Setjum forsetann í málið

Þetta mál getur ekki alfarið verið á ábyrgð ríkisendurskoðunar. Hlutur fjármálaráðherra er býsna mikill þegar eitthvað á að kosta 160 millur er komið upp í 1 milljarð og stekkur svo upp í 4 milljarða.

Vafalaust koma einhverjar skýrirngar að bætt hafi verið við, málið hafi verið meira umfangs en upphaflega var gert ráð fyrir o.s.frv.

Vandamálið er að sá fjármálaráðherra sem var við stjórnvölina  þegar málið var ferskt er farinn og í raun engin sem getur borið ábyrgð á þessu.

En mér dettur í hug hvort forseti Íslands geti gengið í málið. Hann gefur sig út fyrir að vera sérfræðing í svona málum og er íhlutunarsamur um fjármál víða út um heim.

Á heimasíðu forsetaembættisisn má sjá eftirfarandi:

25. september 2012

Samstarf við Gvæjana

Forseti á fund með sendinefnd frá Gvæjana um samstarf á sviði eftirlits með fjármálaviðskiptum og í nýtingu hreinnar orku. Fundinn sátu einnig fulltrúar Alþjóðabankans og Creditinfo. Tilvitnun lýkur

Færsluhöfundur veit varla hvar Gvæjana er og þó hefur hann siglt um mörg heimsins höf. Sennilega er þetta kotríki í Suður- eða Mið-Ameríku.

Færsluhöfundur er líka farin að hætt að skilja stjórnskipun Íslenska Lýðveldisins þegar forsetinn er farin að vera með svona rekstur við embættið. En það er þá lámark að við innbyggjar þessa lands njótum góðs af umsvifum forseta og hann rannsaki þetta mál.

Sagði skýrsluna vera þýfi

Slúður um Alþingi Íslendinga

Nú er mjög móðins að tala niður til Alþingis og slúðra um meint virðingaleysi þess.

Ég sé ekki að það eigi við nein sérstök rök að styðjast nú frekar en áður. Alþingi hefur alltaf verið á milli tannana á fólki og verið umdeilt. Eðli máls hlýtur það að vera deginu ljósara að þar sem öll ágreinigsmál þjóðarinnar far í gegn með skipulögðum hætti í umræðum að sitt sýnist hverjum og allt orkar tvímælis þá gert er. Aðstæður þjóðarinnar nú, eru mjög erfiðar.

Kjörsókn hefur í gegn um tíðina verið góð í kosningum til Alþingis það bera tölur vitni um ef þær eru skoðaðar. Ekki getur það verið vantraust á þingið að kjósendur fara og greiða sínum kandidat atkvæði.

Þetta eru bara einhverjar kjaftakindur út í bæ sem eru að slúðra um þetta. Öfgamanneskjur sem eru með allt á hornum sér og sjá skrattann í hverju horni á Alþingi. Telja að viðkomandi geti komið einhverju höggi á stjórnarflokkana, en hafa ekki vit á að skilja að um leið eru þeir að berja á sínu eigin mönnum sem þeir kusu.

Færsluhöfundur hefur fylgst með umræðum og störfum Alþingis í 52 ár og getur ekki greint að þetta sé eitthvað öðru vísi nú en áður. Alþingismenn hafa alltaf haldið uppi einhverskonar málþófi og reist dyrakarma og þröskuldi til að tefja að mál næðu fram að ganga. Það hafa verið haldnar æsingræður og langlokur á Alþingi. Menn hafa oft verið hvassari en nú á tímum. 

Það eru einhverjir aðiljar út í bæ sem eru að basla við að koma svona umræðu af stað. Þar hefur forseti Íslands farið í fararbroddi við setningu Alþingi að gera mikið úr þessu. Eini sjáanlegi tilgangur er að beina umræðunni frá Hruninu og orsökum þess.

Það halda sumir nefnilega að betra sé að veifa röngu tré en aungvu.

Reykjavíkurbréfið í dag

Var hamfaraveðrinu 9-10. september spáð?

Í þessari frétt koma fram fyrstu viðbrögð Veðurstofu Íslands varandi veðurspá í hamfaraveðrinu 9-10. september s.l.

Hér koma hugleiðingar mína sem ég setti fram 14. september

http://thorsteinnhgunnarsson.blog.is/blog/thorsteinnhgunnarsson/entry/1257673/

Í samantekt Krístínar Hermannsdóttur veðurfæðings á Veðurstofunni segir;

Þriðjudaginn 4. september var gefin út fyrsta veðurspá fyrir mánudaginn 10. september. Þá leit út fyrir „hvassa norðanátt, rigningu eða slyddu norðan- og austantil, en annars úrkomulítið og kalt í veðri“. Næstu daga á eftir var þessi spá uppfærð og endurskoðuð kvölds og morgna og breyttist ekki ýkja mikið á milli spátíma.

Sem sagt það var spáð slyddu, en annars úrkomulítið. Takið eftir ,,úrkomulítið". Var það raunin?

Dæmi hver fyrir sig.

Ég get ekki greitt atkvæði með þessari söguskýringu. Ég hefði ekki viljað vera bóndi með þessa veðurspá í höndunum vikuna fyrir áhlaupið.

Hér er önnur færsla eftir mig um sama málefni:

http://thorsteinnhgunnarsson.blog.is/blog/thorsteinnhgunnarsson/entry/1258216/?preview=1

 

Úrkoman meiri en spáð var

Ambaga

Það er nú svolítið um ambögur eða rangmæli, misskilning og rangtúlkun að ræða á þessari hækkun á krónum á kaupi forstjóra Landspítalans. 

Eftir því sem ég kemst næst átti hann að fá 450 þúsund kr fyrir að framkvæma aðgerðir í því sem hann er sérfræðingur í. Það þýðir að hann fær greitt fyrir það og er þá væntanlega að skila meira vinnumagn  af sér. Rökstuðningurinn fyrir því er að forstjórinn vill halda til haga færni sinni á faglegasviðinu. Alþekkt er að ef fólk vinnur ekki á fagsviði sínu um lengri eða skemmri tíma að grein sinni á þá týnist verkfærnin niður.

Ef við gefur okkur það að forstjórinn framkvæmi 3 aðgerðir á viku= 12 aðgerðir á mánuði og deilum því í 450 þús. að þá er það 37.500 kr á aðgerð.

Ég er í tvígang búin að fara með gamlan bíl sem ég á í aðgerð. Annarsvegar var um að ræða að skipta um gorma (settir í gamlir) og kostaði það 37 þús kr. Hinsvegar var um að ræða að skipta um alternator, dynamó, (settur í gamall) og kostaði það 33 þús. Þessi samanburður er gerður til gamans.

Það er auðsætt mál að þessi mannauðsmál á Landspítalanum eru afar viðkvæm og erfið við að eiga.

Sjálfur hef ég notið færni og ummönnunar á Landspítalanum á liðnu sumri. Um það vil ég segja eftirfarandi:

Þar er toppfók í hverju plássi hugsað um mann af einstakri alúð. Ég vona að við höfum færni til að standa saman svo öllum líði vel.

Myndin er af nýju sjúkrahúsi á Kúbu en þar var mér sagt að læknar færu til annara landa til að afla gjaldeyris. Fengju grunnkaupi greitt til sín en skiluðu mismuninum í ríkissjóð.

Áhersla á stjörnustarfsmenn

Ekkert rætt um veðurspána á Alþingi

Alþingismenn mærðu bændur fyrir dugnað og ósérhlifni  í umræðum á Alþingi í dag og vissulega stóðu þeir sig vel þegar á hólminn var komið.

En það var ekkert rætt um veðurspána á Alþingi eða hvort bændur hefðu hlustað á spána. Dæmi eru um að allur hrútahópurinn sem var heima við sé týndur og hafi ekki verið hýstur.

Páll Bergþórsson heldur því fram að þetta veður hafi verið fyrirséð. Bændur halda því fram að veðrinu hafi ekki verið spáð. Það þarf að leiða hið rétta í ljós.

Sjálfur hef ég skoðað veðurspána vikuna fyrir hamfaraveðrið og get ekki séð að veðrinu hafi verið spáð, sjá hér. http://thorsteinnhgunnarsson.blog.is/blog/thorsteinnhgunnarsson/entry/1257673/?preview=1

En ég hef líka verið upplýstur af þeim sem til þekkja að þessi norðan strengur hafi legið fyrir í háloftunum. Veðurstofan hafi ef til vill ekki verið nógu sköruleg.

Hér þýðir ekki að kenna einhverjum um, heldur læra ef um einhver mistök hafi veriða að ræða og ræða málið til niðurstöðu.

26. oktober 1995 gekk norðan fárviðri yfir landi svo sem kunnugt er.

Í annálum eða í góðlátlegu spaugi á Þorrablóti sveitahreppanna í A-Hún. kom fram að færsluhöfundur hafð hýst allt sitt fé á meðan margir gerðu það ekki og voru að draga fé úr skurðum og gilskorningum. Þess vegna er þetta mál mér svolítið hugleiki og mér skylt.

Tjón sauðfjárbænda verður bætt

Bifreiðaeftirlitsmenn á Íslandi 1952

Hér má sjá mynd af bifreiðareftirlitsmönnum á Íslandi 1952 en myndin er orðin 60 ára gömul. Fékk ég myndin hjá Aðalskoðun í Hafnarfirði að mig minnir og leyfi til að nota hana. Ekki veit ég hver á hana en Bifreiðaeftirlit ríkisins var rekið af því opinbera og er myndin væntanlega þaðan komin.

Hlutverk Bifreiðaeftirlit ríkisins var að framkvæma skoðun á vélknúnum ökutækjum fræðsla á meiraprófsnámskeiðum og að vera prófdómendur þegar ökumenn tóku hið minna og hið meirapróf bifreiðastjórnunar. Vegaeftirlit á landsbyggiðinni og að kanna ástand ökumanna.

Á myndinni þekki ég tvo kappa, þá Geir Bachmann í Borgarnesi og föðurbróður minn Berg Arnbjörnsson, Bíla-Berg, bifreiðeftirlitsmann á Akranesi. Ég átti þess kost að ferðast með þeim töluvert um Norðvesturland þar sem þeir voru við störf sín. Þeir voru nokkurskonar lögreglumenn í byggðarlögum og voru íhlutunarsamir um hátterni ökumanna og búnað og ástand ökutækja.

En störfin voru margvísleg. Eitt sinn var Bergur sendur af sýslumanni Skagfirðinga að gera upptæka bruggverksmiðju hjá bónda einum í Skagafirði. Honum rann svo til rifja aðstæður á heimilinu að hann hóf fjársöfnun til handa bóndanum. Afhenti hann bónda álitlega peningaupphæð með þeim orðum að hann skyldi hætta þessu bruggstandi. Bóndi hætti áfengisneyslu og varð nýtur maður sinnar sveitar upp frá því.

Ökumenn undir áhrifum

Örsögur um Björn á Ytri-Löngumýri

Örsögur

Björn á Löngumýri var þjóðkunnur maður á sinni tíð, sem bóndi, alþingismaður, kaupfélagsstjóri og útgerðarmaður. Björn var kunnur fyrir mjög sérstæð málaferli að efni til. Má þar nefna tófumálið, Skjónumálið böðunarmálið og stóðhestamálið. Hann var einnig kunnur fyrir stutt, hnitmiðuð og gamansöm tilsvör. Sögurnar eru sagðar eins og þær hafa varðveist manna á meðal í tímans rás.

 

Samningarfundur í Vatnsdal

Afréttir Svínvetninga og Vatnsdælinga,  Auðkúluheiði og Grímstunguheiði liggja saman upp af byggðunum fram til Langjökuls.

Úfar risu með mönnun hér fyrr á árum um tilhögun afréttasmölunar.

Skapaðist togstreita um það að ná sem flestu fé á hreppamörkum niður í hvora byggðina til að fá sem fæst fé í útréttum. Voru deilur um hvernig kljúfa ætti fénaðinn á afréttarmörkum þannig að hver hefði sitt.

Ákveðið var að halda samningafund um málið og fá lausn í deiluna. Var fundarstaðurinn ákveðinn í Vatnsdal. Björn var þá oddviti sinnar sveitar.

Hann vildi sýna styrk í samningaviðræðunum og valdi með sér í viðræðunefndina grenjaskyttu og meindýraeyðir Svínavatnshrepps.

Þeir félagar leggja nú upp í förina og er þeir koma fram á hæðina upp að Hnjúki í Vatnsdal blasir Vatnsdalur við þeim. Þeir stöðva jeppann og kasta af sér vatni. Er þeir standa þarna,  Björn í miðjunni og með meindýraeyðirinn á aðra hlið og tófuskyttu sveitarinnar á hina segir Björn stundarhátt: ,,Nú skelfur Vatnsdalur allur."

Heimild: Hannes Guðmundsson bóndi Auðkúlu

 

Myndin

Þegar Björn varð fimmtugur lét hann taka af sér mynd og gaf sveitungum sínum.

Stóradalsbærinn brann til kaldra kola 17. maí 1961 og bjargaðist heimilisfólkið naumlega úr brunanum. Sáralitlu af innbúi var bjargað.

Eitt sinn var Björn gestkomandi hjá Hönnu Jónsdóttur í Stekkjardal en hún átti heima í Stóradal þegar bærinn brann.

Hanna lýsti þannig atvikum er þau fóru úr bænum þegar þau urðu reyksins var. Fyrir ofan hjónarúmið var fagurlega útskorinn hilla og á henni var myndin af Birni og askja með ættarskartgripum hennar.

Og er þau sitja þarna yfir kaffibolla segir Hanna " Og í fátinu gríp ég myndina af Birni en skil skartgripina eftir ". Þá segir Björn af bragði,

" Það var rétt af þér Hanna mín að taka myndin, hún er verðmæt ".

Heimild: Hanna Jónsdóttir húsfreyja Stekkjardal

 

Númerin klippt af jeppanum

Bergur Arnbjörnsson frá Akranesi var bifreiðaeftirlitsmaður á vestur- og norðurlandi. Hann neyddist eitt sinn til þess að klippa númerin af jeppa Björns þar sem hann stóð fyrir framan Hótel Blönduós vegna þess að hann hafði ekki verið færður til aðalskoðunar. Þegar Björn kemur út af Hótelinu benda menn honum á að Bergur hafi klippt númerin af jeppanum.

,,Ég hlýt að komast heim á jeppanum númerslausum, haldið þið það ekki" segir þá Björn  og ekur fram Svínvetningabraut. Bergur og aðstoðarmaður hans Backmann frá Borgarnesi frétta þetta og elta hann. Þegar Björn kemur heim skipar hann öllum börnum og hjúum sínum að fara inn í bæ og halda sig innan dyra.  Sjálfur fer hann út í fjós. Þar átti hann þrælmannýgt naut. Þegar þeir félagar Bergur og Backmann koma akandi niður heimreiðina sleppir Björn nautinu út. Nautið var snarótt og snýr sér þegar að bíl eftirlitsmannanna og höfðu þeir engin tök á að fara út úr bílnum við þessar aðstæður og þóttust góðir að sleppa með bílinn óskemmdan í burtu.

Heimild:Munnmælasaga, hugsanlega sett saman úr tveim aðskildum atburðum.

 

Ríkir bændur 

Þegar Björn var að undirbúa framboð sitt á vegum Framsóknarflokksins til Alþingis í Húnavatnssýlum lék hann millileik. Fylgi Framsóknarmanna var talið ótraust á Skagaströnd og Björn vildi styrkja stöðuna og gerðist kaupfélagsstjóri á þar.  Bændur í Vindhælishrepp sem til heyrðu félagssvæði Kaupfélags Skagastrandar voru taldir með efnuðustu bændum í Austur-Húnavatnssýslu á þeirri tíð.   Á kosningafundi var Björn spurður að því hvernig stæði á því að þeir væru svona ríkir.  Það stóð ekki á svarinu hjá Birni:  ,,Það er af því að þeir borða alltaf minna en þá langar í"

Heimild: Skrifstofa Búnaðarsambands Austur-Húnavatnssýslu. Þ.H.G

 

Afkoma launamanna

Stundum áttu nú samt aðrir síðasta orðið í viðræðum við Björn.  Eitt sinn er Björn var að stíga í vænginn við kjósendur kom hann á kaffistofu Kaupfélags Húnvetninga Þar var fyrir m. a. Tómas Jónsson gjaldkeri félagsins og mikill leikari á Blönduósi. Vitað var að Tómas þessi hafði gengist undir uppskurð vegna magakvilla.  Björn settist að spjalla og m.a. barst talið að launamálum.  Björn sagðist ekki skilja hvernig launamenn kæmust af einföldum launum.  Sjálfur hefði hann mikla ómegð væri með stórt bú og væri auk þess kaupfélagsstjóri og rétt kæmist af.

Tómas svaraði að bragði:  ,,Ja, þetta er nú nær útilokað.  Ég þurfti til dæmis að láta taka úr mér stóran hluta magans til að skrimta."  Björn hló ógurlega að þessu og sagði þessa sögu oft.

Heimild: Skrifstofa Kaupfélags Húnvetninga. I.Þ.H

 

 

Framboðsfundur

Framboðsfundur flokkanna var boðaður á Hofsósi. Björn var á lista Framsóknar og kveið fundinum vegna þess að hann taldi Framsókn eiga undir högg að sækja á staðnum og hafa lítið fylgi.

Fyrir fundinn sást til Björns þar sem hann var að pukrast innan um unglinga út undir vegg á samkomustaðnum.  Fundurinn hófst og Björn var með framsögu fyrir sinn flokk. Að lokinni ræðu hans glumdi við dúndrandi lofaklapp og undruðust andstæðingar hans þetta mjög. Gekk þetta svona allan fundinn, alltaf var klappað fyrir Birni í hvert skipti sem hann tók til máls.

Eftir fundinn kom málsmetandi maður á staðnum að máli við Björn og spurði hvað hann hefði viljað unglingunum fyrir fundinn.

Björn var skjótur til svars.  ,,Nú,  ég var að gefa þeim nammi svo þau klöppuðu fyrir mér."

Heimild: Munnmælasaga

 

Umræður á Alþingi

Á Alþingi hafði Björn gaman af því að láta þingheim hlæja þegar hann hélt ræður. Var ekki sjaldan sem þingheimur veltist um að hlátri þegar hann steig í pontu. M.a. var Björn valinn skemmtilegasti maður þingsins af grínblaðinu Speglinum.

Eitt sinn flutti Vilhjálmur Hjálmarsson, þáverandi menntamálaráðherra í vinstri stjórn Ólafs Jóhannessonar, gagnmerkt frumvarp um grunnskóla. Að lokinni framsöguræðu sinni settist Vilhjálmur í sæti sitt. Hann sér þá að Björn tekur sig upp úr sæti sínu í þingsalnum og stefnir til sín. Taldi Vilhjálmur að nú ætlaði Björn að þakka sér fyrir skörulega framsöguræðu og gott frumvarp. Björn gengur til Vilhjálms, hallar sér að honum og hvíslar í eyra hans:  ,,Hvernig er það Vilhjálmur, það hló enginn ."

Heimild: Vilhjálmur Hjálmarsson fv. Menntamálaráðherra, ævisaga.

 

Hver á hvað?

Þegar til stóð að virkja Blöndu var ákveðið að halda sveitarfund í Svínavatnshreppi til að upplýsa íbúana um efnisatriði málsins.

Málið var mjög flókið lögfræðilega séð og var talið ráðlegt að hafa löglærðan mann við á fundinum til að leiða menn um frumskóga lögfræðinnar. Menn voru ekki á eitt sáttir um hver ætti að borga lögfræðingnum fyrir að sitja fundinn, Landsvirkjun eða sveitarsjóður.

Landsvirkjun bauðst til að fá Jón Steinar Gunnlaugsson hæstaréttarlögmann til að mæta á fundinn og bauðst til að bera kostnaðinn.

Þá komu vomur á suma bændur og veltu þeir fyrir sér hvort lögmaður við slíkar aðstæður gæti verið hlutlaus.

Þá sagði Björn " Sá á hund sem elur ".

Heimild: Óljós

 

 

 

Málaferli

Harðindavorið 1979 tók Þorsteinn H. Gunnarsson bóndi á Syðri-Löngumýri tvo stóðhesta frá Ytri-Löngumýri, sem gengu um ólöglega í ógirtum heimalöndum en Björn átti hestana. Sýslumaður Húnvetninga seldi hestana á opinberu uppboði. Björn kærði uppboðið og töku hestanna til Hæstaréttar. Stóðhestatakan var dæmd lögleg, en Birni tókst að ómerkja uppboði fyrir Sýslumanni vegna formgalla.  Þegar niðurstaða Hæstaréttar lá fyrir sagði Björn um Jón Ísberg sýslumann Húnvetninga:  ,,Ég held að sýslumaður ætti ekki að fást við að bjóða upp stóðhesta það er vandasamt, en hann gæti verið liðtækur við að bjóða upp reiðhjól."

Heimild: Hæstaréttardómar og Þorsteinn H. Gunnarsson

 

Skrásett af

Þorsteini H. Gunnarssyni

frá Syðri-Löngumýri

Samstarf um eikarbátinn Húna

Það þarf að dreifa heyrúllum á snjóasvæðunum.

Það er spurning hvort ekki sé tímabært að fara dreifa heyrúllum á þessum svæðu þar sem fé er enn.

Mikill snjór virðist vera þarna sem að sögn bænda er ekki á förum. Fljótt tekur getur tekið fyrir beit og fé hrakið. Það mundi létta undir ef fé gæti gengið í heyrúllur og mundi vaxið þróttur. Þá er og einnig möguleiki að fé safnaðist meira saman þegar það sæi fé í rúllum. Sauðkindin er hópdýr á þessum árstíma og sækir í hey þar sem það er að finna.

Þetta þurfa bændur að íhuga.

Snjókoma hamlar leit

Dagur íslenskrar náttúru-Æskuslóðir Ábúðarjörðin að Syðri-Löngumýri

Vistfræði Syðri-Löngumýrar

Hnattstaða jarðarinnar er 65 gráður og 29 mínútur N og 19 gráður 52 mínútur V og hallar jörðin í móti austri. Jörðin er u.þ.b. 6 ferkm. Hún á merki við Höllustaði að sunnan, Stóradal að vestan, Ytri-Löngumýri að norðan og Brúarhlíð og Blöndudalshóla að austan en þar rennur Blanda á merkjum. Eftir jörðinni renna upprunalega þrír lækir. Merkjalækurinn rennur milli Syðri-Löngumýrar og Höllustaða, alveg frá Grámannsflá og niður í Blöndu. Tveir lækir renna niður frá efri brúnum norðan við miðju jarðarinnar og afmarka bæjarstæðið og eldra túnstæði. Þar hefur verið þurrast á jörðinni.

Eins og nafn jarðarinnar ber með sér er hún mýrlend og votlend, en inn  á milli eru vallendismóar, börð og brúnir. Í 250 metra hæð yfir sjávarmáli tekur við þróttmikill fjalldrapi og samfelldar hálfdeigjur sem enda svo í Stóradalshálsi, eða svokölluðum Hálsi, sem er efsti hluti jarðarinnar. Þar uppi, sunnan við miðju jarðarinnar nær svokölluðum Lækjum, eru Kirkjuhólar. Jurtaflóra jarðarinnar var fjölskrúðug. Við plöntusöfnun vegna náms míns við búvísindadeildina á Hvanneyri, á árunum 1968-1970, safnaði ég  mörgum plöntutegundum á jörðinni en hef ekki gögn um fjölda tegunda sem vaxa þar.

Í Blöndudal er veðursæld. Þó getur verið allhvöss SV átt á Syðri-Löngumýri. En oft er blíðviðri vor og sumar. NA-átt er ríkjandi vetrarátt með skafrenningi upp mýrarnar. Norðanstórhríð getur staðið allt upp í viku. Stillur og hægviðri eru þó oft ríkjandi á vetrum. Á sumrum í sunnanátt má oft búast við síðdegisskúrum. Oft er dalalæða á kvöldin, vor og sumar. Fuglalíf var mikið, bókstaflega allt morandi af spóa, lóu, hrossagauk, lóuþræl og stelk. Maríuerla var við hús og bæi, þúfutittlingur við gilskorninga og börð og steindepill í grjóti. Rjúpur gerðu sér hreiður hið efra í fjalldrapanum. Síðan sveimuðu hrafn og smyrill yfir. Í norðurhluta Hálsins í Klaufinni, þar sem heita Högg, var lágfóta með greni og þar var einu sinn mjög óvænt skotinn minkur. Það gerði Ólafur Sigurjónsson frá Rútsstöðum og hló lengi dags að því með miklum bakföllum.

Ráðherra les veðurfregnir í dag

Veðurspáin í hamfaraveðrinu

Fyrir séð segir Páll Bergþórsson veðurfræðingur í Morgublaðinu í dag; „Það er rétt sem bændurnir segja að þeir hafi sjaldan kynnst öðru eins. Áhlaupið kemur sér sérstaklega illa þegar svona mikið af lömbum er enn í haga og ekki komið í sláturhús,“ segir Páll en bendir á að veðrið hafi verið fyrirsjáanlegt.

Í Morgunblaðinu í dag kemur fram, að strax 3. september sl. hafi tíu daga spár bent til þessa og spárnar styrkst eftir því sem nær dró. Nokkrum dögum áður en óveðrið gekk yfir benti Páll á fasbókarsíðu sinni á að norðanhret væri í aðsigi", segir á Mbl.is kl 7:55

Þegar veðurfréttir eru skoðaðar frá 3.sept og alla vikuna er ekki hægt að greina það á kortum eða ummælu veðurfræðinga að þetta veður sé í aðsigi. 

Á fimmtudaginn 6.sept er ekkert hægt að merkja um fyrirboða þessa veðurs.

Á föstudaginn 7. sept. er veðurfræðingurin tvístígandi en engin aðvörun gefin.

Það er ekki fyrr en á laugardaginn 8. sept. að veðurfræðingurinn er mjög afgerandi með spána. Vaxandi lægð 976 mm mjög hvasst og á sunnudaginn spáð stórhríð 35- 40 m/sek.

Það er of seint.

Þannig að mitt mat er að ekki sé hægt að fallast á þessi ummæli Páls og veðrið hafi á engan hátt verið fyrir séð hinum almenna bónda eða stjórnvöldum. Allavega eftir að hafa skannað veðurkortin eins og þau eru framsett í veðurfréttatíma.

„Leitinni er að ljúka“