Þorsteinn H. Gunnarsson

Nú fór í verra, hjá dómsmálaráðherra, að mínu mati.

Ríkisvaldið með dómsmálaráðherra í fararbroddi hefur verið að gera að því skóna að það vantaði lagaheimildir til að stunda njósnir um landsmenn.

Hlera síma og fylgjast með ferðum manna og helst komast að því hvað þeir séu að hugsa. Málatilbúnaðurinn hefur hlotið litlar undirtekktir hjá landsmönnum.

Svo skýtur þessu hryðjuverkamáli upp. Masað hefur verið um að lögreglan hafi kallað eftir löggjöf um forvirkar rannsóknarheimildir. Persónulega fannst mér upphaf þessa máls með eindæmu og leit svo á að nota ætti það í áróðri fyrir frumvarpi sem dómsmálaráðherra væri meðí smíðum.

Sem sagt gráupplagt að fíra einhverju svona upp. Nota prentara til að búa til vopnin sem fáir aðhyllast að sé hægt, sem þó virðist eiga sér einhverja stoð og sannleika. Ég hygg að Kári Sölmundarsson eða Skarphéðin frá Bergþórshvoli hefðu haft litla trú á slíkum vopnum.

Nú er búið að semja ákæru um þau ætluð voðaverk sem þeir hendteknu ætluðu að fremja. Ákveðið er að gefa út ákæru í málinu, sem lögmaður sem fer með málið og er vel að sér í sakamálréttarfari segir að málið sé allt mjög loðið.

Þetta er eins og með skattalög og samninga sem eru samin, en þurfa að vera kafloðin svo hægt sé að smjúga og leika sér og þvæla um við dómstóla. Það verður alvega að vera ljóst að einhver hafi framið staðsettan glæp, en getur ekki verið eins í skáldverki eins og Kiljan fór með efni er varðaði Jóni Hreggviðssyni, ja það gæti verið að ég haf drepið böðulinn, en ég veit ekki. Voru ekki allir fullir og yfirvaldið líka, svo svona mál eru bara ómark.

Þetta fór nú allt á verri veginn þó ekki sé það alveg víst að svo sé. Snjallt að koma sér í mjúkinn hjá þeim sem drag á fyrir dóm að stytta gæsluvarðhalds tíman, ef það væri hægt, gjöra svo vel.

Manni dettur fyrst í hug að málið sé í mikilli þoku og villum eins og eignardómsmálið um Landmannaafrétt endaði í. Þ.e.a.s. það voru engin lög sem hægt væri að dæma eftir og upplýsti Hæstiréttur að það væri í lófa lag fyrir Alþingi að semja lög um það sem upp ávantar. Var því í raunin óskað eftir lögggjöf um eignarrétt á afréttum og almenningum og upp úr þeim málarekstri spruttu þjóðlendulögin sem voru til þess fallin að úrskurða um hver ætti hvað.

Þannig gæti þetta hryðjuverkamál sem hugsanlega hefur verið diktað upp endað.

Það er vonandi að ekki verði lögreglumenn til gæslu fangana, prentaðir út úr góðum Canonprentara.

Þannig fór Sólveig Pétursdóttir dómsmálaráðherra, Sjálfstæðisflokksins, að, þegar hún stillti upp pappalöggunum hér um árið til sparnaðar. Það verður ekki sagt um sjálfstæðismenn að þeir kunni ekki trikkin.