Fjallkonan- ímynd, lands, þjóðar og náttúru.

Bókin Fjallkonan er áhugaverð lesning. Skemmtileg og fögur með dýrðlegum myndum af fögrum konum í fjallkonu búningi og hæfir þessu 80 ára afmæli lýðveldisstofnunarinnar. Í bókinni er rakin öll listin við að hanna saum og skreyta klæðin og rakinn ferillinn og hvernig þetta er gert og að mínu mati alveg listilega gert. Maður fær innsýn í hverjar hafa verið fjallkonur og fær að vita hvernig textinn hefur hljóðað.

Mannlíf flytur okkur vangaveltur Illuga Jökulssonar um Fjallkonuna undir þættinum um Kúltúr. Þetta er einhver andstaða gagnvart íslenskum hefðum og menningu, ef til vill til að reyna að draga örlítið úr áhrifum skálda okkar, t.d. Jónasar Hallgrímssonar og Tómasar Guðmundssonar, sem töldu í okkur frelsisást og kjark til að lifa í þessu harðbýla landi og vekja athygli á náttúru, landi og borg.

Og svo þetta þjóðrembutal, að þessi eða hinn hópurinn sé með þjóðrembu, ef minnst er á eitthvað sem er íslenskt, sterkt og fallegt. Fullyrt að hér sé þjóðremba á ferðinni.

Þetta með innflutninginn á þessari hefð er ef til vill rétt. Það hefur nefnilega fréttst að svona tilþrif hjá ýmsum þjóðflokkum og þetta er einfaldlega það sem fólk tekur eftir þegar það kemst í snertingu við okkar menningu alveg sama hvort hún sé svolítið plat. Hafmeyjan sem situr á steini fyrir utan höfnina í Kaupmannahöfn er líka plat.

Við vitum ekki hvernig hugmynd um fjallkonuna varð til. Ef til vill hefur hún komið sem tillaga frá sýslunefndarfundi einhversstaðar, eða einhverjir hafi ráðið ráðum sínum um allt þetta tilstand og farið að setja einhverjar hugmyndir niður. Í bændasamfélaginu er auðvelt að veðja á það að gangnamenn hafi víða getað ímyndað sér að fjallkonan hafi sést í fjöllum og tindum. En auðvitað er þetta hugsað sem ímynd þjóðarsálarinnar 

Stjórnarráð Íslands stóð að útgáfu bókarinnar og er talið að frumkvæði Katrínar Jakobsdóttur sem nú fer um á Þingvöllum með flokk og kynnir staðinn. Ritstjórn Silja Aðalsteinsdóttir árið 2024. Formála ritar Bjarni Benediktsson forsætisráðherra.

Ég tel Fjallkonuna algjörlega stand af sér þessa háðsatlögu sem mér finnst vera og kemur frekar í bakið á málshefjanda sem er öðrum þræði ágætur fjölmiðlamaður. En auðvitað eru hún ímynd sem mikið hefur verið gert úr.

Ég tel að í raun að Hallgerður Langbrók sé fyrsta fjallkonan og allar fjallkonur sem á eftir ganga í hennar slóð.

Ég geri ekkert með þetta frumhlaup Illuga við að reyna að gera lítið úr fjallkonunni og finnst það ómaklegt. Að þetta sé eitthvert óþurftar atriði í Íslandsögunni og vísa því alfarið á bug. Að mínu mati er þetta einstaklega fallegur málatilbúningur og eitthvað til að færa menningu okkar í dýrustu klæði og orð, gera henni hátt undir höfði. Svo eigum við fána sem er afar fallegur og fellur vel að þessum atburði, ég tala nú ekki um þátttöku skáta í viðburðinum.

 

 

„Bókin er greinilega að rjúka út“

Eftir forsetakosningarnar sjá menn draug í hverju horni, eða hvað?

Sérkennilegt ástand á Alþingi. Nú eru sumir með lífvörð, en ekki kunnugt þingheimi hvernig ástandið er.

Þingmaður telur það ólíðandi að sérsveitarmenn séu á sveimi í hliðarsölum.

Ég hélt að Alþingi færi yfir þetta, svona með fullri vissu hvað væri í gangi, en ekki að forseti þingsins hefði heyrt eitthvað í nefnd. Sjálfasagt liggur þetta í höndum ríkislögreglustjóra.

En vel að merkja, væri ekki eðlilegt að hættumat væri gert og hverjir væru í hættu og hvaðan hættan kæmi svo það færu ekki einhverjar sögusagnir í gang. Þessi vitneskja gerir  það að verkum að það verður farið að hvísla og spekúlera. Einhver nefnd væri fengin og menn vissu fyrir fram hverjir væru í þeirri nefnd. Líklega væri eðlilegast að ríkislögreglustjóri kæmi svoleiðis nefnd á, hvort hann veldi í nefndina svona eins og strákar gerðu í gamladaga þegar veriðð var að velja liðsmenn í fótboltalið út á túni í einhverju hverfinu eða að það væru dómkvaddir menn með sérþekkingu í þessa nefnd. Eins væri hægt að elstu menn í þinginu gætu sest í svona nefnd.

Þá er spurt: Er hættulegt að almenningur skreppi á þingpalla? Og ætti von á því að horfa upp á bófahasar.

Þetta er ískyggilegt ástand, satt að segja. Svo tekur maður eftir því að útvarpsstjóri RÚV setur einhverja verkferla af stað við sitt embætti sem eru þá ígildi reglna um að fréttamenn ættu að hafa gát á því hvernig  og um hvað þeir eiga að spyrja og eftir mínu viti að spyrja ekki djarft, nema bera það undir einhvern. Svo er hann að gefa stjórn RÚV einhverjar leiðbeinandi ordur, eftir því sem má lesa í fréttum og tekið fram að hann sé undirmaður Stjórnarinnar

Allt þetta er nú orðið svolítið kátlegt. Það ætti ef til vill að fara að mæla blóðþrýstinginn hjá þingmönnum. Það er víst auðvelt nú orðið, bara skanna með snjallsíma.

 

„Ólíðandi“ að öryggisgæsla Bjarna sé á Alþingi

Skáldið og ráðherrann

Þetta er erfitt mál með hvalina. Bæði ráðherrann og skáldi hafa skyldum að gegna við sínar reglur. Skáldið verður að lúta lögmálum skáldskaparins og ráðherrann að lempa sjálfa sig í gegnum stjórnmálakraðakið.

Fantaskapurinn við aflífun hvalanna er alvega svívirðilegur og nógu veigamikil ástæða til að vera ekki að aflífa þessar stóru skepnur sem ekki er hægt að setja í klofið á sér og skjóta eins og kálf.

Ég hef verið fylgjandi því fram að þessu að veiða hvali. Ástæða: Að hvalurinn étur svo mikið af fiski. En nú er gert eitthvað minna úr því. Kominn ný ástæða,sem slær þá fyrri út að sagt er að hvalurinn sé flinkur í því að gera gagn í loftslags málunum.

Ráðherra  verður að fara eftir nokkrum reglum: Atvinnufrelsisákvæðum stjórnarskrárinnar og svo auðvitað dýrarverndarsjónarmiðum sem verða sífellt þyngri í þessum málaflokki og huga að smala VG fylginu saman og það spilar  mikla rulu. Alltaf þarf að huga að því, sem skáldið hefur ef til vill engar skyldur við það. Sest bara við skrifborðið frjáls maður og gerir það sem honum sýnist. Bara formið í lagi og yrkja frá hjartanu. Auðvitða er hægt að laða fylgi að með ljóðum.

Það hefur verið opnað á að það gæti verið skaðabótar þáttur í þessu máli sem ráðherrann verður að hugsa um, sem er nú varla ef starfseminn hefur verið rekinn með halla í lengri tíma eins og heyrst hefur. Ég hef aldrei heyrt að hægt sé að krefja bætur um það sem ekkert er. Í þessu tilfelli halla á rekstrarreikningi, nema með einhverju kúnstum.

Ég held að hvalveiðar séu komnar á endastöð hjá Íslendingum. Þá er að gæta að hagsmunum ferðaþjónustunnar að fara í skoðunarferðir að sjá hval í sínu náttúrulega umhverfi það er plús. Nú er Katrín farin á braut og þá heldur hver sem getur ,nú má ég vera eins og villtur foli og gera uppsteyt og þarf engan múl. Nú er allt fylgi  út og suður og engin veit hvers er hvað og hvers er hvurs og allt komið í kross . Kannske getur Samfylkingin lánað fylgi  eins og Sjálfstæðismenn Krötunum í gamladaga í einhverjum kosningum.

Það er erfitt að stjórna löndum og að mörgu að hyggja. Allsskonar flækju hagsmunir.

Hvar er skæruliðinn Poul Watson, býðst hann ekki til að kaupa Hval 8 og 9 ? Nú er lag eftir þessa vertíð, Kristján Loftsson, vera svo með barnabörnunum að veiða ufsa niður við höfn. Það væri nú gaman.

Hvorki vinstri né græn: „Auðvaldsmottur og umhverfissóðar“

Frumkvæðisforseti ?

Mér sýnist Halla Tómasdóttir geta verið þannig forseti Það sem vantar er valdið og myndugleikinn í löggjöfina, forseti lætur ráðherra framkvæma vald sitt!!!.Eða þannig. Halla er mikið í því koma málum á rekspöl Og það vantar svo sannarlega að hjálpa fólki sem er komið í vond mál og geta ekki þokað sínum málum fram á við. Við erum með umboðsmann Alþingis, Það er eingöngu til að kryfja mál til mergjar. Sama eru um umboðs mann borgara sem er á svipuðum nótum fyrir Reykjavík . Hef reynt báða umboðsmenn. Frá þeim koma góð álit og margt dregið upp úr skjóðunni. Þeir eru ekki dómstólar og því ekki hægt að halda áfram á þeim vettvangi. Mætti segja að það gerist ekkert. Svona ópíum fyrir fólkið.

Sýslumaður selur ofan af fötluðum manni fyrir ófullnægjandi verð. Uppboðshaldari ber að fá eins hátt verð og kostur er. Svona eru mörg mál sem ekkert gerist í. Oft vegna þess að það vantar peninga til að borga lögfræði kostnað og oft ekki hægt að fá gjafsókn.

Svona er þetta búið að vera síðan á dögum Hrafnskels Freysgoða, en hann er til í bókum okkar. Forsetinn eða einhver annar kandidat þyrfti að líkjast Hróa -Hetti Jafn vel reisa nýjan flokk en þá vantar brennumanninn Kára Sölmundarson, sem fór til Kív í Úraníu að tukta brennumenn.

Úr Hrafnskelssögu; er varðar fullnustu dóma og réttlætis.

Smali Hrafnkels Freysgoða notaði hest Hrafnkels til að smala en Hrafnkell var búin að hóta að drepa hvern þann sem færi á bak Freyfaxa.

Hrafnkell var linur og blíður við sína menn og stirður  við Jökulsdalsmennum. Hann þrengdi undir sig Jökuldalsmönnum til þingmanna sinna. Hann var ójafnaðarmaður.

Þorbjörn vildi i mál við Hrafnkel út af vígi Einar sonar síns, En Hrafnkel heldur áfram að drepa menn og ógna. Hér er farið fljótt yfir sögu. Hægt er að þvæla víginu til Alþingis og þar er dæmt í því. Þar eru miklir höfðingjar, eins og títt er um svoleiðs samkomur. Málið vinnur Þorbjörn, en þá vill enginn veita honum liðsinnis svo koma megi dómnu í framkvæmd. Og var nú illt í efni. En um síðir var hægt að safna mönnum til farar austur til Aðalbóls til að fullnusta dóminn voru það Vestfirðingar sem tóku það að sér og þurfti að gera féránsdóm á búi Hrafnskels og fæla hann af staðfestu sinni ( bera út) og var þá illa komið fyrir Hrafnkatli.

Öllu er  vel lýst í Hrafkelssögu, skrautlegar sögur með miklum texta, rósum og fögru máli. Eigi er það efni þessarar færslu að fara yfir það efni og getur hver sá sem vill það og hefur landspróf eða komist sæmilega út í Písa könnun og hefur vald á sínu máli og er læs, gert.

 Réttlætið á örðugt uppdráttar fyrir þeim sem er minni máttar og framkvæmdavaldið  á Íslandi orði frekar lélegt.

 Ef fólk leitar jafnvel til Kerfisins er lítið að hafa og afgreiðslan jafnvel afgreidd úr tölvu og talvan  segir NEI. Einhvern vegin þannig er ástandið svona á Íslandi.

Heimspressan fjallar um forsetakjör Höllu

Ísborg Ís 250 síðutogari > fragtskip breytingar á skipinu afdrif og fréttir.

Bloggari var munstraður á skipið:1/7-/19/8 1964 og 1965 8/6-29/10 1965

M/S Ísborg IS 250 frá Ísafirði var síðutogari sem breytt var í fragtskip í kringum 1963 með því að færa brúnna aftar og þannig jókst lestarpláss skipsins.  Þeir sem stóðu fyrir þessu voru Guðfinnur Þorbjörnsson, sem átti Vélsmiðju Guðfinns og Birgir Þorvaldsson, forstjóri Runtalofna.  Á þessum tíma voru aflagðir gamlir síðutogarar geymdir inn við Klettagarða og þeir félagar renndu hýru auga til þessara togara með það í huga að breyta einum í fragtskip. Guðfinnur var mjög lengi að skoða alla togarana og gerði það mjög vel. Hann komst að þeirri niðurstöðu að Ísborgin væri það skip sem þeir væru að leita eftir, en hún var heil og óryðguð að kalla. Agnar Hallvarðsson, vélstjóri slóst í hóp með þessum mönnum og seinna keypti Haukur Guðmundsson, skipstjóri sig inn í verkefnið. 

Breytingarnar voru þessar:  Brúin var færð aftar til að auka lestarpláss skipsins og ný Skandia vél var sett í skipið. Ísborgin hafði verið gufuskip og gufuketillinn var tekinn úr skipinu og seldur Síldarverksmiðju ríkisins á Siglufirði. Má segja að andvirði hans hafi dugað fyrir þessum breytingum. Síðan var skipið málað og sjósett.

Í fyrstu urðu forráðamenn Ísborgarinnar að taka hverri þeirri fragt sem bauðst og má segja að þeir hafi verið hálfgerðir skæruliðar á þessum flutningamarkaði. Oftast var flutningurinn út saltfiskur og heim til Íslands salt, ef það var farið í Miðjarðarhafið. Timbur var flutt frá Rússlandi og Póllandi. Síðan voru allskyns flutningar í Hollandi, Englandi,Þýskalandi Írlandi, Svíþjóð og Danmörku siglt tvisvar í gegn um Kílarskurð þar sem hægt var að sjá dáfögur tún og nautgripi á beit.  

Áhöfnin var vel skipuð vönum mönnum en Haukur Guðmundsson, frá Gerðum í Garðahreppi, var skipstjóri, og tók hann með sér tvo stýrimenn sem hann þekkti vel. Þeir voru Georg Franklín og Finnbogi Kjeld.

Undirritaður var um skeið háseti á skipinu. 11 manna áhöfn var um borð. Lítið var um nútíma þægindum í skipinu, engin sjálfsstýring og stóð alltaf einn háseti við stýrið og handstýrði. En vegna breytinganna var Ísborgin mjög há að framan ef hún var ólestuð. Og var þá alltaf hafður maður fram á hvalbak á útkikki. Það var til þess gert að sigla ekki niður smábáta.

Hvað varð um Ísborgina? Undirritaður fékk spurnir af því að hún hefði verið seld niður í Miðjarðarhaf. Heimild Þorkell Guðnason. Þorkell Guðnason tók myndir af skipinu árið 1981. Þá hafði Ísborgin verið tekin út á rúmsjó og færð til hafnar í Nikolaos á Krít þar sem hún var kyrrsett vegna smygls á fíkniefnum. Það hafði vakið athygli löggæslunnar að þessi óhrjálega fleyta var búin þremur ratsjám eins og herskip eru gjarnan búin og gat siglt á fullri ferð í svartaþoku.
Hún var með kúlnagöt á brúargluggum sem munu hafa komið til þegar áhöfnin þráaðist við að hlýða skipunum yfirvalda og fékk skipið á sig skothríð og lenti m.a. á brú skipsins.

Ísborgin lá ansi vel í sjó og gekk 11 sjómílur lestuð og varði sig all vel í þungum sjó og brotum, hreinsaði sig vel.

Höfundur á til sjómanna að telja og hefur skipstjórnarpróf á skipi að 30 sml. og sendir sjómönnum bestu kveðjur og árnaðaróski.

Þorvaldur Magnússon síðast bátsmaður á Ingólfi Arnarsyni. Kallaður Íslandströll. Mynd Jón Kaldal

Skarphéðinn Magnússon er hugsanlega með félögum sínu upp á hvalbk á mynd af Ísborginni þá hún var síðutogari.

 

Árás þýsks kafbáts á 3 íslensk fiskiskip á Norður-Atlantshafi í mars 1941

Um þessar mundir er verið að ræða um stríð og frið. Þetta er nokkurt yfirlit Atburðir sem við urðum aðilar að án þess að við hefðum áhuga á því. Forseta frambjóðendur, eru búnir sumir að ympra á þessu með stríð og frið.

 

Hér set ég inn rit sem ég gerði til að halda til haga lýsingu á þeim atburðum sem ritið sýnir og var það einungis afhent innan fjölskyldu minnar á Sjómannadeginum 2006 og nokkrum öðrum einstaklingum. Það er hér fyrir alla sem vilja lesa það.

Skrár tengdar þessari bloggfærslu:

• petursey_sjomannadagurinn_2024.pdf

Falsspámenn í fjölmiðlum ?

Margar frásagnir eru að finna í ritum bibliu sem segja frà falsspamönnum og örlögum þeirra, og líka þeirra sem var spàð fyrir um. Í dag höfum við líka falsspàmenn sem vilja villa um fyrir fólki og taka þeir oft af lífi blásaklaust fólk með skrifum sínum, og vel skipulögðum áróðursherferðum. Þeir nota líka til þess svokallaðar ,,skoðanakannanir". Því miður eru þessar kannanir ekki nægilega heiðarlegar, og eiginlega eru þær öflugt ,,leynivopn" þeirra sem vilja koma ,,réttu" fólki að í æðstu stigum samfélagsins til þess svo eins að þjóna hagsmunum glóbalista og valdabröltara. À tímum Jesú hefðu álíka ,,kannanir" líklega ekki sýnt að Jesú væri hinn rétti messías. Hver urðu svo örlög þeirra sem àkváðu að Jesú væri ekki sà rétti fyrir um 2000 árum síðan ? Mannkynssagan geymir sögur af þessum örlögum og þau eru vægast sagt með eindæmum sorgleg. Í næstu kosningum er ekki verið að kjósa um Jesú eða Barrabas, en fari menn eða konur inn á bessastaði með kristleysi eða guðleysi í hjarta er þjóðin nánast búin að loka endanlega á þann möguleika, að Guð blessi ísland eitthvað frekar eða haldi lífsgæðunum á því plani sem okkur hentar best. Fjallræðan minnist à friðflytjendur og að þeir verði kallaðir Guðs börn. Jesú var Guðs sonur og barn, og hvar er nú friðflytjandi í frambjóðendaflóru íslands þessa stundina ? Hvaða frambjóðendur hafa í huga að nýta sérstöðu íslands til að vinna að friðarmálum, eða hverjir eru þekktir fyrir hugsjónir og hafa kannski einhverskonar spádóma á bak við sig, og jafnvel upplifað sýnir ? Síðastliðið sunnudagskvöld mátti sjá fyrirsögn á D.V.is á þá leið, að kjarnorkuárás af hálfu rússa væri nú óumflýanleg. Eina loforðið sem lífið gefur er dauðinn ! Er þetta þá örugglega rétti tíminn til að kjósa eitthvað annað en Ástþór ? Skoðanakannanir fyrri alda hefðu sennilega aldrei gefið vísbendingar um að Jósef hefði orðið stjórnandi egyptalands, eða að Móse gæti sannfært Faraó um að leysa ísraelsmenn frá 400 ára þrælavinnu. Tökum ekki afstöðu í þetta sinn með illa gerðar kannanir að ,,leiðarljósi" og kjósum heldur það sem okkar innri skoðanakönnun leiðir í ljós.

Finnbjörn Þorvaldsson ættaður frá Fæti undir Folafæti í Ísafjarðardjúpi

Frændi minn, Finnbjörn Þorvaldsson hefði orðið 100 ára í dag 25. maí 2024. Hann var ættaður frá Fæti undir Folafæti í Ísafjarðardjúpi en fæddur árið 1924 í Hnífsdal. Hann var sonur Þorvaldar Matthísar Magnússonar, bátsmanns og forsöngvara við Eyrarkirkju við Seyðisfjörð vestari. Þorvaldur var kallaður Íslandströll í togaraflotanum slíkt var afl hans. Þetta sagði Arnbjörn bróðir minn mér, en Arnbjörn tók þroska sinn á sjó undir verndarhendi Þorvaldar. Móðir Finnbjörns var Halldóra Finnbjörnsdóttir fædd í Fremri-Hnífsdal. Þau hjónin byrjuðu búskap sinn fyrir vestan en bjuggu svo um tíma í Garðabæ og síðan í Reykjavík.

Finnbjörn Þorvaldsson er einn af ástsælustu afreksmönnum Íslands. Hann var fæddur í Hnífsdal, menntaður í Samvinnuskólanum og síðan skrifstofustjóri hjá Loftleiðum í Reykjavík. Kona hans var Theodóra Steffensen.

Hæfileikar Finnbjörns á sviði íþróttanna komu fljótt í ljós. Hann var félagsmaður í ÍR. Hann var liðtækur í mörgum greinum. Þar má nefna handknattleik, en hann lék með Íslandsmeistaraliði ÍR 1945. Þá vann hann til afreka í körfuknattleik og fimleikum.

Finnbjörn er þó þekktastur fyrir afrek sín í frjálsum íþróttum, sérstaklega spretthlaupum. Þar vann hann fjölmarga Íslandsmeistaratitla. Hann vann oftar en einu sinni landskeppnir á íþróttaferli sínu og Íslandsmet sem hann setti voru fjölmörg, svo skipti tugum. Einnig varð hann Norðurlandameistari nokkrum sinnum.

Mestu afrek Finnbjörns voru þó án efa þegar hann komst í úrslit í 100 m hlaupi á Evrópumeistaramóti í Ósló 1946 og þegar hann tók þátt í Ólympíuleikunum í London 1948. Þar var hann fánaberi sinnar þjóðar.

Prúðmennska og drengskapur í keppni voru einkennandi í fari Finnbjarnar. Hann var alltaf fyrstur til að óska sigurvegurum til hamingju og aldrei urðu keppinautar hans né samferðamenn hans varir við hroka. Hann var ætíð í öllu fari drengur góður.

Tekið saman af Þorsteini H. Gunnarssyni: Heimild ÍR.

 

 

Blés þjóðinni eldmóð í brjóst

Ástþór og tölurnar. Engin er spámaður í sínu föðurlandi, segir máltækið , en hér er undantekning

Í bókinni Nostradamus og spádómarnir um Ísland, má lesa eftirfarandi á b.l.s 29; Ísland verður eins og ljósdepill í myrkvuðum heimi og þá munu Íslendingar taka sér fyrir hendur að leysa viðfangsefni, sem mikla blessun munu hafa í för með sér fyrir allt mannkynið. Það má segja að ástandið í dag minni nokkuð á ,,myrkvaðan heim" þar sem þjóðir heimsins eru að ástunda meiri hernað og deilur sem eru að valda jarðarbúum meiri áhyggjum en nokkru sinni fyrr. Íslendingar eru sennilega ekki þessa stundina að leysa eitthvað viðfangsefni sem tengist spádóminum. En getur verið að einhver Íslendingur sé þessa stundina, að einbeita sér að einhverju verkefni sem gæti átt við þennann spádóm ? Ástþór Magnússon kannski ? Í opinberunarbókinni er talað um hið fræga ,,merki dýrsins" og í textanum sjáum við; ..Hér reynir á ,,speki" sá sem skilning hefur reikni tölu dýrsins. Er hér kannski verið að tala um talna,,speki" (Numerology) ? Að reikna út nafn eða tölu manns hefur verið ástundað um langt skeið, en ekki er mikið um að prestar eða leiðtogar ástundi nafnaútreikninga svo vitað sé til. Í 1981 útgáfu biblíunnar segir neðanmáls á bls. 567; Jakob merkir Ísrael. Nafn merkir persónuna sjálfa og það sem í henni býr. Þarna er vísbending um að ,,nafnaspekin" sé eitthvað tengd orði Guðs.

En um aldir hafa verið til fræði um tölur, nöfn og afmælisdaga sem hafa náð athygli víða um heim, en samt eitthvað lítið á íslandi enn sem komið er.

Fræðin hafa líka verið kölluð; Numerology eða Geomatria og eru sumstaðar að ná nokkrum vinsældum, og menn eins og; Gregg Braden, Chuck Missler og Trey Smith hafa rætt um þessi merku fræði á You Tube undanfarin ár, og vakið nokkra athygli.

Þessir þrír menn segjast sjá sterk tengsl í þessum fræðum við spádóma í biblíunni, og telja að fræðin sýni okkur nú á tímum, magnaða hluti sem hafa verið faldir í textum Gamla Testamenntisins um árhundruðir. Eitt af því sem vekur talsverða athygli talna og nafnafræðinga, er sú staðreynd að Kristur er táknaður með tölunni 888.

Því má draga þá ályktun að talan 8 sé nátengd kærleik og friði, og að friðurinn gæti orðið enn meiri ef átturnar eru fleiri. Þegar sá sem þetta ritar fór að kanna nöfn Ástþórs Magnússonar kom margt athyglisvert í ljós, í sambandi við friðartöluna 8. Ástþór er t.d fæddur í mánuði 8. Hann er einnig fæddur kl 8. Nöfn Ástþórs virðast ná að mynda líka þessa frægu tölu; 888. Áður en nöfn Ástþórs eru skoðuð nánar, skal bent á að mismunandi útgáfur af þessum fræðum eru til, og bera því niðurstöður hér ekki endilega saman við það sem lesendur gætu hafa séð annarsstaðar.

Ástþór eitt og sér er svona; 1+3+4+9+7+2 =26 (2+6=8) Talan 8 í sviganum er þá kölluð; Grunntala tölunnar 26 í þessum fræðum, en sumir segja samtala. Magnússon er=37 (3+7=10) Wium= 17 (8) En þessar tölur Ástþórs eru þá samanlagt 80. (8) Nafnið Wium er sérlega áhugavert, þar sem það myndar mjög áhugaverða ,,friðartölu" (17) en í bókinni; When Were You Born sem Louis Hamon gaf út árið 1912 er nokkuð merkilegt sagt um þessa tölu 17. En það er á þessa leið; Þetta er háandleg tala og í líkingarfræði er hún táknuð með hinni átthyrndu stjörnu Venusar, merki friðar og ástúðar.Hún er og kölluð ,,Töfrastjarnan" og ber þess vitni að maður sá er hún táknar, er orðin svo andlega þroskaður, að hann er vaxinn yfir þær þrautir og þá erfiðleika sem verða fyrir honum á lífsleiðinni. Hún er líka talin vera ódauðleikatala, og bendir til þess að orðstír mannsins lifi að honum látnum.

Með aðstoð Internetsins var ath.nýlega; Meaning of 17 og þá fannst eftirfarandi; The number 17 is often referred to as the immortality number. It empowers you to create a greater understanding of love and peace for all humanity.

þarna sést greinilega að fræðin um nöfnin og tölurnar eru nokkuð áreiðanleg, og ekki furða að þau eru að ná talsverðum vinsældum erlendis.

Ef einhver skyldi vilja sjá töluna átta oftar til afsanna tilviljanir, má benda á nokkur fleiri merkileg atriði er tengjast Ástþóri. Á þessu ári verður Ástþór 71 árs. (8) Í ágúst (8.mán.) Hann byrjaði með frið 2000 í Austurstrætii 17 (8). Einnig er Ástþór þekktur fyrir að nota dúfur í auglýsingum, en tölurnar á bak við orðið Dúfur eru þessar; 4 6 8 6 2= 26 (8) Fyrir ,,tilviljun" datt greinarhöfundur inn á sögu fyrir stuttu um Jeramia spámann, sem þurfti að vara lýðinn við óþægilegum hlutum, en uppskar handtöku líkt og Ástþór. Og svo einkennilega vill til, að það er talað um þessa handtöku Jeramía í kafla 26. En 26 er einmitt talan á bak við nafnið Ástþór. Líklega er þetta ábending til Íslendinga, og ættu þeir sem ekki þekkja söguna, að kynna sér hana. Einnig kemur talan 7 nokkuð við sögu hjá Ástþóri, en Ástþór hefur 7 eins og sjá má, í tölunni 17. Í dag er hann 70 ára. Rúmlega 7 k.m eru frá heimili hans til Bessastaða (Bein loftlína) Ef Ástþór nær kjöri verður hann forseti nr.7.

Gæti þetta gæti bent til þess að forsetaembættið sé innann seilingar ? En einnig mætti túlka þetta á þá leið, að hann sé sá sem ætti helst erindi á Bessastaði 2024 (8) Að lokum má geta þess að friðartalan 17 er nátengd Íslandi, en nafnið Ísland hefur tölurnar; 1 3 3 1 5 4= 17 og er það líka einkennileg ,,tilviljun" að 17. júni skuli vera þjóðhátíðardagur landsins og einnig má sjá lengdargráðu 17 fara í gegnum landið.

 

Fyrir þá sem vilja kynna sér aðeins betur töluna 8 er bent á þáttinn; What is the Significance Of The Number Eight með Jim Staley á You Tube.

Síðuhafi þakkar Gunnari Karli fyrir að leyfa birtingu hér. (gkarl65 at simnet.is)

Reisum bylgju Friðar með atkvæðamagni fyrir Ástþór Magnússon

Íslendingar eiga sér sterka og litríka sögu. Hingað komu landnámsmenn, aðallega frá Noregi og upprunnir úr bændastétt og víkingar og lausamenn. Þetta voru engir friðarpostular eða kórdrengir. Hér var gnótt lands sem hægt var að nema með öllum Gögnum og gæðum og þurfti ekkert að borga.

Fljótt sáu menn að það yrðu að vera reglur og lög til að fara eftir og að dómarar dæmdu mál vegna ágreinings. Alþingi var stofnsett, sem var ótrúlegur viðburður í jafn  miklu dreifbýli sem var erfitt yfirferðar. Landnámsmenn sáu og vildu stofna alsherjarfélag og nefndu það Alþingi. Lengi vel voru deilur og bardagar, manndráp, brennur og limlestingar. Kristinn siður var tekinn upp á Þingvöllum árið 1000. Varla skánaði ástandið. Smásaman söfnuðust reglur og var það mikill doðrantur sem nefndur var Grágás.

Innanlands braust út borgarastyrjöld og tókust þar á Sturlungar, Haukdælir og Ásbirningar, og voru þetta helstu ættir landsins.

Á Íslandi var goðorða fyrikomulag, svolítð kosningar fyrirkomulag var, en ekki almennt lýðræði. Bændur gátu  valið sér höfðingja eða goðorðsmann, sem var þá höfðingi á sínu svæði. Fengu bændur og búalið nokkra vernd hjá goðanum. Eins var hægt að kaupa goðorð. Sturlungaöldinni lauk og endaði svo stjórnarfarið þannig að Íslendingar urðu með Noregskonung yfir sér.

Árið 1944 var stofnað lýðveldi og kosinn fyrsti forseti landsins og var hann kosinn af Alþingi. Einn gaf kost á sér, Sveinn  Björnsson.

Nú er fyrirkomulagið þannig að allir geta gefið kost á sér til embættis forseta Íslands. Nokkur skilyrði er um um kosningarnar. Hafa hreint sakavottorð, hafa 1500 meðmælendur í hverjum kjördæmi í réttu hlutfalli við kjósendatölu og aldurstakmark 35 ára.

Forseti leggur ekki fram neina sérstaka stefnuskrá en getur farið fram og sagt hafa eitthvað sérstakt á döfinni og ekki er það ólöglegt að hafa eitthvað stefnumál.

Nú í komandi kosningabaráttu er eitt forsetaefni með eitt mál sem hann setur í forgrunn og hyggst leggja mikla áherslu á það mál, en verður  að sjálfsögðu að vinna það í gegn um Alþingi og stjórnmálaflokka. Málefni er: Friður og vinna að því að efla friðinn. Víða hafa brotist fram staðbundnar styrjaldir og er hætt á að allt þetta aukist og stefni heimsfriðinum í hættu.

Íslendingar hafa ekki tekið þátt með beinum hætti í styrjöldum og hafa ekki her. Þeir hafa hins vegar lent í hringiðu seinni heimstyrjaldar með fiskflutningum til Bretlans. Í þeirri styrjöld misstu Íslendingar mörg skip og marga unga og gjörvilega menn. Þekkt er árás Hitlers á þrjú íslensk skip sem sigldu á alþjóðlegu hafnarsvæði í Norður Atlandshafi Skipin voru línuveiðarinn Pétursey, Reykjaborgin og Fróði. Á tvö fyrsttöldu skip voru áhafnarmeðlimir drepnir í brú með hrískotaárás, síðan sökkt. Fróði fékk á sig hríðskota árás og  féllu nokkrir áhafnarmeðlimir og særðust. Skipið var hinsvegar siglingarhæft og tókst áhöfninni að sigla skipinu til Vestmannaeyja og björguðst svoleiðis. Var þetta mikill hetjudáð og kafbáturinn varð af sinni bráð.

Mín fjölskylda átti efnilega menn á Péturseyjunni en það voru Þorsteinn skipstjóri og Hallgrímur stýrimaður. Ber ég nöfn beggja þessara manna.

Ég hef því ávallt þótt viðeigandi að taka þátt í og styðja það málefni sem lýtur að friðarmálum og jafnvel talið mér það skylt. Nú hefur einn forstaframbjóðandi tekið friðarmálinn upp sem verkefni sem hann ætlar að sinna.

Það er fagurt og göfugt. Því styð ég Ástþór Magnússon. Ást vísar í ástina sem allir eltast við einhverntímann á ævinni og þrumuguðinn Þór sem þekktur er úr goðafræðinni.

Áfram Ástþór og gefum gaum, kæru kjósendur, gaum að spádómi Nostradamusar um það að frá lítilli eyju í Norður Atlandshafi berist áhrif til stuðnigs friði á jörð. Hvað vitum við svo sem. Það er nóg til af atkvæðum en mjög dýrmætt að styðja þetta málefni svo það fari um víða veröld. Fylgið er á fleygiferð. Hvar er ungafólkið?

Góðar stundir.