Fólkið milli húsnæðissamninga

Það er full ástæða að óska Framsóknarfólki til hamingju með þennan ótrúlega kosningasigur. Framsóknarmenn eru svo sem ekki öfundsverðir, ef þeim mistekst með ætlunarverk sitt að laga til í fjármálum heimilanna, en vonandi tekst það og er raunar brýn nauðsyn að það takist. Fólk getur orðið óvinnufært og hugsjúkt út af fjárhagsáhyggjum og slíkt bitnar á börnum og innviðum heimilisins og starfsgetu fólks.

Mig langar að fjalla hér um þann hóp fólks sem er á milli íbúðarsamninga. Búinn að selja sína eign og væntanlega að taka skellinn hækkuðum skuldum og rýrnun eiginfjár vegna húsnæðissamnings seldrar eignar og er svo í starholunum að reyna að eignast nýtt húsnæði. Sumir jafnvel fluttir úr landi.

Það þarf að fá svör við hinum ýmsu afbrigðum sem geta verið í þessum málum og margir velta fyrir sér.

Það er vont að detta milli stafs og hurðar þegar gerðar eru lagfæringar á kerfum og ný kerfi tekin í notkun. Þau verða að vera réttlát og taka á sem flestum afbrigðum sem geta verið í farvatninu og ráðuneytisfólk sér, ef til vill ekki strax, þegar verið er að semja reglur sem farið er eftir í úrlausn mála.

Gangi tiltölulega hratt fyrir sig

Sjálfstæðismenn með súrefnisgrímu

Stjórnmálaástandið nú er mjög óvanalegt. Mörg framboð og margir markhópar sem sótt er í. Það sem vekur þó mesta athygli er þetta mikla skrið sem er á Framsókn en að samaskapi fall Sjálfstæðisflokksins  virðist ekki stöðvast. Við liggur að Sjálfstæðismenn verði að ganga með súrefnisgrímu alla kosningabaráttuna eigi þeir að halda pólitísku lífi.

Fylgi Sjálfstæðisflokks dalar enn