Runólfur Aðalbjörnsson bóndi Hvammi í Langadal nokkur minningarorð.

Látinn er Runólfur Aðalbjörnsson bóndi Hvammi í Langadal A-Hún. 82 ára að aldri. Ég átti þess kost að kynnast honum, þá er ég starfaði hjá Búnaðarsambandi A-Hún. sem sæðingarmaður og ráðunautur. Kom ég því oft á bæinn en þar var rekið myndarlegt kúabú. Þess má geta að í Hvammi hófst hið skipulega kynbótastarf með sæðingu fyrstu kýrinnar 13. maí 1963.

Bærinn í Hvammi stendur ásamt fjósi, skammt ofan brattra en grösugra fjallshlíðar, kippkorn utan Hvammsskarðs. Neðan fjallsrótanna er allvíðáttu mikið undirlendi. Land jarðarinnar er ekki stórt, eins og stendur í Húnaþingi 2 bindi, en grösugt og gott undir bú. Það var afargott að  að umgangast Olla, þetta var svona svipað og hjá Toyota engin vandamál bara lausnir, vínarbrauð og kaffi. Seinna vorum við félagar í Karlakór Bólstaðarhlíðarhrepps sem var mjög gefandi.

Í Morgunblaðini í dag er ritaðar nokkrar minningargreinar um Olla og leyfi mér að reika um þær og endursegja þar ýmislegt.

Dóttir hans Svala hérðsskjalavörður á Blönduósi ritar minningarorð um pápa sinn og lýsir samskipum sínum við hann og hve hann sýndi öllu áhuga sem hún tók sér fyrir hendur og gott væri að leita til hans um ráð og að hann væri alltaf hreinskilinn. Og svo öllu skopinu og húmornum og að fá pápa sinn til að hlæja og reka upp rokur, en Olli smitaði alla af hlátri sem voru með honum við leik og störf. Minningarorðum lýkur dóttir hans á kvæðinu, Þú Langi-Langidalur eftir F.Hansen/A. Árnadóttir, en það má segj að er þjóðsöngur Langdæla.

Þá mælir afastelpan Nína nokkur orð um gamla grandföður sinn og er það allt ívaf um samverustundir og hlýleik afa gamla, mjög gott og innilegt. Rifjaðar upp samverustundir og ýmislegt um liðnar stundir við leik og störf.

Þá eru nokkur kveðjuorð frá formanni Karlakórs Bólstaðarhlíðarhrepps Erlingi Birki Erlingsyni lögreglumanni á Blönduósi þar sem hann rifjar upp samskipti innan kórsins f.h. kórfélaga. Einnig voru þeir grannar á Blönduósi. Lýkur hann minningarorðum sínum á kvæði eftir Jónas frá Ártúnum, Ég skal vak í nótt meðan svanirnir sofa, sem er eitt af kennileitum kórsins í lagavali.

Sigurjón Guðmudsson frá Fossum segir frá vináttu sinni við þau hjón Olla og Sillu í Hvammi en þeir störfuðu lengi saman í kórnum, en Olli var starfandi í kórnum í yfir 50 ár. Þar er tíundað þessi glaðværð og húmor sem var Olla svo töm. Þeir Sigurjón og Olli hafa starfað saman í fjórum kórum og það er ekki svo lítið félagsstarf sem þeir hafa innt af hendi.

Að lokum greinir Ómar Ragnarsson skemmtikraftur, fjölmiðlamaður og öræfajarl frá dvöl sinni í Hvammi og taldi að sú dvöl hafi verið mótandi á sig og það hafi verið gæfa sín að fá að dvelja hjá þessu góða fólki 5 sumur í   ,, nóttlausri voraldarveröld" Hann segir þar frá hugsjónakonu sem dvaldist í Hvammi sem tók að sér fjóra niðursetninga allt konur og ól önn fyrir þeim, svona var samtryggingarkerfið í þá daga þegar ,, Ómar hafði hár."

Hann greinir líka frá því að að Olli hafi spilað á nikku og líkur svo minningarorðunum á því að nú sé þessi kynslóð að hverfa sem hann ólst upp með og gerði sveitina að ævintýri fyrir borgardreng, en vonandi endist ævintýrið enn í Langadal eða eins og einn Bakaásamaður sagði við mig í dag, sko það voru allir kallaðir út á hlað, þegar Ómar var að lenda Frúnni í Hvammi, það var svo mikið ævintýri.

 

Ráðaleysi

Þetta er nú ekki flókið mál fyrir mér.

Setja traustan múrbolta eða festingu í stuðlabergið og góðan stjóra eða dreka út í sjó og hengja svo örryggiskeðju á milli.

Hengja svo spjald á keðjuna miðja með áletrun ,, Hér bíður dauðinn yðar."

Sex í mikilli hættu í Reynisfjöru

Breiðholtið vel hannað hverfi

Breiðholtið hefur margt til síns ágætis. Ef við horfum á Seljahverfið t.d., Þá er það alger snílld, mjög barnvænt, skólar inn í miðju svo börn þurfa aldrei að fara yfir götu. Strætisvagna leiðir eru hringin í kring um þá miðju og nýtast vel. Hólmaselið skemmtilegt sem leiksvæði barna.

Það er stutt í náttúruperlur ( Elliðarárdal ) og svæðið upp í Rauðhóla. Stutt í hesthúsahverfi. Þá er menn fljótir út úr bænum að sumarlagi og samgöngur yfirleitt góðar út úr hverfinu.

Efra- Breiðaholtið er með svipuðu sniði, flest innan seilingar.

Þá er húsagerð fjölbreytt og hægt fá flestar stærðir af íbúðum á þessu svæði. Breiðhyltingar eru með sér skíðasvæði og er það fátítt að svo sé innan borgarmarka borga.

Svo náttúrlega var sá einstæði atburður í Breiðholti að borgarstjórn Reykjavíkur var eitt sinn mynduð upp á þaki á blokk í Æsufelli, þegar Jón Gnarr Núpsjarl tók völdinn í Reykjavík.

Hvað er að gerast í Breiðholtinu?

Húnvetningar endurreisa klaustur á Þingeyrum á hreppaþorrablóti

Var að koma af mögnuðu Hreppablóti Húnavatnshrepps.

Þar var fjölbreytt dagskrá. Eitt skemmtiatriði fjallaði um að endurreisa Þingeyrarklaustur í gamansömum tón. Jón í Hnausum var skipaður ábóti. Hann er aldurhniginn og barnlaus bóndi. Kristján í Vatnsdalshólum var skipaður æðstiprestur. Einum einhleypum barnlausum bónda var boðin vist. Hann hafði ekki áhuga, en sagði að hann mundi gjarnan sækja um yrði stofnað nunnuklaustur og var látið þar við sitja. Glaðlegur bóndi og barnmargur á annarri konu á sinni yfirreið í lífinu kom að máli við ábóta og beiddist vistar. Ábóti baða hann greina frá fjölskylduhögum og kom þá allt hið rétta í ljós. Ábóti taldi öll tormerki vera á inngöngu, en spurði af hverju hann beiddist vistar, Jú svaraði bóndi , þá fæ ég hádegismat, konan mín er farinn að vinna utan bús.

Margt fleira var til skemmtunar og þar á meðal leitarflug um afréttir í gamansömum tóni en Magnús á Sveinstöðum flaug með bændur og notaði allar stundir til að selja mönnum fasteignir, en hann er fasteignasali á Blönduósi.

Annállinn var að vanda metnaðarfullur þar sem gert var grín að bændum og búaliði og þurfti tvo til að flytja hann.

Kúltúrinn er að öll skemmtiatriði eru heimagerð og flutt af heimafólki öfugt við það sem víðast gerist þéttbýli þar sem flest skemmtiatriði eru aðkeypt, meira að segja veislustjórnin. Ekki var búið að tilnefna eða fá veislustjóra daginn fyrir þorrablótið og var þó búið að tala við alla Magnúsa í Sveinstaðahreppi hinum forn, en þar er mökkur af mönnum sem heita Magnús, nærri á öðrum hverjum bæ. Endaði málið svo að Bjarki á Breiðavaði var ræstur út á miðnætti og fór hann létt með það nær því óundirbúinn. Flottur Bjarki. Dagskráin endaði svo á að Gísli á Mosfelli tók fráfarandi skemmtinefnd og gerði grín að henni. Það er venja að menn taki lagið í fjöldasöng og safnast fólkið niður á dansgólf og söng af mikilli innlifun í hálftíma.

Trukkarnir léku fyrir dansi og var glaðværð mikil og þreifingar og þrýstingur.

Áberandi var hve margt ungt glæsilegt fólk er að vaxa upp í héraðinu. Þrekvaxnir ungir menn og íturvaxnar stúlkur og væri vel hægt að efn í nunnuklaustur þó með frjálslegu ívafi líkt og Kvennaskólinn á Blönduósi var.

Gengu menn svo til búa sinna og voru sumir orðnir áskrifendur að kvenmanni, þegar yfir lauk.

Siggi í Laugarnesinu söng kjark og þor í Íslendinga

Sigurður Ólafsson bóndi söngvari og hestamaður í Laugarnesi söng kjark og sjálfsvirðingu í íslensku þjóðina í landhelgisstríðinu ásamt fleirum góðum söngvörum:

https://www.youtube.com/watch?v=CfJD5yHW_Bk

Töldu kröfur Íslands brandara

Bændur og kjötinnflutningur

Sumir hafa efasemdir um að allt kjöt í Evrópu sé banvænt. Og er það skiljanlegt þar sem ekki hefur verið bent á líkin.Sumir telja bændur  nota málið í áróðurskini. Það liggur hinsvegar fyrir að Íslendingar eru með lægstu notkun fúkkalyfja og varla notað hormónalyf í nautgriparækt hér á landi. Það er fagnaðarefni.

Þetta mál kristallar þær aðstæður að það að hafa ekki lögsögu um eigin lagasetningu og hvert það getu leitt og hvað má og ekki má. Vissulega höfum við notið góðs þegar okkar lög og dómar hafa verið leiðrétt til vitiborinnar niðurstöðu.

Ég tel rétt og skylt að leyfa þennan innflutning sem tilraunarverkefni þar til allir stjórnarliðar séu dauðir og Hagkaupsveldið líka.

Rasslitlar konur geta ef til vill glaðst, því hormónakjöt sest oft á tíðum á þann líkamspart.

Nú er ef til vill erfitt að að vita hverjir mundu borða þetta kjöt, stjórnarliðar eða stjórnarandstæðingar, en það kæmi þó í ljós hvor hópurinn væri gráðugri.

Mér er kunnugt um að mjólk sem meðhöndluð var með pencelíni og mátti ekki senda í kaupstað var notuð til heimilis. Svo uppgötvaðist það síðar að heimilisfólkið hafði ekkert gagn af fúkkalyfjum þegar til átti að taka og þau að lækna, voru sem sagt ónæm fyrir pencelínigjöf. Þessa sögu sel ég ekki dýrara en ég keypti.

EES framar íslenskum lögum?