Sápuópera

Ólafur: Davíð minn getur þú ekki sent blaðamann og ljósmyndara niður í Kolaport í dag.

Davíð: Hvað eru að gera í Kolaportinu Ólafur?

Ólafur: Kaupa sápu.

Davíð: Af hverju ertu að kaupa sápu?

Ólafur: Ég er svo krímgugur eftir Hrunið. Svo þarf ég að kaupa plástur. Útrásarvíkingarnir meiddu mig.

Davíð: Ólafur minn verður þú bara ekki enn skítugri þarna í Kolaportinu.

Ólafur: Nei, nei. Svo er ég að sýna mig hér í Kolaportinu. Ég verð að vera innan um alþýðuna.

Davíð: Samkvæmt skoðanakönnun kjósa Sjálfstæðismenn þig Ólafur.

Ólafur: Ég treysti engu nú orðið. Ég vakna upp með andfælum á nóttunni.

Davíð: Þetta lagast bráðum. Blessaður.

Ólafur: Þakkað þér Davíð minn. Blessaður.

Leikendur eru tilbúningur færsluhöfundar og ef einhver telur sig þekkja sögupersónur þá er það misskilningur.

Ólafur Ragnar brá sér í Kolaportið

Peningabíllinn

Í mínum búskap voru peningar afar sjaldan notaðir. Ef ég keypti mér t.d. nýja dráttarvél þá kom hún í gegnum Kaupfélagið. Ef maður var rukkaður fyrir vinnu þá skrifaði maður á reikninginn: ,,Óskast greitt af Kaupfélaginu." Maður lagði allar búsafurðir inn hjá Sölufélaginu/Kaupfélaginu og tók út úr Kaupfélaginu vörur og örsjaldan peninga. Allt fékkst í Kaupfélaginu.

Einu sinni fór einkaframtaksmaður að selja timbur í samkeppni við Kaupfélagið. Bændur voru mjög hrifnir að fá timbur á lægra verði. Svo spurðu þeir eftir að hafa borgað í peningum:,,Get ég fengið nagla." Þá sagði timbursalinn: ,,Þú færð þá  upp í Kaupfélagi."

Einu sinni seldi sveitungi minn, Haukur á Röðli bíl og vildi fá greitt í reiðufé. Bankamaður á Blönduósi keypti bílinn og greiddi hann í mynt, innpakkaðri í búntum eins og bankar skila myntinni til viðskiptamanna. Haukur reif alla pakkana upp, setti myntina í bala, hrærði í og fór með hann í bankann. Það var ekki létt verk fyrir bankamanninn að telja allt aftur.

Nú nota flestir rafrænar færslur til að skiptast á verðmætum. Sumir vilja nota peninga og greiða reikninga í bönkum, sérstaklega er það eldra fólk. Allflestir eru með heimabanka í tölvunni sinni.

Í Manchester í Englandi, samvinnuborginni, þar sem Ólafur Ragnar, forsetaframbjóðandi lærði samvinnufræði kemur ísbíll á kvöldin í hverfin. Það er afar vinsælt.

Mætti ekki eins hafa það í íslensku dreifbýli. Það kæmi peningabíll í byggðirnar og Haukur á Röðli væri bílstjórinn.

Þvert á stefnu ríkisstjórnarinnar

Framboðið ekki ógilt?

Framboðið telst sennilega ekki ógilt þar sem bætt var úr göllum og komið með nýja meðmælendur.

Eftur stendur þá atburður um hinar meintu falsanir sem er þá sjálfstætt mál.

Hver ber ábyrgð á því?

Meintar falsanir til lögreglunnar

Fráfarandi forseti í hönk?

Fráfarandi forseti setti af stað atburðarás í nýársávarpi sínu. Hann mælti fram mikið orðskrúð sem hægt var að skilja á ýmsa vegu.

Hlupu þá upp nokkrir menn og hófu að safna undirskrifum til stuðnings áframhaldandi setu fráfarandi forseta í embætti. Þetta leikrit gekk svona fram eftir öllum Þorra og Góu. Söfnuðust færri en áætlað var í upphafi.

Fyrirliði söfnunarmanna spurði forseta hvort þetta átak væri ekki í lagi. Fráfarandi forseti sagðist ekkert skipta sér af málinu og lét kyrrt liggja.

Margt manna safnaðist á þennan lista. Engin veit hvar listinn er eða hvort hann verði birtur eða brenndur.

Þess vegna er það óskiljanlegt að fráfarandi forseti mælist svo lág í skoðanakönnunum sem raun ber vitni með allan þennan mannfjölda á bak við.

Í raun má segja að hann sé komin í hönk með framboðsmálefni sín, hvernig svo sem mál fara. Þetta var aldrei það sem átti að gerast.

Undirskriftasöfnunin átti að vera öryggisgirðin um að engin þyrði í í frjálst framboð, að mínu mati.

Þannig að það eru ýmsir listar sem þarf að kanna, þó það geti að lokum orðið hlutverk sagnfræðinga að rekja slík málið.

Grunur um rangar undirskriftir

Margir dánir sem kusu Ólaf.

Það eru víst margir dánir sem kusu Ólaf.

Átta nýir árgangar kjósa forseta

Mismunandi verðhugmyndir opinberra aðila v/ jarðarkaupa

Þegar jarðarsölur eiga sér stað velta menn oft verðinu fyrir sér og hver áhrif það hefur á landverð, jarðarverð, jarðafgjald leiguliða og lóðarleigu.

Opinberum aðilum svo sem ríki og sveitarfélögum er meiri vandi á höndum að rugga ekki verðlagningu á jarðnæði því slíkt getur leitt til fordæmisgildis og er oft vísað í síðustu jarðarsölu.

Sala á Grímstöðum á Fjöllum gekk til baka og var ekki heimiluð eins og fram hefur komið. Verðið var áætlað að ég held 800 milljónir. Nú er að komast á samkomulag að sveitarstjórnir á svæðinu kaupi Grímsstaði á 800 milljónir, fái þá peninga lánaða hjá Kínverjanum og leigi honum svo jörðina á 800milljónir til 40ára. Þetta leigugjald áætla ég að séu 1300 dilkar á ári. 

Nýlega gekk íslenska ríkið frá sölu á eignarhluta sínum á jörðinni Reykjum í Húnavatnshreppi til samnefnds sveitarfélags. Var þar um að ræða hálfan hlut ríkisins í jörðinni ( einbýlishús fjárhús f/ 360 fjár ræktun og beitiland), eftir því sem mér er best kunnugt.

Einnig eignarhlutur ríkisins í 5 íbúðum í grunnskóla sem staðsettur er á jörðinn ásamt 2 st. af einbýlishúsum, þar með talið að því er best ég veit er staðsett á deiliskipulagi undir bygg einbýlishúsa.

Hótel er rekið í húsnæði grunnskólans á sumrum. Aðgangur er að hitaveitu. Þar eru baðlaugar og fimleikasalur. Hitaveituéttindi tilheyra Hitaveitu Blönduós. Veiðiréttur í Svínavatni. Einhver sauðfjárkvóti (beingreiðslur) fylgir jörðinni. Rjúpnaveiði og gæsaveiði.

Fyrir þetta greiðir sveitarfélagið rúmar 24 milljónir til ríkissjóðs.

Heimild: Fundargerðir Hreppsnefndar Húnavatnshrepps.

Stofnaðili að félagi um kaup á Grímsstöðum

Offjárfesting

Ætli að ekki sé um offjárfestingu að ræða í þessu skipi og þjóðhagslega óhagkvæmi.

Það er spurning dagins?

Betra að veiða með minni skipum og leyfa fleiri sjómönnum að fá pláss.

Olían er orðin dýr og afskriftir miklar að svona miklu kapítali.

Nú berast álfa- og tröllasögur úr Vestmannaeyjum.

Nýjasta skipið selt úr landi?

Þorp á öræfum

Það er dýrt fyrir sveitafélögin að bera kostnað af skipulagi og grunnstoðum byggingu þorps upp á öræfum svo sem gatnagerð, vatns- og frárennslilögnum rafmagni, og þessháttar.

Nógu erfitt er nú að reka það sem fyrir er. Og mikið kvartað út af læknisleysi og samgöngum

Svo allur snjómoksturinn hann mundi nú sliga fjárhaginn.

Svo mundi nú norðan stórhríðin slíta einn og einn kínverja út í sortann, þeir eru svo léttir.

Þetta mundi verða ofviða  björgunarsveitunum.

Og hvernig er það með þjóðlendumál þarna, eru þau frágengin?

Held að það ætti að fá vini alþýðunar til að halda sig á skipulaglögum svæðum.

 

Ónógar upplýsingar um Grímsstaðaáform

Misskilningur um Icesave

,,Ólafur Ragnar sagði að Icesave hefði valdið vatnaskilum í þessum efnum, ekki bara hvað varðar samskipti við ríkisstjórnarflokkana, heldur einnig við vini og stuðningsmenn til margra ára", segir í fréttinni.

Það virðist vera útbreiddur miskilningur að hægt hafi verið að setja Icesave-fylgið í poka og geyma það niður í kjallara á Bessastöðum eins og hvern annan mó. Síðan sé hægt að taka móinn upp og nota hann sem eldsneyti til að kynda upp í kosningabaráttu um embætti forseta.

Icesave er nú fyrir dómstólum og engin veit hvernig því máli lyktar.

Venjulegt fólk er ekki að velta Icesave fyrir sér núna. Það hugsar um það hvernig það á að framfleyta  sér og sínum.

Þá er nokkur ónákvæmni í málflutningi forseta að einhver vatnaskil hafi verið milli fyrrum stuðningsmanna hans út af Icesave. 

Í ævisögu Ólafs Ragnars; Saga af forseta sem kom út fyrir jól 2008 er þess getið á bls. 97 að  forseti hafi skorið á öll tengsl við samherja sína úr pólitíkinni. Þannig að ef þar er rétt með farið í bókinni að þá köttaði hann sjálfur á þau tengsl löngu fyrir Hrun.

Heimild: Saga af forseta höf. Guðjón Friðriksson nóv. 2008 

Segir Jóhönnu í herferð gegn sér

Magnaður harmonikuleikari á hringferð um landið

Jón Þorsteinn Reynisson, Skagfirðingur, hélt einleikstónleika í Ytri-Njarðvíkurkirkju í gærkveldi. Þá var hann búin að fara hringinn austur um land. Spilaði síðast 10. maí í Skálholtskirkju.

Jón Þorsteinn leikur á hnappaharmoniku.

Leikin voru verk eftir Mozart, Rachmaninov, Vivaldi, Sibelius, Vagner og fleiri.

Dagskráin var eftirfarandi:

Rondo alla turca, var hratt og fjörugt með trillum og teygt vel á því. Svanurinn í Karnivali  dýranna, hugljúft verk með miklum tilfinningum. Bogoroditse dyevo ( Ave Maria ) Hægt og alvörugefið- kirkjulegt verk. Sumarið úr Árstíðunum var vel leikið, kraftmikið, órætt  með hrynjanda hins ókomna.

Finlandia er magnþrungið verk, þó með miklum trega og í því verki eru miklar ættjarðartilfinningar svo maður tárast nærri því.

Sónata op 143a eftir Vagn Homboe létt og einfalt.

Í lokin lék Jón Þorsteinn, Pílagrímakórinn, efti Richard Vagner. Dimmir alvörugefnir tónar - Mikil þungi í verkinu sem bóksaflega fyllti kirkjuna af tónaflóði.

Og þá hugsaði ég; mikið er harmonikan dýrmætt hljóðfæri, þarna stóð hún ein, en virkaði eins og heil hljómsveit.

Jón Þorsteinn verður með tónleika í dag á Akranesi í Tónbergi kl: 17:00  (Tónleikaskóli Akranes ) og í Fríkirkjunni í Reykjavík kl:20:00 í kvöld. En heldur svo norður með viðkomu á ýmsum stöðum.

Hægt er að nálgast upplýsingar á heimasíðu  www.jonthorsteinn.com

Kærar þakkir fyrir snilldar leik. En við spilum svo ef til vill seinna UNDIR BLÁHIMNI þegar við erum komnir norður í Skagafjörð.