Aðstæður, pirringur úrræði og æðruleysisbænin.

Það er ástæulaust fyrir almenning að skamma björgunarfólki sem er á lokunarpóstum. Það er hlutverk lögreglu að loka vegum, en lögregla heimilar björgunarsveitum að gæta lokunarpóstum. Er það gert af því að lögreglann hefur nóg á sinni könnu, þess vegna er spurning um hvernig hægt er að merkja starfsmenn lokunarpóst svo það sé augljóst að Björgunarsveitarfólk er með allan rétt til starfans. Hafa einn lögreglumann í lokunarpósstagenginnu, ellegar heimild í reglugerð að björgunarsveitafólk hafi heimild að klæðast sjálflýsandi vestum merktum lögreglu. Allir ættu að geta verið sammála að björgunarsveitir eru ekki þarna staddir að ganni sínu. Þegar menn eru á stórum jeppum þá finnst þeim að þeir hafi einhvern meiri rétt að fara um. Það er miskilningur en þeir hjálpa oft öðrum og eru allir þakklátir fyrir það.

Nú er ljóst af lýsingum að á Reykjnesbraut hefur þróast kaos sem gerist við þessar aðstæður. Dýrt er að flytja bíla í burtu á dráttarbílum eða sérbúnum bílum og væri það of áhættusöm aðgerð þó hún væri augljós til að koma snjómoksturstækjum að. Það getur vantað lagabókstafin til að mögulegt sé að framkvæma slíkt og hver borgar?

Ein spurning: er gamli Vatnsleysustrandarvegurinn opin og ef ekki er hægt að opna hann til bráðabirgða og með nægu öryggi til að það sé hægt hleypa umferð á hann í aðra áttina?

Þá er það síðasta úrræðið sjómannsþjóðarinnar. Eru tiltæk skip til að ferja flugfarþega til og frá Keflavík- Reykjavíkur við neyðaraðstæður sem nú ríkja fólk í uppnámi sem er búið að skipuleggja fyrir löngu utanlandsferð og allt í pati og öngþveiti. Landhelgisgæslan??. Kannske verður hægt að nota Maríu Júlí í svona vekefni Hvar er Óðinn gamli?

Fólk pirrað við vegartálma

Athugasemdir

[Þorsteinn Briem, 20.12.2022 kl. 13:25]

Þetta vandamál er hægt að leysa með flugvelli í Hvassahrauni við Hafnarfjörð og járnbrautarlest á milli Keflavíkurflugvallar og Umferðarmiðstöðvarinnar (BSÍ) við Hringbraut í Reykjavík.

Járnbrautarteinarnir yrðu neðanjarðar stóran hluta leiðarinnar og snjóplógar geta verið framan á járnbrautarlestum, enda eru þær notaðar í miklu meiri snjó, til að mynda í Norður-Ameríku.

Hvorutveggja hefur lengi verið í umræðunni en hugsanlega gerist ekkert í þessum málum fyrr en ný ríkisstjórn undir forsæti Kristrúnar Frostadóttur, formanns Samfylkingarinnar, tekur við völdum hér á Klakanum, í síðasta lagi eftir þrjú ár.

[Þorsteinn H. Gunnarsson, 20.12.2022 kl. 14:58]

Sæll nafni. Ég er ekki spenntur fyrir Hvassahrauns. Bæði er hann óvis vegna eldsumbrot sem geta átt sér stað þar. er nokkuð vitað hvernig verður að vinna landi þarna undir flugvöll í þessu hrauni. Ómaksins vert væri að skoðalndsvæði sem Fóelvötn standa á þar er hægt að grafa niðurá fast og gætu bakkarnir virkað eins og manir til skjóls við vindum. Sgt er að þarna sé vitndasamt þar sem nær dregur fjöllum en spurningin er vindur nái á þetta svæði.

Löngusker koma til álita Grandin er nú byggður á uppfyllingu og víðar. Bessastaðanes er í mínum huga ekki heilagt. Það þarf að gjör kanna alla möguleika. Svo er Reykjavíkurflugvöllur enn þar sem hann er. Það er horft á byggingaland verðmætt þar, en þótti í lagi að sökkva Auðkúluheiði á sínum tíma, svo allt  er þetta matsatrið og auðvitað eru engir peningar til. Vona að þú hafir það gott yrir jólin vinur minn.

[Þorsteinn Briem, 20.12.2022 kl. 16:38]

Takk, sömuleiðis!

Flugvellir á Akureyri, Egilsstöðum og í Skotlandi eru varavellir fyrir Keflavíkurflugvöll en Reykjavíkurflugvöllur er sáralítið notaður sem varaflugvöllur fyrir millilandaflug, enda er flugvöllurinn í þéttri byggð. Og rétt svo að þar sé pláss fyrir allar einkaþoturnar, um 200 á mánuði síðastliðið sumar.

Á Vatnsmýrarsvæðinu er því lítið landrými fyrir stórar millilandaflugvélar og þeim yrði ekki lent þar allan sólarhringinn eins og á Keflavíkurflugvelli en þar lentu um 90 millilandaflugvélar á hverjum sólarhring síðastliðið sumar.

Og rafmagnsflugvélar og ný flugstöð á Vatnsmýrarsvæðinu breytir að sjálfsögðu engu hvað landrými snertir á því svæði.

Þar að auki er nær allt landið undir norður-suður flugbraut Reykjavíkurflugvallar í eigu Reykjavíkurborgar.

Eignarrétturinn er friðhelgur samkvæmt stjórnarskránni og Reykjavíkurborg getur því krafist þess að ríkið afhendi henni það land sem borgin á núna á Vatnsmýrarsvæðinu.

"Eignarréttur er réttur einstaklings, fyrirtækis eða annars lögaðila til að nota hlut, selja eða ráðstafa á annan hátt og meina öðrum að nota hann."

Innviðaráðherra virðist hins vegar halda að skoðanir hans séu æðri stjórnarskránni.

Nú á ríkið einungis 52 hektara land undir austur-vestur flugbraut flugvallarins á Vatnsmýrarsvæðinu og ein flugbraut hefur ekki verið talin nægjanleg á því svæði.

Kortavefsjá ríkiseigna

Ríkið getur hins vegar selt þetta 52 hektara land til að fjármagna innanlands- og varaflugvöll fyrir millilandaflugið á öðrum stað.

Í ársbyrjun 2006 var markaðsvirði byggingaréttar á 123 hekturum á Vatnsmýrarsvæðinu 74,5 milljarðar króna án gatnagerðargjalda, rúmlega 600 milljónir króna á hektara, og um 37 þúsund krónum hærra á fermetra en í útjaðri borgarinnar.

Og frá þeim tíma hefur verið 125% verðbólga hér á Íslandi.

"Áætlað er að fullbúinn innanlands- og varaflugvöllur í Hvassahrauni [við Hafnarfjörð], sem jafnframt þjónaði sem kennslu- og einkaflugvöllur, kosti um 44 milljarða króna en kostnaður við nauðsynlega uppbyggingu í Vatnsmýrinni er um 25 milljarðar króna."

Mismunurinn er því einungis 19 milljarðar króna, sem fást með sölu á landi ríkisins undir austur-vestur flugbraut Reykjavíkurflugvallar.

Flugvallakostir á suðvesturhorni landsins - Nóvember 2019

28.11.2019:

Samkomulag Reykjavíkurborgar og ríkisins um flugvöll við Hafnarfjörð

9.8.2022:

"Lóðaverð hef­ur hækkað á síðustu árum og má nú miða við að það væri um 10 millj­ón­ir króna á íbúð í Helga­fellslandi og mun hærra fyr­ir sér­býli."

Krefjast bóta vegna Helgafellslands í Mosfellsbæ

Og Reykjavíkurborg keypti um 112 þúsund fermetra land af ríkinu við Skerjafjörð, sem er hér með grænum lit:

Ríkið fær hlutdeild í sölu lóða fyrir um 700 íbúðir á þessu samtals 17,7 hektara svæði, sem er að minnsta kosti sjö milljarða króna virði, miðað við lóðaverð núna í Mosfellsbæ.

Þessar íbúðir verða nálægt stærstu vinnustöðum landsins og mikilvægt er að sem flestir búi sem næst sínum vinnustað.

 

Landspítalinn er með um sex þúsund starfsmenn, Háskóli Íslands með um sextán þúsund nemendur og kennara og Háskólinn í Reykjavík um fjögur þúsund nemendur og kennara, samtals um 26 þúsund manns.

Meirihluti sveitarstjórnarmanna í öllum sveitarfélögum á höfuðborgarsvæðinu og nær allt Alþingi styður Borgarlínuna.

Byggð verður þétt við Borgarlínuna, til að mynda á Vatnsmýrarsvæðinu og Reykjavíkurflugvöllur fer af svæðinu, enda er nú verið að þétta byggð á öllu höfuðborgarsvæðinu og íbúum svæðisins mun fjölga um tugi þúsunda næstu áratugina.

Í Reykjavík einni hefur til að mynda meira en heil Akureyri bæst við íbúafjöldann síðastliðna tvo áratugi.

 

Ef ekki ætti að leggja flugvöll við Hafnarfjörð vegna hugsanlegs hraunrennslis hefði og ætti að sjálfsögðu ekki heldur að reisa þúsundir nýrra húsa fyrir hundruð milljarða króna á gömlum hraunum í Hafnarfirði og Garðabæ.

Hefur til að mynda Sjálfstæðisflokkurinn, sem er þar í meirihluta bæjarstjórna, talað um að flokkurinn ætli að hætta því?

15.5.2021:

Áform um byggingu yfir 2.300 íbúða í Garðabæ

Kom Sigurður Ingi Jóhannsson innviðaráðherra í veg fyrir að Vegagerðin, sem er í eigu ríkisins, flytti í nýtt stórhýsi í Suðurhrauni í Garðabæ? Og hefur fjármálaráðherra talað gegn því að fleiri hús yrðu reist á gömlum hraunum í Garðabæ og Hafnarfirði?

18.3.2021:

Vegagerðin flytur í maí í Suðurhraun 3 í Garðabæ (á móti Ikea og Costco)

7.12.2021:

Lóðir fyrir um fjögur þúsund íbúðir í boði í Hafnarfirði

Og ætlar ríkisstjórnin að flytja í burtu strax i fyrramálið alla 4.400 íbúa Vestmannaeyjabæjar, sem er við hliðina á eldfjalli sem gaus fyrir 50 árum?

Leiðigarðar geta til dæmis beint hraunrennsli út í sjó, eins og Þorvaldur Þórðarson, prófessor í eldfjallafræði, hefur bent á.

Og að sjálfsögðu er hægt að reisa varnargarða vegna flugvallar við Hafnarfjörð en ef það væri ekki hægt væri heldur ekki hægt að reisa varnargarða við til að mynda Grindavík, Voga á Vatnsleysuströnd, Garðabæ og Hafnarfjörð.

4.3.2021:

Hægt að verja Suðurnesjalínu gegn hraunrennsli með varnargarði og kælingu

 

Varnargarðar gegn snjóflóðum og skriðuföllum hafa verið reistir fyrir milljarða króna á Vestfjörðum, Norðurlandi og Austfjörðum til að verja þar nokkur íbúðarhús.

mbl.is 6.10.2021:

"Tóm­as Már [Sig­urðsson for­stjóri HS Orku] seg­ir aðspurður að eld­gosið í Geld­inga­döl­um hafi komið upp á besta stað fyr­ir HS Orku.

Hugs­an­legt sé að þar verði jarðhita­svæði í framtíðinni og gæti svæðið því orðið orku­lind í tím­ans rás."

Nú er sem sagt í góðu lagi að leggja nýja Suðurnesjalínu og virkja úti um allar koppagrundir á Reykjanesskaganum, jafnvel í Geldingadölum. Og einnig reisa ný íbúðarhús og aðrar byggingar fyrir hundruð milljarða króna í Hafnarfirði og Garðabæ, sem byggðir eru á gömlum hraunum.

En alls ekki megi leggja flugvöll við Hafnarfjörð vegna þess að hraun gæti runnið yfir flugvöllinn.