Samfylkingin fer sjóleiðina

Búast má við að Samfylkingin verði að fara sjóleiðina til Seltjarnaness,  þar sem Jón borgarstjóri verður sennilega búinn að setja tollhliðið upp. Nema hann láti Samfylkinguna fá Smartkort að hliðinu.

Bátabryggjan á Seltjarnanesi er nú frekar lítil og stærstu skip sem geta lagst þar eru ca áttæringar.

Það getur orðið kalsamt fyrir Samfylkingarfólk að berjast fyrir Nesið ef það verður strekkingur að suðaustan. Vonandi verða engir sjóræningjar eða víkingar á leið þeirra.

Ekki kemur fram hvar VG heldur sinn flokksráðsfund en búast má við að rædd verða síðustu nýmæli varðandi búvöruframleiðsluna að sekta bændur við bústörf.

Svo auðvita fall Þorleifs Gunnlaugssonar til borgarstjórnar og ástæður þess og stórsigur flokksins í Strandabyggð.

En ég held að þeir leggi höfuð áherslu á búvörusektirnar til að þóknast Bændahallarmönnum en gera sér auðvita enga grein fyrir því að almenningur kemur til með að vera á móti svoleiðis sektum, sérstaklega á krepputímum þegar matur getur orðið að skornum skammti.

Það er þó bót í máli að Jóhanna hafi hvatt hingað Kínverja því þeir eru lunknir að lifa við fábreyttan kost svo sem hrísgrjón en þau getur við varla ræktað en eigum gnægð af fjallagrösum.

Boða til flokksráðsfunda

Bændur sektaðir við bústörf

Hvað hefur hlaupið í Jón Bjarnason, ætlar hann að fara sekta bændur fyrir að selja afurðir sínar. Ég hélt að það væri stjórnarskrárbundin réttur manna að hafa nytjar af eignum sínum svo sem bústofni vélum og fasteignum. Og að stjórnarskráin mælti fyrir um atvinnufrelsi borgaranna.

Nú hefur Steingrímur hvíslað einhverju að Jóni, að best væri að sekta bændur við bústörf.

 

Setja sektarákvæði inn í búvörulög

Framsókn flutt á Hornstrandir

Á meðan mannlíf og kátína ríkir í Reykjavík er Framsókn flutt til Hornstranda.

Ekki grunaði mig að ástandið væri svona alvarlegt hjá Framsókn.

Málefnasamningur undirritaður á Hesteyri

Trúnaðarsamtöl

Það er mikið um trúnaðarsamtöl núna í Ráðhúsinu. Þess á milli skreppur fólk út að gefa öndunum.

Þá þarf að liggja yfir útreikningum hvað mikið verði eftir þegar þetta og þetta er búið og hvað verði mikið eftir í afgang í leikskóla og svoleiðis.

Svo er það þessi helv.... jeppi sem Orkuveitan var að kaupa. Hann er vandræðamál og þarf að klára.

Hugsanlega væri hægt að lána bændum hann fyrir Austan til að slóðadraga öskuna niður í jarðveginn.

Það eru kaflaskil ef heimildin er marktæk að Hönnu Birnu hafi verið boðin staða forseta borgarstjórnar.

Það væri hægt að kalla;  samvinna án Framsóknar og væri geysi merkilegt framtak.

Bjóða Hönnu Birnu að taka sæti forseta nýrrar borgarstjórnar

Bandaríkjamenn farnir

Nú eru Bandaríkjamenn farnir frá Íslandi og Framsóknarmenn gufaðir upp frá stærsta þéttbýli við Faxaflóann, enda var heimilisfesta þeirra aðallega hjá Sölunefnd varnaliðseigna.

Það er ekki neinum vafa undirorpið að af Kínverjum má margt læra og sjálfsagt geta þeir ýmislegt af okkur lært líka.

Stjórnarfarið í löndunum er ólíkt en þeir þurfa ekki að glíma við misvægi atkvæða eftir kjördæmum eins og er hjá okkur því í Kína er bara einn flokkur og allt miklu auðveldara.

Nú eru kjaftakerlingar upp í Háskóla að raupa um það í fjölmiðlum að Davíð Oddsson væri að undirbúa framboð vegna þess að kommúnistar væru að yfirtaka landið.

Og ég sem hélt að hann væri kominn norður í Svartá í Húnavatnssýslu að veiða eftir að vera laus úr prísundinni ,,að svo stöddu".

Jóhanna: Lítum til Kína eftir fyrirmyndum

Óbarnvænt

Ég skil fyrirsögnina á þessari frétt Mbl.is þannig að það sé engin aðstaða á Alþingi að barna

Óbarnvænt Alþingi

Leiðarþing

Leiðarþing er útskýrt í orðabókum sem:

1. Fundur að loknu Alþingi, þar sem þingmaður gerir kjósendum grein fyrir störfum þingsins ( og frammistöðu sinni ).

2. Héraðsþing haldið að hausti að loknu Alþingi. 

Þingmenn gera nú heldur lítið með kjósendur sína milli kosninga og halda ekki leiðarþing nema þá helst út á landi.

Það væri nú sniðugt að háttvirtur 9. þingmaður Reykjavíkurkjördæmis norður héldi leiðarþing og gerði grein fyrir störfum sínum og fyrirætlunum.

Og horfði framan í kjósendur norðan Miklubrautar auglitis til auglitis.

Það borgar sig alltaf að hugsa áður en menn tala.

„Kostar okkur ekkert að doka við og hugsa"

Sjómennirnir mínir

Það er orðin venja að vera með smá einfalda athöfn við Minningaröldur Sjómannadagsráðs í Fossvogi. Þar er blásið í trompet  farið með bæna og lagður blómsveigur að Öldunum.

Í ár var staðinn heiðursvörður af Landhelgisgæslu Íslands og Norsku strandgæslunni. Myndirnar frá athöfninni eru frá 2009 og 2010.

 

Hér er skrá yfir sjómenn úr minni fjölskyldu. Þetta er góður hópur.

Móðurbróðir, Óskar Magnússon f. 31 des.1896 d. 24. jan. 1930, formaður, fórst með vélbátnum Snæbirni frá Súðavík.

Móðurbróðir, Þorvaldur Matthías Magnússon f. 19. ágúst 1895 d. 12.jan. 1976 Síðast bátsmaður á togaranum Ingólfi Arnarsyni. Af honum er til þekkt ljósmynd eftir Kaldal þar sem frændi er í sjóstakk og með sjóhatt, táknmynd fyrir íslenskan sjómann.

Móðurbróðir, Svanberg Magnússon f. 9. jan.1909 d. 25.apríl 1974 skipstjóri. Gerði út trilluna Rúnu frá Hafnarfirði. Bjó í húsi því sem nú heitir Nönnukot í Hafnarfirði og er lítið kaffihús.

Móðurbróðir, Þorsteinn Magnússon f.13.apríl 1913 d. 12. mars 1941 skipstjóri. Fórst með línuveiðaranum Pétursey.

Frændi, Hallgrímur Pétursson f. 16. des. 1916 d. 12. mars 1941 skipstjóri og stýrimaður. Fórst með línuveiðaranum Pétursey.

Móðurbróðir, Skarphéðinn Magnússon f. 16. febr. 1921 d. 26. júlí 1984 stýrimaður á ýmsum skipum.

Móðurbróðir, Einar Magnússon f. 4. júlí 1924 d. 2009. Háseti á ýmsum skipum. Víða þekktur í góðra vina hópi sem snjall munnhörpuleikari.

 

Mágur, Haukur Guðmundsson f. 20. apríl 1921 d. 16. nóv. 1991.  Skipstjóri og stýrimaður á skipum Jökla h/f. Var skipstjóri m/s Drangajökli sem fórst í Pentlinum við England 28 júní 1960. Þar björguðust allir og gat Haukur með naumindum synt frá sökkvandi skipinu síðastur. Síðar skipstjóri á Ísborginni sem var gamall síðutogari frá Ísafirði sem var breytt í fraktskip.

Mágur, Tryggvi Eyjólfsson f. 24. mars 1930 d. 16.mars 2010. Vélstjóri hjá Eimskipafélagi Íslands. Yfirvélstjóri á m/s Gullfossi.

Faðir, Gunnar Sigursveinn Arnbjörnsson f. 22. maí 1912 d. 14 apríl 1970. Háseti á togurum, Sambandsskipum og skipum Landhelgisgæslunnar.

Bróðir, Birgir Gunnarsson f. 20 okt. 1938 d. 18. febr. 1958. Matsveinn. Fórst með vitaskipinu Hermóði.

Bróðir, Arnbjörn Gunnarsson f. 19. okt. 1948 Sjómaður, stýrimaður og skipstjóri á skipum í Grindavík og nágrenni.

Systursonur, Birgir Kristbjörn Hauksson f. 26. okt 1962. Háseti á skipi Eimskipafélags Íslands um eitthvert skeið.

Bróðursonur, Gunnar Sigursveinn Arnbjörnsson f. 5 apríl 1978 Grindavík.  Sjómaður og skipstjórnarmaður á fiskiskipum.

Sonur, Erlendur Smári Þorsteinsson f. 27. maí 1971. Grásleppukarl eina fallega vorvertíð.

Frændi Birgir Gunnarsson stýrimaður hjá Eimskip.

Stjúpi Magnús Helgason 2.maður Aðalheiðar sjómaður í Grindavík.

Stjúpi Jón Guðmundsson kallaður Jón súgi frá Súgandafirði 3. maður Aðalheiðar skipstjóri og útgerðarmaður.

Sóphus sjómaður á Ströndum vinnumaður og sjómaður hjá Matthíasi í Kaldraðanesi og sjómaður þar og á Drangsnesi.

Frændi, Friðgeir Höskuldsson f. 31. júlí 1947.  Útgerðarmaður og skipstjóri á Drangsnesi á Ströndum

Ekki að gleyma mér, Þorsteinn Hallgrímur, messi á M/s  Öskju frá RVK háseti á Ísborginni RVK og háseti á Lofti Baldvinssyni eina vetrarvertíð undir Jökli. 30 tn. réttindi 1998

Tengdasonur, Auðunn Atli Sigurðssson, Ísafirði háseti m.a. á Guðbjörgunni um nokkurt skeið.

Til hamingju með daginn allir sjómenn.

Mikið um að vera á sjómannadegi

Vond staða

Þetta er virkilega vond staða hjá Framsókn. Riddarar og biskupar fastir innan um hróka á taflborðinu og geta sig ekki hreyft og ekkert fylgi eða neinir leikir í stöðunni.

Guðmundur Steingrímsson forsætisráðherra Hermannssonar forsætisráðherra Jónassonar, fékk hláturkast þegar kjósendur hans í Norðvesturkjördæmi mótmæltu ásökunum hans um að þetta væri allt saman forustunni að kenna. Það er afar slæmt að hlæja að kjósendum sínum og hætt við að Guðmundi verði ekki boðið kaffi á bæjum þegar hann lætur sjá sig í kjördæminu.

Sigmundur Davíð formaður, sem nokkrir bændur báðu um að verða formann, af því að hinir formennirnir voru ýmist farnir, vildu ekki vera eða komir til Kanarí, sagði að þetta væri sennilega gjörningur hjá Guðmundi annað væri ósvífni.

Framsóknarflokkurinn hefur einu sinni misst báða þingmenn sína í Reykjavík og nú missir hann borgarfulltrúann.

Þetta er afar, afar slæmt. Það er það eina sem er bót í þessu máli að þetta bitnar á svo fáum kjósendum.

Engar athugasemdir við forval Framsóknar

Þarf að mæla súrefnið

Ég er að velta þessu mistri sem liggur yfir byggðum. Hér í Reykjavík er ótrúlegt mistur. Þetta eru aðstæður sem ekki eru áður þekktar.

Mér finnst vísindamenn gefa sér ýmislegt fyrirfram ein og þetta sé allt saman öskumistur. Það þarf að velta þessu mjög vel fyrir sér.

Það er þekkt að það sem er svart drekkur sólarhita í sig. Landið er mjög dökkt núna vegna öskunnar sem er á yfirborði landsins á stóru svæði. Síðan þegar degi hallar gufar upp af landinu. Þannig að í mistrinu er mikill gufa.

Þá kemur upp spurningin um súrefnismagn andrúmsloftsins.

Ég held að það væri rétt að taka upp súrefnismælingar við svona aðstæður.

Eða er það ef til vill gert? 

Aukinn gosórói