Með næruxurnar á hælunum

Þegar Víglundur Þorsteinsson var komin í greiðslustöðvun með ættarveldi sitt BM Vallá og var spurður að því hvernig stæði á því að hann hefði ekki skilað ársreikningi til einhverra ára til Ársreikningsskrár, svaraði hann vígalegur og þungur í lund að viðkomandi kæmi það ekki við og ekki væri hann að spyrjast fyrir um það hvernig nærbuxum viðkomandi værir í.

Steypustöðin Vallá er stofnuð 1946 og hefur starfað óslitið síðan og alltaf verið að steypa og steypa. Notað innlent hráefni svo sem möl og sement. Erlendu aðföngin eru bílar og vélbúnaður. Það hafur lengst af setið að þessari starfsemi hér á höfuðborginni, þó svo öðrum steypustöðvum hafi vaxið fiskur um hrygg.

Ekki er gott að segja til um hvernig Vallá hefur gengið að innheimta greiðslur fyrir steypuna í þessi 66 ár en aldrei hefur maður heyrt að þeir hafi ekki fengið greitt með skilum.

Þess vegna er það rannsóknarefni að fyrirtæki og svona mikið ættarveldi sem ætti að standa traustum fótum og getað lagt fyrir til standast smá kreppu sé komið með milljarða í skuld og öfugan höfuðstól og allt niður um sig svo glittir í nærbrækurnar.

Bankinn hefur sennilega talið fyrirtækið það mikið laskað að það væri ekki á vetur setjandi, aukin heldur að lítið væri um, fína drætti í náinni framtíð vegna þess að búið væri að steypa svo mikið og engin eftirspurn eftir steyptum fasteignum nú um sinn.

Þess vegna er það mat mitt að þessi draugagangur og ég vil segja pólitísku málatilbúnaður fv stjórnarformanns sé eins og segir í málshættinum,, Betra er að veifa röngu tré en öngvu", missi algerlega marks.

Víglundur ósáttur og boðar ný gögn

Einokunarkerfi búvöruframleiðslunnar fest í sessi?

Formaður Bændasamtaka Íslands Haraldur Benediktsson kemur inn á lista Sjálfstæðismanna í NV-kjördæmi sem annar maður. Engin veit svo sem hvort það leiði til þess að hann komist inn á Alþingi.

Það sem hann reiðir í þverpoka fyrir framan sig er einokunarkerfi búvöruframleiðslunnar og berst varla fyrir breytingum á því kerfi og verður gaman að sjá hvernig Sjálfstæðisflokkurinn bregst við þessum tíðindum.

Aldarfjórðungur er síðan lögum um  framleiðslu og verðlagningu á búvöru var breytt, svokölluð búvörulög. Þar var kvótakerfi sett á í landbúnað. Smátt og smátt hefur svo afurðarsöðvarkerfið þróast til einokunarkerfis.

Talað var um að þetta mundi leiða til mikillar hagræðingar fyrir þjóðfélagið.

Samkvæmt síðustu búreikningum eru búreiknisbúin með öfugan höfuðstól þ.e.s.a. skuldir eru meiri en eignir eins og sjá má á færslu sem ég setti inn fyrir nokkru í tilefni skýrslu frá Landbúnaðarháskóla Íslands. Það eru mjög alvarlegur tíðindi, en fyrir setningu lagana voru bændur yfirleitt bjargálna, þó staða þeirra væri eitthvað mismunandi.

http://thorsteinnhgunnarsson.blog.is/blog/thorsteinnhgunnarsson/entry/1261248/?preview=1

Allt um það þá er Haraldi óskað til lukku og ég segi; hann er svo sem ekki einn um að bera ábyrgð á þessari þróun. 

Haraldur náði öðru sætinu

Ósanngjörn ummæli Hjörleifs

Ummæli Hjörleifs Guttormssonar hér í fréttinni eru mjög ósanngjörn í garð félaga sinna í VG.

Víst er að þessar samningsviðræður um ESB eru VG mjög erfiðar , en á það ber að líta að samið var um það að niðurstöður úr þeirri lotu eiga landsmenn að afgreiða í þjóðaratkvæðagreiðslu, þannig að það er ekki verið að taka réttinn af nokkrum manni eða konu. 

Vinstri grænir, fótgönguliðar, ráðherrar og alþingismenn þess flokks hafa lent í mjög sögulegum aðstæðum sem þeir hafa ekki sérstaklega beðið um.

Hér hrundi heilt bankakerfi.         Atvinnuvegirnir voru að stöðvast.

Gjaldeyrisvarasjóðurinn var tómur.     Enginn vildi lána okkur fjármuni.

             Útlit var fyrir að aðföng til landsins stöðvuðust.

Við þessar aðstæður fóru Vinstri grænir í vinnu- og björgunargallann og létu hendur standa fram úr ermum. Ekki gerðu frjálshyggjuöflin það eða einkaframtakið.

Sagan mun sýna að Vinstri grænir unnu þjóðarafrek að halda landinu og þjóðinni gangandi.

Hvort vildi Hjörleifur Guttormsson, glundroða og upplausn eða vinnandi menn við björgunarstörf? Mér finnst vanþakklæti felast í þessum ummælum Hjörleifs og lítils skilnings á því sem hér gerðist og það kemur mér á óvart af jafn greindum manni.

Segir VG „ósjálfbært rekald“

Foringi Framsóknarflokksins barnalegur

,, Sagði Sigmundur að stjórninni hefði „ekki tekist að nýta þá einstöku möguleika sem Íslendingar höfðu til að vinna á skuldavandanum og eyða kreppunni við upphaf kjörtímabilsins.“Segir í fréttinni.

Ja heyr á endemi.

Að maður sem telur sig fullgildur stjórnmálaforingi skuli láta þetta út úr.

Staðreyndir málsins er að við upphaf stjórnartíðar ríkistjórnarinnar var sú að allar lánalínur lokuðust og fyrirgreiðsla um lán til að standa í skilum var ekki fyrir hendi. 

Gjaldeyrisvarasjóður þjóðarinnar var uppurinn.

Hér blasti jafnvel við að landsmenn hefðu ekki aðföng svo sem eldsneyti, fóðurbætir eða lyf fyrir sjúka.

Og hvaða einstöku möguleikar voru þetta sem landsmenn höfðu?

Og um skuldavandan má benda á að ríkisstjórn er bundin því að fara eftir stjórnarskrá og getur ekki bara keypt sér strokleður og strokað skuldir út eftir pöntun. 

En það eru erfiðleikar hjá okkur framundan. Það er engin spurning.

En svona málflutningi Framsóknarforingjans er algerlega vísað ábug.

Skuldir þjóðarbúsins hafa aukist

,,Efst á Arnarvatnhæðum"

Það er búið að vera gaman að fylgjast með  þessum veiðimyndum og sjá hve fjölbreyttar þær eru. Eins hve börn eru miklir þátttakendur í veiðiskapnum.

Og af því að Jónas Hallgrímsson og systir mín Halldóra Gunnarsdóttir  eiga afmæli í dag þá er hér ljóð Jónasar, Efst á Arnarvatnshæðum.

Myndin er einmitt af sonardóttur minni við Skammá efst á Arnarvatnshæðum en myndin var send inn. Vinningshöfum er óskað til hamingju. Það unnu allir sem tóku þátt.

• Efst á Arnarvatnshæðum
• oft hef eg klári beitt;
• þar er allt þakið í vötnum,
• þar heitir Réttarvatn eitt.
•  
• Og undir Norðurásnum
• er ofurlítil tó,
• og lækur líður þar niður
• um lágan Hvannamó.
•  
• Á öngum stað eg uni
• eins vel og þessum mér;
• ískaldur Eiríksjökull
• veit allt sem talað er hér.

 

Veiðimynd sumarsins 2012 er fundin

Minningargrein um Þorstein H. Gunnarsson

Látinn er í hárri elli Þorsteinn H. Gunnarsson. Hann er fæddur að Stað í Skerjafirði fluttist í Laugarnesið þrevetra en ólst upp að Syðri-Löngumýri í Blöndudal í Svínavatnshreppi. Hann hafði gaman af því að vera á böllum sem ungur maður í sveitinni:

Þessar voru heimasætur í sveitinni á þeirri tíð.

Guðrún á Guðlaugstöðum      Dularfull og dulúðug.

Hanna Dóra á Höllustöðum   Hafði frá ýmsu að segja ef svo bar undir

                                               og góðan gest bar að garði.

Áslaug á Ytri- Löngumýri     Myndarleg og töluverð skvísa.

Guðrún á Ytri-Löngumýri     Ögrandi og sjarmerandi.

Þórey í Stóradal                     Ótaminn dugnaðarforkur.

Sveinbjörg í Stóradal             Feimin en leynir á sér.

Sigurbjörg í Stóradal             Vinnusöm og fylgin sér.

Ásgerður á Stóra-Búrfelli      Mjúk og hlý.

Anna á Stóra-Búrfelli            Glaðsinna og hláturmild.

Bryndís á Mosfelli                 Hávaxin.

Kristín Indriðadóttir

Geithömrum                          Mikill félagi.

Kristín Þorsteinsdóttir

Geithömrum                          Hlédræg námskona.

Valdís á Grund                     Traustur vinur. ( Dísa í Dalakofanum).

Valgerður á Syðri-Grund      Mikil búkona.

Sigrún á Syðri-Grund            Kom blaðskellandi á ballið í Húnaveri.

Halldóra á Auðkúlu               Kát og nokkuð fyrirferðarmikil.

Guðrún á Snæringstöðum      Hláturmild danspía.

Elín á Svínavatni                   Gaf mönnum   kirkjukaffi                 

                                              Heiðursheimasæta sveitarinnar f. 1897

Útför hans var gerð um daginn og var sungið ,,Við göngum svo léttir í lundu."

Skrifaðu þína eigin minningargrein

Slydda og rigning

,,Í Morgunblaðinu 14 september kemur fram, að strax 3. september sl. hafi tíu daga spár bent til þessa og spárnar styrkst eftir því sem nær dró. Nokkrum dögum áður en óveðrið gekk yfir benti Páll ( Bergþórssson fv. veðurstofustjóri innskot færsluhöfundur.) á fasbókarsíðu sinni á að norðanhret væri í aðsigi", segir á Mbl.is kl 7:55"

Þegar veðurfréttir í sjónvarpi eru skoðaðar frá 3.sept og alla vikuna er ekki hægt að greina það á kortum eða ummælu veðurfræðinga að þetta veður sé í aðsigi. 

Á fimmtudaginn 6.sept er ekkert hægt að merkja um fyrirboða þessa veðurs.

Á föstudaginn 7. sept. er veðurfræðingurin tvístígandi en engin aðvörun gefin.

Það er ekki fyrr en á laugardaginn 8. sept. að veðurfræðingurinn er mjög afgerandi með spána. Vaxandi lægð 976 mm mjög hvasst og á sunnudaginn spáð stórhríð 35- 40 m/sek.

Það var semsagt spáð rigningu og slyddu alla vikuna. Það geta allir séð með því að skoða veðurspána í sjónvarpi. En það er ekki norðan stórhríð eða hamfaraveður með mikilli fannkomu.

Ég átti símtal við veðurstofustjóra um veðurfréttir á þessum tíma en mun ekki vitna í tveggja manna tal hér af kurteisi og vegna þess að mér finnst það ekki háttvís.

Í mínum huga er það alveg klárt að fyrir hinn almenna bónda var ekkert í sjónavarpsveðurfréttum alla vikuna sem gaf tilefni til þessa veðurs fyrr en á laugardaginn.

Hvort Veðurstofan hafi verið með einhver gögn í sínum fórum eða fv. veðurstofustjóri haft aðgang að upplýsingum sem almenningur hafði ekki og ekki voru bornar fram skal ósagt látið.

Ítrekað varað við óveðri

Próventa

Próventa er það kallað þegar einhver gefur fé með þeim skilyrðum , að hann sjái fyrir gefandanum í ellinni. Fékk þá viðkomandi að vera í horninu áhyggjulaus sem kallað var.

Í þessu máli kemur fram að Eir skuldar íbúðalánasjóði og lífeyrirsjóðunum sex milljarða og íbúunum tvo milljarða  sem er fyrir búseturétt og má segja að það sé nokkurskonar andlag af próventu.

Aðalaðtriðið er að búið sé svo um hnútana að gamla fólkið geti verið þar sem það ákvað að setja sig niður í viðkomandi öryggisíbúðum. Það verða allir að standa með gamla fólkinu og ekki vera að blása þetta mál meira upp en tilefni er til. Það eykur einungis á vanlíðan þessara eldri borgara.

Ekki kemur fram í fréttinni hver raunveruleg staðan er, en vitað er að eiginfjárstaða er neikvæð, það er skuldir eru meiri en eignir. Það var augljóslega erfið staða að lenda með þessar framkvæmdir á þessum tímapunkti en væntanlega hefur verið gert rétt að klára framkvæmdirnar svo íbúðirnar kæmust í notkun.

Hæpið er að kenna neinum einum um þessa stöðu og illa trúi ég því að þarna hafi verið misfarið með fé.  Aðalatriðið er halda áfram með reksturinn óháð því hvernig gengur á próventuna. Ef til vill tapar einhver einhverju eða það verður eitthvað minna til arfsskipta.

Þannig horfir þetta mál fyrir mér og í mínum huga er aðalatriðið að íbúar geta dvalið þarna áfram og sýnist mér ekkert horfa til að svo geti ekki orðið ef haganlega er haldið á málum.

Íbúar upplýstir um erfiða stöðu