Kjörkassar voru ekki innsiglaðir

Í alvöru kosningum koma kjörkassar innsiglaðir á kjörstað og helst innsiglið allan kjördaginn eða þar til talning hefst og er þá innsiglið rofið í votta viðurvist og yfirvalda.

Í kosningum til stjórnlagaþings var ekkert innsigli á kjörkössunum þegar þeir komu á kjörstað og því var sá fræðilegi möguleiki fyrir hendi að taka kjörkassana afsíðs og opna þá. Tiltölulega auðvelt var fræðilega að breyta atkvæðaseðlinum, því ekki þurfti annað en að strok efstu 4 tölurnar út á kjörseðlinum, en efsta tala hvers frambjóðanda hafði mest vægi í talningu og ekkert nafn var prentað fyrir framan hana sem gat helgað frambjóðanda skilyrðislaust  vilja viðkomandi kjósanda. 

Kjósandi skrifaði tölustafina með ,,vel yddu ritblýi" og því var þetta frekar auðvelt verk því ritblý er hægt að stroka út.

Þetta er sá veruleiki sem við blasir eftir kosningarnar hverjum  kjósanda sem það vill, þó það sé hér skýrt tekið fram að þessi veruleiki var fyrir hendi fræðilega séð.

Landskjörsstjórn hefur sagt af sér vegna dóms Hæstaréttar og tekið þannig  ábyrgð á störfum sínum.

Hins vegar er rétt að halda því til haga sem rétt er, að innsiglin voru sett á kjörkassana eftir að kjörfundi lauk og allir voru búnir að kjósa. En það dugar bara ekki í þessu máli.

Það er réttur hvers og eins að geta krafist endurupptöku máls fyrir Hæstarétti telji hann á sér brotið. Annaðhvort vísar Hæstiréttur þessu máli frá eða tekur það til efnislegrar meðferðar, með eða án Jóns Steinars Gunnlaugssonar.

Jón Steinar Gunnlaugsson hæstaréttardómari er ekki aðalatriðið í þessu máli heldur lagafyrirmæli þau sem fara á eftir við kosningar, sérstaklega þegar á að fara semja nýja stjórnarskrá.

En það er til lítils að fara að endurtelja atkvæði sem merkt eru með ,,vel yddu ritblýi" útstroknalegu, þegar kjörkassar hafa verið daglangt óinnsiglaðir á kjörstað.

Jón Steinar víki sökum vanhæfis

Hókus Pókus

Það verður forvitnilegt að fylgjast með því hvernig velferðarráðherra ætlar að láta þetta mál koma til framkvæmda.

Komið hefur fram í fréttum að viðmið einstaklinga er 292 þús.

Þá hefur einnig komið fram að verkalýðshreyfingin er með kröfum á lámarkslaun 200 þús.

Þá fullyrðir velferðarráðherra að við séum ríkt samfélag þó á þessum tímapunkti hafi hann ekki lagt fram neinar tölur eða þjóðhagsreikninga þar um.

Fyrir hrun söfnuðu allir skuldum nema ríkið. Einstaklingar söfnuðu skuldum fyrirtæki söfnuðu skuldum sveitarfélög söfnuðu skuldum. 

Allstaðar blasir við samdráttur og skuldir. Allir sjóðir eru að þorna upp. Tekjur sveitarfélaga dragast saman.

Hér var stöðugur viðskiptahalli við útlönd í áraraðir sem var haldi við með lántökum.

Það verður fróðlegt að vita hvernig velferðarráðherra og ríkistjórnin ætlar að leiða þetta  mál til niðurstöðu.

Hvar er þessi faldi fjársjóður sem velferðarráðherra virðist vita um og auknar tekjur?

Á að hækka kaupið til að ná jöfnuði við neysluviðmiðið eða ætlar ríkisvaldið að byggja upp uppbótakerfi sem greiðir mismun á tekjum einstaklinga og heimila og neysluviðmiðsins?

Eða verður bara sagt; Hókus Pókus!!!

Viðmið einstaklings 292 þús

Sjálfstæðismenn deila um réttlætið

Það er mikill órói í Sjálfstæðisflokknum og sitt sýnist hverjum um réttlætið og hvernig eigi með Icesave að fara.

Sumir vilja enga samninga aðrir vilja að málið fari fyrir dómstóla.

Einhverjir vilja að málið fari í þjóðaratkvæðagreiðslu og þá væntanlega hægt að kjósa um stjórnlagaþing í leiðinni.

Fleyg eru ummæli Davíðs Oddsonar um að,, við borgum ekki skuldir óreiðumanna".

Ég vona bara að sjálfstæðimenn fari ekki að fara úr jökkunum og slást um málið en það virðist vera allmikill hiti í mönnum.

Sumir segja að þetta sé spurning um hvort flokkurinn klofni langsum eða þversum.

Ég held að það verði ekki. En það kemur samt einhver Icesave stífla í flokkinn og endi með því að flokksmenn fari hver heim til sín.

Snýst um ískalt hagsmunamat

Sjálfstæðismenn í eins jakkafötum

Ég sé ekki hvað myndin sem birt er með fréttinni á við málefnið sem til umræðu er.

Þessi mynd er væntanlega af landsfundi Sjálfstæðisflokksins eftir kosningu þessara manna.

Það kemur þessari frétt ekkert við. Myndin er áróðursmynd ekki fréttamynd.

Nær hefði verið að birta mynd af samningnum eða þegar samningurinn var undirritaður með fyrirvara um samþykki Alþingis.

Það eina sem ég tek eftir er að mennirnir eru í eins jakkafötum.

Svona mosagrænum eftir því sem mér sýnist. Þó ekki vinstri grænum.

Sjálfstæðismenn eru engir sigurvegarar í Icesavemálinu.

Það var flokkur þeirra sem kom því ástandi á að nokkrir pókerspilarar á vegum Sjálfstæðisflokksins komust yfir Landsbankann og hófu söfnun fjár í Bretlandi og Hollandi sem þeir voru svo ekki menn til að skila.

Ég hef ekkert á móti því að þetta mál fari í þjóðaratkvæðagreiðslu. En ég held að þorri almennings sé alveg búin að fá sig fullsadda af slíku nú um stundir.

Svo er færð tekin að þyngjast og veður orðin válynd á Þorranum og það hefur verið venja að standa ekki þá í miklum atkvæðagreiðslum við slíkar aðstæður.

Menn láta sig þó hafa það að brjótast á Þorrablót sér til skemmtunar.

Vilja þjóðaratkvæði

Framtaksjóður Íslands/ Icelandic Group

Framleiðsla úrvinnsla og sala matvæla hverskonar er eilífðarvél sem gefur endalausar tekjur.

Þess vegna hefur mér fundist furðulegt að verið sé að selja Icelandic Group út úr íslenskri lögsögu.

Íslendingar eiga að kappkosta að eiga þessi fyrirtæki. Í því liggur gæfa þjóðarinnar. Vinna sjálf við þessa framleiðslu allt frá því að fiskurinn kemur um borð og þar til hann er kominn á borð neytandans.

Hirða arðinn af vinnunni og framleiðslunni sjálf og veita fjármunum sem starfsemin gefur af sér inn í íslenskt hagkerfi. Hverja einustu krónu. Sú hagfræði blífur.

Að reyna að selja þessi fyrirtæki er skammtíma hagfræði.

Við þurfum langtímahagfræði lausnir. Ekki hagfræði sem snýst um núll lausnir. 

Menn þurfa að vera búhagir og sjá hlutina í réttu samhengi. Ekki þetta óðagot.

Við verðum að standa saman Íslendingar og standa vörð um okkar hagsmuni.  Nýsköpun er lykilorðið.

Við þurfum að finna réttar lausnir og spenna bogan hátt.

Hætta viðræðum við Triton