Hríðarveður og kalt

Ég fór nú fyrst 11 ára gamall, sem upptínslumaður með rjúpnaveiðimanni.

Nú er alltaf verið að tala um að það sé svo og svo mikið af rjúpu.

Það er kalt á fjöllum og hríð og menn geta orðið út.

Ég held að það sé best að sem flestir verði heima og séu ekki að týnast, svo það verði að kalla á björgunarsveitir.

Um 800.000 rjúpur

Gestrisni þökkuð

Hér með er Norðmönnum þökkuð gestrisni og að hafa gert vel við í mat og drykk, leikjum hverskonar og skemmtun nokkurri við:

Þórð kakala, Gissur Þorvaldsson, Gretti Ásmundsson,  fóstbræður Þorgeir Hávarðsson og Þormóð  Kolbrúnarskáld, Egill Skallagrímsson og fleiri og fleiri sem of langt mál væri hér upp að telja á knöppu bloggi eða leifturskeyti sem ég kýs svo að kalla.

Meðal annarra orða, er Ingimundur gamli, ættaður úr Raumsdal, það er norðarlega í Noregi, en lengst af búandi maður að Hofi í Vatnsdal á Íslandi, vel friðsamur, ekki enn skráður fyrir fjármarkinu sýlt í hálf af fr. og biti aftan og geirsýlt, í Noregi? Ástæða væri til að þetta væri kannað.

Norðmenn eiga Íslendingum sjálfsvitundina að þakka

Búktalari á Alþingi

Hver man ekki eftir Baldri og Konna. Baldur hafði Konna, sem var brúða og sat á hnjám Baldurs og talaði en það var í raun Baldur sem talaði án þess að hreyfa varirnar,en  Konni talaði með skrækróma tóni. Þetta er kallað búktal.

Nú er kominn fram nýr búktalari og situr hann á Alþingi Íslendinga. Nú getur útgerðaaðallinn talað í  gegn um þennan aðila. Fer búktalarinn þá í pontu á Alþing og skrækir eitthvað sem er útgerðaraðlinum þóknanlegt. Og er þetta gert til að hræða almenning.

Heimild til veðsetning aflaheimilda á sínum tíma var mjög alvarlegur gjörningur og er vafa undirorpið að sé löglegt.

Úr lögum um fiskveiðistjórnun:

1. gr. Nytjastofnar á Íslandsmiðum eru sameign íslensku þjóðarinnar. Markmið laga þessara er að stuðla að verndun og hagkvæmri nýtingu þeirra og tryggja með því trausta atvinnu og byggð í landinu. Úthlutun veiðiheimilda samkvæmt lögum þessum myndar ekki eignarrétt eða óafturkallanlegt forræði einstakra aðila yfir veiðiheimildum".

Það hefur nefnilega aldrei verið hægt að veðsetja það sem maður á ekki.

Áform um fyrningar aflaheimildar verður gerð á löngum tíma - 20- árum og á þessum tíma á útgerðin að geta greitt smátt og smátt af skuldum sínum. Nú ef ekki, þá er hún sjálfdauð og við því er ekkert að gera. Og þá koma bara nýir aðilar til sögunnar.

Jafnframt þessari niðurgreiðslu skulda getur útgerðin önglað inn nýjum aflaheimildum jafnóðum og þær losna til leigu. Þær verða auðvitað settar í nýtingu. Það er ekki hugsað að fyrndar aflaheimildir verði ekki notaðar og geymdar bak við hurð í sjávarútvegsráðuneytinu.

Fyrndar aflaheimildir hafa aðra stöðu en t.d fyrnt skip sem ryðgar og er ónýtt. Aflaheimildirnar halda áfram að verða til. 

Það væri mannsbragur af háttvirtum þingmanni Eygló Harðardóttur að standa með þjóðinni að ná fullum yfirráðum yfir sjávarauðlindinni , fremur en að stunda búktal á Alþingi.

Fyrning setur fjárhag Landsbankans í voða

Stríðsskaðabætur

Vegna hugsanlegs málatilbúnaðar til dómstóla á hendur viðsemjendum okkar út af Icesave og öðrum óuppgerðum málum við Evrópumenn, vil ég að eftirfarandi viðauki verði settur inn í Icesavesamninginn;

- Á heimstyrjaldarárunum seinni 1939-1945 misstu Íslendingar 50 skip, samtals 9202 brúttólestir og 484 manns sem rekja má til styrjaldarátakanna.

Viðurkennt er að fiskflutningar Íslendinga til Bretlands til að halda lífi í Englendingum á meðan á styrjöldinni stóð, breyttu gangi styrjaldarinnar Bandamönnum í hag.

Samningsaðilar eru sammála um að dómkveðja óvilhalla menn til að meta ofangreint tjón íslensku þjóðarinnar, vegna þessara fiskflutninga.

Verði sú upphæð tekinn inn í Icesave-uppgjörið og notuð til skuldajöfnunar og verði greitt að hluta af Evrópusambandinu, þar sem stríðsaðilar í seinni heimsstyrjöldinni og orsakavaldar af þessu tjóni, eru nú félagar í ESB.

Auk þess sem litið verði á þessar bætur sem jöfnunarbætur til handa Íslendingum fyrir þann upphafsskaða sem þeir hafa mátt þola, vegna ófullkominna og óboðlegra reglna ESB um frjálst fjármagnsflæði milli landa, sem þjóðir Evrópu eru að verða vitni að og á samskonar skaði eftir að breiðast út um alla Evrópu, verði eigi að gert-.

Lengra varð ekki komist

Umþóttunartími

Afskriftir skipa og veiðarfæra og greiðslu skulda á að haldast í hendur við niðurfærslu aflaheimilda. Það hefur enginn sagt að allar veiðiheimildir ættu að fyrnast á morgun.

Ef fyrningin tæki t.d. 20 ár hefur útgerðin 20 ára umþóttunartíma til að greiða hægt og sígandi niður skuldir ár frá ári.

Lífi útgerða er ekki hætt eftir 1 afskriftaárið. Allar útgerðir hefðu jafnan möguleika til að endurnýja aflaheimildir með því að leigja þær af eigandanum, þ.e. þjóðinni, jafnóðum og þær væru innkallaðar.

Þannig gætu útgerðir byggt upp fiskveiðiheimildir á nýjum, traustum og farsælum grunni í sátt við þjóðina.

Síðan munu menn endurnýja skip og búnað eins og títt er í atvinnurekstri.

Það er nefnilega stefnt að áframhaldandi sjósókn Íslendinga. Og það eru alltaf nýjar hendur á lofti til að vinna störfin.

P.s. Svo er spurningin með afskriftasjóðina? Hvað varð um þá í útgerðinni?  Árlega má færa til gjalda 10% fyrningu af vélum og búnaði og 5% af fasteignum sem eiga færast í afskriftasjóði, annaðhvort til greiðslu skulda eða til endurnýjunar.

Hvar er þetta fé?

Segir fyrningarleið ruddaskap

Framkvæmdavalds-Alþingismenn?

Alþingismenn Framsóknarflokksins hafa verið í Noregi til að ræða og kanna um hugsanlega möguleika fyrir ríkissjóð að fá lán vegna erfiðleika hér á Íslandi.

Þjóðfélagsvaldi er þrískipt hjá okkur Íslendingum, löggjafarvald, framkvæmdavald og dómsvald.

Alþingismenn eru kjörnir til setu á Alþingi til löggjafarstarfa, að setja þjóðfélaginu lög til að fara eftir og hlutast til um að hér sé starfhæf ríkisstjórn.

Dómsvaldið er í höndum dómstóla og dómara sem dæma eftir lögum.

Framkvæmdavaldið er ef til vill loðnara hugtak. Um það segir Björn Þ. Guðmundsson í bókinni, Lögbókin þín;

,, Framkvæmdarvaldið er einn af þremur þáttum ríkisvalds. Hugtakið er ekki skilgreint í ísl. stjskr., en eðli máls skv. og venju táknar framkvæmdarvald fyrst og fremst vald til að halda uppi lögum og allsherjarreglu og umboð til að vera í fyrirsvari fyrir ríkið bæði inn á við og út á við. Framkvæmdavald er þannig einskonar samnefnari fyrir alla opinbera stjórnsýslu, sem hvorki verður flokkuð undir löggjafarvald né dómsvald".

Alþingismenn Framsóknarflokksins virðast því vera án lagaumboðs í þessari Noregsför og hafa ekki þá stöðu í stjórnsýslunni sem nauðsynleg er. Þeir hafa ekki verið kosnir af Alþingi eða skipaðir af ráðherra til þessarar utanfarar. Þá er rétt að spyrja um kostnað af ferðinni og hver ber hann bæði farmiðum, dvalarkostnaði og sérfræðiaðstoð?

Eina færa leiðin sem Alþingismenn Framsóknarflokksins hafa til að hreyfa þessu máli er að flytja þingsályktunartillögu á Alþingi, þar sem starfsvettvangur þeirra er, um að fela ríkisstjórninni að sækja um lán að tiltekinni upphæð til norskra stjórnvalda.

Plan B framsóknar

,,Góði komminn"

Í Morgunblaðinu 16. júlí 2009 segir að Rússalán séu í höfn:

,,Rússnesk stjórnvöld hafa ákveðið að veita Íslendingum lán upp á 500 milljónir Bandaríkjadala, 64 milljarða íslenskra króna. Aðstoðarfjármálaráðherra Rússlands, Dmitry Pankin, staðfestir þetta við rússneska dagblaðið Vedomosti. Skilyrði lánsins liggja ekki endanlega fyrir en Vedomosti hefur eftir talsmanni íslenskra stjórnvalda að samningaviðræður séu enn í gangi".

Nú draga Rússar þetta loforð til baka. 

Er þá Steingrímur J., ekki nógu góður kommi?  Þetta hlýtur að vera áfall fyrir vissa menn.

Rússar eru að gera okkur ákveðinn óleik með því að lofa láni, sem þeir standa svo ekki við, óháð því hvort við þiggjum það eða ekki.

Þeir eru að mínu mati að gera tilraun til að gera landið verðlaust með þessu, sem þeim tekst ekki. Hér liggur eitthvað að baki, sem Steingrímur verður að láta rannsaka.

Verið að endurmeta lánaþörf Íslands

Erfiðir tímar um allt land

Borgarafundur á Suðurnesjum ályktar um atvinnumál og er þungt hljóðið í fólki, sem eðlilegt er. Atvinnulíf á Suðurnesjum hefur verið fjölskrúðugt að mörgu leiti, lengst af.

Þar er fyrst að telja allan sjávarútveg og sjósókn og landvinnslu, mikil umsvif í kring um Bandríkjaher, flugvöllinn, Bláalónið og svo mætti lengi telja.

Sjávarútvegurinn hefur breyst vegna hagræðingar í greininni, sem margir hafa mælt með og stjórnmálaöfl hafa farið í fylkingarbrjósti fyrir. Í staðin fyrir marga smærri báta og fiskvinnslur eru komnir stórir skuttogarar með fullvinnslu út á sjó. Hverjir hafa tapað og hverjir hafa grætt á því?

Herinn er farinn og þar gufuðu upp mörg störf. Á það hefur verið bent oft og mörgum sinnum af mörgum í tímans rás, hve atvinnulíf á Suðurnesjum gæti liðið fyrir það að stóla of mikið á atvinnu vegna Varnarliðsins. Aðilar á Suðurnesjum hafa aftur á móti verið duglegir að sjá atvinnumöguleika á Varnarsvæðinu og þeir verið nýttir.

Umhverfisráðherra hefur viljað staldra við og afla frekari gagna  vegna  raforkulínu vegna frekari stóriðju  og atvinnustarfsemi á Suðurnesjum. Það verði að sjá heildarmyndina bæði varðandi orkuöflun og fjármögnun að áliti ráherrans. Nú eru þeir tímar á Íslandi að stjórnvöld verða fara með gætni og varúð með framtíðar fjárfestingar. Almenningur vill ekkert nýtt Kröfluævintýri eða fjármálaklúður.

Það er ofmælt að aðgerðir stjórnvalda og betri umhugsunartími stjórnvalda, sé eitthvað sérstaklega beint gegn tekjulágu fólki. Það er einhver mannvonskutónn í svona orðalagi ályktunarinnar, satt best að segja.

Töfum í atvinnuuppbyggingu beint gegn tekjulágum

Fundarboð

Boðað er til skyndifundar í Framsóknarfélagi Seylustrandarhrepps vegna þeirra alvarlegu stöðu sem upp er kominn, vegna svokallaðra Noregslána og hugsanlegra afleiðingar leikfléttu nokkurra ótilkvaddra þingmanna í því máli á fylgi flokksins.

Í annan stað verður rætt um áformaðan brottrekstur nokkurra flokksfélaga sem tengdir er hruninu og gætu skaðað atkvæðahagsmuni flokksins til langra framtíðar verði þeir áfram í flokknum.

Leitað er afbrigða um löglegan boðunartíma fundarins, en hann skal eigi vera skemmri en 3 sólarhringar.

Er bændum gert skylt að standa strax upp af búum sínum og mæta til Lögleiðavalla eigi síðar en í birtingu í fyrramálið og hafa með sér nesti.

Á fundinum eru menn og konur beðin að leggja allan ágreining til hliðar um smærri málefni og einbeita sér að þessu leiðindamáli sem hefur riðið húsum undanfarið og verður það leitt til lykta með góðu eða illu á fundinum og aungvar málamiðlanir gerðar.

Stjórn 

Framsóknarfélags Seylustrandarhrepps.

Birtir bréf Jóhönnu

Hausttónleikar Karlakórs Kjalnesinga í Guðríðarkirkju

Við hjónin fórum á hausttónleika Karlakórs Kjalnesinga í Guðríðarkirkju í Grafarholti í dag . Söngstjóri kórsins er Páll Helgason.

Söngskráin var létt og skemmtileg: Byrjaði var á því að syngja, Kvöldið er fagurt, og svo komu lögin hvert af öðru, Bellmann; Fyrst ég annars hjarta hræri og Logn og blíða. Angurvært lag, Hún hring minn ber, þar sem kórinn hafði 5 manna hljómsveit við undirleik. Síðan kom lagið; Rauðar rósir, þar sem saxófónninn gegndi stóru hlutverki. Lagið, Þórður sjóari var hressilega sungið. Síðan komu tvö lög; Tamning írsk þjóðlag og loks, Blakkur, erlent þjóðlag svona vestra ívaf eða með indíánaáhrifum. Einsöng í því lagi söng Sigurður Hansson öflugur tenór en má gæta sín á tónrými hússins.

Eftir hlé var maður allt í einu kominn upp á Arnarvatnsheiði með Jónasi við Réttarvatn. Síðan kom sænsk þjóðvísa; Til austurheims. Þar steig á stokk kvartett úr kórnum. Ágætur söngur en tenórinn hefði mátt koma inn á örlítið breiðari tón og um tíma virtist sem kvartettinn ætlaði ekki að ná því að syngja sig saman, en allt náðist þetta að lokum. Kvartettssöngur er oft vandmeðfarinn.

Uppáhaldssöngkona mín, Guðrún Gunnarsdóttir, söng tvö lög með kórnum, Heillandi vor og Kveiktu ljós. Hún er sannkölluð undradrottning í söng og puntar upp á kórinn og takturinn hjá henni og kórnum í seinna laginu, maður, það var nú ekkert smávegis. Síðan komu tvö lög ágæt og rösklega sunginn af kórnum. Lagið, Ég er kominn heim, gamalt vangadanslag sem Óðinn Valdimarsson gerði frægt hér í den, var flott hjá kórnum og þar naut hann aðstoðar hljómsveitarinnar og enn naut saxafónninn sín vel. Þarna var í fyrsta sinn sem bassinn var látinn taka verulega á. Að lokum söng Jóhannes Freyr Baldursson amerískt lag; Ég fann þig, ágætlega melódískur söngvari.

Kjalnesingar eru þekktir fyrir það að hafa mörg aukalög, eins og bændur í réttum, og það brást ekki í þetta sinn. Sönggleðin var í fyrirrúmi eins og endranær og blóm veitt á báða bóga í lokinn við dynjandi klapp þakklátra gesta.

Heildarsvipur söngsins var góður og kraftmiklar tenórraddir, má jafnvel segja himinbjartur tenórkarlakór. Bassinn mætti koma öflugri inn og oft saknaði maður meiri blæbrigða þar sem bassinn léki stærra hlutverk. Hljómsveitinn var vel skipuð og taktföst. Söngstjórinn stjórnaði kórnum af einurð og festu og upplýsti jafnóðum um sönglög með gamansömu ívafi. Hljómburður er með ágætum í Guðríðarkirkju.

Nýr diskur Karlakórsins, Glaðningur, er nú fáanlegur hjá Hlín Blómahús og á þjónustustöðvum N1

Kærar þakkir fyrir góða skemmtun.