Lukkuriddarinn Össur kallar gamla Alþýðubandalagsmenn ræfla

Össur er svolítið eins og Gáttaþefur og þefar út í loftið og reynir að fara um þar sem helst er að hafa skjól og björg. Ég kyngi því ekki að Alþýðubandalagsmenn séu ræflar, það eru ómakleg stóryrði. Yfirleitt er það fólk duglegt sem að bjargar sér í hörðum heimi.

Það var gaman hérna í gamla daga, að Össuri í Alþýðubandalaginu, sérstaklega þegar hann var að hlaupa um með lyfseðlana fyrir Ólaf Ragnar. Það var þannig að á stórum samkomum sem stjórnmálaflokkar efna til og þar þarf að kjósa einhverja fulltrúa  í nefndir sem einhverju ráða þá var það svoleiðis að stundum voru  óvanir menn að koma á landsfundi og voru þá ef til vill ekki búnir að ákveða hvernig skyldi kjósa. Þekktu ef til vill ekki marga og reyndu að afla sér vitneskju um fólk sem skynsamlegt gæti verið að kjósa sér vopnabræður. Þá fór lukkuriddarinn af stað með lista til leiðbeiningar landsfulltrúum. Seðlar þessir voru kallaðir lyfseðlar í gamni og Össur spólaði um borð og bekki. Nonni minn, ert þú búinn að greiða atkvæði og hvar er Gunna? Hér er ég með lista af úrvalsfólki sem tilvalið væri að kjósa og svona sveimaði Össur eins fálki um fundarsvæðið eins og fálkar gera. Sjálfstæðisflokkurinn er með svoleiðis fugl í flaggi sínu sem er flokksmerki hans. Miðflokkurinn er með graðhest á sínum fána, það er einhver arfur frá Kráardrykkjunni hér um árið.

Nú eru framantaldir flokkar komnir á tvísýna braut og farnir að kjósa á móti sjálfum sér og vitna ég þar til nýafstaðinna forsetakosninga. Og á ég við þetta nýja lýðræði sem erftt er að útskýra, að kjósa einn til að hrinda öðrum. Og eru umkomulausir og hafa engan til að stýra förinni að því að talið er og Katrín gengin á braut. Eitt er víst að það verða margir bardagar háðir, Guð hjálpi þeim sem lenda í forkosningu eða svokölluðum prófkjörum. Þar þýðir ekkert að kjósa taktískt, því þá getur allt farið í voll og stympingar langt út fyrir væntanlegar alþingiskosningar.

Auðvitað á Katrín að leiða starfsstjórn það er mín skoðun.

 

Sauðmeinlaus

þjóð horfir á grimmd sína

speglast

í vængjum fugls sem hún megnar ekki

að reyta.

Stefán Hörður Grímsson

 

Segir Svandísi bera ábyrgð á stjórnarslitunum 

Gög og Gokki

Þessir nýliðar vita ekkert hvað lykkjur og gildrur er verið að leggja fyrir þá, svipurinn minnir á Gög og Gokka, sem léku i skrípamyndum, hér í denn.

Er ekki bara verið að stunda stjórnamál? Ekki alltaf að segja já og amen. Nóg er nú saumað að ríkissjóði í endalausri skuldasöfnun. 

Hvað gerist ef skuldir vaxa yfir mörk. Þá verður uppboð og við lendum í vandræðum? Hver á að borga þjóðarhöllina?  Hvaða bobba er hægt að s setja Sjálfstæðisflokkinn í, Bjarni kemur bara, bjarteygður og hristir alla bobba af sér. En það eru allir að missa fylgi, nema Samfylkinginn.

Held að það verði nauðsynlegt að taka einn Magnús frá Mel á þetta, en það var góður fjármálaráðherra. Friðrk Sophusson var líka ágætur minni mig. Báðir úr Sjálfstæðisflokknum. Nú virðist engin vita hvað er debet eða kredet, bara göslast áfram og kunna ekkert að reikna, en mikið er búið að reyna á ríkissjóð og þanþolið er ekki  lengur til staðar. Svoleiðis liggur málið.

Ölfusárbrúinn komin á eindaga og bæjarstjóri búinna að finna nýja leið fyrir Sunnlendinga með því að laga Þrengslin. Þessi brú er mjög falleg og hreint listaverk, en það er ekki verið að biðja um það heldur praktískar samgöngur. Góð hugmynd að skipta brúnni og hafa veg stubb í hólmanum og þar gætu flóð farið um ef hækkaði í ánni, en ekki skemmt brúna eins og oft hefur nærri því við legið við þar sem eru hengibrýr.

Margir hafa orðið vitni af aðstæðum sem skapast við hengibrýr í vatnavöxtu þegar vatn rétt skríður undir þær með íshröngli.

Svandís muni pína Sjálfstæðisflokkinn

Foreldrar mínir Gunnar Arnbjörnsson og Aðalheiður Magnúsdóttir. Hún ætti afmæli í dag, en er nú kominn í sumarlandið.

Foreldrar mínir.

Faðir: Gunnar Sigursveinn Arnbjörnsson f.22. maí 1912 að Hlíðarenda Borgarnesi. Bifreiðarstjóri og sjómaður Reykjavík. D.14 apríl 1970.

Móðir: Aðalheiður Magnúsdóttir f. 3.okt.1915 á Gunnarseyri, Skötufirði N- Ísafirði.d.2.ágúst 1979 Maður 2. Jón Guðmundsson, skipstjóri Súgandafirði. Maður 3. Magnús Helgason, sjómaður bifreiðarstjóri og refaskytta Grindavík. Húsfreyja í  Grindavík og Reykjavík. Kaupakona að Hvanná 1930 þá 15 ára og það lá vel fyrir henni að syngja Selja litla fæddist fyri vestan ljóð eftir Guðmund Inga Kristjánsson bónda Kirkjubóli Bjarnadal Önundarfirði. Lag eftir Jón frá Hvanná. Móðir mín og faðir bjuggu saman í Reykjavík og áttu 5 börn, Halldóru, Kristbjörgu, Birgi, Þorstein og Arnbjörn. Heimild: Pálsætt á Ströndum.

 

Hvað á barnið að heita?

Held að það gæti verið snjallræði fólks sem stundar stjórnmál að nefna (skíra) börn, Gleym-mér-ei. Smátt og smátt værum við komin með flokk sem væri vel sjáanlegur.

Gæti útrýmt að ástæðulaust væri að kljúfa eða stofna nýja flokka. Um þessi mála væri þá samið um í fermingar og giftingarveislum og erfidrykkjum. Þetta mundi auðvela allt stjórnamálavafstur.

Auðvitað er það kitlandi fyrir foreldra að nefna börn margbreytilegum nöfnum og hafa sjálfstætt val um það og þurfa ekki að eltast við ættarnöfn. Íslendingar hafa mikið sótt í að nefna eftir horfnum ættingjum o.s.frv. Stundum getur það orðið tog en ekki endilega ósætti í fjölskyldum þó einhver fá ekki nafnið sitt.

Eitt sinn ætlaði ég að stríða bróður mínum að það væri enginn nefndur eftir honum, og glamrað með það að ég væri kominn  með nafna, en ég heiti Þorsteinn Hallgrímur og er kominn með einn Þorstein H. Bróðir minn snéri sig listilega vel út úr þessu. "Vitleysa er í þér Þorsteinn, það er alveg hellingur af nöfnum sem ég á. Arnbjörn heiti ég og það eru margir með millinafnið Örn." Litli bróðir hafði betur í þessari snerru okkar. Hann er nú látinn og er okkur auðvitað kær með þetta stóra og myndarlega nafn og er það komið í umferð og dekkar

ættar höfðingjan Arnbjörn Árnason sem var meðal stofnenda Borgarness

Hulda á Höllustöðum tjáði sig eitt sinn við mig um nöfn þegar ég var í farskóla á Höllustöðum. Það ætti ekki að kalla börn gælunöfnum. það mætti ef til vill gera þegar þau væru lítil, en ef viðkomandi væri með flott nafn þá væri betra að það vendist að kalla það fullu nafni.

Á hernámsárunum voru tekin fram stutt falleg gælunöfn  eins og Dollý, Bíbí, Sísí og Dítý. Það lagðist misjafnlega í fólk en þótti smart. Ef til vill blandaðist hernámspólitíkin eitthvað inn í þetta. Trúlega.

Svona væri hægt að skrifa ritgerðir og hafa vafalaust verið skrifaðar lærðar ritgerðir um nöfn okkar og er það vel að það veki áhuga alltaf þegar barn er nefnt (skírt).

Magnús og Aðalbjörg eignuðust dóttur

Þjóðfélag sem er með lappirnar upp í loftið; afvelta.

Lögreglustjórinn á Norðurlandi eystra er búinn að hanga á þessu byrlunarmáli eins og hundur á fiskroði í um fjögur ár. Á þeim tíma hafa meintir sakborningar mátt þola allt sem slík staða bíður upp á, harm og vanlíðan tekjumissi og mikla sorg.

Hvað verður gert til að sporna við því að sjúklingum verði byrlað eitur ef þeir verða veikir í heilbrigðiskerfinu? Setja lögreglustjórann í vaktina á Landspítalanum. Ég sé ekki hvað getur gerst í þessu máli.

Hvað um útlenda hlutann í málinu? Almennilegir blaðamenn settir í handjárn og verða að skrifa með munnninum. Þetta er satt að sega mjög ótótlegt mál. Og hver tekur við að upplýsa málið.

Hér er allt í vitleysu og best að hætta þessu og kjósa nýtt fólk allstaðar.

 

Óvíst hvort niðurstaðan verður kærð

Stjórnvöld stíga heldur þungt til jarðar

Óskaplega finnst manni þetta ljótt mál gagnvart þessum elskulega dreng og fjölskyldu hans. Nú má segja að búið er að útskýra málið samkvæmt lögum, að mestu.En þetta er eins og götóttir sokkar. Gera verður athugasemd við að lögmaður fái ekki upplýsingar um tímasetningu aðgerðarinnar.

Það er í meira lagi skrýtið að stofnun sem stendur í samskiptum við þá erlendu aðila í viðkomandi landi sem förinni er heitið til sé ekki sjáanlegur að vera viðstaddur brottnámið og sýni þau skjöl frá læknum og öðrum sem málið varðar.

Mér fannst konan þarna sem kom í Kastljósþáttinum standa sig vel og útskýra erfitt mál. Hissa að hún skyldi þola þetta álag ógrátandi. Þáttastjórnandinn stóð sig líka vel að leiða umræðuna á þann veg sem málið hefur hlotið.

Ég hef svo sem enga þekkingu á því hvernig á að ganga í svona verk.

Blogga svona til að opna vettvang til þeirra sem láta sig þetta mál varða, geti tjáð sig um það.

Mér finnst illa farið með okkur sem þjóð að láta svona mál fara í þennan farveg og ganga svona harklega fram við fólk í neyð.

Engin lögmaður viðstaddur ha?

Dómsmálaráðherra hafði það mikla mannhyggju til að bera að stöðva þessa atrennu að fólki sem er í neyð.

Guðmundi Guðbrandssyni formanni VG, er þakkað að setja fótinn í þröskuldinn. Það hefði nú verið fróðlegt, að sjá, ef hann hefði farið með hurðarkarminn á öxlunum, út af ríkissjórnarfundinum.

Skýra þurfi betur heimildir stjórnvalda

Þykir mótmæli Eflingar afar þungbær. Já einmitt það.

Eiganda matsölustaðsins Ítalíu þykir mótmælin afar þungbær, og verið sé að persónum ger þau, já eimitt. Hann hefði þá átt að leggjast undir feld svo engin sæi hann.

En rétt er spyrja hvernig þeim líði sem ekki fá kaupið sitt í réttum skilum. Hvað með morgunmatin og kvöldmatinn fullt af börnum sem ef til vill fá ekki mat í skólanum því þjófélagsmálin eru orðin svoleiðis að það er rifist um allt.

Til hvers eru þá samtök launamanna og verkalýðurinn, ef ekki má hefja fánan á loft og benda á þann sem stendur sig ekki og segir hvað hann heitir.

Elvar Ingimarsson er með þennan atvinnurekstur og stoðirnar eru engar undir rekstrinu og þarf að finna eitthvað út úr því. Bankin verður að bjarga þessu eða einhvernig vegin að útvega fjármagn eða alavega að allir hafi að borða. Annars verður verkalýðshreyfingin mjög reið og getur breyðst út og að gæti verið að það yrði eitthvað prjónað úr þessu.

Hingað og ekki lengra. Eitthvað hlítur að koma inn við sölu veitinga? Það þarf einhver aðili í þjóðfélagin að stoppa svona háttalag.

Þykir mótmæli Eflingar afar þungbær

Ef unglingar út skrifast ólæsir, hvað með kynslóðirnar á undan?

Oft furðuðu menn sig á því, hve Fidel Castró Kúbuforseti hélt langar ræður. Hann ræddi um hvernig framleiðslan gengi og þjóðin fékk þetta allt í gegnum þessar löngu ræður.

Ástæðan? Þjóðin var ólæs. Því þurfti að halda langar ræður  til að upplýsa hvaðeina og lögð áhersla að gera þjóðina læsa á skömmum tíma.

Á Íslandi sáu prestarnir um að halda uppi sæmilegri lestrar  kunnáttu og konan við rokkinn og ef til vill, afi og amma.

Nú er hætt að nota rokk og afi og amma upptekin og fjölskylduformið orðið annað og foreldrar vinna mikið úti.

Pisakönnun er enn til umræðu og lítið gengur. Enn eiga nemendur erfitt með að skilja texta og eitthvað er útkoman lakari hjá okkur en öðrum þjóðum sem þreyta þessa písakönnun. Ef til vill skiptir þetta engu máli eða hvað?

Er þetta ástæðan fyrir öllum mistökum, sem pompa upp hjá okkur, mygla sem var ekki áður. Vegir fjúka upp og hverfa. Endalaust að menn fara yfir á fjárlögum. Menn skríða inn í hella í hláku, Hvað þýðir orðið hláka, eða hundslappadrífa?

Færsla þessi hefur birst áður en er nú birt uppfærð. Skrifari var mikið til ólæs þegar komið var í farskóla, en það var gömul kona með rokk sem kláraði verkið.

Bloggari fór um síðustu helgi í 60 ára útskriftar afmæli Landsprófsdeildar á Reykjaskóla. Það brostu allir út að eyrum þegar heilsað var. Einhver var með gamalt landspróf til kynningar og sýningar, skrifari kunni lítið og hristu höfuðið.

Skrifari hefur komist sæmilega af til sjós og lands.

Færsla  þessi hefur birst áður hér á blogginu en er nú birt. uppfærð.

„Slíkt væri talið algjörlega galið“

Almannavarnir hvað er það?

Þó við lifum í landi sem er hættulegt hvað varðar náttúruna þá þarf oftast eitthvað slys að verða til að stjórnvöld átti sig á hver á að sjáum þetta eða hitt.

Lög um almannavarnir eru til og eftir svona létta yfirferð á þeim liggur nokkuð ljóst hvar er ábyrgðin og hver á að stjórna almannavörnum og skipuleggja þær og halda þeim gangandi.

1.Dómsmálaráðherra er æðsti yfirmaður almannavarna 2.Ríkislögreglustjóri er lykilmaður að skipuleggja almannavarnarkerfi og lögreglustjórar hver í sínu umdæmi.

3.Þá eiga sveitarstjórnir að kjósa menn í almannavarnarnefndir  sem hafa með höndum stjórn á sínu svæði og hafa frumkvæði.

4.Björgunarsveitir vítt og breytt um allt land sem leysa flest erfiðu verkinn með sínum búnaði og eru lykilaðilar í björgun á slysstað og hafa gætur á eigin búnaði og mönnun eftir atvikum.

Það liggur nú við að eftir þessi breyttu aðstæður sem birtast hnífaárásum á almennum vettvangi að leikmanni finnist að Laugavegurinn sé orðinn hættulegur staður.

Hér í eina tíð var það oftast, ef maður ók eða gekk niður Laugaveginn þá sá maður gjarnan lögreglumenn á ferðinni gangandi tveir og tveir saman. Nú sést varla lögreglumaður á göngu í almannarýmum.

Bloggari hefur verið á flakki í stórborgum viða í Evrópu og í löndum við Miðjarðarhaf. Sumstaðar hefur maður séð vopnaða verði við skip og í austantjaldslöndum voru og eru hafnir afgirtar með, 2 varðmenn í varðskýlum með riffil með byssusting og í fyrstu fyllist maður óhugnaði við slíkt en það venst. Á Spáni voru verðir vopnaðir snyrtilegrum litlum skammbyssum og þorðu yfir leitt ekki að þyggja sígarettur af áhöfn skips ef í boði voru og ósk um að fá að skoða vopnin.

Nú er bloggari skíthræddur að ganga niður Laugaveginn og mundi skilgreina hann sem hættulegan stað.

Við Íslendingar höfu oft tekið á honum stóra okkar við að fækka slysum á sjó og var ekki vanþörf á að taka til hendinni. Þar hefur komið til sögunnar mikil meðvitund sjómanna, stjórnvalda og almennings til sjósslysa. Stærri og öruggar skip betur búin björgunartækjum og búnað eru kominn, veðurspár ef til vill öruggari.

Nú þarf að gera úttekkt á almannavarnar kerfum í sveitarfélögum og athuga hvort þær séu virkar, bæta þar úr ef þarf.

Lyfta upp fánanum og taka til í þessum málaflokki. Það er hlægilegt þegar farið er að benda á Vatnajökulsþjóðgarð sem einhvern ábyrgaðaraðila eða stjórnvald í nýlegum slysum í íshellum í jöklum.

Stundum finnst manni að það sé ekkert vit afgangs við stjórn í ýmsum málum í landinu.

Stríðs fóbía á vesturlöndum

Það virðist skollinn stríðsfóbía (hræðsla) á Vesturlöndum. Þjóðverjar eru tilbúnir að setja pening í jarðir til að flýja hugsanleg stríðátök.

Við skulum vona að það fari ekki svo að stríð brjótist út.

Bjóða í jarðir til að kolefnisjafna