Reiknimeistarar

Í Reykjavík eru 15 borgarstjórnarfulltrúar ( sveitarstjórnarmenn ) og þar búa 120.000 manns.

Ísland er eitt ríki með 330.000 íbúa. Í höfuðborginni búa því 36% af íbúum ríkisins.

Það væri fróðlegt fá útreikninga á því hvað þeir sem búa annarstaðar hafa samanlagt marga sveitarstjórnarmenn?

Eins væri fróðlegt að fá yfirlit yfir það hve marga kjósendur þarf til að koma einum sveitarstjórnarmanni að í hinum ýmsu sveitarfélögum landsins?

Hvar atkvæði kjósandans er verðmætast?

Hlutfall kvenna í framboði aldrei hærra

Slúðurstefna

Ríka og fínafólkið ásamt listaspírum hefur gaman að því að birtast í slúðurblöðum og kerlingatímaritum. Þar birtast myndir af því og slúður og sagt er hver er með hverri. Menn eru gjarnan kallaðir stjörnulögfræðingar og stjörnukaupsýslumenn og stjörnu eitthvað. Kvenfólkið er kallað drottningar og glæsipíur og allt er voða gaman.

Þessi slúðurstefna hefur verið rekin í áraraðir og hefur alþýðamanna alltaf haft gaman af því í hégóma sínum að fletta þessum blöðum á tannlæknastofum og biðstofum.

En nú er skörin farin að færast upp í bekkinn.

Haldið ekki að allt í einu birtist slúðurstefna fyrir dómstólum í Bandaríkjunum.

Stefnur skiptast þá nú eftir þessari nýju skipan í; réttarstefna - utanréttarstefna - slúðurstefna.

Þetta er að verða ansi skrautlegt réttarfar. En það hefur nú alltaf verið vitað að fólk getur fengið skrámur á sig í málaferlum og sérstakleg af menn tapa.

Jón Ásgeir segir Steinunni misnota dómstóla

Fardagar og sauðburður

,,Kemur til álita að fallast á að hverfa frá núgildandi landbúnaðarstefnu, heimila innflutning á lifandi dýrum og aflétta tollvernd gagnvart landbúnaðarafurðum? Svo hljóðaði fyrirspurn Einars K. Guðfinnssonar til sjávarútvegs- og landbúnaðarráðherra í framkominni frétt Mbl".

Það er nú hásauðburður og lítið hægt að gaumgæfa svona mál núna. Svo er gos fyrir austan og mikið öskufall og bændur berjast fyrir lífi bústofns síns og afkomu. Þá eru bændur uppteknir við að bera á túna og vinna vorverk.

Þá er það aðal sumargjöf fv. landbúnaðarráðherra til bænda að læðast um í þinginu og jarma um þetta málefni. Það er von að landbúnaðarráðherra færist undan því að svara svona fyrirspurnum sem eru nú ekki svo knýjandi við þessar aðstæður sem bændur búa við. Hann er eðlilega með hugann við hver framvinda landbúnaðarframleiðslunar verður. 

Svo er náttúrlega engin gjaldeyrir til að kaupa landbúnaðarvörur fyrir því það þarf náttúrlega gjaldeyrir til þess. 

Nú eru fardagar að nálgast og ef ekki verður búið að koma landbúnaðarráðherra út úr landbúnaðarráðuneytinu fyrir þann tíma að þá er hann búinn að fá ákveðinn rétt að sitja í ráðuneytinu eins lengi og þurfa þykir.

Þetta virðast vera voða miklar áhyggjur sem Einar K. Guðfinns hefur. Ætli hann sé búinn að fara austur og heimsækja bændur?

Verður tollvernd aflétt?

Óglögg frétt

Þessi frétt er nú frekar óglögg og liggur ekki ljóst fyrir um hvað hún snýst:

Þulurinn segir  að þar sem enginn einn flokkur hafi ekki fengið meirihluta á breska þinginu, hefur ekki ný ríkisstjórn verið mynduð.

Síðan segir að Steingrímur hafi verið spurður að því hvort skriður komist ekki á málið fljótlega o.s.frv.

Þegar maður færist inn í fréttina er hér sennilega verið að spyrjast fyrir um Icesave.

Það mál liggur alveg ljóst fyrir hér innanlands. Seinni lögunum um Icesave var hafnað í þjóðaratkvæðagreiðslu. Í gildi eru því fyrri lögin um Icesave.

Íslensk stjórnvöld eiga ekkert að skipta sér af þessu máli að fyrrabragði. Bretar eiga að leika fyrsta leik. 

Það er mikilvægt fyrst kominn er af stað málatilbúnaður fyrir dómstólum og handtökur átt sér stað vegna bankahrunsins hér heima og sem snertir nágrannalönd okkar að þá á að bíða og sjá hvernig þau mál þróast.

Það þarf að koma eignum Landsbankans í Bretlandi á vaxtaberandi reikninga og Bretar eiga ekkert að þurfa að óttast, ef eignirnar eftir því sem kynnt hefur verið, eiga að duga langleiðina fyrir Icesave.

Það er betra og sterkara fyrir íslenska hagsmuni að hægt sé að draga heildarmynd upp af málinu og það upplýst sem best. Þar hefur mikilvægum áfanga verið náð með birtingu skýrslu rannsóknarnefndar Alþingis.

Þannig að málsaðilar eiga að vera sér meðvitaðir að ýmislegt er að gerast í málunum öllum til hagsbóta.

Erum í startholunum

Akureyrarflugvöllur

Hvernig mundi það mælast fyrir í samfélaginu ef allt í einu kæmi krafa fram frá Akureyringum að Akureyrarflugvöllur ætti að far burt, eins og krafist er með Reykjavíkurflugvöll? Bara skorið á flugsamgöngur til höfuðborgarinnar í báðar áttir.

Það var hávær krafa frá öflum úr samfélaginu á sínum tíma, að fá afréttarland bænda undir miðlunarlón hér á árum áður. Stundum verða sveitarfélög að taka tillit til víðra almannahagsmuna á landsvísu.

Ég geri engan mun á flugvallarmalbiki og venjulegu malbiki. Það er búð að og er verið að skipuleggja bílastæði á  fleiri hekturum á besta stað við rætur Öskjuhlíðar í Vatnsmýrinni, fleiri hektara. Þar er ekki farið vel með verðmætt land.

Það er verið að þrengja athafnarsvæði hafna bæði í Reykjavík og Hafnarfirð.

Þjóðin á ekki farþegaskip til að komast til og frá landinu. 

Ef eitthvað breytist í atvinnuháttu og atvinnurými vantar, þá eru komnar íbúðir og tónlistarhallir á kæjann. Það er jafnvel mokað ofan í góða hafnaraðstöðu.

Viðey er haldið í einangrun, þar er engin hafnaraðstaða  ( flotbryggja ) fyrir smábáta yfir sumartímann.

Fara gegn fjórflokknum

Manchesterflugið

Ætli það verði ekki hægt að fljúga frá Manchester á morgun? Taka bara strauið beint norður og taka sveig fyrir austan gosið og lenda á Akureyri. Mér sýndist það. Norðanáttin sígur hægt suður eftir og bægir öskunni frá.

Háloftin áfram öskusvört

Þrjár viðaukatillögur

Ég leyfi mér að bera hér fram þrjár viðaukatillögur þar sem þjóðfundi hefur ekki verið slitið.

1. Hjón fái húsaleigusamning í brúðkaupsgjöf frá Íbúðalánasjóði til langstíma gegn hóflegu leigugjaldi.

2. Kartöflu og matjurtagörðum verði komið fyrir í göngufæri frá heimilum. Ekki upp í Skammadal.

3. Geitfjárhald í þéttbýli verði leyft með skilyrðum og geitur notaðar í taumi til að bíta gras á grænum svæðum í staðinn fyrri að nota hávaðasöm bensínorf. Það er umhverfisvænt og fólk gæti stýft geitaost úr hnefa og drukkið geitamjólk sem er mjög saðsöm. Við þetta mundi færast líf og fjör í þéttbýlið.

Margar tillögur á þjóðfundi

Línuveiðarinn Pétursey ÍS 100 skotinn niður

Línuveiðarinn Pétursey ÍS 100 var skotinn niður af þýskum kafbát             59 gráður, 33 mínútur N og 12 gráður, 16 mínútur V. Skipið var að fara með fisk til Bretlandseyja.

Enginn komst lífs af úr áhöfninni, en atburðurinn átti sér stað 12 mars 1941.

Áhöfnina skipuðu eftir taldir menn:

Skipshöfn Péturseyjarinnar ÍS 100 frá Ísafirði

 

Þorsteinn Magnússon skipstjóri 27 ára Þingeyri

Hallgrímur Pétursson stýrimaður 24 ára Flateyri

Guðjón Vigfússon 1. vélstjóri 42 ára Reykjavík

Sigurður Jónsson 2. vélstjóri 52 ára Hvammi í Dýrafirði

Theódór Jónsson matsveinn 28 ára Aðalvík

Halldór Magnússon háseti 22 ára Suðureyri

Hrólfur Þorsteinsson háseti 34 ára Hvammstanga

Óli Kjartansson háseti 32 ára Ísafirði

Kristján Kristjánsson kyndari 29 ára Ísafirði

Ólafur Gíslason kyndari 31 árs Ísafirði

Rússar minntust fórnarlamba

Að gefa öndunum

Í fréttinni kemur fram að leikarar og annað listafólk sé áberandi á listanum. Það verður ekki séð á listanum hvaða stöðu eða starfi fólkið gegnir sem er auðvita nauðsynlegt fyrir kjósendur til að glöggva sig betur á hvað fólk er að kjósa.

Það liggur auðvita fyrir að allir sem eru á lista til framboðs til sveitarstjórnarkosninga á Íslandi eru ,, listamenn", því þeir eru á framboðslista, en þeir vinna eitthvað, hafa einhverjum skildum að gegna í samfélaginu, eða hafa lært eitthvað, eru með prófgráðu. Það virðist ekki vera í þessu tilviki. Þetta eru einhverjar einskinsmannsmanneskjur sem eru að gefa öndunum niður á Tjörn að því er virðist.

En þetta kemur allt saman í ljós vonandi. En ég ætla að biðja það að fara varlega að gamla fólkinu á DAS. Það getur orðið hvumpið ef það verður farið að grínast með það.

Besti flokkurinn kynnir lista sinn

Guðni og Halldór

Í ævisögu Guðna Ágústssonar fv. formanns Framsóknarflokksins segir svo um bankasöluna á blaðsíðu 376 frá árinu 2007.

,, Bankasalan og eftirmálar hennar eru Framsóknarflokknum erfið, einkanlega formanni hans sem er að takast á við sinn stærsta slag í stjórnmálum til þessa. Guðni horfir á formann sinn mæta álíka ofsóknum í þessu máli og Ólafur Jóhannesson þurfti að glíma við í Geirfinnsmálinu á sínum tíma. Hann horfir upp á formanninn í hverju sjónvarpsviðtalinu af öðru svara brigslyrðum andstæðinga sinna og fréttamanna um meint pólitíska spillingu. Þetta þreytir Halldór. Þetta næstum bugar hann. Ekkert er meira eitur í beinum Halldórs Ásgrímssonar en ærumeiðingar af þessu tagi. Ekkert svíður honum meir en að vera vændur um pólitísk voðaverk. Bankasölumálið er mesta reiðarslagið á stjórnmálaferli Halldórs - og er á endanum sá atburður sem dregur úr honum þróttinn og ánægjuna í íslenskri pólitík. Hann nær aldrei að hreinsa sig af þessum áburði í opinberri umræðu og næstu mánuði fylgir þessi vandræðaumræða Halldóri og flokki hans eins og skuggi."

Þannig hljóðaði pistill Guðna Ágústssonar frá Brúnastöðum um bankasöluna.

Almenningur í Reykjavík hafnaði Halldóri Ásgrímssyni í alþingiskosningunum 2006 ásamt öðrum þingmanni Framsóknar og var flokkurinn þar með orðin þingmannslaus í þéttbýlasta kjördæmi landsins. 

Kannast ekki við handstýringu