Ekkert hægt að segja

Þessi frétt er ekki nema 5 línu og því lítið hægt að segja um hana eða tillögurnar.

Það sem Framsókn þarf að gera er að taka til í eigin flokki.

Sjálfsagt þurfa  þeir að reka einhverja úr flokknum og grisja.

Síðan  verður Framsókn að koma með einhverja alvöru stefnu um það hvernig flokkur hann vilji vera í framtíðinni. Það þýðir ekki að hampa einni og einni tillögu eins og menn séu á búnaðarfélagsfundi.

Það er mjög langt í það að Framsókn geti komið fram með einhverjar sáttartillögur. Flokkurinn þarf að fara í sjálfskoðun og fara yfir ásetninginn.

Fyrst þarf að fara yfir rannsóknarskýrsluna og afgreiða þau málefni eftir lögum landsins og það má ekki trufla þá vinnu.

Þjóðin þar sjálf að komast að því hverskonar þjóðfélag hún vilji að hér verði í framtíðinni og hvernig hún vilji að gert verði upp við hrunið.

En ég afskrifa Framsókn ekkert. Ég er alinn upp í Framsóknarumhverfi og hef oft þótt vænt um Framsóknarmenn og Samvinnuhreyfinguna.

En það verður að skila sjóði Samvinnutrygginga til baka. Það er ekki hægt að láta ræna sig um hábjartan dag.

Þjóðarsátt Framsóknar

Fátæklingar

Eiga þá allir fátæklingarnir að mæta í Iðnó á morgun?

Verður súpa?

Án gamans, þá held ég að hér sé að verða slæmt ástand.

Það vantar, finnst mér, svona einhverskonar allsherjar áætlunum hvað gera skuli, þó vissulega sé ýmislegt, sem verið er að gera bæði hjá opinberum aðilum og félagssamtöku.

Þetta eru náttúruhamfarir mannlífsins sem eiga sér stað hjá okkur.

Og nú getur fólk ekki farið niður á bryggju að ná sér í soðið eins og hún amma mín gerði hér í kreppunni í gamladaga.

Fólk verður að fá að finna það að við erum þjóð sem hjálpumst að í erfiðleikum. 

Evrópuár gegn fátækt hefst á morgun

Hveravellir

Ferðafélag Íslands náði fyrst fótfestu á Hveravöllum og byggði skála þar og aðstöðu fyrir sína félaga. Og átti tvo skála um tíma.

Eftir sem mér skildist fengu bændur að hýsa gangnamenn sína í skálunum í göngum á vegum Ferðafélagsins og er mér ekki kunnugt  um hvaða greiðslur hafi farið þar á milli aðila fyrir dvölina.

Þegar Svínavatnshreppur um stundarsakir hér á árum áður varð ríkur þá fóru hreppsbúar sumir að sjá ofsjónum yfir gróða Ferðafélagsins og spunnust upp einhver deilumál þar upp sem ég kann ekki til hlítar. Skyldist mér að sveitarfélögin hafi keypt skálana af Ferðafélaginu að lokum.

Kom þá upp sú hugmynd að fara með einhvern skúra upp eftir til að fara að selja pulsur. Voru þeir þar í forustu hreppstjórar Svínavatnshrepps- og Torfulækjarhrepps ásamt stöðvarstjóra Blönduvirkjunar. Hringdi ég þá í stöðvarstjórann og sagði honum að þetta þyrfti að hugsa miklu stærra og til framtíðar og bað hann að af stýra því að þessir skúrar færu upp eftir.

Ég er alinn upp við sérstaka umræðu í Bændaskólanum á Hvanneyri undir handarjaðri Gunnars Bjarnasonar kennara og hrossaræktarráðunautar og eldhuga.

Hann vildi að þarna risi þokkalegt hótel og lýsti fjálglega fyrir okkur hvað útlendingar vildu sjá á Hveravöllum. Það væri norðan stórhríð en allir gætu verið inni í góðum stofuhita með viskíglasið sitt og horft á hríðina út um glugga.

Nú eru tímar breyttir og hægt að komast mestallan ársins hring að Hveravöldum.

Ekki er búið að úrskurða um þjóðlendumál á Hveravöllum þó það ligg í loftinu að þarna sé þjóðlenda og því húsbóndavaldið í forsætisráðuneytinu þó skipulagsvaldið hjá hinum nýja hrepp Húnavatnshrepp.

Þannig að það er að mörgu að gæta í þessum efnu hvert á að þróa staðin.

Umbætur á Hveravöllum í bígerð

Til fyrirmyndar

Að búast við hinu óvænta er nauðsynlegt þegar lifað er á óvissu tímum.

Gott hjá lögreglunni að vera á varðbergi gagnvart gripdeildum á bændabýlum við þessar aðstæður.

Reyndar er allt skipulag til fyrirmyndar við þessar náttúruhamfari.

Það sem skiptir gríðar miklu máli að ekki verði slegið slöku við um eftirlit, gæslu og allir aðilar hafi andvara á þessum aðstæðum þar sem umfangið er í raun mjög mikið og landsvæðið stórt.

Þarna eru 2-3 eldstöðvar og þó vísindamenn séu með mikla þekkingu og mælistöðvar er eins og hið óvænta geti sífellt komið aftan að fólki. Þess vegna skiptir árveknin máli og ekkert er fyrirfram gefið.

Það skiptir líka miklu máli, þar sem við búum á eldfjallalandi, að við getum sýnt umheiminum og okkur sjálfum, að við höfum fullt vald á aðstæðum, höldum ró okkar og skipulag sé gott og allir komast bærilega af.

Jarðskjálftarnir á Haíti og Chile þar sem hundruð þúsundir  íbúa farast er skelfileg upplifun fyrir íbúa viðkomandi landa en sýnir hvað maðurinn er lítill og umkomulaus í samanborið við náttúruöflin.

Þekktum brotamönnum vísað frá

Hvernig nærbuxum ertu í?

Þegar einn atvinnurekandinn hér um daginn var komin í greiðslustöðvun með ættarveldi sitt og var spurður að því hvernig stæði á því að hann hefði ekki skilað ársreikningi til einhverra ára til Ársreikningsskrár, svaraði hann vígalegur og þungur í lund að viðkomandi kæmi það ekki við og ekki væri hann að spyrjast fyrir um það hvernig nærbuxum viðkomandi værir í.

Það er nú óðum að koma í ljós hvernig nærbuxum atvinnurekendur eru í, því mjög margir eru komnir með allt niðrum sig.

Ekki er það sósíalismanum að kenna, ekki er það kaupfélögunum að kenna ekki er það samvinnuhreyfingunni að kenna.

Flokkur einkaframtaksins og atvinnurekenda hefur ráðið hér landsmálum mjög lengi.

Hvarvetna blasa við gjaldþrot og verra en það því engar eignir finnast  í búunum en mikið af skuldum.

Það er ágeng spurning hvort það séu nokkrir atvinnurekendur lengur til í landinu þegar allt er komið á hausinn og ríki og bankar eru komnir með atvinnulífið í gjörgæslu.

Tímabært er að fara velta fyrir sér hver staða atvinnurekenda er og hvort ekki sé skynsamlegra fyrir þá að ræða við stjórnvöld um framtíð sína og hver hún verði fremur en vera alltaf að láta líta svo út að þeir ráði.

Góður og útsjónarsamur og aðgætinn atvinnurekandi er mikil auðlind. En ég held að allir geti verið sammála um það að þeir atvinnurekendur sem standa nú uppi á mislitum nærbuxum fá tæplega háa einkunn. 

Vilja að skötuselslög verði afnumin

Goðorð?

Það er ekki gott að átta sig á því hvort það gildi lýðræði vegna kosninganna í Reykjavík eða eitthvað annað. Að vísu fær fólk að kjósa en mikill munur er á atkvæðavægi í Reykjavík og nágrannasveitarfélögunum.

Samkvæmt sveitarstjórnarlögum gilda eftirfarandi reglur um fjölda sveitarstjórnarmann í sveitarstjórnum miðað við íbúafjölda, lög nr. 45 1998:

12. gr. Fjöldi fulltrúa í sveitarstjórn.
Í sveitarstjórn skal fjöldi sveitarstjórnarmanna standa á oddatölu og vera innan þeirra marka sem hér greinir:
   a. þar sem íbúar eru innan við 200 3–5 aðalmenn,
   b. þar sem íbúar eru 200–999 5–7 aðalmenn,
   c. þar sem íbúar eru 1.000–9.999 7–11 aðalmenn,
   d. þar sem íbúar eru 10.000–49.999 11–15 aðalmenn,
   e. þar sem íbúar eru 50.000 eða fleiri 15–27 aðalmenn.

Samkvæmt frumvarpi sem nú liggur fyrir Alþingi sem Þór Saari flytur er lagt til að fjöldi sveitarstjórnarmanni verði eftirfarandi mál nr. 15:

a.      þar sem íbúar eru innan við 1.000: 7 aðalmenn,
            b.      þar sem íbúar eru 1.000–4.999: 11 aðalmenn,
            c.      þar sem íbúar eru 5.000–24.999: 17 aðalmenn,
            d.      þar sem íbúar eru 25.000–49.999: 31 aðalmaður,
            e.      þar sem íbúar eru 50.000–99.999: 47 aðalmenn,
            f.       þar sem íbúar eru 100.000–199.999: 61 aðalmaður,
            g.      þar sem íbúar eru 200.000–399.999: 71 aðalmaður.

Í greinargerð með frumvarpinu og töflum kemur eftirfarandi fram um stöðuna í sveitarstjórnarmálum á Íslandi:

 

Ísland	Íbúar	Sveitarstjórnarmenn
Reykjavík	119.547	15
Kópavogur	29.976	11
Hafnarfjörður	25.850	11
Akranes	6.609	9
Ísafjarðarbær	3.972	9
Akureyri	17.541	11
Fjarðabyggð	4.723	9
Fljótsdalshérað	3.695	11
Hornafjörður	2.112	7
Vestmannaeyjar	4.086	7
Árborg	7.922	9

 Það sem vekur athygli er mikið mismunur milli Reykjavíkur og annarra sveitarfélaga. Í Reykjavík er 119 þús íbúar en ekki nema 15 sveitarstjórnarmenn. Í Kópavogi t.d eru 30 þús íbúar og 11 sveitarstjórnarmenn. Þarna munar 4 sveitarstjórnarmönnum en 90 þús íbúum.

Þar sem fulltrúalýðræði er tíðkað svo sem  í verkalýðsfélögum, stjórnmálafélögum, sjómannafélögum, samvinnufélögum og búnaðarfélögum er ákveðin fastur félagafjöldi sem þarf til að koma að einum fulltrúa á þing eða fund hvar sem félagið er starfandi á landinu.

Gefum okkur að atkvæðavægi í Kópavogi sé rétt og sanngjarnt, 30 þús deilt með 11 sveitarstjórnarmönnum þá þarf 2727 íbúa til að koma manni að.

Segjum svo að þessi reikniregla verði heimfærð upp á Reykjavík 15 sveitarstjórnarmenn x 2727 íbúar=40905 íbúar til að koma að 15 sveitarstjórnarmönnum.

Í Reykjavík eru 119500 íbúar og aðeins þarf 40900 íbúar til að koma að 15 sveitarstjórnarmönnum að samkvæmt Kópavogsreglunni þá eru 79 þús íbúar afgangs.

Þá ganga af 79 þús íbúar í Reykjavík sem raunverulega hafa engin áhrif, en þeir fá þá væntanlega frístundakort í staðin sem sárabætur.

Framsóknarmenn birta listann

Landvættirnar

Það er augljóst að landvættirnar eru reiðar vegna Icesavemálsins og þess vegna hafi farið að gjósa.

Þær hafa sennilega skynjað það að einhverjir Bretar og Hollendingar hafi ætlað að ganga yfir Fimmvörðuháls og viljað koma í veg fyrir það.

Þegar deilt var um kristnitökuna á Alþing á Þingvöllum við Öxará árið 1000 komu upp jarðeldar í Ölfusi. Þetta álitu heiðnir menn að væru teikn um að goðin hafi reiðst vegna málatilbúnaðar kristinna manna

En þá mælti Snorri goði Þorgrímsson hin fleygu orð: " Um hvað reiddust goðin, þá er hér brann hraun það, er nú stöndum vér á?".

Gossprungan um 1 km að lengd

Strandveiðar-byggðakvóti

Hér er ýmislegt sem þarf skoðunar við þar sem röksemdafærslan er ekki í samræmi við raunveruleikann. Samherji hefur ákveðið að loka tilteknu frystihúsi á landsbyggðinni vegna ítrekaðrar tilfærslu á aflaheimildum frá stærri skipum til minni. Væntanlega er þá átt við strandveiðarnar sem hafa staðið yfir til reynslu í eitt sumar og geta því ekki verið ítrekaðar.

Kvartað er sérstaklega yfir því að bolfisafli Samherja hafi verið skertur alls um 450 tonn en tekið fram að strandveiðarnar hafi skilað Dalvík sérstaklega 176 tonnum.

Í fréttatilkynningu frá sjávarútvegsráðuneytinu nr. 15/2009 frá 16/4 2009 segir m.a.:

,,Til strandveiða verði ráðstafað þeim heimildum sem nú mynda byggðakvóta, þ.e.a.s. 6.127 tonn af óslægðum botnfiski auk 2.500 tonna viðbótar sem ráðherra ákveður. Þetta magn myndi stofn strandveiðanna, en fyrirmyndin er sótt í verklag við línuívilnun, sem nokkur reynsla er komin á og þykir hafa gengið vel. Öllum verður frjálst að stunda þessar veiðar sem uppfylla þau almennu skilyrði sem sett verða".

Þarna er sem sagt um byggðakvóta að ræða og bætt við 2.500 tonnum. Ekki er getið um að viðbótin sé tekin sé af aflaheimildum Samherja eða hvaðan ráðherra tekur hana. 

Síðan er rakið hve mikið Samherji hafi greitt laun og aðföng á Eyjafjarðarsvæðinu en að engu getið hverju standveiðarnar hafi skilað svæðinu í sambærilegum ávinningi og verðmætum.

,, Miðað við óbreytta stefnu stjórnvalda varðandi tilfærslu aflaheimilda milli útgerðarflokka og fyrirhugaða fyrningu  er fyrirséð að starfssemi Samherja á Íslandi mun dragast saman og störfum í Eyjafirði fækka,“ segir í fréttatilkynningu.

Þetta er ekki rétt niðurstaða eða ályktun hjá Samherja. Ekki er sannað að störfum muni fækka á svæðinu þótt Samherji ætli að draga saman seglin samkvæmt orðanna hljóðan og að því er virðist ekki að bæta við sig aflaheimildum með nýjum leiguheimildum á fyrningartímanum.

Nýir aðiljar munu þá nýta aflaheimildirnar, hvort sem það verði auknar strandveiðar með minni olíunotkun eða aðrir útgerðaraðilar. 

Loka í átta vikur í sumar

Liggur í loftinu

Það er spurning hvort bág kjör hreki þennan hóp út í verkfall eða hvort einhver stjórnmálaöfl hafi hvíslað í eyra, að nú sé sérstakt lag að fara í verkfall, því stjórnvöld liggi svo vel við höggi.

BSRB ber að standa vörð um réttindi sinna umbjóðenda, en ég hefði kosið að orðalag ályktunarinnar væri  með öðrum hætt og með skírskotun til þess þjóðfélagsástands sem nú er hér.

Þá er villa og staðhæfing í ályktunninni sem ekki fæst staðist. Sagt er í ályktunninni að stjórnvöld ætli að setja bráðabirgðalög á kjaradeiluna.

Bráðabirgðalög eru bara sett þegar þing er ekki starfandi. Nú er Alþingi starfandi.

Ef borið væri fram frumvarp til að stöðva fyrirhugað verkfall flugumferðastjóra fengi það þinglega meðferð þar sem þing er starfandi.

Þeir alþingismenn sem væru mótfallnir slíkri lagasetningu gætu tekið til varnar.

Ég þekki ekki til aðstæðna þessa launþegahóps, hvor þær séu afar bágar og þess vegna sé þeim nauðsyn á kauphækkunum.

Líta hótanir stjórnvalda alvarlegum augum

,,Kátir voru karlar"

Frjálslyndir kveða líklega í kvöld vísurnar góðkunnu:

Höldum gleði hátt á loft
helst það seður gaman,
þetta skeður ekki oft
að við kveðum saman.

Meðan einhver yrkir brag
og Íslendingar skrifa
þetta gamla þjóðarlag
það skal alltaf lifa.

Falla tímans voldug verk
varla falleg baga
Snjalla ríman stuðla sterk
stendur alla daga.

Sótt ég gæti í söng og brag
sárabætur mínar
öll mín kæti á þar dag
og óskir lætur sínar.

Þing Frjálslyndra hafið