kindur og stakk af

Ágreiningur jafnaður um framsal forsetavalds

Ágreiningur er risinn milli forsætisráðherra sem fer með málefni forsetaembættisins og Ólafs Ragnars Grímssonar á Bessastöðum. Snýst það um á hvað tímapunkti forsetavald er fært yfir til handhafa forsetavalds, svo og útlagðan kosnað og tímaleysi handhaf forsetavalds. Nú er sem kunnugt erfiðir tímar og í mörgu að snúast fyrir handhafa forsetavalds og er þeim örðug um vik að flengjast í tíma og ótíma 100 km til að taka í höndina á forseta Íslands vegna utanferða hans, sem eru margar.

Í yfirlýsingu Ólafs Ragnar Grímssonar segir eftirfarandi; Allt frá stofnun lýðveldisins hefur þessi flutningur á forsetavaldinu verið í formi handabands við brottför forseta þar eð ekki hefur fundist annað form sem tryggði jafn vel að enginn vafi væri um stað og stund slíkrar breytingar á forsetavaldinu, valdi sem t.d. getur skipt sköpum við setningu laga".

Takið eftir; ,,  þar eð ekki hefur fundist annað form". Þessa röksemd er ekki hægt að taka gilda.

Ég legg því til að útbúið verði eyðublað  á löggiltum skjalapappír þar sem valdaskiptin verða bókfest og allir hlutaðeigendur sem málið varðar skrifi undir og undirskriftirnar verði vottaðar.

Í skjalinu komi fram hvert forseti er að fara, erindi og hve lengi forseti hyggst dvelja erlendis. Klukkan hvað valdaskiptin fara fram og símanúmer ef eitthvað kemur upp á.

Skjalið verði í fjórriti og heldur hver aðili einu eintaki hver. Lögregla fylgi forseta út á flugvöll og votti það að hann hafi farið úr landi.

Þessi undirskrift eigi sér stað í annaðhvort skiptið í stjórnarráðinu og hitt skiptið á Sóleyjargötunni. Hlutkesti verði látið ráða hvorum staðnum verði skrifað undir fyrst eftir að þessi tilhögun tekur gildi

Framsalið í formi handabands

Veik staða Framsóknar í Húnavatnssýslum, Ströndum og Vestfjörðum

Ásmundur E. Daðason er til heimilis í Dölum vestur. Það má gera ráð fyrir að hann hafi drjúgt fylgi  þar og um nærsveitir.

Eftir sem áður verður veik staða Framsóknar í Húnavatnssýslum þar sem burðarásarnir hafa lengst af setið svo sem Björn á Löngumýri og Páll á Höllustöðum.

Þá eru Strandir ótaldar þar sem Hermann Jónasson var lengi þingmaður og allir Vestfirðir með öllu þéttbýlinu þar en Steingrímur Hermannsson var alþingismaður á þeim slóðum lengi vel.

En mestu áhrifin sem innganga Ásmundar í Framsóknarflokkinn hefur á stjórnmálalífið er brotthvarf Guðmundar Steingrímssonar úr Framsóknarflokknum og af vettvangi þingflokks Framsóknar.

Það leiðir hugann að því hve Framsókn og reyndar þingflokkar eru ginkeyptir fyrir því að samþykkja inngöngu flökkuþingmanna án þess að leggja mat á hvaða pólitískar afleiðingar það hefur á viðkomandi flokk og landsvísum og í hvaða erindagjörðum þingmenn eru þegar þeir banka upp á krefjast inngöngu eins og hverju öðru farfuglaheimili.

Hvort þeir eru að því til að hrekkja aðra, efla eigin hag eða bara fá gistingu og aðstöðu.

Ásmundur Einar gefur kost á sér í 2. sætið

Er Íslendingum ekki boðið að Bessastöðum?

,,Þátttakendur í samræðunni eru sérfræðingar og áhrifamenn frá Bandaríkjunum og Evrópu og hópur forystumanna frá kínverskum borgum og rannsóknarstofnunum. Kínversku þátttakendurnir eru frá Beijing, Sjanghæ, Hong Kong og Wuxi", segir í fréttinni.

Er Íslendingum ekki boðið að taka þátt í samræðunni? Það kemur ekki fram fréttinni og ekki heldur í fréttatilkynningu forsetaembættisins.

Hver er skýringin á því að Íslendingar fá ekki að vera þarna með?

Sjálfbærar borgir ræddar á Bessastöðum

Grillmeistarar hrunsins óttaslegnir

Nú er verið að tala um það að Alþingiskosningar geti hugsanlega orðið í haust.

Þá bregður svo við að grillmeistarar hrunsins  verða skyndilega óttaslegnir. Það er nú ekki gæfulegt fyrir þá að þurfa að fara eins og brunnir kjúklingar án skrautfjaðra í kosningar. Fólk verður að fara taka ákvörðun hvort það ætli að fara eða vera í framboði.

Merkilega er umræðan sem Hannes Hólmsteinn Gissurarson stóð fyrir um ,,ekki" ráðningu Þorgerðara Katrínar Gunnarsdóttur sem framkvæmdastjóra Hörpunnar. Varla hefur hún þurft á nýju starfi að halda nema að sé einhver kosningabeygur komin í hana.

Svona verður um fleiri Hrunverja þeir fara að verða órólegir þegar þingkallið kemur.

Svo hefur Sjálfstæðisflokkurinn ekki enn gert innri úttekkt á afleiðingum stefnu sinnar eins og um var rætt á einhverjum landsfund að flokkurinn þyrfti að líta í eigin barm og gera upp hrunið.

Mig minnir að það  það hafi bara verið gert grín að því þegar farið var að tala um slíkt og það væri sóun á pappír að standa í slíku.

 

Stefnt að þingkosningum í haust?

Forusta VG styrkist

Nú eru ýmsir að fara á taugum yfir því að VG vilji endurskoða umsókn að ESB og má þakka fyrir að stafirnir tolli á bloggsíðum manna hér á Mbl.is.

Það eru nú hæg heimatökin að fá Jón Bjarnason til að fara yfir þessi mál og strika undir með rauðu, það sem þarf að gaumgæfa betur.

Þetta er allt saman auðvitað með ráðum gert að hafa Jón ekki í neinni þingnefnd svo hann hafi rýmri tíma við að endurskoða umsóknina. Má búast við að þetta verk taki nokkurn tíma en verði þó búið fyrir kosningar.

Allar aðstæður eru svo sannarlega að breytast mjög hratt í Evrópu og því má segja að staðan sé allt önnur nú varðandi Evrópumálin.

Vilja endurskoða ESB-umsóknina