Leynifundir

Haft er eftir áreiðanlegum heimildum sem þykja áreiðanlegar að  Frálslyndi flokkurinn og Borgarahreyfingin séu að sameinast. Bóndi nokkur að norðan var að borða í hádeginu í Staðarskála og kom þá sunnanmaður á leið suður og ræddu þeir þetta fram og aftur. Eins hefur sést til Guðjóns Arnars vestur á Melum  á tali við forráðamenn Borgarahreyfingunnar.

Það er nærri því staðfest að þessir aðilar hafi komið út úr húsi í miðbænum. Hvort þetta sé tilfellið skal ósagt látið en Grindvíkingur sem var í bænum hafði sést drekka kaffi með Grétari Mar niður á Kaffivagninum á Granda ásamt fleira fólki sem ekki var hægt að bera kennsl á , en var mikið niðri fyrir!!

Ég hef spurnir af því að boðaða hafi verið til skyndifunda í kvöld bæði hér í bænum og víða út um land.

Einkennilegar fréttir í dag

Athugasemdir

[Óskar Guðmundsson (IP-tala skráð) 1.4.2009 kl. 20:13]

Einhversstaðar sá ég líka eitthvað um síld í Hafnarfjarðarhöfn og háhyrninga sem væru að éta hana....

[Jón Örn (IP-tala skráð) 1.4.2009 kl. 21:38]

Það geta varla verið fundir víða, tæplega svo margir í þessum flokkum. Áreiðanlegu heimildirnar eru kannski ekki svo áreiðanlegar þrátt fyrir allt, enda frjálslyndir borgarar ömurlegt nafn á stjórnmálahreyfingu