Framsókn svona stór!!!

Það mætti halda að Sigmundur Davíð Gunnlaugsson formaður Framsóknarflokksins væri að segja þarna á myndinni að Framsóknarflokkurinn væri svona stór.

En er það svo? Siv Friðleifsdóttir sagði fréttum í dag að Framsóknarflokkurinn ætti að drífa sig í ríkistjórnin. Varla fer hún þá að greiða atkvæði með vantrausti.

Guðmundur Steingrímsson var fengin að láni í Norðvestur kjördæmi í síðustu Alþingiskosningum. Hann verður óhjákvæmilega að hugsa sér til hreyfings þar sem NV-kjördæmi er komið í niðurtalningu á þingmannatölu við næstu Alþingiskosningar úr 9 í 6. Hann hugsar sitt ráð.

Bjarni Ben er 25% maður nú innan Sjálfstæðisflokksins eftir Icesave og er því óstöðugur. Þess vegna þarf hann að láta á sér bera og flytja svona tillögu og er raunar skylda stjórnarandstöðu að gera slíkt.

Átakapunkturinn verður í Suðvestur kjördæmi í næstu Alþingiskosningum. Þar er mest fylgið.

Allar líkur eru á að Stjórnlagaráð mæli fyrir tillögum að jafna atkvæðavægi kjósenda. Þá verða til ráðstöfunar 16 þingsæti í SV- kjördæmi en eru nú 12.

Styðja vantrausttillöguna

Loðnan drepst eftir hrygningu

Loðnan  er mikilvæg fæða fyrir þorsk og hún auðgar lífríki sjávar. Hún virkar í raun eins og áburður á tún bóndans.

Loðnan hrygnir á sandbotni 2-6 ára gömul.

Loðnan drepst yfirleitt eftir hrygningu.

Þannig heldur hún áfram að að næra lífríkið og hverfur svo að loku inn í hringrás náttúrunnar.

Við strauma, öldurót og mikinn sjávargang getur hana rekið á land.

Það er allt saman eðlilegt.

Loðnu rekur á land

Icesave verði deponerað

Það er ekki gott að ráð í hvað forsetinn meinar með þessum fundi kl:15:00 en það gæti verið eitthvað af eftirfarandi.

1. Markmiðið gæti verið að vera í sviðsljósinu.

2. Auknar jarðabætur á Bessastöðum, endurvinnsla gamalla túna og nýir kartöflugarðar.

3. Dorrit ætlar að borga Icesave. Það hefði Snæfríður Íslandsól gert í hennar sporum.

4. Fyrirmæli til fjármálaráðherra að deponera Icesave með reiðufé gamla Landsbankans.

5. Tilkynning um að þau Dorrit hafi keypt Perluna og fari frá Bessastöðum á fardögum.

6. Hann hafi ákveðið að ganga í Framsóknarflokkinn og sé komin heim sem týndi sauðurinn.   

7 Þingrof og nýjar kosningar samkvæmt 24. gr stjórnarskrárinnar.

Forsetinn boðar blaðamannafund

Mólatoff og Steingrímur J.

Þekkt er sagan af Mólatoff, rússneskum áhrifamanni. Hann lifði allra hreinsanir af.

Eitt sinn höfðu vinir hans og stuðningsmenn áhyggjur af honum og óttuðust að það væri búið að farga honum. Þeir leituð og leituðu og ákváðu loks að fara heim til hans og spyrjast fyrir um afdrif Mólatoffs. Hver haldið að hafi komið til dyra nema náttúrlega Mólatoff.

Þannig verður þetta með Steingrím J. Hann mun mæta einn til dyra á morgun kl:11:00 í fjármálaráðuneytinu hvernig sem Icesave fer.

Og hann mun halda ræðu.

Ef já verður niðurstaðan segir hann að það sé mjög ánægjulegt að þetta hafi farið svona og ekki verið við öðru að búast. Nú sé vor í lofti og sauðburður brátt að hefjast og trillukarlar í önnum. Þetta styrki náttúrlega atvinnulífið og seðlabankastjóri geti haldið gjaldeyrissjóðnum við með lántökum. Öll fjármögnun verði auðveldari og lífið bjartara.

Ef nei verður niðurstaðan segir hann að því verði bara að taka eins og hverju öðru hundsbiti. Það hafi alltaf verið að vitað að mjótt hafi verið á mununum og ekki allt  fast í hendi þetta sé mikið ágreiningsmál. Nú verðu bara að bretta upp ermarnar og vinna úr málum og taka málið til varnar. Það sé auðvelt, því mörg rök hníga að því að við höfum góðan málstað að verja og margir vitmenn í lögfræðingastétt.

Ef niðurstaðan verður mjög stórt nei þá segir Steingrímur;

Nú verður gert hlé. Má ekki bjóða ykkur kaffi og vínarbrauð.

Síðan mun hann snúast á braut og hitta Jóhönnu vinkonu sína og fóstbróður og  láta húsvörðinn um afganginn í fjármálaráðuneytinu.

Steingrímur boðar til fundar

Niðursetning á kartöflum

Nú þegar þegar þjóðin stendur við dagsbrún nýrrar aldar og á ekkert nema ættjarðarkvæðin og sjálfa sig er nauðsynlegt að fólk fari að huga að því að undirbúa kartöfluræktunina. Víða um land er gnægð lands undir kartöflurækt. Bæði á bújörðum sumarhúsaspildum og öðrum gróðurreitum. Nauðsynlegt er að forsetinn verði í framvarðasveit í því máli eins og endranær og láti plægja dágóða spildu á Bessastöðum og gefi fólki kost á jarðnæði.

Í Reykjavík er þetta allt miklu átakanlegra. Þar hefur ræktarland undir kartöflugarða orðið að þoka fyrir byggingum. Er nú svo komið að til þess að komast í sæmilegan kartöflugarð þarf að aka fleiri tugi kílómetra upp í Mosfellssveit í svokallaðan Skammadal.

Þessum hlutum þarf að breyta. Kartöflugarðar þurfa að vera nálægt fólki. Þá er hægt að fylgjast betur með hvernig gengur. Hreinsa arfa vökva og verjast frosti. Það er líka ákveðin lífsfylling og gaman fyrir börn að fylgjast með hvernig gróðurinn þroskast og væntingin um góða uppskeru vex.

Víða er hægt að útbúa smá horn undir kartöfluræktun. Það þarf ekki að vera stórt í byrjun. Fyrst þarf að rista ofan af grassverðinum ef hann er fyrir hendi, hrista moldina úr þökunum og stinga svo garðinn upp og gera sáðbeðið myldið. Hægt er að bæta mold og sandi í garðinn efir atvikum.

Nauðsynlegt er að velja gott útsæði og er ýmist hægt að kaupa það sem útsæði en einnig er hægt að velja venjulegar kartöflur til útsæðis. Ekki er gott að nota smælki eða stórar kartöflur. Gott útsæði eru svona 35-50 gr kartöflur.

Útsæðið er látið spíra í kössum innivið í nokkurn tíma það flýtir fyrir sprettu. Útsæðið þarf birtu og hlýju. Spírunin getur tekið 4-6 vikur og er einmitt tíminn núna eftir Icesave, til að setja kartöflurnar í spírun þá eru þær tiltækar til niðursetningar í byrjun maí.

Að ýmsu öðru er að hyggja  svo sem áburði uppskerustörfum og geymslu og verður fólk sem ekki er vant kartöflurækt að lesa sig til um efnið.

Mjög mikill kjörsókn

Ársrit Sögufélags Ísfirðinga 2010

Ársrit Sögufélags Ísfirðinga 2010 er komið út. Forsíðumynd er af fjallinu Hesti og Folafóturinn séð úr Vigur. Guðfinna M. Hreiðarsdóttir formaður ritar formálsorð en þetta er 50. árgangur ritsins. Í ritinu eru 10 greinar eftir jafnmarga höfunda um hin ýmsu sagnfræðilegu efni. Í lokin eru svo upplýsingar um höfunda efnis menntun þeirra og störf.

Ég ætla mér að víkja hér lítillega að tveim greinum í ritinu, sú fyrr heitir Karítas Skarphéðinsdóttir frá Æðey í Ísafjarðardjúpi. Hér er á ferðinni móðuramma mín og finnst afkomendum Karítasar mikil heiður að þessi  ritgerð skuli birtast á þessum vettvangi. Höfundur ritgerðarinnar Karítas Skarphéðinsdóttir Neff er dóttur dóttir Karítasar en ritgerðina skrifaði hún í námi sínu í mannfræði við Háskóla Íslands 1993. Ritgerðin kemur hér fram og er dýrmætur fjársjóður og yfirgripsmikil um liðna tíma af fólki, málefnum og aldarfari. Allar ljósmyndir í ritinu þekki ég nema fyrstu myndina af ömmu Karítas.

Seinni efnið er vísnabálkur sem fyrirsögnin; Karítas Skarphéðinsdóttir frá Gunnarseyri, Sveitavísur í Skötufirði 1916. Er vísnabálkurinn prýddur 15 myndum af ábúendum og fólki úr Skötufirði. Það kom nú hálfgert fát á mig við að sjá þetta nafn staðfært á Gunnarseyri. Var þetta sama konan? Ég fór til móðursystur minnar Pálínu Magnúsdóttur sem var á níðræðisaldri, síðasta barn Karítasar á lífi, en lést 1. apríl s.l. og er útför hennar gerð frá Fossvogkirkju í dag. Þetta kom Pálínu í opna skjöldu, hún hafði ekki heyrt þessar vísur fyrr, en vissi að móðir sín var hagyrðingur og mikil kvæðamanneskja. Var hér önnur kona á ferð með sama nafni? Það gat varla verið, enda upplýstu 17 og 18 vísurnar að foreldrar Pálínu bjuggu á Gunnarseyri. Auk þess er systir Pálínu og móðir mín, Aðalheiður, fædd 1915 á Gunnarseyri. 

Magnús Gunnarseyri á,/unir fátækt glaður,/ Guðmundi er getinn sá,/ góður handverksmaður. Hans er kona Karitas/í kærleiksást þau búa/hana að dæma og hennar fas/heiminum má víst trúa.

Gumar af gjaldeyrisforðanum

Er ekki gjaldeyrisforðinn allur á lánum?

Hann er ekki eins og hey í hlöðu bónda að vori.

Hann er eins og fóðurbætir í geymslu og skuldin í kaupfélaginu.

Reyndar svarar formaður bankaráðs Seðlabankans Lára V. Júlíusdóttir þessu með því að segja að stór gjaldeyrisforði hafi áhrif á tekjuhalla bankans sem var 13.5 milljarðar tap.

Það er vegna þess að við þurfum að borga vexti af galdeyrisforðanum. Við eigum hann ekki skuldlausan.

Viðskipti við útlönd hafa verið hagstæð undanfarið þar höfum við verið í plús undanfarið og aðalástæðan er eflaust sú að mikið minna er flutt inn.

Seðlabankastjóri fer alveg í gegn um sig þegar hann segir að raddir um greiðsluþrot hafi þagnað þegar hann í sömu andrá telur að ríkisjóður þurfi á fjármögnun að halda erlendis frá.

Af hverju þarf ríkissjóður að fjármagna sig á erlendum mörkuðum  ef allt er hér ókey?

Það er gott að vera bjartsýnn en það er nauðsynlegt að segja satt eins og borgarstjóri um orkuveituna, bara segja satt.

Ég held að það sé rétt af stjórnvöldum að búa þjóðina undir mikla erfiðleika.

En saman munum við eigi að síður vinna okkur í gegn þá.

Og þá er hugsanlega hægt að að hafa þjóðina með sér og stökkva sundurlyndisfjandanum á flótta.

En það þýðir ekki að allir eigi að halda kjafti.

Raddir um greiðsluþrot þagna

Alþingi við Öxará

 

Þingvallasveit

 

Við skulum ganga í Þingvallasveit,

sólin hún vermir hvern stein og hvern reit,

Skóginn við skoðum og slóðirnar rekjum,

söguna ræðum og andann upp vekjum.

 

Leiðin hún liggur um kletta og klungur,

krókótta stíga er liggja yfir sprungur.

Spörð eftir rjúpu á leiðinni sjást,

söngglöðum fuglum og kjarri að dást.

 

„Gættu þín kona, hér er hætta og vá

hraunið er úfið og að sér skal gá.“

Aðvörun ástvinar, vel er það meint

þó óvarkár konan hlýði því seint.

 

Áfram við göngum og umhverfið lokkar,

útsýnið fagurt og stundin er okkar.

Friðsæld í lofti og fuglanna hljóma,

finnum hér hvarvetna sögunnar óma.

 

Á Skógarkotshlaði að okkur streyma,

frá steingráum hleðslum sem engu gleyma,

svipir og sögur um lífið hér forðum,

störfum og leik sem ei greint er með orðum.

 

Heimleiðis höldum við stígana hrjúfa,

hlustum á sönglist vorboðans ljúfa.

Tjald hefur risið á túninu græna.

Tákn fyrir komandi sumarið væna.

 

Inga Þórunn Halldórsdóttir í maí 2007

Samstaðan er mikil

Sólarlagsákvæði

Hámark 7 ár eins og búvörusamningar.

„Á Íslandi er rekinn öflugur, sjálfbær og arðbær sjávarútvegur". segir í yfirlýsingunni.

Er hér rétt með farið?

Er málum svo háttað í alvörunni?

Afnotatími útgerða verði til 35 ára

Félagafrelsi-skyldur-réttindi-atkvæðisréttur

Árið 1843 var kosningu og atkvæðagreiðslu til Alþingis  á þann vega háttað meðal þjóðarinnar að menn urðu að eiga 10 hundraða jörð til að hafa atkvæðisrétt. Í Reykjavík urðu menn að eiga fasteign að verðmæti 1000 ríkisdali til sömu athafnar.

Þetta ár voru Vestamannaeyingar eignalausir og höfðu engan kosningarétt og fengu þar af leiðandi engan þingmann.

Stjórnarskráin mælir fyrir félagafrelsi í sérhverjum löglegum tilgangi.

Árið 1998 voru um 22 bændur í landnámssveitinni Vatnsdal í Austur- Húnavatnssýslu félagar í Bændasamtökum Íslands svo dæmi sé tekið. Aðeins 3 af þeim höfðu rétt til að greiða atkvæði um nýjan búvörusamning í mjólkurframleiðslu sem þá lág á borðinu. Aldrei áður hafði verið greitt atkvæði um búvörusamninga eða þá skipan sem hrundið var í framkvæmd um stjórnkerfi landbúnaðarframleiðslunnar. 

Árið 1998 30. janúar kærði færsluhöfundur þá tilhögun að einungis þeir bændur sem hefðu mjólkurkvóta mættu greiða atkvæði um þau málefni sem Bændasamtök íslands sýsluðu með er snerti bændur.

Í svarbréfi BÍ dagsett 5.febrúar 1998 undirritað af framkvæmdastjóra Bændasamtaka Íslands er komist aðallega að þeirri niðurstöðu að atkvæðisréttur í bændastétt væri bundin við kvóta og að eiga kálfa. Urðu af þessu nokkur blaðaskrif.

Á þessari tíð var Ari Teitsson formaður Bændasamtaka Íslands, nú stjórnlagaráðsmaður.

Svona geta tímarnir breyst og snúist í hring, ef aðgát er ekki höfð á stjórnarmálefnum almennings og kjósenda.

Heimildir: Bréfasafn ÞHG

Skýrsla stjórnlaganefndar afhent á morgun