Mismunandi vertíðir

Síldarvertíð

Loðnuvertíð

Grásleppuvertíð

Vetrarvertíð

Ferðamannavertíð

Sauðburður

Heyannir 

Göngur og réttir

Sláturtíð

Skólasetning

Skólaslit

Eru ekki alltaf einhverjar vertíðir? Alltaf upphaf og endir.

Það er ekki hægt að fljúga með tómar vélar, bensínið er svo dýrt.

Svona var þetta með dilkakjötið og bændurnar. Það voru framleidd 15.000 tonn en seldust ekki nema 7.500 tonn. Það þýddi ekki að halda áfram að framleiða.

Þetta eru allt saman erfið mál og snerta hagsmuni margra. Það verða allir að laga sig að árstíðarbundnum sveiflum, framboði og eftirspurn.

Það er ekki hægt að búa til  eitthvað úr engu.

59 flugmönnum sagt upp

Sá jarpskjótti

Snemma á búskapartíma mínu eigaðist ég mjög fallegan jarpskjóttan fola. Mér fannst þetta fallegasti hestur sem ég hafði séð og hafði miklar væntingar til.

Folinn var tekinn inn til tamningar og var ég að bardúsa við að að spekja hann og temja. Þegar á reyndi var hesturinn slægur og hrekkjóttur.

Ræddi ég þetta við Grím Gíslason þið vitið ,, þetta er Grímur Gíslason sem talar frá Blönduósi" en hann var góður hestamaður. Grímur sagði mér að ég skyldi bara skjóta folann áður en hann ylli skaða eða slysum. Ég var tregur til að fara þannig  í málið.

Nú, nú svo atvikaðist það að í september kemur maður ríðandi og er á leið yfir Kjöl nánar tiltekið yfir í Biskupstungur. Maðurinn vildi kaupa hestinn en var auralaus svo ég læt hestinn og fæ víxil fyrir kaupverðinu.

Líður nú og bíður og velti ég þessu máli ekkert fyrir mér fyrr en í réttum árið eftir að nágranni minn Páll á Höllustðum víkur sér að mér og segir mér að það sé skjóttur hestur með blaðstýft framan h. og sneitt aftan v. auglýstur  í Borgarfirði og geti eigandinn vitjað hans í Svignaskarði.

Ég fer suður að Svignaskarði og það var laukrétt þetta var hesturinn sem ég hafði selt ári áður. Hafði maðurinn tekið hann með sér á Snæfellsnes og var hesturinn að strjúka norður og var á réttri leið þegar hann var handsamaður. Víxillinn var ógreiddur.

Skúli á Svignaskarði skaut hestinn á færi og seldi ég Matarfélaginu á Hvanneyri skrokkinn og átu Hvanneyringar hann. Það sem mér fannst merkilegast við þetta var ratvísi hestsins, að ver á réttri leið norður bara eins og Norðurleið.

Góð stemning á hestamannamóti

Allt í plati hjá Katrínu

Þetta er ekki gott mál fyrir Katrínu. Það virðist ekki vera tekið mark á orðum hennar og þau talin litlu skipta. Þó höfðu ,,samningamenn Icelandair hallað sér aftur í sætum sínum, rennt sér frá samningaborðinu og farið að bíða eftir því að þeir yrðu skornir niður úr snörunni" er haft eftir Mbl.is sem hafði það eftir Stöð 2, sem hafði það eftir Kjartani Jónssyni,  þegar þeir heyrðu orð hennar. Það var gott að þeir duttu ekki aftur fyrir sig. Þeir hafa sennilega verið með beltin spennt eins og tíðkast í flugtaki og allt er í háalofti.

Katrín virðist segja si svona eitthvað út í loftið og vera hálf utan við sig með rómantískt blik í augunum enda nýgift. Allt í plati og voða gaman.

Hún er sennilega í einhverskonar sveiflujöfnun, en það er gott orð yfir það þegar jafna þarf út árstíðarbundnar sveiflur í sambandi við vinnu.

Orð Katrínar skiptu ekki máli

Flugmannsnámið dýrt

Það er misjafnt hversu nám hinna ýmsu starfstétta kostar viðkomandi. Yfirleitt er kennslan og námið ókeypis fyrir námsmanninn. Þjóðfélagið borgar kennurum og útvegar skólahúsnæði. Einhver skólagjöld eru greidd af námsmanni en eru óveruleg en sem komið er. Erlendis eru skólagjöld yfirleitt há.

Námsmenn þurfa samt sem áður að vera við nám kauplaust en geta á móti fjármaðgnað sig með lánum frá Lánasjóði íslenskra námsmanna. Á fyrritíð reyndu mámsmenn að að fjármagna námið með sumarvinnu, svo sem í virkjunum, síld eð byggingavinnu. Nú er það að mestu liðin tíð.

Hjá mér var eitt sinn strákur í sveit og kenndi ég honum á dráttarvél nánar tiltekið, Ferguson TF 20 model 1956. Pilturinn hefur ýmist verið flugmaður eða flugstjóri á Booeing þotum. Ég segi í gamni við sjálfan mig að ég hafi komið mér upp flugstjóra.

Flugmenn þurfa að kosta nám sitt að mestu úr eigin vasa eftir því sem ég best skil. Flugtímar eru svimandi háir. Flugið er árstíaðrbundi og við því er lítið hægt að gera. Kennarar og sjómenn hafa þurft að búa við slíkt.

Áhugavert væri að við gerð kjarasamninga væri stillt upp tveim launatöflum annarvega launtöflu sem væri hugsuð til að greiða upp í það sem námið kostaði og hinsvegar vinnulaun.

Þá gæti skýrst betur í almennri umræðu hvað hin ýmsu nám kosta fyrir einstaklingana. 

Kjaradeila flugmanna óleyst

Hliðarráðstafanir við Dyrhólaey

Oft taka stjórnmálamenn upp á því í erfiðum málum að fara tala um hliðarráðstafanir þegar allt er komið í flækju. Er þá oft og einatt farið að tala út og suður fram og aftur að þetta þurfi að gera en bara ekki nákvæmlega svona.

Nú hefur almenningi borist nokkrar fréttir um hliðarráðstafanir við Dyrhólaey, að vísu raunverulegar hliðarráðstafanir.

Hlið hafa verið sett niður á Dyrhólaey og hlið hafa verið tekinn upp á sama sólahringnum. Enginn veit hvað má og hvað má ekki. Allir eru í rétti.

Almenningur hefur skilið þessar hliðarráðstafanir, þannig væntanlega, að málið snerist um hagsmuni náttúruverndar og ferðaþjónustu og umferðarréttar, sem það gerir auðvitað.

En málið er dýpra og sýnist snúast um eignarhald og ekki eignarhald og hver á hvað og hvers er hvurs. Og hver má hafa hlið og hver má ekki hafa hlið. Ristarhlið eða vængjahlið.

En meðal annarra orða hver skyldi eiga gatið sem er á Dyrhólaey og djarfir menn hafa flogið í geng um? Veit einhver það? Þetta er sennilega í fyrsta skipti sem þarf að þinglýsa landsvæði bæði ofan og neðan.

Þinglýsa eignarhaldi á Dyrhólaey

Lífríki til sýnis í Mýrdal

Það er um að gera að hafa lífríkið til sýnis.

Það mætt gera með því að gefa refnum  að borða af diski og sjá til þess að allir refir væru aldrei svangir og þyrftu því ekki að vinna fyrir sér og þyrftu hvorki að éta lömb eða æðarkollur. 

Svo væri hægt að sýna ferðamönnu refina og segja ferðamönnum um leið söguna af Rauðhettu.

Þetta væri það sem kallað er menningartengd ferðaþjónusta.

Dýrbítur austan við Vík

Heim í héruð

Búnaðarfélaga Háfjallahrepps harmar það ósamkomulag sem virðist upp komið vegna framlagningu frumvarps um sjávarútvegsmál bæði hið minna og hið stærra og hið lægra og hið æðra.

Telur Búnaðarfélagið einboðið að vísa málinu heim í héruð til að heimamenn geti fjallað um málið á raunhæfan hátt, nú eftir að vetrarvertíð er lokið og sauðburður kláraður.

Þar sem engin búnaðarfélög eru í Reykjavíkurkjördæmi norður og suður?  svo og Suðvestur kjördæmi? er einsýnt að heimamenn á þeim slóðum hafa ekkert um málið að segja og verða því framangreind frumvörp ekki borin út í þeim kjördæmum.

Búnaðarfélagið telur að nauðsynlegt sé að einbeitt sátt náist um þessi veigamiklu atriði sem varða svo mikla hagsmuni sem í framan greindum frumvörðum felast.

Telur Búnaðarfélagið að sjávarútvegsráðherra reyni að ná samningum við útvegsbændur eins og tíðkað hefur verið um landbændur um þessi mikilsverðu mál.

Orðugra getur verið ef engir samningar takast og hver siglir sinn sjó.

Verður því trauðla trúað að mál geti farið á þann veg!!!

Vill vísa kvótafrumvarpi frá

Segir Kristrún satt?

,, Kristrún sagði að þeir fjölmiðlar, sem segðu Geir hafa framið lögbrot, segðu  ekki satt. „Það er vegna þess að lög um ráðherraábyrgð skilgreina ekki neitt sérstakt afbrot. “

Þetta er ekki rétt hjá Kristrúnu.

Sérlögin(L nr.4 /1963) setja  tvenns konar skilyrði fyrir ábyrgð ráðherra, hlutlæg og huglæg.

Fyrrnefnd skilyrðin eru, að ráðherra hafi framið 1) stjórnarskrárbrot 2) brot á öðrum landslögum eða

3) brot á góðri ráðsmennsku, þ.e. það er fyrirsjáanlega stofnað heill almennings eða einstaklinga í hættu.

Síðarnefndu skilyrðin eru að brot hafi verið framið annaðhvort af ásetningi eða stórkostlegu hirðuleysi.

Í lögunum eru  síðan nánari ákvæði um, hvaða athafnir varðar  r. skv. lögunum.

Heimild:  Björn Þ. Guðmundsson,Lögbókin þín,ráðherraábyrgð.

„Geir á sanngirni skilda“

Sigmundur Ernir tæpur

Þegar umræða var uppi um að Sigmundur Ernir alþingismaður á Alþingi Íslendinga var talinn kenndur á þingfundi ritaði ég færslu um það mál og bar blak af þingmanninum og taldi að þetta gæti svo sem komið fyrir fólk þó það væri ekki heppilegt.

Nú get ég ekki alveg treyst honum lengur. Því miður.

Ég held að það væri góð vinnuregla til framtíðar litið að handhafar ákæruvalds í landsdómsmálum þ.e.a.s. alþingismenn haldi sig til hlés í umræðu um málið því afskiptum þeirra lauk við ályktun um málið og við tók dómsmeðferð.

Þó er ekkert í lögum sem meinar þeim að fjalla um málið en þetta væri svona praktískara.

En menn geta svo sem haldið áfram að vera glaðir og drjúgir yfir verkum sínum og atkvæðagreiðslum.

Stoltur af mótatkvæðinu

Lagapólitískt

Það má segja að þetta séu lagapólitisk réttarhöld. Við skulum nú vona að það verði stuðst við lagabókstafinn, en það sé ekki einhver bófaflokkur sem dæmir.

Þó má segja að flestir hæstaréttardómarar séu skipaðir af þröngu pólitísku valdi, þe.a.s dómsmálaráðherra nú innanríkisráðherra. Ekki eru þeir kosnir af almenningi.

Landsdómur er samt sem áður blandaður dómur og við skulum vona að pólitíst vald sé orðið það mikið þynnt út að þess gæti ekki.

Það færi í verra ef Landsdómur væri nokkurskonar kviðdómur, æ, æ, það væri ekki gott í þessu máli.

En- ef skip strandar þá svarar skipstjórinn til saka, ekki hásetarnir.

Svo er nú lagafyrirmælin um refsingu þannig háttað að hæsta refsing er 2 ár í fangelsi.

En samkvæmt okkar réttarfarshefð er hver maður saklaus þar til sekt hans sé sönnuð svo það sé á hreinu.

Það er ástæðulaust að varpa þessu máli með þessum hætti út á hinn pólutískavígvöll.

Það liggur fyrir að svona atburðir sem urðu hér á landi eru litnir mjög alvarlegum augum af almenningi.

Fyrstu pólitísku réttarhöldin