Forseti Íslands staðfesti lögin um stjórnlagaþing

Það er erfitt fyrir Jóhönnu að gefa skýringar á þessu máli. 

Það er fyrst og fremst handhafar löggjafarþingsins sem samþykkja lögin um stjórnlagaþingið sem verða svara fyrir gallaða lagasetningu.

Handhafar löggjafarþingsins , Alþingi, eru 63 Alþingismenn og forseti Íslands.

Forseti Íslands hefur tekið sér þá stöðu að vera með íhlutunarsemi við lagasetningu sem honum er tryggð í stjórnarskrá með svokölluðum málsskotsrétti. Hann ber  því eðli máls allnokkra ábyrgð. 

Þetta er fyrst og fremst áfellisdómur yfir löggjafarstarfinu og get ég ekki séð að þingmenn Sjálfstæðisflokksins geti riðið feitara hrossin frá þessu máli en aðrir Alþingismenn.

Ég harma það ekki að þessi lög hafi verið dæmd ógild.

Ég hélt upp hér á mínu bloggi og í athugasemdum hjá öðrum bloggurum málatilbúnaði um það að þetta forgangröðunarkerfi sem átti að innleiða væri óréttlátt.

Ég vildi að kjósandinn gæti greitt þeim 25 stjórnlagaþingskandídötum sem bar að kjósa, öllum jafnt atkvæði eins og venja er í óbundnum kosningum svo sem til sveitarstjórna, í félagskerfi okkar þar sem ekki er listi í framboði.

Kjósendur voru í raun kúgaðir til að raða upp lista eins og tíðkast hjá stjórnmálaflokkum í prófkjörum.

Ég mun svo í framhaldi þessa máls fara skoða kæru mína  sem Alþingi var sent  1. maí 2009 vegna misvægi atvæða eftir kjördæmum.

Það skyldi þó ekki vera núverandi Alþingi sé ólöglega kosið?

Krefjast skýringa forsætisráðherra

Strúktúrinn í Hæstarétti

Það er strúktúrinn sem skiptir máli maður.

Lögmaður gæsluvarðhaldsfangans hélt því fram að kontóristi í Landsbankanum hafi  verið aðal orsakavaldur að þeim vandræðum sem skjólstæðingur hans hafi ratað í.

,,Kæra fjármálaeftirlitsins á hendur Sigurjóni Þ. Árnasyni er fyrir notkun á „strúktur“ sem núverandi forstjóri FME bjó til sem starfsmaður Landsbankans. Þetta segir Sigurður G. Guðjónsson, lögmaður Sigurjóns. Hann telur að engin skilyrði séu fyrir gæsluvarðhaldi skjólstæðings síns". Heimild: Mbl.is

Nú er þessi kontóristi í Landsbankanum orðin forstjóri FME.

Vafinn liggur einmitt í strúktúrnum. Hver teiknaði þetta bankahrun upp? Var það einhver undirmaður í Landsbankanum fyrir margt löngu eða Hrunverjar. 

Sérstakur saksóknari er að reyna komast að því. Af þeim sökum hefur hann ekki viljað að orðræða stæði milli fv. Landsbankastjóra Sigurjóns Þ. Árnasonar og annarra manna í landinu og víðar um heim.

Bankahrunið á Íslandi er alþjóðlegt mál og varðar hagsmuni margra kröfuhafa víða erlendis. Þess vegna er krafan mjög brýn að komast til botns í málinu.

6-7 þúsund milljarðar hafa tapast í öllu Hruninu. Það má kaupa ansi margar bújarðir fyrir allt það fé.

Eðli máls samkvæmt veltir almenningur nú fyrir sér strúktúrnum og hvernig mál koma til með að skipast í Hæstarétti við þetta sératkvæði.

Telur rök skorta fyrir gæsluvarðhaldi

Körfubolt fágaðri en handbolti

Körfuboltinn er að mínu mati miklu fallegri og fágaðri boltaíþrótt en handboltinn. Það er meiri mýkt í körfuboltanum og oft og tíðum slyngari hugmyndafræði og fléttur í körfuboltanum en handboltanum þó það sé alls ekki algilt.

Handboltinn er svona meiri hraður og harður leikur og það myndast oft og tíðum meiri stemming fyrir handboltanum og svo lækkar bensínið líka í einn eða tvo daga. Enda eru Íslendingar skorpumenn.

En um þetta eru vitaskuld skiptar skoðanir og sýnist sitt hverjum um þennan samanburð.

Upphaflega er sagnorðið að kjöldraga einhvern notað um það að draga einhvern undir kjöl á skipi. Samkvæmt orðabók Menningarsjóðs er sögnin að kjöldraga notuð um það að draga einhvern undir kjöl á skipi  einkum til að refsa uppreisnarmönnum á skipi. Orðnotkunin hefur svo færst yfir á fleiri svið eða athafnir. En gæta verður ávallt upphaflegu merkingu orða.

Norðmenn kjöldregnir

Sératkvæði Jóns Steinars

Það er alltaf forvitnilegt og fróðlegt að fram komi sératkvæði í dómsmáli fyrir Hæstarétti.

Það er lærdómsríki fyrir lögfræðina sem fræðigrein og tilefni til að fólk velti vöngum yfir málefninu.

Þau rök hafa verið borin fram í þessu máli að ekki hafi verið tilefni til gæsluvarðhalds yfir fv. bankastjóra Landsbankans Sigurjóni Þ. Árnasyni vegna þess að hann sé búin að hafa nægan tíma til samráðs við aðra málsaðila hafi hann talið tilefni til slíks.

Á það ber að líta að við yfirheyrslur gæti sakborningi yfirsést eitthvert atriði sem óvænt væri fjallað um. Þetta er svona eins og tefla skák. Óvæntir leikir geta komið mönnum á óvörum og sett stöðuna í uppnám.

Hvað mundi hver meðalgreindur maður gera ef hann væri frjáls ferða sinna við slíkar aðstæður?

Nú náttúrlega rjúka í síman og spjalla við aðra menn um málavöxtu.

Ég skil þetta gæsluvarðhald á þann veg að verið sé að rjúfa samband við aðra málsaðila í málinu á meðan skákin stendur yfir.

Sératkvæði vegna varðhalds

,,Fé án hirðis"

Við skulum hugsa okkur að hlutafélag sé stofnað til að taka fé í vetrarfóður. Peningshúsin taki 400 fjár. Fyrir hlutafélagin fer stjórn sem tekur ákvarðanir um öll málefni svo sem verð á fóðurgjaldi, hve oft er gefið og fengieldi og viðhaldsfóður og eftirlit með starfseminni o.s.frv..

Síðan er ráðinn sauðamaður sem sér um fjárhirðinguna og gæslu fjárins.

Líður nú fram að sumarmálum en þá er það farið kvisast út að heldur sé farið að fækka í hjörðinni.

Nú, nú, þeir sem eiga fé í fóðrum fara skima eftir því og þá kemur í ljós að fjárhúsin eru hálf tóm. Aðeins nokkrir gamlir hrútar í stíu, nokkrir sumlungar og fáeinar ær frekar þunnar á hrygginn.

Þeir sem eiga þarna fé í fóðrum hafa samband við yfirvöld ( sýslumann ) og lýsa áhyggjum sínum.

Yfirvaldið fer á vettvang og nær tali á sauðamanni og spyr hann hvernig standi á því að fjárhúsin séu hálftóm. 

Sauðamaður segir að töluverður hópur fjár hafi farist í febrúarveðrinu og ekki náðst í hús. Svo hafi pestin grasserað og hluti fjárins farist í henni. Þá hafi hann þurft að minnka heygjöfina vegna þess að hann hafi séð fram á heyleysi en við það hafi hluti eldri ánna fallið úr hor og engin fóðurbætir handbær til að hygla ánum.

Sauðamaður segir að hann hafi farið eftir öllum reglum og hlustað á veðurspána og reynt að gera sitt besta.

Yfirvaldið geti bara spurt stjórnina um þetta allt saman hún beri alla ábyrgð.

Halldór mættur til skýrslutöku

Hver er staða Íslandshreyfingarinnar í íslenskum stjórnmálum?

Þessi frétt kemur á óvart.

Ég stóð í þeirri meiningu að Íslandshreyfingin hafi gengið inn í Samfylkinguna á sínum tíma án nokkurra skilyrða. Ekki einu sinni eitt stykki þingmaður þó kjörfylgi Íslandshreyfingarinnar hafi gefið það til kynna.

,,Íslandshreyfingin – lifandi land var íslenskur stjórnmálaflokkur, stofnaður vorið 2007, sem lagði höfuðáherslu á umhverfisvernd en kenndi sig einnig við frjálslyndisstefnu. Formaður (til bráðabirgða) var Ómar Ragnarsson og varaformaður Margrét Sverrisdóttir. Að flokknum kom einnig Jakob Frímann Magnússon og Ósk Vilhjálmsdóttir. Flokkurinn fékk 5.953 atkvæði, 3,3% fylgi, í Alþingiskosningum 2007 og engan mann kjörinn. Flokkurinn var á fyrri hluta árs 2009 sameinaður Samfylkingunni þar sem flokkurinn taldi að erfitt yrði að ná yfir 5% múrinn sem flokkar verða að ná í kosningum til að fá jöfnunarmann. Íslandshreyfingin gekk inn í Samfylkinguna í mars 2009, nokkrum dögum eftir að tilkynnt hafði verið um framboð hreyfingarinnar í öllum kjördæmum. Íslandshreyfingin varð þar með fimmti flokkurinn sem hefur gengið í Samfylkinguna. ^{[1][2][3][4][5][6][7]}

Heimild:Vikipedia

Nú virðist koma í ljós að Íslandshreyfingi er sprelllifandi með stjórn og alles.

Þá er spurningin þessi; Er Íslandshreyfingin deild í Samfylkingunni með svona smá rennihurð fyrir prívat fólk þegar á þarf að halda, eða er hún almannahreyfing með formföstu skipulagi þ.a.e.s. aðalfundum og sérstöku félagslögum og lifandi starfi, félagsvistum og þorrablótum?

Má búast við að þeir flokkar sem mynduðu Samfylkinguna á sínum tíma rísi upp frá dauðum á næstunni?

Mótmælir rannsóknarleyfi

ÍSLENSKA AMERÍSKA ÆTTARFÉLAGIÐ

Íslendingar hafa lengstum haft ágæt samskipti við Bandaríkjamenn.

Til er félag sem heitir ÍSLENS-AMERÍSKA FÉLAGIÐ og um tilgang þess segir svo á heimasíðu þess:

,,Íslensk-ameríska félagið sem stofnað var 1940, er eins og sambærileg félög á Norðurlöndum systurfélag American Scandinavian Foundation. Félögin starfa að því að efla samstarf þjóða sinna og Bandaríkjanna í mennta- og menningarmálum í samvinnu við American Scandinavian Foundation. Eftir stofnun félagsins á styrjaldarárunum hófust námsdvalir Íslendinga á háskólum og öðrum menntastofnunum í Bandaríkjunum sem ætíð hafa haft mikla þýðingu".

Bandaríkjamenn skildu eftir stóran ættboga íslenskra Bandaríkjamanna hér þegar þeir yfirgáfu landið þegar herinn fór.

Réttindi þessa fólks eru um margt á huldu svo sem um upplýsingar um frændfólk sitt í Bandaríkjunum en þar er náttúrlega stór ættbogi sem er í ættartengslum við Íslendinga hér á landi.

Þá eru arfsmál  þessa hóps óuppgerð en allir eiga rétt á föðurarfi sé hann fyrir hendi. Þessi mál eru af ýmsum ástæðum vandmeðfarin og tilfinningaþrungin en engin ástæða er til annars en að fara tala opinskátt um þau með hagsmuni beggja að leiðarljósi.

,,Össur Skarphéðinsson, utanríkisráðherra, segir að ráðuneytið muni koma ákveðnum sjónarmiðum á framfæri við bandarísku utanríkisþjónustuna mjög fljótlega. Það verði gert með milligöngu sendiherra Bandaríkjanna".

Ég teldi rétt fyrir utanríkisráðherra að biðja sendiherrann að upplýsa þessi ættartengsl og leggja fram ættartölur og koma á eðlilegum samskiptum milli þessara hópa.

Það væri gert að mínu mati með því að stofna félaga um málefnið sem bæri nafnið;

ÍSLENSKA AMERÍSK ÆTTARFÉLAGIÐ.

Sjónarmiðum komið á framfæri

Njósnað um Íslendinga

Þetta eru náttúrlega alvöru tímar sem við lifum á. Maður má auðvita gæta að sér á öllum síðum og vígstöðum.

Ég hef svo sem verið að vitna í Byltinguna á Kúbu hérna á síðunni, bók eftir Magnús Kjartansson fv. ritstjóra og ráðherra Alþýðubandalagsins og maður veit aldrei hvaða þýðingu eða afleiðingu það hefur.

Svo sást til mín með haglabyssu fram í Svínadalsfjalli í haust og það heyrðust þungir skothvellir víða um sveitir. Svo það er eðlilegt að bandarísk stjórnvöld séu vör um sig.

En þeir gleyma að rifja upp þegar þeir voru að fljúga lágflug á orrustuflugvélum á Auðkúluheið og voru nærri búnir að fæla hesta undan bændum hér um árið og fénaður varð felmtri sleginn.

Ég get ekki neitað því að síminn hefur verið að hringja hérna en oftast hafa það verið vinir og ættingjar að spjalla. En það er ekki laust við að það heyrist smá klikk í símanum en það getur verið af því að hann er orðinn gamall lúinn.

Það gefur auga leið að maður verður að vera var um sig og spila með hér á blogginu fyrst verið er að bjóða upp á slíkt á annað borð.

„Ég hef ekkert að fela“

Vöruskipti við útlönd hagstæð

 ,,Nr. 247/2010

Vöruskipti við útlönd, bráðabirgðatölur fyrir nóvember 2010

Samkvæmt bráðabirgðatölum fyrir nóvember 2010 var útflutningur fob 48,3 milljarðar króna og innflutningur fob tæpir 38,0 milljarðar króna. Vöruskiptin í nóvember, reiknuð á fob verðmæti, voru því hagstæð um tæpa 10,4 milljarða króna samkvæmt bráðabirgðatölum".

Heimild: Hagstofan fréttatilkynning.

,,Á morgun mun Hagstofan birta tölur um vöruskipti við útlönd á tímabilinu janúar til nóvember 2010. Ef bráðabirgðatölur nóvembermánaðar reynast réttar nemur afgangur af vöruskiptum á þessu tímabili um 109 milljörðum króna. sem jafngildir aukningu upp á 44% á föstu gengi frá sama tímabili árið á undan.

Þannig hefur vöruútflutningur aukist um 15% á sama tímabili reiknað með þessum hætti og vöruinnflutningur aukist um 9%.

Hvað útflutning varðar þá skýrist aukningin einna helst af auknum tekjum af útfluttum iðnaðarvörum en skýring á auknum innflutningi liggur að mestu í auknum innflutningi hrá- og rekstrarvara. Er því útlit fyrir að vöruskipaafgangur síðastliðins árs verði á bilinu 115-125 milljarða króna. sem er mesti afgangur í a.m.k. tvo áratugi, en tölur Hagstofunnar ná aftur til ársins 1989".

Heimild: vísir.is

Þetta er það sem skiptir þjóðarbúið afar miklu máli og hér hefur þróuninni svo sannarlega verið snúið við.

Fjármálaráðherra, VG og öll þjóðin geta því glaðst yfir þessum árangri.

„Þetta verður góður fundur“

Fjölmæli

Fjölmæli heitir bók ein eftir dr. Gunnar Thoroddsen fv. forsætisráðherra og lagaprófessor, sem fjallar um fjölmæli og ærumeiðingar.

Ritið er gefið út af Menningarsjóði 1967 og tók Lagadeild Háskóla Íslands ritgerðina gilda til doktorsprófs.

Ritið er í þrem meginþáttum.

Fjallar hinn fyrsti um íslensk lög og lagaframkvæmdir. Eru þar rakinn  refsimæli Grágásar er giltu á þjóðveldistímanum. Lýst reglum Járnsíðu og Jónsbókar og ýmsum fleiri lagabálkum er varðar ærumeiðingar.

Í öðrum þætti  eru raktar réttarreglur um æruna og vernd hennar og viðurlög.

Í þriðja þætti er tekið saman yfirlit um rétt nokkurra landa um ærumeiðingar.

Þetta er rit upp á 467 blaðsíður og fróðlegt hverjum þeim sem hefur sig í frammi á opinberum vettvangi og vill ekki lenda í málaferlum út af ærumeiðingum.

En sá stígur er mjög vandrataður sérstaklega núna þegar fólk hefur mikla möguleika á að tjá skoðanir sínar í rituðu máli, en það er auðvelt að hlaupa á sig þegar fólk er að flýta sér.

Ástþór færður til skýrslutöku