Skuldakóngarnir snúa á fjármálaráðherra

Ýmsir fjármálapinklar hafa verið hengdir á ríkissjóð í gegn um tíðina, svo sem lífeyrisskuldbindingar þegar verið er að hægræða í fyrirtækjum og stofnunui og gera starfsemina rekstrarhæfa.

En nú hafa skuldakóngarnir og fjármálaséníin slegið öll met. Þeir afhenda ríkinu bara allan pakkan, heilan banka sem er með fullt af lánum og kröfum sem eru ef til vill lítils virði og fást tæpast greiddar. Vísir.is greinir frá afhendingu Glitnis til ríkisins og fer nokkrum orðum um innihald eigna bankans þ.m. t.:

,,Þá eru lán Glitnis til Reykjanesbæjar meðal þeirra eigna sem afhentar hafa verið ríkinu. Fjármála- og efnahagsráðuneytið vildi ekki upplýsa um hver aðkoma ríkisins að viðræðum Reykjanesbæjar við kröfuhafa yrði í kjölfar þess. Ríkið hefur verið óbeinn aðili að viðræðunum þar sem Landsbankinn er einn kröfuhafa. Þá skuldar Reykjanesbær Íslandsbanka einnig talsverða fjármuni."

Ætli að þessar kröfur fáist nokkuð greiddar?

Fjármálaráðherra verður að standa vaktina og vera ekki að taka við ónýtum pappírum.

„Stórmál fyrir lausn á höftunum“

Sólarkaffi Ísfirðingafélagsins 2016

Sólarkaffi Ísfirðingafélagsins árið 2016 verður haldið föstudaginn 29. janúar í hinum glæsilega veislusal Gullteig á Grand Hótel Reykjavík. Húsið opnað kl. 19:30, borðhaldið hefst kl. 20:00, ballið hefst kl. 23:00. Veislustjóri: Rúnar Rafnsson, sölumaður og diskótekari (sonur Sigrúnar og Bjössa Charles).

Hljómsveitin Húsið á sléttunni, með Halldór Smárason og þá Olgeirs bræður úr Bolungarvík í framlínunni leikur fyrir dansi. Þeir félagar eru margrómaðir fyrir skemmtilega og hæfileikaríka spilamennsku. Ræðumaður kvöldsins verður Margrét Geirsdóttir, sviðsstjóri fjölskyldusviðs Ísafjarðarbæjar, kórstjóri og söngkona með meiru.Forsala á aðgöngumiðum verður á Grand Hótel Reykjavík laugardaginn 16. janúar kl. 14:00 – 15:00.

Grand Hótel Reykjavík verður með tilboð á gistingu og Flugfélag Íslands verður með tilboð á flugi í tilefni af Sólarkaffinu. Þeir sem ætla að nýta sér þessi tilboðið, vinsamlegast tilkynni við bókun tengingu við Sólarkaffi Ísfirðingafélagsins. Nú gleðjumst við saman í góðra vina hópi.

Munið að taka kvöldið frá, skemmtum okkur saman.
Stjórn Ísfirðingafélagsins

Heimild: Tekið af vef Ísfirðingafélagsins

Amma mín Karítas Skarphéðinsdóttir frá Viðey og og afi minn Magnús Guðmundsson, ,,Mangi fori" eiga sér snotra sögu á Ísafirði svo það má segja að ég eigi ættir að rekja þangað og er ég töluvert drjúgur yfir því.

Þá var ég háseti á Ísborginni ÍS 250 frá Ísafirði en hún var síðutogari sem breytt var í fraktskip og silgdi víða um heimsin höf. Endlok Ísborgarinnar voru þau að hún var seld til Miðjararhafs og notuð þar í smyglflutningum. Það komst upp þegar settur var fantaflottur radar á skipið og þótti strandgæslunni það grunsamlegt og vildi stöðva skipið og fá að skoða það. Því var ekki hlýtt og hóf þá gæslan skothríð á brúna og við það var skipið stöðvað og fært til hafnar.

Í mínum huga hefur alltaf verið mikill sjarmi yfir Sólarkaffinu og það fólk sem þangað sækir ansi maskaralegt og flott.