Óeirðarlögregla

Komið hefur fram í fréttum að liðsmenn óeirðarlögreglu séu að segja sig frá störfum í óeirðarsveit lögreglu. Eins og þetta birtist í fréttum að þá virðist sem hér sé um hálfgerð sjálfboðstörf að ræða og virðist sem það sé í hendi hvers og eins lögreglumanns að ákveða hvort hann sé í óeirðarlögreglu eða ekki. Svipað og menn séu í björgunarsveitum.

Svo virðist við fyrstu skoðun að engin sérstök lög gildi um óeirðarsveitir og ekkert sérstakt boðvald yfir lögreglumönnum á umrótartímum. Nú er síðuritari ekki lögfróðu, en það kemur á óvart að engin sérstök lög gildi við aðstæður sem komið geta upp eins og nú háttar í þjóðfélaginu.

Þingið er að koma saman núna á laugardaginn og þá virðist sem sá möguleiki sé fyrir hendi að lögreglan verði ekki á staðnum til að halda uppi lögum og reglu og koma í veg fyrir að engin meiðist eða troðist undir og alþingismenn geti gengið til starfa sinna svo sem þeir eru kosnir í lýðræðislegum kosningum.

Það virðist sem nauðsynlegt sé að sett séu sérstök lög um óeirðarlögreglu.

Þess vegna legg ég til að Alþingi verði sett á Þingvöllum undir berum himni og þingmenn sitji á hestum sínum við þingsetninguna í þetta sinn og geti þá riðið frá þingstað í allar áttir ef til ótíðinda dregur.

Lögreglumenn sitja enn á fundi

Athugasemdir

[Birgir Hauksson (IP-tala skráð) 27.9.2011 kl. 19:37]

Hafðu öngvar áhyggjur af þessu. Ólína Þorvarðardóttir þingmaður/kona er víst búinn að semja við hjálparsveit skáta og megum við eiga von á Tívolíbombum og flugeldaskothríð ef við högum okkur ekki vel á Austurvelli.