Sumarkveðja

 

Vorljóð

 

Gakktu út í gróandann

gerast ævintýr.

Röðull skín og roðabjartur

risinn er dagur nýr.

Vorið vermir sál og sinni

er vetur burtu flýr.

 

Hvað er betra börnum landsins

en birta vorsins skær.

Hlýja loftið, ljúfa angan

á landið ljóma slær.

Syngur lækur í laut og móa,

lifnar sérhver bær.

 

Borgin lifnar líkt og landið

loftið fyllist klið.

Barnafjöld með bolta hlaupa

og bregða sér í lið.

Alla þyrstir í sumarsælu.

sólinni gleðjast við.

 

Kviknar líf í laufum trjánna,

lyftir þröst á flug.

Af vetrardrunga vorsins ylur

vermir okkar hug.

Vekur vonir, eflir andann,

vorsins styrk og dug.

 

Inga Þórunn Halldórsdóttir

Maí 2007

Sumardagurinn fyrsti haldinn hátíðlegur