Ríkistjórnin hefur traustan meirihluta

Ríkistjórnin virðist vera að eflast en stjórnarandstaðan að koðna niður. Ríkistjórnin er með meirihluta Alþingis á bak við sig, 32 þingmenn, við afgreiðslu fjárlaga, þó svo 3 þingmenn stjórnarinnar taki þá ákvörðun að sitja hjá við loka atkvæðagreiðslu fjárlagafrumvarpsins.

Áður taldir þingmenn hafa sínar ástæður fyrir hjásetu sinn sem ber að virða. Þeir hafa verið að reyna fá ýmislegt lagfært varðandi fjárlögin og sjálfsagt fengið ýmsu áorkað.

Steingrímur kemur sífellt á óvar og færist í aukana eftir því sem tíminn líður.

Líkurnar á því að ríkistjórnin klári kjörtímabilið eru sífellt  að aukast en stjórnin er með 35 þingmenn á bak við sig ef til raunverulegra átaka kemur, verði borið upp vantraust á hana.

Alþingismenn hafa verið að ganga í lið með ríkistjórninni nú við þessar erfiður aðstæður og nægir að benda á inngöngu Þráins Bertelssonar í VG.

Út er komin bók eftir Elías Snæland Jónssona sem heitir; Möðruvallahreyfingin-baráttusaga. Er þar  gerð skilmerkilega grein fyrir átökum í Framsóknarflokknum á sínum tíma um það hvernig flokkur Framsóknarflokkurinn eigi að vera.

Má búast við því að það komi vomur á framsóknarmenn og þeir verið tvíátta eftir áramótin eftir lestur þeirrar bókar, hvar þeir eigi að standa í pólitík í framtíðinni. 

Þannig að enn getur ríkistjórninni bæst við liðsauki.

Visst áfall segir Steingrímur

New York-Glitnismálinu vísað til Íslands

Þá liggur það fyrir að þessu málið hefur verið vísað heim til Íslands með skilyrðum, þar sem íslenskir dómarar koma til með að fást við það.

Mín tilfinning er að það hafi verið rétt ákvörðun að hefja málið í New York.  Það kemur í veg fyrir að málið sé eyðilagt á síðari stigum. Fyrir liggur að féð var mest tínt saman til rúnings (skuldabréfaútgáfa) í New York. Það  má segja að bankinn hafi verið rúinn inn að skinni.

Öll grunnvinna málsins kemur til með að nýtast við íslenska dómstóla og auk þess er hægt að bæta nýjustu upplýsingum varðandi efnahag bankans samkvæmt þeim gögnum og skýrslum sem sérstakur saksóknari hefur aflað.

Jón Ásgeir tjáir sig um málið og hefur áhyggjur af því að slitastjórn sé að sóa fjármunum í málarekstur og rýra þannig hagsmuni kröfuhafa. Hann lýsir því jafnframt yfir að hyggjast fara í skaðabótamál. Það er varla tímabært fyrr en málinu er lokið á Íslandi. Þetta trikk er eingöngu hugsað til þess að hræða. En ég held að það vilji bara svo til að það sé enginn hræddur.

Málið er fjölþjóðlegt og það það má segja að dóms og bankamál séu að verða heimsvædd í ljósi þeirrar tækni sem fyrir hendi er í fjarskiptum þegar fólk og fyrirtæki getur bara stutt á ENTER til að færa háar upphæðir milli heimsálfa.

Því skiptir máli að íslenskir dómstólar taki  með festu og einurð á þessu máli þegar því verður stefnt fyrir íslenska dómstóla.

Mörg fræg mál eru til úr íslenskri sögu og má þar t.d. nefna eftirmál og málaferli vegna Njálsbrennu.

Glitnismáli vísað frá

Útför Icesave

Þessa dagana er verið að kistuleggja Icesave og eru nú fáir syrgjendur.

Ekki er afráðið hvort útförin verður opinber eða í kyrrþey. Búast má við að líkmenn verði úr hópi sjálfstæðismanna. Óvíst er hvort forseti Íslands fer fyrir líkfylgdinni.

Málið ræðst á Alþingi og hvernig stjórnmálaflokkarnir taka á málinu.

Óli Björn Kárason varaþingmaður Sjálfstæðisflokksins segir á heimasíðu sinni að skapast hafi Trúnaðarbrestur milli Sjálfstæðisflokks og atvinnurekenda

Formaður Sjálfstæðisflokks telur að aðilar atvinnulífsins eigi að biðjast afsökunar á því að vera að skipta sér af Icesavemálinu. Ekki er getið hvern eigi að biðjast afsökunar eða hvar.

Alls óvíst er hvernig Sjálfstæðisflokkurinn tekur á þessu máli. Það má eiginlega segja um flokkinn, að hann hvorki; geti eða verið í þessu máli, svo tengdur er hann þessum ósköpum.

Nú er sóknarfæri fyrir flugeldamarkaðinn að búa til rakettur sem bera nafnið Icesave svo landsmenn geti skotið máliðnu upp í loftið um áramótin.

Icesave á endastöð

Piparkökuhúsaleikur Kötlu í Smáralind

     Piparkökuhúsaleikur Kötlu var haldinn í Smáralind í gær og var margt fólk að skoða piparkökuhúsin. Verðlaunin voru  veitt fyrir bestu húsin og var mjög gaman að sjá listaverkin.

Mér finnst falleg piparkökuhús alltaf skemmtileg og í æsku hafði ég mikið dálæti á kirkjum með ljósi inn í þó þær væru ekki úr piparkökudeigi. Umhugsunarvert er að gefa gaum að skilgreiningunni; Hvað er piparkökuhús? Er það þorp eða loftbelgur eða stakt piparkökuhús?

Ef til vill er hægt skipta þessum leik og vera með ýmis form svo sem piparkökuhús, jólaþorp, loftbelgi, kirkjur, íslenskan burstabæ o.s.frv.

Mér fannst þetta piparkökuhús sem fékk 3. verðlaun, vera flottast og með listilegu handbragði. Það vantaði bara skóförin í snjóinn. 

Bestu piparkökuhúsin verðlaunuð

Reikningsskilavenjur

Þegar endurskoðendur árita reikninga félaga og fyrirtækja, er formálinn venjulega þessi:

Reikningar þessir sýna glögga mynd af rekstri félagsins og eru gerðir í samræmi við góðar reiknisskilavenjur og bókhaldsvenjur.

Leiði rannsókn sérstakssaksóknara til ákæru sem bygg verður á skýrslum og rannsóknum norskra og franskra sérfræðinga fer nú heldur að harðna á dalnum fyrir PricewaterhouseCoopers á Íslandi.

Endurskoðunarfyrirtækið telur og mun segja dómaranum að þetta sé allt saman misskilningur. Reikningarnir séu samkvæmt góðum reiknisskilavenjum.

Sérstakur saksóknari mun vísa í skýrslur norsku og frönsku sérfræðinganna og mun byggja málflutning á þeim.

Dómarar munu því líklega lenda í ærnum vanda við úrlausn sakarefnisins. Líklegt er að þeir muni dómkveðja matsmenn til að fara yfir þessi mál til að vita hvað er rétt og hvað er rangt og mun þetta taka langan tíma.

Auðvita verður að fást niðurstaða í þessi mál.

Reikningar bankanna þriggja rannsakaðir

371 fundur Þingvallanefndar 15. sept. 2010

Ég rölti eftir vatnsbakka Þingvallavatns í sumar innan lands þjóðgarðsins  . Þá verður á vegi mínum gaddavírsgirðing sem hamlaði för minni eftir vatnsbakkanum.

Ég var nú ekki með neitt landamerkjabréf um staðhætti þarna en taldi að ég væri vissulega í þjóðgarðslandi. Ég stóð í þeirri trú að almenningi væri heimil för um vatnsbakka samkvæmt vatnalögum, hvað þá heldur ef viðkomandi er í þjóðgarðslandi.

Allir leigusamningar sumarhúsa innan merkja þjóðgarðsins runnu út í sumar, en Þingvallanefnd framlengdi þá til áramóta 2010. Nú lifa 21 dagur af árinu.

Þingvallanefnd hélt fund samkvæmt heimasíðu 15 september 2010. Þar var bókað undir önnur mál:

,,Ákveðið var að halda fund við fyrsta tækifæri til að kanna stöðu á nýjum byggingarskilmálum og lóðarleigusamningum.

Þorgerður Katrín ( nefndarmaður ) hvatti til þess að Þingvallanefnd svaraði aðsendum erindum eins fljótt og  auðið er eða í þeim anda sem stjórnsýslulög kveða á um."

Í haust var efnt til fræðslu um hrygningu urriðans í Þingvallavatni sem er að verða árlegur viðburður við Öxar á á haustin. Það var bæði gaman og fróðlegt að upplifa það. Á svæðið var mættur fjöldi fólks.

Brýna nauðsyn ber til þess að rýma vatnsbakkann suður með vatninu í landi þjóðararins til afnota fyrir almenning. Því verður trauðla trúað að Þingvallanefnd ætli að framlengja lóðarleigusamningana.

Það er alltaf hátíðarstemming að koma á Þingvelli.

Íslensk heimsíða um heimsminjar

Atkvaedagreidsla um búvorusamning

Baendur hafa aldrei fengið ad greida atkvaedi um kvotakerfi, búmark, fullvirdisrétt, greidslumark, beingreidslur, eda hvad thetta nú heitir allt saman.

En svo datt baendaforustunni eitt sinn í hug ad bera búvorusamninga í mjólkurframleidslu undir baendur, en adeins útvalinn hóp í mjólkurframleidslu.

Ég kaerdi thessar kosningar og taldi einsýnt ad allir baendur í búnadarfélogum hefdu atkvaedarétt thar sem Baendasamtokinn vaeru samningsadilinn.

Thá kom óskaplegt fát á baendaforustuna og vard nú uppi fótur og fit á theim slódum.

Endadi hún svo málinu á thann veg ad einugis their maettu greida atkvaedi sem aettu kálf og kvóta.

Thetta mál er mjog skrautlegt en ég má ekki vera ad thví ad rifja thad meira upp. Geri thad ef til vill sídar.

Nýtt mjólkurbú í Borgarnesi

Rannsóknargögn í stjórnmálafræði

Kjörseðlarnir eru á rafrænu formi og þess vegna auðvelt að birta þá á vefnum. Þeir eru ekki rekjanlegir til kjósanda og þess vegna engir persónulegir hagsmunir sem þarf að vernda.

Það væri fengur að fá þá birta vegna fræðilegra rannsókna í félags- og stjórnmálafræði.

Ekki nóg að koma oftast fyrir