Ráðherra fer að lögum

Samkvæmt lögum skipar iðnaðarráðherra ferðamálaráð og í því skulu eiga sæti tíu fulltrúar. Skulu formaður og varaformaður skipaðir af ráðherra án tilnefningar en aðra fulltrúa skipar ráðherra eftir tilnefningu eftirtalinna: Samtaka ferðaþjónustunnar sem tilnefna þrjá fulltrúa, Sambands íslenskra sveitarfélaga sem tilnefnir tvo fulltrúa, Ferðamálasamtaka Íslands sem tilnefna tvo fulltrúa og Útflutningsráðs Íslands sem tilnefnir einn. Skipunartími ferðamálaráðs skal vera fjögur ár en skipunartími formanns og varaformanns skal þó takmarkaður við embættistíma ráðherra. Ferðamálastjóri og fulltrúi ráðuneytisins sitja fundi ráðsins með málfrelsi og tillögurétt.

Hlutverk ferðamálaráðs
Ferðamálaráð gerir, árlega eða oftar, tillögu til ráðherra um markaðs- og kynningarmál ferðaþjónustunnar. Jafnframt skal ferðamálaráð vera ráðherra til ráðgjafar um áætlanir í ferðamálum. Ferðamálaráð skal veita umsagnir um breytingar á lögum og reglum er varða ferðamál og annað sem ráðherra felur því eða ráðið telur ástæðu til að taka upp í þágu ferðaþjónustunnar.

Heimild: Vefur Ferðamálastofu.

Embættisathöfn iðnaðarráðherra í þessu máli er hvorki pólitísk spilling eða geðþóttaákvörðun.  Margir aðilar koma að því að tilnefna fulltrúa í ráðið og ráðherra er bundin af lögum við skipanina.

Nýtt ferðamálaráð skipað

Flókinn persónuleiki

Fjármálaráðherra getur verið flókinn persónuleiki.

Þegar venjulegir menn dansa tangó réttsælis, þá getur hann átt það til að dansa tangó afturábak. Þegar dansa á einn - tveir, snú - snú, þá verður það snú - snú, tveir - einn.

Einföld mál geta orði flókin í hans höndum og öfugt.

Þannig kemur hann í veg fyrir klofning í eigin flokki, þegar allir eiga von á klofning, enda er fjármálaráðherra vanur maður.

Menn sem eru á móti málum  eru allt í einu orðnir með málum og engin veit upp eða niður nema fjármálaráðherra. Menn vita ekki einu sinni á hvaða tímapunkti þeir snérust. En svona er fjármálaráðherra sniðugur.

Bestur er hann þó í því, að eftir því sem hann verður óvinsælli eykst fylgi flokks hans í skoðanakönnunum, andstæðingum hans til undrunar.

Þetta eykur gleði og velllíðan flokksmanna og engin skilur neitt í neinu, en alltaf heldur þjóðfélagið að snúast áfram öllum til mikillar furðu.

Þetta er galdurinn í því að vera á móti sjálfum sér og eru andstæðingar fjármálaráðherra nú farnir að reyna  þessa þraut.

Ekki of flókið árið 2003

Vistvænar veiðar

Ég held að það séu allir sammála um að veiðar með kyrrstöðuveiðarfærum, handfærum, línu og netum, séu vistvænni fyrir lífríki sjávar.

Eldri menn sem sem ég hef haft samskipti við og hafa vit á þessum hlutum hafa talið að troll sem dregin eru eftir sjávarbotni skemmi búsvæði ungfisks og seiða. Botnin sé heflaður niður og skemmdur. Þá hafa þeir sagt mér að stór flottroll þegar þau eru dregin í gegn um fiskitorfur eyðileggi mikið í kring um sig vegna þess að sá fiskur sem ekki kemur í trollið en verður fyrir hnjaski  missir hreistur og drepist.

Allt þetta þarf að færa til bókar og meta, þegar fjallað er um arðsemi mismunandi veiðiaðferða.

Gífurlegur olíukostnaður fylgir því þegar stórir og aflmiklir skuttogarar draga trollin eitt og jafnvel tvö á eftir sér á meðan kyrrstöðuveiðarfærasjómaðurinn eyðir engri olíu. 

Þá verður að líta til umræðu um mikið brottkast við veiðar á vinnslu skipum.

Vextir og afskriftir og fjármögnun er stór þáttur í stórútgerðu sem gaman væri að væru borin saman við smærri veiðiaðferðir.

Svo verður að líta til þess hvernig gjaldeyririnn skilar sér inn í þjóðarbúið en fréttir hafa borist af því að þar sé brotalöm.

Varðandi óvitaskapinn í sjávarútvegsráðuneytinu er þetta að segja: Jón Bjarnason sjávarútvegsráðherra er alinn upp á útvegsjörðum og hefur búið á einni þeirra fjölbreytilegustu, er búfræðikandídat frá Ási í Noregi, en búfræði spannar mjög vítt svið umhverfis- og lífríkismenntunar, ásamt tengingu við, rekstur, hagfræði og atvinnustarfsemi. Hann hefur verið skólastjóri skóla sem hefur verið með mikla áherslu á fiskeldi.

Læt ég svo fólki eftir að ráða í það hvar óvitarnir dveljast nú um þessar mundir.

En það væri fróðlegt að almenningur færi að fara sjá rekstrarreikninga útgerðanna og hvernig standi á öllu þessi tapi og ekkert bólar á að fiskistofnarnir séu að rétta úr kútnum.

Óvitaskapur í sjávarútvegsráðuneytinu

64 ára í dag

Nú er maður orðinn 64 ára og kominn af léttasta skeiðinu og þó. Væri til að fara í Glaumbæ í kvöld, en hann brann eftir að við hjónin yfirgáfu staðinn. Svona var nú heitt í kolunum í gamladaga.

Nú er aðaláhugamálið barnabörnin: Birkir Örn, Hrannar Helgi, Þorsteinn Hilmir, Þórunn Erla, Dagur Ólafur, Matthías Örn og Elsa Hrönn.

Þetta eru nú aldeilis verðmæti. Og svo öll lífsreynslan. Ég sé ykkur ef til vill seinna og hafið það sem allra best og eigið góðan dag.

Útboð á veiðum fyrir Íslenska ríkið á Evrópskaefnahagssvæðinu

Það er aðeins eitt svar við þessu. Fyrna allar aflaheimildir hratt,  ,,á einu augabragði".

Bjóða síðan veiðarnar út á Evrópska efnahagssvæði og ríkið láti veiða fyrir sig gegn föstu gjaldi, leyfilegan afla.

Leggja síðan aflann inn á reikning ríkissjóðs.

Það er fáheyrt að samtök skuli vera með svona hótanir við löglega kjörinn stjórnvöld.

Hér hefur verið búsáhaldabyltingarástand. Svona hótanir eru eins og að hella olíu á þann eld og sætir furðu.

Það búa ekki miklir vitsmunir á bak við það að vera kaupa kvóta og halda sig eiga hann þegar fyrsta grein fiskveiðistjórnunaralaga  segir að þjóðin eigi auðlindina.

Hér er nóg af mannskap til að fara á sjóinn.

Tröll hafi þessi innsiglingaráform. Þau boða enga gæfu eða sættir.

Sammála að sigla flotanum í land

Gráir fyrir járnum

Nú standa allir atkvæðisbærir borgarar gráir fyrir járnum með atkvæði sitt tilbúnir til að úrskurða í Icesave-deilunni.

Engu er líkara en við séum komin til Alþingis við Öxará á Þingvöllum.

Ymur aldanna og skóhljóð kotbænda, smákónga og höfðingja, lætur vel í eyrum Íslendinga.

Bitið er mjög í skjaldarrendur og fylkingum lýstur saman með ópum og harki miklu ef ekkert er að gert.

Það er kunnuglegt þema úr sögu okkar að góðgjarnir menn hafi þá gjarnan gengið um til sátta og borið klæði á vopnin.

Nú er það óttinn við fólkið og niðurstöðuna sem hræðir og hver heldur með hverju og hvernig? Fylkingar klofna og leysast upp. Og svo er forsetinn bara ekki heima. Út í löndum að taka við verðlaunum.

ESB og EES-samningurinn er frjáls markaður  þar sem fram flæðir vörur og þjónusta, vinnuafla og fjármagn. Það má ekki skekkja samkeppnisstöðuna. Öll inngrip eru bönnuð.

Allt tal um að við viðurkennum alþjóðlegar skuldbindingar í þessu máli er húmbúkk. Hvar eru fordæmin um það?

Við getum ekki sem skattborgarar tekið ábyrgð á úldnu kjöti, ónýtu korni eða frjálsu flæði fjármagns á Evrópumörkuðum, það væri til að æra óstöðugan, það er bara fásinna að halda slíkt.

Þegar bankarnir voru einkavæddir vissu það allir að það var gert til að létta ríkisábyrgð af skattborgurum. Þetta er megin þemað í hugmyndafræði um frjálsan Evrópumarkað.

Ef til málaferla kemur dregst þessi hugmyndafræði ESB inn í málið.  

Segja um góðan fund að ræða

Nefndarskipan án lagastoðar?

Það kemur ekki fram í fréttinni hvaða lagastoð þessi nefndarskipan hefur. Nefndin er sögð skipuð óháðum sérfræðingum. Þetta er svolítið einsleitur hópur. Fjórir nefndarmanna eru frá einni stofnun Háskóla Íslands og einn er lögmaður hdl. Þetta er svolítið vandræðalegt fyrir hina háskólana.

Í lögum um Rannsóknarnefnd Alþingis segir um markmið nefndarinnar:

1.

Varpa sem skýrustu ljósi á aðdraganda og orsakir þess vanda íslenska bankakerfisins sem varð Alþingi tilefni til að setja lög nr. 125/2008, um heimild til fjárveitingar úr ríkissjóði vegna sérstakra aðstæðna á fjármálamarkaði o.fl.

2.

Afla upplýsinga um starfsemi fjármálafyrirtækja sem geta skýrt vanda þeirra, svo sem um fjármögnun og útlánastefnu þeirra, eignarhald, endurskoðun og tengsl þeirra við atvinnulífið.

3.

Gera úttekt á reglum íslenskra laga um fjármálamarkaðinn og tengda atvinnustarfsemi í samanburði við reglur annarra landa og framkvæmd stjórnvalda á þeim.

4.

Leggja mat á hvernig staðið hafi verið að eftirliti með fjármálastarfsemi hér á landi á síðustu árum og upplýsingagjöf af því tilefni milli stjórnvalda, til ríkisstjórnar og til Alþingis.

5.

Koma með ábendingar og tillögur að breytingum á lögum, reglum, vinnubrögðum og skipulagi opinberrar stjórnsýslu sem miða að því að gera íslenskt fjármálakerfi færara um að bregðast við þróun og breytingum á alþjóðlegum fjármálamörkuðum.

6.

Gera ráðstafanir til þess að hlutaðeigandi yfirvöld fjalli um mál þar sem grunur vaknar við rannsókn nefndarinnar um refsiverða háttsemi eða brot á starfsskyldum og gera jafnframt grein fyrir þeim málum í skýrslu til Alþingis.

7.

Skila Alþingi skýrslu um rannsóknina ásamt þeim samantektum og úttektum sem nefndin ákveður að láta vinna í þágu rannsóknarinnar. ( Tekið af vef Alþingis ).

 Alþingi gerði viðauka á lögum um Rannsóknarnefndina 30. desember s.l. þar sem ákveðið var í hvaða farveg og meðferð skýrslan yrði sett að hálfu Alþingis:

Alþingi kýs níu þingmenn í nefnd til að fjalla um skýrslu Rannsóknarnefndarinnar og móta tillögur að viðbrögðum Alþingis við niðurstöðum hennar. Nefndin skal skila tillögum sínum á núverandi löggjafarþingi. ( Tekið af vef Alþingis ).

Það er mitt mat að ríkistjórnin ætti að bíða átekta og taka við fyrirmælum frá Alþingi en vera ekki að flækja málin með óþarfa nefndarskipun sem orkar tvímælis..

Ísland er jú Lýðveldi með þingbundinni stjórn. Af þeirri ástæðu ætti framkvæmdavaldið, að halda sig til hlés á meðan Alþingi ræður ráðum sínum. Auk þess sem í 6. lið um Rannsóknarnefndina, eru skýr fyrirmæli um, að ef grunur sé um refsiverða háttsemi að ræða að þá eigi að láta viðkomandi yfirvöld vita. Varla fer nefnd út í bæ að fikta við slíkt.

Nefnd skipuð vegna skýrslu rannsóknarnefndar Alþingis

Allir frjálsir með sitt atkvæði

Þjóðaratkvæðagreiðslan um Icesave og undirbúningur að henni er að hefjast. Það er ef til vill eðlilegt að hugmyndum sé velt upp með hvaða hætti kosningabaráttan verið háð svo þjóðin komist sæmilega frá og hver greiði atkvæði eftir sinni sannfæringu sæmilega upplýstur.

Alþingi leggur áherslu á útgáfu hlutlauss kynningarefnis. Það er svo sem ágætt.

Steinunn Valdís Óskarsdóttir formaður allsherjarnefndar vill gera það eins og Hafnfirðingar gera það!!!

Eiríkur Tómasson lagaprófessor leggur áherslu á tjáningarfrelsið sé virt og vert sé að hafa vakandi auga og hugsanlega setja fjármagni skorður.

Í Blöndudeilunni svokallaðri, þar sem tekist var á um virkjanatilhögun um Blönduvirkjun í minni gömlu heimabyggð, skiptist sveitin í nánast tvær jafnstórar fylkingar. Fólki var heitt í hamsi og höfðu margir sterkar skoðanir. Greidd voru atkvæði innan hreppsins og var allt óljóst hver hefði betur. Kosningabaráttan fór fram með ýmsum hætt. Menn fóru milli bæja og maður ræddi við mann.

Ég kom síðastur inn í samkomusalinn þegar átti að fara að telja atkvæðin og hrökk nokkuð við. Voru þá sveitungar mínir þverklofnir og sat önnur fylkingin vinstra megin og hin hægra megin.

Þá stóð upp bóndi aldraður, Þorleifur í Sólheimum og sagði að við mundum halda áfram að vera sveitungar, eftir atkvæðagreiðsluna, hvernig sem hún færi. Bað hann fólk standa upp og syngja Blessuð sértu sveitin mín.

Ég held að það sé rétt að þjóðin syngi eitthvað fallegt fyrir þjóðaratkvæðagreiðsluna, en að öðru leiti sé fólki frjálst að reka tryppin eins og hverjum sýnist.

Enginn verður múlbundinn

Leynivopnið

,, Við verðum að muna að við erum ekki að semja við okkur sjálf " segir fjármálaráðherra. Hér ítrekar fjármálaráðherra það að sumir einfaldir menn halda að við getum einir ráðið framvindu mála.

,, Þetta er ekki einhliða innanríkismál" segir fjármálaráðherra og það er alveg rétt. Þetta er fjölþjóðlegt svika og skuldaskilamál.

Lagasetningin og málefnið, sem hefur verið vísað til þjóðarinnar til úrskurðar er innanríkismál. Samningurinn sem liggur á borðinu undirritaður í annað sinn með fyrirvar um samþykki Alþingis er milliríkjasamningur.

Það er engin leið til að klára þessa ákvörðun nema að fara að stjórnarskrá og afgreiða málið í þjóðaratkvæðagreiðslu. Við slítum ekki friðinn við það og kosið er um sértækt málefni, hvorki um framtíð forsetans eða ríkistjórnarinnar. Og stjórnarandstaðan verður á sínum stað.

Ríkistjórnin er umboðslaus sem stendur í þessu máli að mínu mati og getur sig hvergi hreyft. Bretar og Hollendingar munu tæplega vísa þessu máli til dómsúrskurðar. Til þess hafa þeir ekki nógu klára stöðu. 

Bretar voru svakalega hressir fyrst í þorskstríðinu, en það datt allt loft úr þeim, þegar við fórum að klippa aftan úr togurum þeirra trollin.

Ég hef það á tilfinningunni að við séum að ná taflinu upp. Koma tímar og koma ráð og sérstaklega þjóðráð.

„Ekki einhliða innanríkismál“

Dagfarsprúður þjóðgarðsvörður

Þarna er á ferðinni dagfarsprúður maður með yfirburða menntun.

,,Ólafur er með BA gráðu í sagnfræði, BSc gráðu í landafræði og jarðfræði, hvorutveggja frá Háskóla Íslands, og meistaragráðu í skipulagsfræðum frá Sussex háskóla á Englandi" segir Mbl.

Auk þess er Ólafur með mikla reynslu sem forseti Ferðafélags Íslands. Af þeim sökum á Ólafur að hafa skilning á bættu aðgengi almennings að náttúru Íslands.

Eftir því sem mér skilst , þá renna lóðarleigusamningar á þessu ári út, við sumarbústaðareigendur við Þingvallavatn í landi þjóðgarðsins.

Sá hluti þjóðgarðsins hefur ekki verið greiður almenningi til útivistar og nánast hulinn af ásettu ráði vegna hagsmuna þeirra sem með einhverjum undarlegum hætt hafa geta byggt sumarhús þarna.

Nú þarf að taka þetta mál upp, afla gagna og auka rétt almennings til útivistar afnota á svæðinu.

Rétt væri Þingvallanefnd að ganga í þetta mál þannig að hagsmunir almennings væru tryggðir.

Nýr þjóðgarðsvörður ráðinn