Sýnishorn til DNA ákvörðunar

Ég hef ekki lesið dóminn og get því ekki gert mér grein fyrir þeim lagaröku sem höfnunin byggir á.

Það hlýtur að vera ofmælt að það þurfi að grafa líkamsleifar Bobby Fischers upp til þess að hægt sé að skera úr um faðerni stúlkunnar með DNA rannsókn.

Það þarf að taka ofan af gröfinni íslenska mold og lyfta lokinu af kistunni og taka líkamssýni til rannsóknar. Það geta nú varla talist helgispjöll. Auk þess geta verið einhverjar einfaldar aðferðir til þessa verks.

Það er nauðsynlegt upp á sögu þessa heimsmeistara í skák að sá sem gerir tilkall til að Bobby Fischer sé faðir sinn fá tækifæri til að fá úr því skorið með öruggum og viðurkenndum vísindaaðferðum.

Þannig að þessi sýnataka getur ekki talist nein helgispjöll.

Það skiptir máli ef Fischer á sannanlega afkomanda og er réttur hans að hið rétta komi í ljós og hægt sé að púsla saman ævibrotum þessa snillings sem varð íslenskur ríkisborgari á efri árum.

Uppgreftri Fischers hafnað

Andrés önd

Jón sagði, að andinn í viðræðunum hefði verið mjög góður. „Dagur er reyndar ekki búinn að horfa á Wire (bandarískur sjónvarpsþáttur) og sagðist hafa gert það viljandi," sagði Jón og bætti við að hann mæltist til þess að Dagur léti verða af því.

Það má búast við að Samfylkingunni verði sett fyrir að lesa Andrés önd á hverju kvöldi með sérstakri áherslu á Jóakim frænda.

Ræddu við Samfylkingu

15 borgarfulltrúar

Í Íslendingabók Ara fróða segir að Ingólfur Arnarson hafi fyrstur numið land í Reykjavík sem mun hafa verið um árið 870.

Margir fylgdu í kjölfar Ingólfs og sáu þeir Ísland fyrir sér sem land nýrra tækifæra. Íbúum fjölgaði jafnt og þétt og að sama skapi jókst þörf á lögum og þar með einhverjum tilteknum stað þar sem menn gætu komið saman, sett niður deilur og sammælst um tilteknar reglur sem hafa bæri í heiðri. Nokkru eftir landnám voru tvö héraðsþing stofnuð á Íslandi, annað kennt við Þórsnes við Stykkishólm, hitt við Kjalarnes. Seinna voru fleiri héraðsþing stofnuð víðsvegar um landið.

Heimild: Heimasíða Þingvellir þjóðgarður

Enn er komið saman til að kjós fólk til forustu í Reykjavík. Nú fá Reykvíkingar sem eru 120 þúsund manna sveitarfélag að kjósa 15 borgarfulltrúa. Það er óásættanlegt hve völdunum er haldið hjá fáum.

Þar sem fulltrúalýðræði er við lýði er sterkast og farsælast að völdin séu dreifð og menn ræði sig saman til niðurstöðu um málefni og allir reyni að gera gagn á stjórnmálavettvanginum.

1281 var tekin upp hreppaskipan í byggðum landsins. Það var í raun nokkurskonar þjóðstjórnar fyrirkomulag. Þá voru valdir þeir sem til forustu voru taldir bestir, engir listar, og oddvitinn kosinn af hreppsnefndinni allri.

Ef til vill verður slík skipan tekin upp nú þegar mynduð verður ný borgarstjórn í Reykjavík eftir þessar sögulegu kosningar.

Kjörstaðir opnaðir klukkan 9

Ekki sveitarstjórnarmál

Icesavemálið er ekki sveitarstjórnarmál.

En fyrst bæjarstjórn Kópavogs er að skora á Alþingi á annað borð, að þá væri nú ágætt að fá eina litla tillögu um að skora á Alþingi að breyta kosningalögum vegna Alþingiskosninga.

Kópavogsbúar ásamt öðrum kjósendum í Suðvesturkjördæmi hafa bara 1/2 atkvæði - sagt og skrifað hálft atkvæði - miðað við t.d.  kjósendur úr Norðvesturkjördæmi.

Það væri nú þarft að þetta yrði rannsakað, af hverju málum er svo komið varðandi kosningarréttinn.

Hvaða öfl eru það í þjóðfélaginu sem vilja hafa misvægi í kosningarétti eftir búsetu. 

Eru það Sjálfstæðismenn í SV-kjördæmi? Spyr sá sem ekki veit.

Rannsaki Icesave-málið

Davíð sagði;

Davíð Oddsson þáverandi seðlabankastjóri sagði í Kastljósþætti, að við borgum ekki skuldir óreiðumanna.

Ég man ekki betur en það hafi verið komið bráðabirgðaálit frá EFTA að þetta gæti gengið svona.

Svo er bara svínbeygt 180 gráður.

Er ekkert mark takandi á neinum orðið.

Það þýðir ekkert að vera í einhverjum ands...... bandalögum ef Íslendingar eiga bara að lenda í höndunum á sjóræningjum svona rétt fyrir kosningar.

Enn tími til að semja

Veiðikort

Þá er það spurningin hvort ASÍ sé með veiðikort.

Og það væri nú verra ef þeir snéru byssunni öfugt þegar þeir hleypa af.

Það er gætnin sem skiptir núna máli og ekki til farsældar að fara að taka stór erlend lán og skuldsetja þjóðina.

Það er ástæða til að hafa áhyggjur af því að verkalýðshreyfinginn sé að klofna núna.

Mig minnir að Hannibal Valdimarsson sem var félagsmálaráðaherra 1971-1973 og fyrrverandi forseti ASÍ hafi sagt einhvern tíman þegar menn vildu fara í verkföll að það sé engin tími nú til að fara í verkföll. Þá var einmitt gos eins og núna.

Hannibal var kosinn í neyðarráðstöfunarnefnd vegna eldgossins í Heimaey 1973.

Best færi á því að ríkistjórnin kysi forustu ASÍ í neyðarnefnd um atvinnuástandið. 

Gefa veiðileyfi á stjórnvöld

Kosningabrandari

Maður er náttúrlega að reyna að semja kosningabrandara og tilkynningar svo maður geti fylgt tíðarandanum.

Hann er svona:

Til kjósenda. 

Skilið ekki auðu.

Kjósið mig,

Auður

Jón Gnarr: „Ég er stoltur“

Skóverksmiðjur

Sú var tíðin að Íslendingar áttu ekki almennilega skó og urðu að ganga á sauðskinnsskóm og voru oftast blautir í lappirnar.

Samvinnumenn reistu skóverksmiðju á Akureyri sem framleiddu ágæta skó. Sú framleiðsla lagðist af vegna einhverra samninga við EFTA. Síðan hafa ekki verið framleiddir skór í landinu.

Nú er verið að ræða um að fara í verkföll vegna þess að það er svo mikið atvinnuleysi. Ég hef aldrei vitað að það væri hægt eða að það skilaði hærra atvinnustigi.

Hafnfirðingar stóðu undir húsgöflum á atvinnuleysisárum og ræddu um ástandið og fengu viðurnefnið Gaflarar. Ef til vill væri ráð að mála svona húsgafla rauða, sem sérstaklega væru ætlaðir til að fólk hittist undir og ræddu landsins gagn og nauðsynjar og hvað væri til ráða.

Gylfi forseti ræðir um ábyrgð stjórnmálastéttarinnar á ástandinu. Ekki liggur ljóst fyrir hverjir tilheyra undir þessa nafngift, stjórnmálastétt, og hvergi finnst það orðið í orðabókum. Sennilega eru það allir sem taka þátt í stjórnmálum eða eru með einhverjum hætti kjörnir í lýðræðislegum kosningum.

En skó þurfum við að hafa og annan klæðnað svo það væri nærtækast að setja mannskapinn í þau verk, því flísið gengur ótrúlega fljótt úr sér.

Vill ekki hugsa til haustsins

Skipulagt undanhald

Þessar náttúruhamfarir ætla að verða mun alvarlegri en ætlað var í fyrstu þegar gos hófst á Fimmvörðuhálsi.

Sumarhagar á stóru svæði koma ekki til með að skila uppskeru í einhvern tíma sem ómögulegt er að segja til um hve langur verður. Óráðlegt er að bera á tún vegna þess að aska í jarðvegsrót spillir uppskeru.

Öll árstíðartímamörk eru útrunnin, þar sem að réttu lagi ætti að vera búið að bera á og hleypa lambfé út. Þess vegna liggur bara fyrir að hefja skipulagt undanhald af svæðinu með sauðfé.

Þau sjónarmið sem einkum þarf að líta til eru hin hægrænu sjónarmið, að lámarka skaða sem orðin er þ.e. að koma sauðfé á heilbrigða bithaga. Dýraverndarsjónarmið, að láta dýrum liða eins vel og kostur er með því að koma þeim í burtu af hamfarasvæðunum. Tilfinninga og sálræn sjónarmið sem snúa að því að létta af bændum og búaliði því álagi sem viðkomandi hafa mátt búa við vegna óvissu þessara hamfara og koma fólki og fénaði af svæðinu.

Þess vegna verða stjórnvöld að taka ákvörðun strax með skipulögðum hætt og flytja sauðfé af svæðinu þar sem það á við.

Bjargráðsjóður bætir fjárhagslegt tjón sem hlýst vegna:

a.       Hreinsunar á framburði á ræktarlandi vegna vatnsflóða.

b.      Hreinsunar á túnvegum vegna vatnsflóða og/eða öskufalls.

c.       Hreinsunar skurða vegna vatnsflóða og/eða öskufalls.

d.      Eyðileggingar eða skemmda á túngirðingum vegna vatnsflóða.

e.       Eyðileggingar á ræktarlandi vegna vatnsflóða og/eða öskufalls.

f.       Endurræktunar túna vegna vatnsflóða og/eða öskufalls.

g.      Uppskerurýrnunar á ræktarlandi vegna vatnsflóða og/eða öskufalls.

h.      Kostnaðar sem hlýst af búfjárflutningum af hamfarasvæðinu og framfærslu þess á nýjum stað.

i.        Tjóns á búfé og afurðum búfjár.

Þessar aðgerðir verða allar að vera samræmdar og skipulagðar og ber landbúnaðarráðherra að setja reglugerð í nótt og byrja flutningana strax á morgun og setja lambfé niður hvar þar sem sæmilega öruggir bithagar finnast og ekki verið amast við fénu.

Staða bænda rædd á Selfossi

Samvinnuhugsjónin

Samvinna hefur löngum verið bændum happadrjúg.

Þeir hafa haft samvinnu um smölun afréttarlanda. Um verslun og slátrun og afsetningu afurða. Um jarðrækt og búnaðarfélög. Oft og tíðum um verkaskipti við byggingarframkvæmdir og hlunnindanytjar.

Það er gott að vita að þessi stefna og ráðstafanir skuli nú vera í verkferlum til að bændur komist af eins og kostur er.

Um daginn kom frétt um að kindur hafi drepist. Við því er ekkert að gera og ástæðulaust að panikera yfir því. Það koma til með að verða afföll vegna þessara náttúruhamfara.

Trauðla verður hægt að búast við því að sum tún verði hægt að heyja, þó svo gras spretti á þeim. Viðbúið er að þegar slík tún verða slegin að þá mun aska og vikur þyrlast upp og menga hráefnið.

Þekkt er að sauðfé fær svokallaðan gadd ef það er fóðrað eða beitt á land sem er flúormengað. En gaddur er þegar tennur skemmast vegna þess að broddur eða gaddur vex úr þeim.

Við þessar aðstæður sem nú ríkja undir Eyjafjöllum er til dæmis ekki hægt að nota hugmyndafræði frjálshyggjunnar til að leysa verkefnin. Þá færi allt í strand.

Hugmyndafræði frjálshyggjunnar er að því er virðist aðeins hægt að not við fljótandi bankahrun og til að sigla öllu í strand og getur jafnvel verið dýrkeyptari en náttúruhamfarir.

Bændum býðst að flytja sauðfé