Þorsteinn H. Gunnarsson

Sjálfstæðisflokkurinn á móti jöfnun atkvæðisréttar

Sjálfstæðisflokkurinn er á móti jöfnun atkvæðisréttarins samkvæmt landsfundarsamþykkt.

Ekkert hefur verið fjallað um niðurstöður landsfundar Sjálfstæðisflokksins á opinberum vettvangi eftir að honum lauk. Á Mbl.is sem ég fylgist reglulega með er ekki einu orði vikið að samþykktum landsfundar. Einungis var síbylkjan þulin um formanskosningarna á meðan þær stóðu yfir.

Á landsfundinum var eftirfarandi tillaga samþykkt:

Landsfundurinn leggst gegn hugmyndum um breytingar á atkvæðavægi í kosningum til Alþingis, en bendir á nauðsyn þess að lægfæra kjördæmaskipan í landinu.

Stjórnarskráin kveður á um það hvernig þessum málu skuli háttað:

II.
31. gr. [Á Alþingi eiga sæti 63 þjóðkjörnir þingmenn, kosnir leynilegri hlutbundinni kosningu til fjögurra ára.
Kjördæmi skulu vera fæst sex en flest sjö. Mörk þeirra skulu ákveðin í lögum, en þó er heimilt að fela landskjörstjórn að ákveða kjördæmamörk í Reykjavík og nágrenni.
Í hverju kjördæmi skulu vera minnst sex kjördæmissæti sem úthluta skal á grundvelli kosningaúrslita í kjördæminu. Fjöldi þingsæta í hverju kjördæmi skal að öðru leyti ákveðinn í lögum, sbr. þó 5. mgr.
Öðrum þingsætum en kjördæmissætum skal ráðstafa í kjördæmi og úthluta þeim til jöfnunar milli stjórnmálasamtaka þannig að hver samtök fái þingmannatölu í sem fyllstu samræmi við heildaratkvæðatölu sína. Þau stjórnmálasamtök koma þó ein til álita við úthlutun jöfnunarsæta sem hlotið hafa minnst fimm af hundraði af gildum atkvæðum á landinu öllu.
Ef kjósendur á kjörskrá að baki hverju þingsæti, að meðtöldum jöfnunarsætum, eru eftir alþingiskosningar helmingi færri í einu kjördæmi en einhverju öðru kjördæmi skal landskjörstjórn breyta fjölda þingsæta í kjördæmum í því skyni að draga úr þeim mun. Setja skal nánari fyrirmæli um þetta í lög.
Breytingar á kjördæmamörkum og tilhögun á úthlutun þingsæta, sem fyrir er mælt í lögum, verða aðeins gerðar með samþykki ²/3 atkvæða á Alþingi.]¹⁾

Hugsanlega kæmust þingmenn Sjálfstæðisflokksins fram hjá þessu ákvæði án þess að brjóta landsfundarsamþykktina , með því að samþykkja stofnun lítils kjördæmis í Kópavogi og færa 3 þingmenn úr NV-kjördæmi og stitthvorn þingmannin úr NA-kjördæmi og Suður -kjördæmi í Kópavogkjördæmi.

Kjördæmin eru nú 6 en mega vera 7.

2/3 atkvæða þarf á Alþingi til að gera þessar ráðstafanir til breytinga.