Atkvæðamisvægið afnumið

lll.Kafli Alþingi

39. grein Alþingiskosningar

2. málsgrein

Atkvæði kjósenda alls staðar á landinu vega jafnt.

Þetta ákvæði er mikil tímamót fyrir lýðræði í landinu.

Stjórnarskrárfrumvarp samþykkt

Áburðarverksmiðjan í Gufunesi

Áburðarverksmiðjan í Gufunesi var vígð 22. maí 1954 en það ár hófst framleiðsla áburðar. Verksmiðjan var stofnuð árið 1952. Hún fékk rafmagn til framleiðslunnar úr Írafossvirkjun í Sogi. Á þeim tíma var ekki markaður fyrir alla þá raforku sem framleidd var nema til kæmi stóriðja. Sú stóriðja varð að áburðarverksmiðju í Gufunesi sem framleiddi köfnunarefnisáburð sem fékk nafnið Kjarni.

Bygging Írafossvirkjunar og Áburðarverksmiðjunnar var fjármögnuð með Marshall-aðstoðinni. Stofnað var fyrirtækið Áburðarsala ríkisins sem hafði einkarétt á innflutningi og sölu áburðar. Þetta fyrirtæki flutti inn steinefnaáburð, þrífosfat og kalí til að blanda með hinum íslenska Kjarna en köfnunarefnið í áburðinum var unnið úr andrúmsloftinu: Heimild Vikipedia

Áburðurinn Kjarni, ammonium nitrat NH4NO3, er hægt að nota í sprengiefnaframleiðslu. Kjarninn var fyrst framleiddur og var þá ókornaður og hafði sömu áferð og sykur. Erfitt var fyrir bændur að dreyfa honum þar sem hann fauk til í dreyfingu. Seinna var hann kornaður.

Áburðarverksmiðjan var í raun sprengiefnaverksmiðja og má sjá enn að ákveðin öryggisviðmið voru viðhöfð við byggingu hennar þar sem Kjarnin var geymdur í skemmum sem sprengdar voru inni berg. Samskonar verksmiðja sprakk í loft upp í Finnlandi.

Verksmiðjan skiptist í sýruverksmiðju, ammoniakverksmiðju og vetnisverksmiðju og svo seinna blöndunarverksmiðju.

Ég starfaði á vorinn á námsárum mínum í Áburðarverksmiðjunni og svo 3 misseri við efirlitsstörf í ammoniksal. 

1. október 2001 varð sprenging í rafmagnstöflusal í enda húss þar sem fer fram framleiðsla á vetni og ammóníaki: Heimild Morgunblaðið

Það var á þeim stað sem ég hafði aðstöðu og aldarfjórðungur frá því að ég fór þaðan. Upp úr því var áburðarframleiðsla aflögð í mannvirkjunum.

Sprengdu efni á bæ ódæðismannsins

Þungbær reynsla Norðmanna

Manni er nú þungt um tungutak við svona atburði og hugur Íslendinga er hjá frændum sínum og vinum í Noregi. Víða mátti sjá fána í hálfastöng á Íslandi í gær. Sorgin verður djúp og þung, en samt heldur lífið áfram.

Þetta mál verður erfitt fyrir norsku þjóðina. Það verður erfitt fyrir norsk stjórnmál. Það verður erfitt fyrir norsk lögregluyfirvöld það verður erfitt fyrir norska herinn. En Norðmenn munu snúast til varna gegn svona svívirðilegum atburðum. Samúðarkveðjur eru sendar frá þessari fátæklegu bloggsíðu. Kökkur er í hálsi og tár glitra á barmi.

En ;) - aumingjar og samtök þeirra sem ganga um og skjóta saklaus ungmenni verða aldrei liðin.

Í minningu látinna Norðmanna

Er rússneski sendiherran hlægilegur?

Á Íslandi má hver tala við hvern, ef einhver vill hlusta. Stjórnarskráin mælir fyrir um það.

Hinsvegar eru málefni ríkisins feld í ákveðnar skorður og kallast það stjórnskipun.

Þannig geta hreppsnefndarmenn spjallað saman um málefni síns sveitarfélags og ályktað um þau og snúið sér til viðkomandi ráðuneytis um úrlausn mála.

Fram kemur í fréttinni að hr. Elliði Vignisson bæjarstjóri Vestmannaeyja hafi rætt við sendiherra Rússa á Íslandi hr. Andrey V. Tsyganov um málefni og siglingar milli Vestmannaeyja og Landeyjarhafna og muni hann (sendiherrann) setja málið í farveg. Sendiherrann hefur sem sagt tekið við þessu erindi til meðferðar.

Þetta er nú svolítið skoplegt mál og hr. Elliða vorkunn þó hann leiti beint til sendiherrans þar sem íslenski utanríkisráðherran er aldrei heima. En vitaskuld er sendiherra Rússa rangstæður með þetta mál og hann hlýtur að gera sér grein fyrir því.

 

Leitar til Rússa vegna Landeyjahafnar

Mýrdælingar

Gengu þeir þá hver fram fyrir annan Mýrdælingar og þökkuð Vegagerðinni með mörgum fögrum orðum fyrir liðveislu og atbeina við að brúa Múlakvísl. Töldu þeir að snöfurmannlega hafi að verki verið staðið. Ármenn björgunarsveita voru sérstaklega heiðraðir.

Að því búnu gengu þeir allir sem einn maður, ásamt með Skaftfellingum, upp á Dyrhólaey, ristu þar upp torf og gengu í fóstbræðralag. Styggðust þá fuglar mjög og flugu upp.

Höfðu ýmsir mætir menn uppi merk orð um að nú verði allar deilur lagðar til hliðar um smáatriði tengd ferðaþjónustu.

Var þá haldinn stórveisla að Höfðabrekku á vegum Ferðaþjónustunnar og voru haldnar langar ræður og mikið skálað. Stóð sú veisla lengi. Var þar sérstaklega ákveðið að stofna sérstakt Vatnafélag um gerð framtíðar mannvirkja um Múlakvísl.

Leið svo sumarið.

Fagna nýrri brú

Múlakvísl yfir, umferðin undir

Er ekki mikið betra þegar nýtt umferðarmannvirki verður hannað við Múlakvísl að láta ána renna yfir, en hafa umferðina undir í steyptum stokk?

Ef það er hægt að reka 40 símastaura niður undir bráðabirgðabrúna að þá er nóg dýpi.

Ástæður fyrir því að brúin fór eru væntanlega að rýmið undir gömlu brúnni var of lítið, flóðið var of mikið, brúin var ekki nógu sterk, ásamt ýmsu öðru.

Ef málið er hugsað upp á nýtt og virkjanaverkfræðin notuð að setja umferðina í steyptan stokk og eða göng og áin látin renna frjáls yfir þann stokk þá er málið leyst varðandi framtíðarhlaup í ánni.

Eru ekki einhverjir góðir verkfræðinga tilbúnir til að hugsa málið og taka það sér?

Fylktu liði yfir brú

Vegagerdin stendur sig

Vegagerd ríkisins er med altraustustu stofnunum landsins.

Vegagerdin hefur lagt vegi um strjálbylt land og á heidur skilid. Leist úr margvíslegum  verkefnum.

Svo eru smákóngar í Mýrdal ad belgja sig út, daginn eftir ad brúinn fer vegna náttúruhamfara og telja þetta allt hid minnsta mál. Jafnvel ríkisstjórninni ad kenna. Menn sem hanga inni yfir ferdamonnum og drekka kakó yfir há bjargraedistímann.

Slíkir menn mega thakka fyrir ad fá far med rútunni til Reykjavíkur, fari Katla ad gjósa sem ekki er komid á hreint med.

Byrja á brúargerð í dag

Grundvallarkrafa í landbúnaði

Grundvallarkrafa varðandi landbúnað er sú að allir hafi jafnana rétt til að stunda landbúnað, ( atvinnufrelsisákvæði stjórnarskrárinnar) og taka þannig þátt í matvælaöryggi þjóðarinnar.

Kynbótastefna í nautgriparækt verði aðlöguð íslenskum aðstæðum þannig að Íslendingar þurfi ekki að reiða sig á innfluttan fóðurbætir, til mjólkurframleiðslu, frá öðrum löndum, sem kostar mikinn gjaldeyrir.

Það er ekkert matvælaöryggi í því að framleiða mjólk á innfluttu korni.

Og að bændur, án beingreiðslana frá ríkissjóði, verið ekki sektaðir við bústörf og búvöruframleiðslu. 

Vilja tryggja hagsmuni landbúnaðar

Mannfræðikenning um Skagfirðinga I

Af hverju eru Skagfirðingar eins og þeir eru; Félagslyndir, hestamenn, kvennamenn og söngmenn?

Heyrum hvað Páll V. G. Kolka segir um málið í bókinni Föðurtún bls.467:

,,Þrátt fyrir þá miklu blóðblöndun, sem orðið hefur milli Húnvetninga og Skagfirðinga á báðar hliðar, þá  hefur mönnum alltaf verið ljós sá mikli munur, sem er á skaphöfn manna í þessum tveimur héruðum og varla verður útskýrður nema með áhrifum ytra umhverfis og sögulegra erfða. Meginhluti Skagafjarðar er ein samfelld breiða með þéttsettri og víða tvísettri bæjarröð beggja megin Héraðsvatna, auk byggðar í Hegranesi og Vallhólmi. Héraðsvötn, sem að vísu voru allmikill farartálmi á sumrum, eru hin æskilegasta samgönguleið og skeiðvöllur á vetrum. Þar voru því ytri skilyrði til samfunda og andlegs samneytis miklu betri en í Húnavatnsþingi, sem er skipt í nokkuð jafnstór byggðalög með strjálbýlli sveit og ógreiðri yfirferðar í miðju, Ásum. Í þéttbýli og margmenni nýtur sín betur en í strjálbýli allur ytri glæsilbragur, íburður í klæðaburði, borginmannleg framkoma, létt skap og skáldlegt flug, hvort sem það fer um háloftin eða fast með jörðu. Litklæði og góður vopnabúnaður lagðist af, en fljótur og fjörugur reiðhestur kom í  þess stað sem merki ytri glæsimerki, jafnvel tilsýndar. Skagafjörður setti sitt mót á mennina. Fyrirmyndin þar varð glæsimennið, sem þeysti á fjörugum gæðingi og lét fljúga í hendingum".

Er þessi kenning héraðslæknis Húnvetninga ekki í fullu gildi og á vel við í dag.

Líf og fjör á landsmóti

Mikið riðið í Skagafirði

Það er mikið riðið í Skagafirði um þessar mundir.

Ég segi nú eins og karlin sem var að skoða og kaupa bíl og spurði;

,,Hvar er ryðið í honum".

Svarið hlýtur þá að vera; Nú út um allt, náttúrlega

Brekkan þéttsetin á landsmóti