25.grein stjórnarskrárinnar

Stjórnarskrá Íslendinga er dularfull. Í henni eru allskonar smugur, ákvæði og atriði sem hafa verið ónotuð og sem menn hafa verið að deila um í 60 ár. Þannig héldu menn að forsetinn gæti ekki synjað staðfestingu laga frá Alþingi. Fjórir forsetar höfðu ekki gert það og þar með var það talið að ákvæðið hefði ekki gildi. 

Eftir að ákvæðið hafði legið ónota í 60 ár, lét Ólafur forseti reyna á það og neitaði að staðfesta fjölmiðlalögin. Þá varð uppi fótur og fit á Alþingi. Þá kom í ljós að engin lög voru til um slíka þjóðaratkvæðagreiðslu. Á það hefur Steingrímur J. Sigfússon fjármálaráðherra bent nú þegar þjóðin er að velta því fyrir sér hvort forseti beiti 26 greininni vegna Icesavelaganna.

Það veit til dæmis enginn hvor það eigi að vera misvægi atkvæða milli borgaranna eftir búsetu í þjóðaratkvæðagreiðslu eins og í alþingiskosningum. Í stjórnarskránni eru tvær greinar önnur sem kveður á um jafnræði og hin sem kveður á um ójafnræði. Á slíkt að gilda í þjóðaratkvæðagreiðslu?

21 grein stjórnarskrárinnar kveður á um að forseti lýðveldisins geri samninga við önnur ríki. Hvað þýðir það? Má þá fjármálaráðherra ekki gera slíka samninga sem Icesave er?

Nú er kominn mikill þungi í Icesavemálið. Rúmlega 50.000 einstaklingar hafa ritað undir áskorun til forseta  um að hann neita að staðfesta lögin. Hvað getur hann gert? Getur hann notað 25.greinina en þar stendur:

25. gr. Forseti lýðveldisins getur látið leggja fyrir Alþingi frumvörp til laga og annarra samþykkta.

Svona er stjórnarskráin fulla af smugum og flækjum fyrir útsjónarsaman forseta.

Um Icesave eru í gildi lög frá því í sumar, þannig að þetta mál er ekki í uppnámi nema að því leiti að Bretar og Hollendingar ganga ekki að þeim fyrirvörum sem í þeim lögum eru. Harla ótrúlegt er að þeir hreyfi við málinu á meðan verið er að fjalla um það á Íslandi.

Yfir 50 þúsund undirskriftir

Haugsuga á svæðið

Hestamönnum er rétt og skylt  að mæta á svæðið með haugsugur og slökkva í brennunni út frá dýraverndarsjónarmiðum.

Það eru þau sem gilda í 800 metra fjarlægð frá gripahúsum. Það er bannað að hræða dýr og það verður að virða. Þarna verða sprengjur sprengdar og skotið upp flugeldum.

Sú þjóð sem tekur rakettur og sprengjur fram yfir dýravernd er í ógöngum.

Óskiljanlegt að veita brennuleyfi við Heimsenda

Sæmdin og útrásarvíkingarnir

Í fornbókmenntum okkar er mikið fjallað um sæmdina og hve mikilvæg hún var mönnum. Hrafnkatla, Saga Hrafnkels Freysgoða er þar skýrasta dæmið en þar er sæmdin í fyrirrúmi. Um söguna hefur Hermann Pálsson frá Sauðanesi í Torfalækjarhreppi ritað bókina Siðfræði Hrafnkelssögu. Hermann Pálsson var prófessor við Edinborgarháskóla.

Ólafur Ragnar Grímsson hefur lagt áherslu á vera glæsilegur forseti og vera öðruvísi. Hann byrjaði í Framsóknarflokknum. Varð hluti af svokallaðri Möðruvallarhreyfingu. Síðan var hann með Frjálslyndum og vinstri mönnum sem Hannibal Valdimarsson og Björn Jónsson leiddu. Að lokum varð Ólafur formaður Alþýðubandalagsins og hvarf frá því fátæka fólki í embætti forseta Íslands.

Ólafur forseti hefur setið á hljóðskrafi við útrásarvíkingana og verið þeim innan handar í þeirra baráttu fyrir betri heimi og ferðast með þeim í hljóðfráum þrýstiloftsvélum á mannamót í útlöndum. 

Forsetinn hefur sagt að þessir atvinnuberserkir hafi brugðist trúnaði og væntingum sem til þeirra hefur verið gerðar. Okey, engin er alvondur. Ekki einu sinni Útrásarvíkingar.

Forsetinn er í mjög tvísýnni stöðu bæði sem forseti og persóna. Þess vegna tekur hann sér frest til að íhuga málin. Hann hefur lagt ákveðna línu varðandi 26. gr. stjórnarskrárinnar um staðfestingu á lögum sem koma frá Alþingi.

Og svo er það þetta með sæmdina. Það er allt saman óráðið mál. Hver verður dómur sögunnar?

Skynsamlegast væri fyrir forsetan að gefa vinum sínum Útrásarvíkingunum séns. Kalla þá heim að Bessastöðum og spyrja þá hvað þeir ætli að gera í sínum málum? Hvor þeir ætli ekki að skila fénu? Það sé að koma út skýrsla. Það sé brýnt að segja til fjárins? Þjóðin sé í kröggum?

Að því loknu getur forsetinn prjónað skemmtilega fléttu og komið sér sæmilega út úr þessu máli.

Forseti tekur sér frest

Bretar gera áramótaat í stjórnarandstöðunni

Nú er Icesave málinu lokið með atkvæðagreiðslu Alþingis þar sem atkvæði féllu þannig að 33 samþykktu og 30 voru á móti.

Þetta er búinn að vera sérkennilegur dagur.  Aðalmálið var þegar tölvupóstarnir fóru að berast fram að kaffi til stjórnarandstöðunnar frá Bretum.

Stjórnarandstöðuþingmenn komu með síman í hendinni upp í ræðustól, með það nýjasta í tölvupóstmálunum og æstu sig í hástert. Í fyrirsvari var formaður fjárlaganefndar Guðbjartur Hannesson og var mjög sótt að honum.

Vissulega eru hér alvarleg mál á ferðinni í sambandi við Icesave ekki skal dregið úr því.

En að trúa öllu sem Bretar segja í tölvupóstum er of langt gengið að mínu mati og í raun sérkennilegt að gagnaöflun skuli ekki vera formlega lokið þegar þriðja umræða hófst og að einhver lögmannsstofa í Bretlandi geti atast í þingheimi á meðan á málflutningur í þingsal stendur yfir, er nýmæli í sögu Alþingis.

Nú er að sjá hvað forseti Íslands gerir. 

Alþingi samþykkti Icesave

Gjaldþrot Seðlabankans

Jóhanna Sigurðardóttir forsætisráðherra sagði að tæknilegt gjaldþrot Seðlabanka Íslands væri erfiðasta byrði sem ríkissjóður yrði að bera á næstu árum og væri stærsti hluti ríkissjóðshallans.

Um þetta mál væri ekki eins mikið fjalla og Icesavemálin.

Eins og kunnugt er, var Davíð Oddsson fyrrverandi  forsætisráðherra og formaður Sjálfstæðisflokksins seðlabankastjóri á þeim tíma sem þessir fjármunir töpuðust.

Það er nú mjög móðins að skjóta upp rakettum og skottertum sem heita nöfnum eins og Auður djúpúðga, Gunnlaugur ormstunga  o.sfrv.

Má búast við að við bætist nú nafnið Davíð Oddsson í þennan flokk sem menn skjóti upp í lofti um þar næstu áramót sér til gamans.

Gögnum ekki haldið frá þinginu

Ræs

Eftir því sem best er vitað er sjómannaafslátturinn komin fyrir margt löngu vegna sjómannadeilu um kaup og kjör og til að hæna menn að sjómannastarfinu.

Fiskimenn hafa kauptryggingu og róa upp á hlut. Farmenn höfðu hér í einatíð smá hlunnindi sem fólust í því að þeir gátu verslað í útlöndum og höfðu smá fríðindi í kring um tollinn. 

Þróun í fiskveiðum hefur verið þannig alla síðustu öld að verkfræðingar, tækni- og uppfinningamenn þróuðu nýja tækni í sambandi við veiðarfæri og fiskileitartæki. Skipin veiddu meira og meira og alltaf naut sjómaðurinn hærri hlutar þó hann hafi ekki átt neinn þátt í tæknibyltingunni. Sem betur fer hefur aðbúnaður sjómanna batnað.

Forustumenn sjómanna hafa sett fram þær frumlegu kenningar að sjómenn slíti almannaeigum minna en aðrir þjóðfélagsborgara svo sem heilbrigðiskerfi, vegum o.þ.h. sem er alveg sérstök kenning. Skattafslátturinn er því endurgreiðsla á minni notkun á ríkiseigum.

Sjómenn eru réttilega langdvölum að heiman og eiga að fá umbun fyrir það. En þeir nota almannaeigur væntanlega alveg eins og hverjir aðrir. Þetta hefur bara ekki verið rannsakað og liggja því engin gögn fyrir um það. Í virkjanavinnunni fengu menn þóknun vegna fjarlægðar á vinnustað. Mig minnir að þetta hafi verið 650 kr á viku 1967 í Búrfellsvirkjun en þar starfaði færsluritari við byggingu aflstöðvarinnar.

Dagpeningar koma varla til greina af hendi ríkis og útgerðar. Dagpeningar eru hugsaðir fyrir útlögðum kostnaði.

Það eru margir sem gætu hugsað sér að skella sér á sjóinn eins og staðan er nú um stundir.

Þess vegna er það spurning hvort ekki væri eðlilegast að fram færi starfsmat á sjómannsstarfinu og útgerðin yrði þjóðnýtt? Þetta er hvort sem er allt að sökkva í skuldum og ástæðulaust að láta erlenda vogunarsjóði eignast útgerðina og fiskveiðikvótana.

Sjómenn fái dagpeninga

Plástur á munninn á Árrrrrrrr?

Forstjóri Samkeppnismála Evrópusambandsins varaði strax við því október 2008,  þegar hver ríkisstjórnin á fætur annarri í álfunni fóru að lýsa því yfir að þær myndu tryggja bönkunum fé ef á bjátaði og ef þeir færu á hausinn. Það væri ríkisstuðningur og raskaði samkeppnisstöðu á markaði. Bankarnir væru hlutafélög og almenningur bæri ekki ábyrgð á hlutafélögum.  Síðan hefur ekkert heyrst frá honum  og virðist sem það hafi verið settur plástur á munninn á honum.

Ég vil því spyrja í lok þessarar umræðu, er ekkert eftirlitskerfi á þessum sameiginlega Evrópumarkaði?

Er þetta bara bjálfamarkaður?

Á það bara að vera þannig að hægt sé að elta almenning uppundir jökla á Íslandi til að greiða óreiðuskuldir  óreiðuhlutafélaga á Evrópumarkaði.

Það á að vera löngu búið að kúpla Evrópusambandinu inn í þessa deilu. Icesave er afsprengi kexruglaðra reglna sem Evrópusambandið hefur sett og ber fulla ábyrgð á. Ekki almenningur á Íslandi.

Og ég veit ekki betur en það sé saknæmt samkvæmt hlutafjárlögum ef verið er að halda áfram rekstri slíkra félaga sem er löngu fyrir séð að eru komin með neikvæðan höfuðstól og í þrot.

Kostnaður vegna Icesave hærri ef samkomulag verður fellt

Þorsteinn Gylfason og menningin

Þorsteinn Gylfason (f. 12. ágúst 1942) heimspekingur og prófessor við Háskóla Íslands, var eitt sinn spurður um það hvað væri menning. Þorsteinn hugsaði sig dágóða stunda um, en sagði svo; ,, Menning er að gera hlutina vel". Þetta svar greyptist inn í huga minn vegna þess að sumir halda að menning sé málverk og skáldskapur.

Menning eru allar athafnir okkar; verkmenning, landbúnaður, fiskveiðar, fjármálastarfsemi, listir, byggingarstarfsemi, verkstjórn og stjórnsýsla og svona væri lengi hægt að telja upp. Hægt er að stunda alla starfsemi vel og illa. Það eru nefnilega til búmenn og búskussar.

Staðreyndin er nefnilega sú að hér hafa verið uppivaðandi búskussar og jafnvel horkóngar. Þeir sem hafa unnið störf sín illa og hafa  látið margt fara á verri veg en efni standa til og kennt svo ytri aðstæðum um.

Þessir sömu aðilar ráðast svo með heift að þeim stjórnmálaöflum sem á engan hátt hafa verið völd að hruninu.

Þegar ábúandi yfirgefur ábúðarjörð sína koma svokallaðir úttektarmenn og taka jörðina út sem kallað er. Lýsa þeir öllum húsakosti, hugsanlegum skemmdum, girðingum, ræktum túna og akra og hvort jörðin hafi verið sæmilega setinn. Síðan reikna þeir út álag. Álagið greiðir ábúandinn ef hann hefur gengið illa um ábúðarjörð og hún gengið úr sér. Ef ábúandi hefur setið ábúðarjörð sína vel og gert endurbætur og eflt jörðina, greiðir jarðeigandinn álag til ábúandans.

Rannsóknarnefnd Alþingis er nú að taka þjóðarbúið út og birtir niðurstöður sínar á næstunni. Þá kemur væntanlega í ljós hverjir eru búskussar og bera ábyrgð á þjóðarniðurníðslunni.

Á meðan hefur það verið hlutverk núverandi stjórnvalda að halda þjóðarbúinu gangandi og koma í veg fyrir horfellir á mönnum og skepnum.

Önnur stjórnmálaöfl hafa verið meir og minna í pólitískum fatla þó þau hafi verið á vissan hátt að gera gagn og gjammað eins og flökkuhundar með lafandi tunguna gera gjarnan í fjárrekstrum til sveita.

Tók við af „búskussa“

Byltingarmaðurinn

Úr Wikipediu, frjálsa alfræðiritinu

Stökkva á: flakk, leita

Fædd(ur)Þekktur fyrirStarf/staðaTitillTrúForeldrar

Jesús

Jeshúa (á hebresku ישוע ), fyrstu rituðu heimildir eru á grísku: Ἰησοῦς (Iēsous)
25. desember
Betlehem

Að vera sonur Guðs á meðal kristinna og sem spámaður á meðal múslima

Predikari, spámaður

Kristur/Messías, það er frelsari

Gyðingdómur

María, Guð/Jósef

Christ Giving His Blessing eftir Hans Memling.

Jesús frá Nasaret (≈6–4 f.Kr. – ≈29–33) var gyðingapredikari, kenndur við bæinn Nasaret. Er mikilvægasta persónan í kristni en er þá þekktur sem Jesús Kristur (dregið af hebresku: יהושע [Yĕhošūa‘] (Jahve bjargar) og grísku: Χριστός [Christos] (hinn smurði)).

Kristnir menn trúa því að Jesús hafi lifað frá ca. 6–4 f.Kr. til ca. 29–33 e.Kr. og flestir sagnfræðingar viðurkenna að Jesús hafi verið til. Samkvæmt 2000 ára órofinni hefð og frásögnum guðspjallanna fjögurra sem mynda fyrstu kaflana í Nýja testamenti Biblíunnar trúa kristnir menn því að Jesús hafi verið messías (hinn smurði), sonur Guðs og Guð sjálfur og hluti af hinni heilögu þrenningu. Jesús er einnig mikilvæg persóna í ýmsum öðrum trúarbrögðum, eins og íslam, mormónatrú og meðal votta Jehóva.

Fyrir mér er Jesús hugrakkur byltingarmaður sem var óhræddur að segja meiningu sína. Hann stóð með fátækum og þeim sem voru minnimáttar og vakti upp samviskuna í fólk, en samviskan greinir fólk frá dýrum og að þessu kerfi öllu er einhver höfundur eða gerandi en það mál er í stöðugri rannsókn.

50 guðsþjónustur í Reykjavík

Steingrímur er duglegur

Ég held að það efist enginn um það að Steingrímur J. Sigfússon sé feikna duglegur maður. Á meðan Steingrímur fer fótgangandi frá Reykjanesi til Langaness, hálendisbrúnina og öræfin og kallar niður í hverja byggð; Styðjið mig bændur, verður Framsóknarmaðurinn Finnur Ingólfsson að fara sömu leið ríðandi með tvo til reiðar og fáir styðja Framsókn svo vitað sé.

Það er gott fyrir Steingrím að bændur styðja hann. Það er einmitt það sem Fidel Castró lagði áherslu á í byltingunni á Kúbu að njóta stuðnings bænda. Það væri viturlegt fyrir Steingrím að reyna að hæna verkalýðshreyfinguna að sér með ,, persónulegum vinskap" og blíðmælgi.

Nú þegar skýrslur herma að 10% líkur séu á að það verði greiðslufall hjá ríkissjóði væri rétt að fjármálaráðherra setti allar eigur ríkisins á Hlunnindabréf sem hann útdeildi svo landsmönnum upp úr áramótum. Þar með lægju öll eignaréttindi hjá landsmönnum persónulega og eignarétturinn er jú friðhelgur. Þetta yrði að vera séreign, sem væri ekki aðfararhæf, svona svipað og kirkjur.

Annars var ég að sjá það í einhverju glamúr tímariti að Bubbi Morthens vildi byltingu.

Hvort ætli að hann vilji að hún verði Frönsk,  Rússnesk eða Kúbversk?

Forsendur IFS-álits svartsýnar