Veðrið- t.d. veðurspáin í kvöld 8. febr 2019

Mér finnst ég merkja breytingu á lægðarbrautunum. Áður komu lægðirnar upp að Reykjanesi og sleiktu suðurströndina til austur, stundum var lægðarmiðjan yfir Íslandi og skutu sér svo norð austur og lentu þá í slagtogi með hæð yfir Grænlandi og dældu norðan átt yfir landið, oft stórhríð.

Nú virðist mér þær fari djúpt suður af landinu yfir Skotland. Sleikja svo suðurodda Noregs og halda svo máttlausar norður úr og halda sig alltaf í hafi. Varla nokkur hríð að kalla.

Athugasemdir

[Magnús Sigurðsson, 8.2.2019 kl. 22:06]

Sæll Þorsteinn, ég horfi nú aldrei á sjónvarp og veit því ekki hvernig veðurspárnar þar eru túlkaðar.

En það vill þannig til hér á Austurlandi að það er og hefur verið s.l. sólarhringinn hríðarveður upp á gamla mátann, þó hæpið sé að kalla það stórhríð upp á þann sama máta.

Ef þú skoðar "færð" Vegagerðarinnar þá eru flestir fjallvegir eystra lokaðir og hafa margir þeirra verið það í mest allan dag.

En ég er sammála þér með það að það hefur verið frítt við hríðar undanfarin ár.

[Þorsteinn H. Gunnarsson, 9.2.2019 kl. 07:33]

Sæll Magnús, já það hafa komið rösklegar hríðargusur á ykkur á austurlandi, en ekki þessi sterki strengur yfir mitt landið.