Reglur um boðun húsfunda í fjölbýlishúsum.

Reglur um boðun húsfunda í fjölbýlishúsum eru mjög strangar. Þannig verður að boða húseiganda með sannanlegum hætt á húsfund. Það er gert til að ákvarðanir húsfundr ónýtist ekki vegna ákvarðana sem teknar eru varandi framkvæmdir og samþykktir um fjárútlát. Húseigandi geti semsagt ekki vikið sér undan ábyrg bara með því að koma ekki á húsfund. Og mál geta ekki drabbast niður með því að boða ekki húsfund. Um það eru sérstakar reglur um hvernig hægt er að koma á húsfundi sé hann ekki haldinn.

Aðalfund húsfélags skal boða með minnst 8 daga fyrirvara og mest 20 daga fyrirvara. Það er gert til að eigendur hafi svigrúm til að þoka málum áfram svo sem undirbúa tillögur eða eiga samræður við stjórn um sprunguviðgerðir viðhald á gluggum o.þ.h.

Eftir þessu reglum reynir almenningur í þéttbýli að fara svo menn lendi ekki upp í Hæstarétti með mál sem hafa ekki verið löglega afgreidd og reyfuð á húsfundi.

17. grein stjórnarskrárinnar kveður á um það að halda skal ríkisstjórnarfundi um mikilvæg stjórnarmálefni. Þetta ákvæði er sett til að skapa réttmætan grundvöll fyrir ráðherra þar sem þeir geti hittst á jafnræðis vettvangi að koma með upplýsingar, fá upplýsingar og vinna að málum sem kalla á aðgerðir.

Þarna geta þeir reyfað hugmyndir sínar og óskað eftir frekari úrvinnslu á þeim. Það kemur fram í Rannsóknarskýrslunni að bankamálaráðherra hafi verið með minnisblað sem aldrei fékkst rætt. Einhver ráðherra hefði getað komi með tillögu um að bindiskylda bankana væri aukin. Það var bara aldrei neinn formlegur vettvangur til að starfa á. Það var bara verið að hringjast á og spjalla og sumir sniðgengnir að nóttu til.

Nú er Landsdómur sem sagt búin að gera 17. grein stjórnarskráina virka og það er sigur fyrir fólkið í landinu að valdhafarnir verði að hlýta stjórnarskrá og þörf áminning.

Geir Haarde hefur engan sigur unnið. Það er fjarstæða og engum til góðs að ræða niðurstöðu Landsdóms með þeim hætt sem fv. forsætisráðherra Sjálfstæðisflokksins gerir.

Það var reitt hátt til höggs

Athugasemdir

[Sigríður B Svavarsdóttir, 28.4.2012 kl. 10:52]

Já eru þau svona ströng þessi lög? þetta vissi ég ekki.. ég er búin að búa i fjölbýlishúsi fyrir norðan í 4 ár,  þar var aldrei haldin fundur og ekki hér fyrir sunnan heldur. Það er greinilega víða brotin lög. Ég er alveg sammála þér með sigurtilfinninguna hans Geirs hún var röng og reiðin hans líka. Þessi framkoma hans endurspeglar hugsun Sjálfstæðismanna í gegnum árin. SÖRGLEGT..það lagast ekkert á okkar litla landi fyrr en fólk tekur ábyrgð á því sem það tekur að sér hvort sem það er í stjórnmálum eða öðru. til eru boðorð sem okkur var skylt að læra og fara eftir ma.

 8. Þú skalt ekki bera ljúgvitni gegn náunga þínum.
8. Vertu áreiðanleg/ur í hugsunum, orðum og verkum. Efndu loforð þín og baktalaðu engan.

 7. Þú skalt ekki stela.
7. Berum virðingu fyrir eigum og réttindum annarra.

Góðar auka skýringar sem ég fann inn á netinu sem ég læt fylgja með.

Eigðu daginn góðan í vætunni..

[Sigrún Guðmundsdóttir (IP-tala skráð) 28.4.2012 kl. 11:55]

Það er naumast að þið eruð heilög.

En eitthvað hafa boðorðin samt skolast til - en allt í lagi. Það mætti þá allt eins bæta þarna við að bera skuli virðingu fyrir tilfinningum annarra því allar tilfinningar eiga rétt á sér. Það er ekki ykkar að dæma að sigurtilfinning eða reiðitilfinning sé röng. Það er engin tilfinning röng.

Tíminn á líka eftir að leiða í ljós hversu klikkað þetta landsdómsferli var allt saman og Geir Haarde hafði efni á að vera miklu reiðari en hann var eftir dóminn. Eftir 2ja ára helvíti.

Þetta er svo mikill þykjustudómur; engin refsing, málsvarnarlaun greidd af okkur - fyrir utan að fleiri fundir hefðu ekki breytt neinu. Það er m.a.s. ekki vitað í dag þrátt fyrir alla eftiráspeki hvað hefði verið hægt að gera til að afstýra hruninu. ÞAÐ er staðreynd.

...og baktalaðu engan.

[Þorsteinn H. Gunnarsson, 28.4.2012 kl. 12:17]

Eftir því sem mér skilst eru engin refsiákvæði í stjórnarskránni. Þannig að það voru ekki skilyrði til að dæma refsingu.

Hér er ekki verið að baktala neinn. Allt upp á borðinu. Geir getur komið hingað á síðuna og talað um þetta mál eins og hver annar.

Dómurinn yfir Geir er mannúðar og friðardómur. Það sést þegar athugað er að Geir eru dæmd málsvarnarlaun upp á 24 milljóni. Það er óvanalegt  þegar tillit er tekið til þess að sakfellt er í málinu.

Spurningin sem brennur nú um stundir er hvort hann fái að sverja aftur eið að stjórnarskránni, vilji hann brjótast til valda á Alþingi.

Eða hvort hann þurfi að fara í Árna Johnsen-ferlið .