Þorsteinn H. Gunnarsson

Framleiðsluþættirnir virka

Þessi umræða í kring um matsfyrirtækin og umræða þeirra og niðurstöður þeirra sjálfra eru mjög einkennilegar.

Forseti Íslands hefur bent á ósamræmið þegar matsfyrirtæki voru með háar einkunnir á öllu hér rétt fyrir hrun. Með því eru þau beinlínis staðin að því að vera ótrúverðug og hafa ekki raunhæft vald á hlutverki sínu.

Þá vantar alla þætti í umræðuna svo sem eignir sem standa á móti skuldum og hvernig framleiðsluþættirnir standa sig.

Á Íslandi eru miklar eigni í landinu og gæðum þess til land og sjávar. Hér eru hafnir, vegakerfi, allskonar fasteignir , bújarðir, verksmiður, skólar og menntakerfi, ferðaþjónusta, flutningatæki á landi, sjó og í lofti, fiskvinnsla og fleira og fleira.

Hér er friður í þeim skilningi að ekki eru vopnuð átök, þó á vissan hátt sé hér byltingarástand, að þá vegast menn á með orðum, lagabókstaf og atkvæðisréttinum.

Framleiðsluþættirnir virka; allur fiskur er veiddur sem má veiða, orkukerfið virkar, stóriðjan malar, landbúnaður er í fullri framleiðslu á því sem má framleiða og svona má lengi telja upp. Byggingariðnaðurinn er að vísu stopp. En það helgast af því að búið er að byggja hér á 70 árum sem hefur tekið Evrópuþjóðir aldir að byggja.

Það hlýtur að vera eðlileg krafa að matsfyrirtæki sem vilja láta taka sig alvarlega horfi til framleiðsluþáttanna og hvernig þeir ganga.

Þessi umræða matsfyrirtækjan birtist sem pólítísk umræða fremur en fagleg og heildræn.