Hagkvæmar virkjanir við Blöndu

Í fréttinni segir ;

,,að þrjár virkjanir hafa verið til skoðunar. Sú efsta er Kolkuvirkjun sem virkjar fallið úr Blöndulóni yfir í Þrístiklu og verður stöðvarhús hennar staðsett sunnan við Þrístiklu. Næsta er Fannlækjarvirkjun sem virkjar fallið frá Smalatjörn í Austara-Friðmundarvatn og verður stöðvarhúsið staðsett sunnan við vatnið. Sú þriðja er Gilsárvirkjun sem virkjar fallið frá Austara-Friðmundarvatni niður í Gilsárlón og verður stöðvarhúsið staðsett mitt á milli Gilsárlóns og Austara-Friðmundarvatns."

Ég man ekki betur en það hafi alltaf verið gert ráð fyrir að byggja þessar virkjanir þegar samningurinn um Blönduvirkjun var gerður, gott ef ekki þær séu nefndar í honum.

Þarna er miðlunin öll fyrir hendi og veituleiðin. Það leynast víða matarholur í orkukerfi landsmanna.

Arðsemi virkjana hefur verið til umræðu. Aðal ávinningur landsmanna er auðvita að vera vinna við auðlindirnar. Ríkið fær skatttekjur af vinnu og aðföngum. Þetta er bara eins og hver annar búskapur.

,,Margs þarf búið með" segir gamall málsháttur. Það er alltaf hægt að auka og bæta búið svo er auðvita hægt að halda því í góðum og föstum skorðum.

Undirbúa þrjár smávirkjanir í Blöndu

Athugasemdir

[Þorkell Guðbrandsson (IP-tala skráð) 19.11.2011 kl. 04:15]

Hárrétt athugað, Þorsteinn. Þetta á vafalaust við víðar. Svo kemur annað, sem fróðir menn segja að skipti líka máli, en það er að tækni við að nýta fallorkuna, þ.e.a.s. hönnun túrbína og rafala, sé í sífelldri framför. Þannig þurfi að skoða vandlega þegar kemur að viðhaldi þessa búnaðar, hvort það geti verið arðvænlegt að skipta hreinlega út og fá meiri orku úr sama magni vatns og sama falli.