Sjálfstæðismenn í eins jakkafötum

Ég sé ekki hvað myndin sem birt er með fréttinni á við málefnið sem til umræðu er.

Þessi mynd er væntanlega af landsfundi Sjálfstæðisflokksins eftir kosningu þessara manna.

Það kemur þessari frétt ekkert við. Myndin er áróðursmynd ekki fréttamynd.

Nær hefði verið að birta mynd af samningnum eða þegar samningurinn var undirritaður með fyrirvara um samþykki Alþingis.

Það eina sem ég tek eftir er að mennirnir eru í eins jakkafötum.

Svona mosagrænum eftir því sem mér sýnist. Þó ekki vinstri grænum.

Sjálfstæðismenn eru engir sigurvegarar í Icesavemálinu.

Það var flokkur þeirra sem kom því ástandi á að nokkrir pókerspilarar á vegum Sjálfstæðisflokksins komust yfir Landsbankann og hófu söfnun fjár í Bretlandi og Hollandi sem þeir voru svo ekki menn til að skila.

Ég hef ekkert á móti því að þetta mál fari í þjóðaratkvæðagreiðslu. En ég held að þorri almennings sé alveg búin að fá sig fullsadda af slíku nú um stundir.

Svo er færð tekin að þyngjast og veður orðin válynd á Þorranum og það hefur verið venja að standa ekki þá í miklum atkvæðagreiðslum við slíkar aðstæður.

Menn láta sig þó hafa það að brjótast á Þorrablót sér til skemmtunar.

Vilja þjóðaratkvæði

Athugasemdir

[Björg Sigurðardóttir (IP-tala skráð) 5.2.2011 kl. 09:39]

Dæmigerð áróðursmynd. Og þetta með jakkafötin er athyglisvert. Það hlýtur að verða þannig í framtíðinni að banki einstaklinga getur ekki farið og opnað útibú og tekið við peningum með lofor um að veita mun hærri vexti með "sömu" tryggingu og bankar sem bjóða upp á mun lægri vexti. Þetta busnessmodel að ég með fjársterka aðila á bak við mig geti farið til Bretlands og Hollands og rakað inn innistæðum með því að bjóða betri vexti en aðrir geti síðan krafið þjóðfélag um að greiða fyrir mig tryggingu ef allt fer óvart á versta veg. Þetta er allt mjög undarlegt og fjármálafræðin eru ekki að virka hér heldur Evrópulögfræði, pólitík og eitthvað sem ég skil ekki. Þessum peningum var víst lofað og var það löglegt? Líklegast ekki víst það þurfi að setja lög aftur í tímann núna til þess að standa við þau loforð.

Ísland fór frá því að vera skuldlaust land yfir í yfirskuldsett land, og Evrópa segir bara, uss það eru margir aðrir sem hafa það slæmt eins og þið. Evrópusambandið segir, þið verðið að deila fiskinum en fáið í staðin mikinn menningaarf því að allt frá Evrópusambandinu verður þýtt yfir á íslensku. Þetta mælti flottur maður sem hafði ferið mjög heppinn í lífinu. Starfaði hjá ESB í 23 ár, greiddi ekki tekjuskatt og gat verslað skattfrítt upp að ákveðnu marki. Hann hafði það svo gott að hann var kominn með ofurtrú á sjálfum sér og þessi hugmynd um fæði vs menningararf væri bara flott skipti. Síðan munu alast upp aðrir menn innan sambandsins og svo framvegis og þeir þurfa laun. Þessu skulum við síðan líka bæta á okkur svo við getum sett atkvæði okkar í pott þegar teknar eru ákvarðanir um okkur og hin ríkin. Við erum komin langt framúr okkur. Líklegast erum við líka búin að gefa fiskinn. Það þarf örugglega að setja lög aftur í tímann um að þeir sem veðsettu fiskinn fái að halda honum. Þeir voru svo klárir að fá hann gefins og veðsetja hann svo.