Flötin grænkar

Ég er ekki frá því að flötin fyrir framan húsið hafi grænkað núna í þessum hlýindum. Ég hef aldrei upplifað annað eins á þessum tíma árs.

Hvort plönturnar eru farnar að taka upp CO2 koldíoxíð og skila O súrefni er óvíst. Það skiptir máli að vaxtartími  plantna sé sem lengstur en birtumagnið er takmarkandi þáttur hér á norðurhveli jarðar.

Ég geri mér grein fyrir því að það er ekki gott að plöntur sem hafa búist til vetrardvalar fari að bæra á sér nú. Það getur leitt til kals að vori og þær deyi.

En hlýindin hafa svo sannarlega áhrif á vöxt plantna.

Ég vona bara að Ban Ki-moon aðalritari átti sig á þessu öllu saman og sérstaklega að flötin er að grænka.

Ban Ki-moon hæfilega bjartsýnn

Athugasemdir

[Birgir Hauksson (IP-tala skráð) 14.12.2009 kl. 21:31]

Held að hann átti sig ekkért á því hvað þá að hún sé að grænka.

Ban Ki-moon aðalritari er ekki  með hugann við flatir í Reykjavík norður. 

[Þorsteinn H. Gunnarsson, 15.12.2009 kl. 16:04]

Þú segir nokkuð!

[Hólmfríður Bjarnadóttir, 15.12.2009 kl. 17:04]

Svo eru landnámshænur hér norður við Húnaflóann vissar um að vorið sé komið, farnar að verpa á fullu og úti að éta nýttgras.

[Þorsteinn H. Gunnarsson, 15.12.2009 kl. 17:40]

Ja, haldið að það sé munur. Bara að Ban Ki-moon viti þetta og segi loftlagssérfræðingunum það.