Róbert skilur málið ekki alveg

Róbert Marshall alþingismaður skilur þetta mál ekki alveg.

Hæstiréttur Íslands dæmdi stjórnlagaþingskosninguna ógilda.

Í því felst að ýmsir annmarkar voru á kosningunum sem raktir eru í dóminum.  Af því leiðir að áhöld eru upp um hvort viðkomandi einstaklingar séu rétt kjörnir og kosningin sé trúverðug vegna þess að menn kusu á glámbekk en ekki í kjörklefa.

Hæpið er að Alþingi fari að skipa þá einstaklinga sem náðu kjöri í hinni ólöglegu kosningu um fram aðra framboðskandídata í einhverskonar stjórnlaganefnd. 

Í kosningunni sjálfri liggur efinn.

Alþingismaðurinn verður að virða þrískiptingu valdsins og fara að dómum.

Ef ég brýt umferðalög og fæ sekt að þá er hæpið að löggjafinn verði með íhlutun um það mál.

Hitt er rétt sem formaður allsherjarnefndar reifar í fréttinni að hægt sé að endurtaka kjörið.

En ég held að rétt sé að leyfa landsmönnum að halda sín þorrablót og hafa þar uppi gamanmál áður en frekari ákvarðanir eru teknar um stjórnlagaþingskosningar.

Tveir kostir í stöðunni

Athugasemdir

[Jón Steinar Ragnarsson, 26.1.2011 kl. 02:46]

Ég stórefast um að nokkur mæti ef kosið verður aftur.  Markmiðið með þeim var eingöngu einn liður í fyrirfram prógrammeruðum atriðum sem ræða átti og breyta. Það er liður 7, sem kveður á um afsal fullveldis til erlendra ríkja og stofnanna.

Þetta er samkvæmt forskrift frá Brussel og eftir loforði Össurar. Við göngum ekki í ESB án þess að liða stjórnarskránna í sundur með þessum hætti. Sirkusinn átti að sjá um það, en ekki að efla stjórnarskránna eins og látið er  í veðri vaka.  

Engin furða þótt Jóhanna sé fúl.

[Kjartan Sigurgeirsson, 26.1.2011 kl. 06:46]

Það hljómaði svolítið ankannanlega að heyra Forsætisráðherra, á milli þess sem hún gargaði á þingið, tala um eintal þings og þjóðar sem þjóðin kallaði svo ákaft eftir í ljósi þess að rétt um þriðjungur þjóðarinnar nennti á kjörstað.  Ef það er þessi þriðjungur þjóðarinnar sem hún heyrir ákallið frá, spyr maður sig hvort ekki hafi einhvertíma verið háværara ákall þjóðar til þingsins hundsað. 

Sé svo nauðsynlegt að halda þetta stjórnlagaþing núna, held ég að ódýrasta og fljótvirkasta leiðin sé að velja þingfulltrúa með slembiúrtaki úr þjóðskrá.  Þeir sem kosnir voru til þingsetu tel ég ekki vera eina fólkið í landinu sem er fært um að setja niðurstöður þjóðfundar í búning sem alþingi skilur, nema síður sé.

[Hallgrímur Gísla (IP-tala skráð) 26.1.2011 kl. 11:00]

Notum netið til að kjósa um þau atriði sem kjósendur vilja hafa í stjórnarskránni. Kjósendur merkja við hvað þeir vilja hafa í stjórnaskránni.  Útkoman, er þá skýr skilaboð allra sem kjósa.  Löggjafinn fengi niðurstöðurnar í hendur til leiðbeiningar, um vilja fólks, í þessu máli.