Varamenn hverra?

Í listakosningum þar sem framboðsaðilar fá ákveðinn fjölda fulltrúa kjörna, við skulum segja 3, að þá er 4 maðurinn á listanum varamaður.

Í óbundnum kosningu þ.e.a.s. þegar listar eru ekki bornir fram heldur er sá kosinn sem fær flest atkvæði, við skulum segja að kosið sé í 5 manna stjórn í kvenfélagi, að þá er sá varamaður sem er næstur 5. manni að atkvæðavægi.

Í stjórnlagaþingskosningunum var kosningin svokölluð forgangsröðunarkosning þar sem frambjóðendum var raða eftir vægi. Ekki er svo ég viti til, að talað sé um að 26 maðurinn sé varamaður.

Það kemur til af því að ef einhver af þeim 25 þiggur ekki sætið sitt eða forfallast að þá getur röðin breyst á þeim sem koma eftir 25. sætið og þar er ekkert sjálfgefið.

Það er eftir því sem mér skilst að atkvæði þess sem þiggur ekki sætið geta deilst út á allt aðra og því þarf að endurreikna til að komast að því hver hinn raunverulegi varamaður er.

Ríkisvaldið getur ekki verið með tilraunastarfsemi við kosningar í jafn veigamiklum málum sem lúta að ákvörðunum sem snerta stjórnarskrámál. Slík starfsemi á heima á tilraunastofum innan háskólasamfélagsins.

Tilfellið er að þessar forgangsröðunarkosningar eiga aðeins við þegar um er að ræða fáa frambjóðendur en ekki yfir fimm hundruð kandídata.

Það væri fróðlegt að fá þetta reiknað og hvort hér sé rétt að málum staðið.

Íris tekur sæti

Við Alþýðubandalagsmenn

Við Alþýðubandalagsmenn höfum ekkert verið spurðir um þessi hernaðarátök. Við eru almennt á móti stríði, skothríð eða hernaðarhávaða.

Þó erum við til í átök, ef hrossastóð gengur í annarra manna högum og veldur þar búsifjum. Teljum við þá réttast að setja hundana á stóðið og beita hrossabrestum.

Gamlir menn hnýttu við þessar aðstæður, litla olíudunka, frá auðvaldsfyrirtækjum einkum og sér í lagi frá Esso, aftan í hross. Var gengið þannig frá hnútunum við taglið, að í sundur losnaði, svo hrossið yrði ekki ævilangt sturlað, því þá hefði verið óbúandi á bæjunum.

Við Alþýðubandalagsmenn berum ekki skotvopn nema við fuglaveiðar og erum þá gjarnan ríðandi svo við getum forðað okkur  úr kúlnahríðinni. Hefur hún nú harðnað svakalega í seinni tíð á heiðum uppi.

Hergöngumarsa göngum við ekki. Þó ku sumir hafa gengið í sunnanáttinni í svokölluðum Keflavíkurgöngum og haldið fánum skáhallt í vindinn til að mótmæla stríði og hersetu, en það var nú einnig gert til að liðka sig og styrkja og áttu sumir engin skóföt önnur en gömul stígvél í slíkar göngur.

Aftur á móti skilur engin í þessu írafári sem hlaupinn er í Sjálfstæðismenn út af þessum orrustumálum. 

Vanir menn.

Vorum ekki spurð

Hlynntur ábúðarskyldunni

Ég er frekar hlynntur ábúðaskyldunni en í henni felst að sá sem á bújörð ber skylda til að byggja hana ( leigja ), ef hann býr ekki sjálfur á henni.

Mér er alveg sama þó að jarðir falli í verði verði ábúðarskyldan lögfest.

Það er ekkert nema gott eitt um það að segja að bújarðir séu ódýrar. Þá fer minni hlutur af afurðarverðinu til að borga vexti og afskriftir af jarðnæðinu, lánum og þess háttar. Með því móti geta landbúnaðarvörur verið ódýrari.

Frumbýlingar og ungt fólk getur þá auðveldleg eignast jarðnæði og hafið búskap.

Síðasti landbúnaðarráherra Framsóknarflokksins var óskaplega hrifin af því að bændur gætu fengið himinhátt verð fyrir jarðir sínar. Það væri svo gott fyrir þá í ellinni. Svona gátu Framsóknarmenn ruglast í rýminu þegar þeir sáu peninga, og óku út í skurð.

Afkomu eldri bændafólks á að tryggja með sómasamlegum lífeyrir en ekki að spenna verð bújarða í himinhæðir til ellilífeyris. Hátt jarðarverð gerir yngra fólkinu örðugt með að byrja búa.

Nauðsynlegt er tryggja að gott landbúnaðarland sé ekki handhófslega brytjað niður.

Það er vegna framtíðarinnar.

Það er þó að mínu mati gilt sjónarmið að landeigendur geti notið eigna sinnar með einhverskonar hjásetu á jörð sinni í skjóli ábúðarskyldunnar til frístunda og ánægjudvalar. Verið með spildu í holti eða hlíð til skógræktar.

En öll þessi sjónarmið þarf að samræma. Það er vandasamt svo allir verði glaðir.

Andvíg áformum um ábúðarskyldu

Afsögn alþingisþingmanns

Málefnið um að þingmaður eigi að hverfa af Alþingi ef hann yfirgefur þingflokk þann sem hann hefur tekið sér sæti í, er löngu fullrætt í íslensku þjóðfélagi.

Alþingismaðurinn heldur sæti sínu en þingflokkurinn minnkar sem því nemur.

Ef kjósendur og stjórnarmenn í stjórnmálasamtöku eru ósammála þessu geta þeir farið með málið fyrir dómstóla og látið reyna á það.

Vissulega væri slíkt mál spennandi.

Ríkistjórnin er með 33 alþingismenn á bak við sig og það hefur verið talið traustur þingmeirihluti.

Og þó að Ásmundur Einar Daðason yfirgæfi ríkistjórnina, sem hann getur ekki, því einhver verður að sjá um búvörusamninga fyrir bændur, dugar það ekki til. Þá væri hlutfallið 32-31 og þingið starfar í einni málstofu. Áður fyrr var þetta vandkvæðum bundið þegar þingið starfaði í tveim málstofum Efri og Neðri deild.

Ákveðin þversögn í kröfu um afsögn

Undanhald Gnarrista

Tillögurnar virðast fá allmikinn mótbyr.

Á öllum vígstöðum er við ofurefli að etja.

Er þá ekki rétt að syngja ,,Hlíðin mín fríða" og hopa upp í Öskjuhlíð og verjast þar.

Ekki þýðir að flýja upp á þak í Æsufellinu. Það er tapað vígi, þar vígbúast Breiðhyltingar ásamt bandamönnum.

Svo er hægt að skipa sáttanefnd valinkunnra sómamanna og leita eftir sáttargjörð um málið.

Áfangaskipta breytingunum.

Það gæti nú reynst heilladrýgst úr því sem komið er, þannig að allir fengju nokkra sæmd af málinu.

Fundað í Hlíðaskóla

Fallegt útsýni úr Borgaskóla

Borgaskóli stendur hátt upp á Borgunum í Grafarvogi.

Þar er fagurt um að lítast, mikið útsýni og sést til allra átta, Esjan Faxaflói Akranes, Geldinganes og Viðey.

Umhverfið er litríkt og glæsilegt. Allar Borgirnar og klettarnir þar sem álfar og huldufólk býr.

Ellegar ósnert fjaran hjá Borgaskóla, sem er líklegasta lengsta fjara við nokkurn grunnskóla þegar fjaran við Geldinganesið er meðtalinn.

Já, það er mikil fegurð og mannauður í Borgaskóla.

Hafnar tillögum að sameiningu skóla

Leyndardómur húmorsins

Forseti Íslands hefur farið víða um lönd undanfarið og kemur hann þá gjarnan að máli við fjölmiðlamenn og segir eitthvað mikilsvert um íslensk málefni. Oft er eitthvað haft efir honum í Bloomberg fréttaveitunni.

Þetta er alveg nýtt form hjá forsetanum á samræðum við þjóðina enda verður hann að vera frumlegur og skapandi sem doktor í stjórnmálafræðum. Þjóðinni hefur að því er virðist líkað þetta vel enda er margt miklu merkilegra sem sagt er frá útlöndum en hér heima. Maður man t.d. þegar Axel Thorsteinsson fréttamaður RUV, sagið fréttir klukkan átta á morgnana í gamladaga;

,, Nú verða sagðar Lundúnafréttir".

Nú hefur borgarstjórinn í Reykjavík tekið sama hátt upp eftir forseta og reifað skoðanir sínar um Icesave frá Vínarborg þar sem hann skrapp á bíó á meðan borgarstjórn er að ræða um barnafræðslu og skólamál í Reykjavík.

En þá bregður svo við að allir verða óánægðir og fara kalla borgarstjóra, kjána og bjána, nefna málið bull, þvælu og dómgreindarleysi.

Þegar ég gerði mér grein fyrir þessum nýja stíl forsetans og hliðstæðu borgarstjórans og samhenginu fór ég bara skellihlæja.

Vitanlega gerir borgarstjóri bara eins og forsetinn. Menn verða tolla í stjórnmálatískunni ef á að halda kjörfylginu.

,, Nú segir borgarstjórinn Vínarfréttir".

Bölsýnn borgarstjóri í Vín

Munurinn á Vatnsdælingum og Flóamönnum

,,Mörður sagði m.a. að sveitarfélagið hafi ekki sett virkjunina inn á skipulag fyrr en að gerðum samningi við Landsvirkjun.

Hann sagði að í samningnum hafi falist að Landsvirkjun myndi greiða fyrir skipulagið, setja bundið slitlag á tvo vegi óviðkomandi virkjuninni, koma að vatnsveituframkvæmdum í hreppnum og bæta GSM samband í hluta hreppsins. Landsvirkjun hafi því þrýst á sveitarfélagið að setja virkjunina inn á skipulagið."

Heimild: Frétt á Mbl.is 13.02 2011

Flóamenn fá þarna bætt símasamband frá hendi Landsvirkjunar að því að virðist sem einhverskonar ívilnanir eða af hjartagæsku.

Í bókinni Gísli á Hofi vakir enn, sem kom út nú fyrir jólin, segir frá því að Vatnsdælingar og Þingbúar hafi verið farið að lengja eftir sjálfvirkum síma í kringum 1979.

Gísli var oddviti sinnar sveitar og viðraði þá hugmynd við Ragnars Arnalds, sem þá var samgönguráðherra, hvort ekki væri hægt að fá sjálfvirkan síma. Þetta var talið mjög dýrt og gæti tekið mörg ár.

Lyktir málsins urðu þær að 18 bændur í Vatnsdal og Þingi lánuðu Póst og símamálastjórn 10 milljónir króna vaxtalaust til að leggja sjálfvirkan síma á svæðið.

Álfheiður baðst afsökunar

Sveitarstjórnarlög

Lög nr. 45 frá 3. júní 1998 mæla fyrir um stjórnun sveitarfélaga

Skyldur sveitarfélaga eru lögfestar í 7 gr.með eftirfarandi hætti:

7. gr. Almennar skyldur sveitarfélaga.
Skylt er sveitarfélögum að annast þau verkefni sem þeim eru falin í lögum.
Sveitarfélög skulu vinna að sameiginlegum velferðarmálum íbúanna eftir því sem fært þykir á hverjum tíma.
Sveitarfélög geta tekið að sér hvert það verkefni sem varðar íbúa þeirra, enda sé það ekki falið öðrum til úrlausnar að lögum.
Sveitarfélög skulu hafa sjálfstæða tekjustofna og sjálfsforræði á gjaldskrá eigin fyrirtækja og stofnana til þess að mæta kostnaði við framkvæmd þeirra verkefna sem fyrirtækin og stofnanirnar annast.
Sveitarfélög skulu setja sér stefnu um arðgjafar- og arðgreiðslumarkmið í rekstri fyrirtækja sinna og stofnana og er heimilt að ákveða sér eðlilegan afrakstur af því fjármagni sem bundið er í rekstri þeirra.

Heimild: Vefur Alþingis

Það virðist því vera nokkuð rúmar heimildir sem sveitarstjórnir hafa til að hlúa að velferðarmálum íbúanna.

Gömlu sveitarstjórnarlögin voru nokkru þrengri og settu sveitarstjórnum meiri skorður en nú er.

Svo er hægt að túlka fjárhagsáætlanir eftir smekk og tilfinningu og allt getur það átt rétt á sér.

Allskonar.

„Viljum standa vörð um börnin“

Íslendingar reiðir

Við Íslendingar erum rosalega reiðir yfir bankahruninu sem er ekki almenningi á Íslandi að kenna.

Þá erum við líka ævareiðir hvernig farið hefur verið með orðspor íslensku þjóðarinnar á erlendum vettvangi sem var svona í ágætu ástandi.

Við krefjumst þess að þetta bankahrun verið gert upp bæði efnahagslega og á bankalegum sviðum.

Einnig krefjumst við að réttarkerfið varpi ljósi á, hverjir frömdu þessi afglöp og þeir þoli dóma að lögum.

Fyrr verður ekki hægt að koma hér á þjóðskipulagi sem almenningur sættir sig við.

Tchenguiz-bræður reiðir