Guðfræði í Hóladómkirkju

Steingrímur J. Sigfússon fjármálaráðherra hefur nú lesið mönnum pistilinn í Hóladómkirkju.

Biður hann ýmsa foringja Lýðveldisins í atvinnu-fjármála- og stjórnmálalífi þjóðarinnar að ganga fram og krjúpa og biðjast afsökunar á hruninu.

Einnig hefur hann beðið menn um að efna til samskota til að leggja í skuldapúkkið.

Þetta er hinn Guðfræðilegi þáttur málsins sem rétt er að hafa uppi í kirkjum.

Lagalegi þátturinn er sá það eru lögin sem ákvarða hvort menn séu sekir eða saklausir. Eins geta duglegir og útsjónarsamir lögvitringar haft áhrif. Ef menn komast undan í þessum málum eru þau stórgölluð bæði íslensk lög, svo og  samevrópsk lög og hætt við að leikurinn endurtaki sig, víðar um Evrópu.

Ofbeldisverkinn liggja alveg fyrir bæði gagnvart innlendu sem erlendu fólki sem hefur orðið fyrir barðinu á svikamyllunum.

Bíður eftir afsökunarbeiðni

Var hann lítill á Gretti?

Það er ýmislegt sem þarf að skoða með þetta Drangeyjarsund Grettis.

Í Grettissögu er sagt að vegalengdin hafi verið vika sjávar þar sem skemmst er úr eyjunni. Í íslenskri orðabók er vika sjávar lengdarmálseining á sjó. Upphafleg vegalengd sem róin var milli þess að skipt var um ræðara. Talin 7,5-9 km, um einnar stundar sigling.

Þegar Grettir kemur af sundinu gengur hann til laugar. Þar  koma griðkonur að honum og finnst hann lítt vaxin niður og undrast það mjög svo stór maður.

Ég hef lengi velt þessu atrið fyrir mér og talið að þarna hafi verið gengið á hagsmuni Grettis og hann verið beittur rangindum og þetta jaðrað við sögufölsun, um að hann væri með lítinn penis. Alkunn er að þegar karlmenn lenda í kulda eða eru að synda í köldum sjó að þá skreppur hann saman á mönnum.

Þegar textinn er skoðaður  að þá var Grettir búinn að vera í lauginni og hafði sofið lengi þegar griðkonurnar komu að honum, þannig að vissulega hefði hann átt að vera búin að jafna sig.

Um þetta er nokkuð fjallað í textanum og læt ég lesendum það eftir að rannsaka það mál.

Þá er hugsanlegt að Skagfirðingar settu á fót rannsókn og hæfu mælingar við þessar aðstæður.

 

Syntu Grettissund

Skákdrottningin

Leikflétta Guðfríðar Lilju og Ögmundar og fleiri hefur gengið upp. Búið er að múlbinda Sjálfstæðismenn við Icesave og nú er teymt undir þeim í gegn um málið.

Þau skötuhjúin hafa alltaf haldið öllum sóknarleiðum opnum og með því gert Sjallana skíthrædda um að ef að stjórnin félli, neyddust þeir til að taka að einhverju leiti við stjórnartaumunum. En fyrir því kvíða þeir voðalega, ef það gæti orðið raunin því það er allt svo erfitt núna og fólk alltaf að gera búsáhaldabyltingar og svoleiðis og engir peningar til, bara fátækt og basl.

Og ekki bætti úr að hrókurinn Guðbjartur Hannesson og biskupinn Árni Þór voru alltaf að leika einhverja leiki um skákborðið og safna liðinu saman til lokasóknar. Svo hafa peðin, Borgarahreyfingin, aldrei komist upp í borð og orðið að mönnum og Framsókn orðin hálf patt út í horni.

Svo er allt í einu sagt skák og mát!

„Góð lending fyrir Ísland“

Fylgisbrestur Framsóknar

Framsóknarflokkurinn hefur átt í nokkrum örðuleikum með fylgi Alþingiskosningum í Reykjavík. Í kosningunum 2007 var þingmönnum flokksins vísað úr Reykjavíkurkjördæmum báðum og náðu þeir ekki kjöri þannig að flokkurinn var þingmannslaus í stærstu kjördæmunum.

Flokkurinn hefur átt við töluvert innanmein að stríða varðandi efnahagshrunið og ábyrgð hans á þeim þætti öllum.

Ólíkt Sjálfstæðisflokknum sem hefur gert tilraun til sjálfsskoðunar og skrifað skýrslu, þá hefur Framsóknarflokkurinn ekki farið í athugun á sínum innri málum. Hjá honum er ójarðsett lík í lestinni. Þessi afstað hans nú helgast af því að vera á atkvæðaveiðum og fiska í gruggugu vatni. 

Sterkast hefði verið fyrir Íslendinga að þessi afgreiðsla á Icesave hefði verið studd öllum flokkum miðað við að þessi leið var farin. Hætt er við að Framsóknarflokkurinn sé að skaða þjóðina með þessum prívat atkvæðaveiðum sínum.

Fyrirvararnir þíða það að samningurinn er ekki samþykktur nema að hluta og þá er að sjá hver viðbrögð gagnaðila verða við þessu.

Þessi samþykkt er nokkur tíðindi, hér hefur elsta löggjafarsamkoma risið úr öskustónni og eflt sig gagnvart framkvæmdavaldinu. Eftir sitja framsóknamenn sviðnir og sótugir í framan og bera ábyrgð á brunanum.

Samkomulag í fjárlaganefnd

Gleym mér ei

Frá sjónarhóli hins almenna kjósanda í Alþingiskosningunum 25. apríl s.l. eru samskipti innan Borgarahreyfingarinnar og þingmanna hennar mjög furðuleg.

Meðal yfirlýstra markmiða hreyfingarinnar í upphafi var, að hún yrði lögð niður þegar hennar yrði ekki þörf lengur.

Háttsettir foringjar hreyfingarinnar byrjuðu að gera kröfu um að Þráinn Betelsson, nýkjörinn þingmaður segði sig frá Alþingisheiðurslaununum. Þetta átti víst að vera gert til jöfnunar vegna þeirra sem áttu ekki til hnífs og skeiðar. Með þessari kröfu var hinum nýkjörna þingmanni og í raun Alþingi ekki sýnd mikil háttvísi. Þráinn brást við þessu með því að lýsa yfir að hann segði sig ekki frá heiðurslaununum.

Færsluritari kærði Alþingiskosningarnar 25. apríl og taldi þær ólögmætar vegna atkvæðamisvægis. Aðeins einn alþingismaður var sammála kærunni og hafði fyrirvara við álit kjörbréfanefndar, Margrét Tryggvadóttir. Til þess þurfti nokkurn kjark af nýjum þingmanni og kom málefninu vel og gerði álitaefnið styrkara.

Nú hefur framangreindur þingmaður verið að rita vinkonu sinni og haft áhyggjur af því að Þráin ætti í einhverjum erfiðleikum m.a að hann mætti ekki á þingflokksfundi að því er mér skilst. Öllum ætti nú að þykja vænt um að einhver hefði áhyggjur af manni, svo sem ef maður gleymir hvar maður setur lyklana og svoleiðis. Þegar maður er komin yfir sextugt þá ágerist þessi gleymska.

Þráinn hefur brugðist ókvæða við þessu og hyggur á málaferli gegn samstarfsmönnum sínum vegna þess að þeim finnst loks vænt um hann. 

Alþingismenn og löggjafarstörf þeirra eru ekki nein prívatmál. Þess vegna verður að gera kröfu til þingmanna að þeir birtist ekki kjósendum eins og fáráðlingar.

Ég sé ekki að Þráinn Bertelsson komist frá þessu máli með því að segja sig úr flokknum. Réttast væri fyrir hann að láta sýslumann dómkveðja tvo valinn kunna sómamenn og meta sig og gefa skýrslu til flokksins og hvort gleymskan væri ekki innan marka miðað við aldur.

Ef Borgaraflokkurinn ræður ekki við þetta mál, er réttast að hann leggi sig niður og segi sig frá þingstörfum eins og upphaflega var gert ráð fyrir.

Þá verða Alþingismenn á Alþingi Íslendinga 59 og ég get haldið áfram að kæra ólögmæti þingsins. En samkvæmt 31 grein hennar eiga þingmenn að vera 63.

Þráinn segir sig úr þingflokki

Alþingi

Alþingi Íslendinga er með elstu löggjafarsamkomum í heimi. Það á sér merka sögu. Forfeður okkar komu ríðandi til þings um langan veg og slógu upp búðum á Þingvöllum og dvöldu þar um hríð við að setja þjóðinni lög.

Jónas Hallgrímsson, sem einn fárra Íslendinga hvílir á Þingvöllum, sagði í einu kvæða sinna þegar niðurlæging Alþingis var mikil: „Nú er hún Snorrabúð stekkur“. Nýlega brann Valhöll á Þingvöllum svo nú bíður áhugaverð hugmyndavinna þjóðarinnar um að gera eitthvað mjög merkilegt bæði á staðnum og svo ef til vill gagnvart þinginu og lýðræðinu sem ber það uppi.

Lög Íslendinga, Grágás, sem eru frá þjóðveldistímanum, eru merk og ítarleg lög. Þar er gerð grein fyrir því á hvern veg þjóðin á að haga sér og hafa samskipti svo allt gangi nú rétt fyrir sig.

Stjórnmálamynstrið þróaðist frá goðorðum, sem voru nokkurskonar kjördæmi þar sem ákveðinn höfðingi ríkti, yfir í nútímann. 

Með Gamlasáttmála gengumst við Noregskonungi á hönd og rek ég ekki þá sögu frekar.

1944 var stofnað lýðveldi á Íslandi. Uppistaðan í því voru kjördæmi vítt og breitt um landið. Eitt af einkennum þeirra var að það var alltaf mikið misvægi atkvæða milli kjördæma. Lengst af höfðu þéttbýlisbúar skertan kosningarétt. Má vera að þar hafi gætt leyndra áhrifa frá goðorðstímanum og einhverskonar höfðingjahugmyndafræði.

Smátt og smátt hefur verið reynt að leiðrétta þetta en gengið treglega. Í raun má segja að hér hafi aldrei komist á lýðræði vegna þessa atkvæðamisvægis. Í raun hefur verið hér flokksræði með landsstærðarívafi. Má t.d. benda á að í dag er stærsta kjördæmið að fólksfjölda með minnst landsrými og minnstan kosningarétt á atkvæðisbæran kjósanda.

Við síðustu Alþingiskosningar var færsluritari búinn að uppgötva að hann var búinn að missa hluta atkvæðavægisins til að koma sér upp þingmanni og bað um 1 1/2 atkvæði á kjörstað. Í huga færsluritara var lýðveldið orðið að hlutafélagi þar sem borgararnir voru með ójafnan kosningarétt.

Þessu var neitað og var þá ekkert annað að gera en að berjast fyrir rétti sínum og voru því Alþingiskosningarnar kærðar. Erum við tvö sem stöndum að kærunni, færsluritara og íbúi í Suðvesturkjördæmi, Ingibjörg Hauksdóttir í Garðabæ.

Úreltar forsendur fyrir ójafnræði

Styðja og ábyrgjast

Það er mikill munur á orðunum styðja og ábyrgjast. Það er hægt að lofa manni að styðja hann yfir brú en það er ekki það sama og að ábyrgjast að hann komist yfir. Hann gæti dottið í ána og drukknað. Það er einmitt það, sem Icesave er að gera núna. Í Drekkingarhyl á Þingvöllum.

Það er einmitt þetta sem Björgvin G. Sigurðsson er að útskýra fyrir framasóknar og sjálfstæðismönnum. Hann er kominn í skipulagt undanhald og er að vígbúast á Þingvöllum í Þjóðgarðsnefndinni. Þar mun hann fara með ættjarðarljóð eftir Jónas Hallgrímsson og fleiri, kvölds og morgna uns Icesave er gengið yfir. 

Afborgun af Icesave er 60-70 milljarðar á ári, en verðmæti sjávarafurða 2008, 99 milljarðar. Svo það sjá allir í hverslags vitleysu mál okkar eru kominn. Við getum ekki borgað Icesave. Við rétt höfum fyrir nauðþurftum án Icesave.

Fjórir ráðherrar breyttu bréfi

Þráin

Fólk er reitt og sá sem er reiður svangur og örvinglaður getur eflst í mótþróa sínum og svona ástand getur skapað ringulreið. Þráin eftir byltingu er mikil en til hvers er bylting ef engin er foringinn og og byltingarflokkarnir klofnir og engin veit hvert eigi að stefna eða hvað að gera.

Veturinn sem í hönd fer verður harður. Þess vegna er mikilvægt að stjórnvöld og frjálsfélagasamtök með stuðningi ríkisvalds komi upp aðstöðu þar sem fólk geti komið saman og rætt málin og fundið fyrir samstöðu. Styrk stjórn þarf að vera á slíkum stöðum þar sem áfengi verði ekki haft um hönd. Engin sérstaklega skipulögð dagskrá sé, bara að fólk tali saman og rífist ekki nema mátulega. Svo væri hægt að spila Framsóknarvist, nei fyrirgefið félagsvist ætlaði ég að segja.

Hér er líka komið gullið tækifæri fyrir Ríkisútvarp og sjónvarp að sýna frumleika og nýmæli. Er ekki alltaf verið að tala um að Ríkisfjölmiðillinn eigi að vera til staðar þegar vá eða almannahætta er. Ég býst við því að menn geri sér grein fyrir því að hér er hættuástand.

Stjórnvöld verða að fara gefa út yfirlýsingar um að enginn verði hrakinn út á Guð og gaddinn.

Nauðsynlegt er að efla samstöðu meðal þjóðarinnar við þessar erfiðu aðstæður þó það sé nú kaldhæðnislegt að segja það við það ástand sem nú er

Stjórnvöld verða að koma á fót og/eða fela almannavarnarnefndum að fara yfir öryggismál svo sem, birgðastöðu, lyfja, matar, rekstrarvara og aðfanga. Það þætti lélegur bóndi sem ekki hugaði að ásetningi og heyforða.

Þjóðin verður að fara að finna að það sé hugað að öðru en að karpa um Icasave. Sálin skiptir líka máli þó það sé vísindalega sannað að hún sé ekki nema 7 grömm.

Gífurlegt þunglyndisálag á íslensku þjóðinni

Sveifla

Dekkin eru misstór undir eftirvögnum. Eftir því sem dekkin eru minni myndast sveifla á eftirvagninum eftir því sem hraðinn vex, nokkurskonar pendúlshreyfingar. Ef saman fer að krókurinn er hár frá vegi og eftirvagninn liggur ekki fram á krókinn margfaldast sveiflan. Að loku missir eftirvagninn rásfestu og fer að stýra dráttartækinu og bæði tækin verða stjórnlaus.

Þetta eru fræði um krafta og tog. Ég hef séð eftirvagn sveiflast svona aftan í bíl. Sjálfur á ég hestakerru sem er með mjög nákvæma ballans þ.e.a.s. ef hrossin eru ekki fest nógu framarlega í kerruna er hætta á ferðum.

Þetta er allt mjög vandmeðfarið. Ég samhryggist fólkinu sem lendir í þessu og bið fólk að fara varlega og aðgæta allar aðstæður.

Jeppi eyðilagðist og hjólhýsi splundraðist

Hinar leyndu árásarleiðir

Hið íslenska þjóðríki hefur orðið fyrir leifturárás fjármagnsflutninga. Flutningarnir hafa ekki farið fram með herflugvélum heldur í gegn um tölvur.

Ekkert mannfall enn, en efnahagsmál í rúst. 

Það þarf að taka upp nýja umræðu um hvaðan okkur stafar mest hætta og skilgreina hana.

Nú þarf umræða um hugmyndafræði að komast á flug. Ekki dugar að mótmæla alltaf því sama.

Ný hugsun og skýrari sýn á hætturnar og varnir við þeim.

Verður næsta leifturárás með vírus á fjármálaráðuneytið? Hvað segir Steingrímur J. við því?

Koma orrustuþoturnar þá?

Hernaðarandstæðingar mótmæla