Stjórnarskráin er góð

Fólk skeggræðir nú hvað gera ber í kjölfar ákvörðunar Hæstaréttar um ógildingu kjörbréfum stjórnlagaþingsmanna.

Ákvörðun Hæstaréttar er sérstök, hún er ekki dómur, ekki úrskurður hún er ákvörðun.

Einn meintur stjórnlagaþingsmaður reifaði að það væri hugsanlega hægt að skjóta ákvörðuninni til héraðsdóms. Sú hugsun er óvanaleg því venjulega er málum áfrýað til æðra dómsstigs.

Fræðilega er þetta hugsanlega fær leið og byggist væntanlega á því að hagsmunir hans eru lögvarðir hagsmunir vegna þess að frambjóðandinn var var kjörinn á þingið.

Nú vantar okkur tilfinnanlega stjórnlagadómstól til að kanna það hvort Alþingi sé fært að skipa þetta fólk til setu í svo kallaðri stjórnarskrárnefnd og hvort það brjóti í bága við ákvörðun Hæstaréttar.

Það er rétt sem kemur fram í fréttinni frá monsjúr Ómari Ragnarssyni að oss skortir fé til að heyja aðrar kosningar að sinni.

Stjórnarskráin okkar er býsna góð þó vel megi bæta hana. 

Aðalatriðið er að fara eftir henni.

Tökum til dæmis umræðuna um að sekta þá bændur sem vilja mjólka kýr og selja afurðir sínar til almennings án ríkisframlags (beingreiðslur ). Það er borðleggjandi að slík sektarlöggjöf  bryti í bága við atvinnufrelsisákvæði stjórnarskrárinnar. Þrátt fyrir það er hópur bænda eins og hrútar í spili um fengitímann og stanga allt í kringum sig og telja að slíkt sé möguleg vegna sérhagsmuna sinna.

Ekki fráleitt að skipa þingið

,,Aftur og nýbúinn"

Einu sinni voru eldri hjón og var kynlífið farið að dofna heldur, sem ekki er í frásögu færandi svo sem.

En eitt kvöldið þegar þau voru háttuð gerðist karlinn fjölþreifinn og lét kerlingin sér það vel líka og áttu þau góða stund saman eins og gengur.

Nú, nú, þegar þau hafa lokið sér af fara þau að undirbúa sig undir svefninn.

Nokkru síðar byrjar karlinn að þreifa aftur og þá gellur í kerlingunni.

,, Aftur og nýbúinn."

Gömlu hjónin hafa svo sem ekkert með hina konunglegu smokka að gera, nema til skrauts.

En þessi á myndinni gætu notað þá svona við og við.

Konunglegir smokkar í tilefni brúðkaupsins

Forsætisráherra og Þingvellir

Forsætisráðuneytið fer með yfirstjórn mála er varða þjóðgarðinn á Þingvöllum og um hann gilda lög nr. 47. 1. júní 2004:

1. gr. Þingvellir við Öxará og grenndin þar skal vera friðlýstur helgistaður allra Íslendinga sem þjóðgarður.
Mörk þjóðgarðsins á Þingvöllum og hins friðhelga lands skulu vera: Að sunnan eru mörkin um línu sem dregin er úr landamerkjum jarðanna Arnarfells og Mjóaness á Langatanga, vestur yfir vatnið og í Grjótnes sem er á landamerkjum jarðanna Skálabrekku og Kárastaða. Þaðan ráða landamerki þeirra jarða að landamerkjum Selkots og síðan landamerki Selkots og Kárastaða að sýslumörkum Árnessýslu og Kjósarsýslu á Há-Kili. Þaðan ráða sýslumörk til norðausturs til upptaka Öxarár við Myrkavatn og í hátind Háusúlu og þaðan bein stefna til austurs í efsta tind Gatfells. Þaðan liggja mörkin til suðurs í Hrafnabjörg og með austur- og suðurmörkum jarðarinnar Gjábakka og með austurmörkum jarðarinnar Arnarfells í Langatanga.
Hið friðlýsta land skal vera undir vernd Alþingis og ævinleg eign íslensku þjóðarinnar. Það má aldrei selja eða veðsetja.
2. gr. Þjóðgarðurinn á Þingvöllum skal vera undir stjórn Þingvallanefndar.
Alþingi skal í upphafi hvers [kjörtímabils]¹⁾ kjósa sjö alþingismenn í Þingvallanefnd og jafnmarga til vara. Umboð þeirra varir þangað til ný nefnd hefur verið kjörin. Forsætisráðherra skipar formann og varaformann úr hópi aðalmanna en nefndin skiptir að öðru leyti sjálf með sér verkum.
Forsætisráðuneytið fer með yfirstjórn mála er varða þjóðgarðinn á Þingvöllum, þ.m.t. úrskurðarvald í stjórnsýslukærum vegna ákvarðana Þingvallanefndar.
[Þjóðgarðurinn er að öllu leyti undanþeginn lögum um frístundabyggð og leigu lóða undir frístundahús.]¹⁾

Heimild: Tekið af vef Alþingis

Lóðaleigusamningar sumarbústaða innan þjóðgarðsins runnu út í júlí 2010 en voru framlengdir af Þingvallanefnd fram til ársloka 2010.

Um daginn las ég viðtal í Fréttablaðinu við þjóðgarðsvörð og kom þar fram að verið væri að ganga frá lóðarleigusamningum við sumarhúsaeigendur. Er það löglegt?

Á vef þjóðgarðsins er síðasti fundur sem er birtur þar fundur nr. 371 frá því í september 2010. Þannig að þessi ákvörðun virðist fara mjög hljótt. En eigi að síður ber forsætisráðherra ábyrgð á málefnum þjóðgarðsins.

Þingvellir eru á heimsminjaskrá Unesco og er hætt við að þjóðgarðurinn geti fallið út af þeirri skrá ef sumarbústaðamálum verður haldi til streitu innan marka þjóðgarðsins.

Í stefnumörkun um þjóðgarðsins 2004-2024 er gert ráð fyrir að þjóðgarðurinn taki yfir lóðir sem rennan út. Engin skilda er að neyta forkaupsréttar á sumarhúsum.

Öll er þssi lóðaleigumál sveipuð leyndarhyggju og óvíst að þau standist lög en það er náttúrlega Hæstaréttar að skera úr um þetta ef forsætisráðherra vill ekkert skipta sér af málinu.

Ræða brýnustu verkefnin

Kjósandinn biðjist afsökunar og segi af sér?

Kjósandinn biðjist afsökunar og segi af sér.

Er það sem verið er að bíða eftir?

Hvað þá? Er þá nokkurt lýðræði ef engin er til að kjósa?

Geta menn þá bara gert það sem þeim sýnist hverju sinn?

Ekkert form og engar reglur.

Hugboð mitt er að einhver þröngur hópur eða klíka hafi leitt þetta forgangsröðunar kosningarkerfi í gegn um stjórnarflokkana og margir hafi ekki áttað sig á því hvað mundi gerast. Og ekki skilið kerfið.

Það er gert til að skapa þröngt lýðræði í kring um sérvalda menn með forgangsröðun og svo lendir almúginn  sem bauð sig fram í úrtíningnum.

En nú skulum við læra af reynslunni og standa saman um að leggja þetta kosningakerfi af.

Halda í óbundnar kosningu eins og hér hefur tíðkast í félagskerfi okkar, sveitarfélögum stéttarfélögum, samvinnufélögum, búnaðarfélögum, veiðifélögum, allstaðar þar sem ekki er listakosning.

Það ætti að vera hægt að búa svo um hnútana að allir gætu gengið sáttir frá borði.

Jafnvel nota kjördæmaskipanina til stjórnlagaþingskosninga að sjálfsögðu með réttri fulltrúatölu miðað við fjölda kosningabærra manna í hverju kjördæmi.

Frambjóðendur biðu sig fram með líkum hætt ef til vill með fleiri meðmælendum.

Svo væri bara krossað við þá sem fólk vildi kjósa og þeir sigruðu sem fengju flest atkvæði.

Er þetta nokkuð flókið? Ég held ekki?

En ég biðst innilega afsökunar á því að hafa tekið þátt í þessum kosningum, raunveruleg mér þvert um geð vegna forgangsröðunarkerfisins. En ég neita að segja af mér sem kjósandi.

Biðst ekki afsökunar

Samkeppnisstaða í fiskveiðum

Allt frá dögum Kveldúlfs útgerðarfélags Thorsaranna hefur verið erfitt hjá útgerðinni. Hjá of mörgum safnast upp skuldir.

Maður hefur heyrt að nokkru leiti sé það vegna brasks sem komi útgerðinni ekki við og menn taki bara lán. Ég trú því svo sem mátulega. Sjómenn og útvegsbændur eru að mestu leiti dugnaðarfólk.

En til að komast að því hver raunverulegur útgerðarkostnaður er væri ástæða fyrir sjávarútvegsráðherra að setja það í nýja frumvarpið um stjórn fiskveiða að vera með ákvæði sem héti ÚTBOÐ Á HINU EVRÓPSK EFNAHAGSSVÆÐINU.

Boðið væri í veiðar á tilteknu magn af nytjafiski með þeim útboðsskilyrðum að Íslendingar væru að mestu í áhöfnum og við vinnsluna.

Með þessu fengist glögg mynd af raunverulegum útgerðarkostnaði sem hægt væri svo að hafa til hliðsjónar um annan útgerðarrekstur.

Veiddur afli væri lagður inn á höfuðsstólsreikning í Seðlabanka Íslands að frádregnum kostnaði.

Það væri þægilegt fyrir fjármálaráðherra að geta haft smá sjóð til geta borgað útgjöld.

Almennir launamenn í gíslingu

10.000 vafaatkvæði

Þegar nokkuð var liðið á talningu til stjórnlagaþings kom upp sú staða að 10.000 vafaatkvæði voru að veltast fyrir framan talningarfólkið og enska talningar vélin gat ekki lesið.

Kjósendur þurfti að skrifa 4 tölur í reit þess sem það ljáði atkvæði sitt. Alkunna er að fólk skrifar tölur með ýmsum hætt og getur það verið býsna erfitt oft á tíðum að vita hvað skrifað hefur.

5 verða að 8 og 1 verður að 7 og öfugt. 

Litlar fréttir eru að þessum máli nema landskjörstjórn reyndi að spjara sig að úrskurða um þetta en eitthvað var lítið um það að frambjóðendur fylgdust með þessu máli.

Svo er það ritblýið en um það segir svo í lögum frá Alþingi:

81. gr. Þá er kjósandi hefur tekið við kjörseðlinum fer kjósandi með hann inn í kjörklefann, þar sem kjósandinn má einn vera, og að borði því er þar stendur. Á borðinu skulu vera ekki færri en tvö venjuleg dökk ritblý er kjörstjórn lætur í té og sér um að jafnan séu nægilega vel ydd.
82. gr. [Kjósandi greiðir atkvæði á þann hátt að hann markar með ritblýi kross í ferning fyrir framan bókstaf þess lista á kjörseðlinum.

Það er mikill eðlismunur á því að setja einn kross í afmarkaðan reit með ,,vel ydduðu ritblýi" en þurfa að skrifa 25x4=100 tölustafi í reit sérstaklega ef fólk er skjálfhent. Þá vill 5 oft verða að 8 og 1 að 7.

Þessi  töluskrift við atkvæðagreiðslu með vel ,,ydduðu ritblýi" er óhæfa.

Það er lögboðið að við alla samninga skal nota löglega blekpenna.

Við þessar kosninga hefði verið nauðsynlegt að nota þar til gerða stimpla.

Ekkert nafn var aftan við tölustafina til að leiðbeina landskjörstjórn um hver ætti að fá atkvæðið svo þarna liggur mikill vafi í kosningunni að mínu mati..

Ræddu hugmyndir um afsögn

Róbert skilur málið ekki alveg

Róbert Marshall alþingismaður skilur þetta mál ekki alveg.

Hæstiréttur Íslands dæmdi stjórnlagaþingskosninguna ógilda.

Í því felst að ýmsir annmarkar voru á kosningunum sem raktir eru í dóminum.  Af því leiðir að áhöld eru upp um hvort viðkomandi einstaklingar séu rétt kjörnir og kosningin sé trúverðug vegna þess að menn kusu á glámbekk en ekki í kjörklefa.

Hæpið er að Alþingi fari að skipa þá einstaklinga sem náðu kjöri í hinni ólöglegu kosningu um fram aðra framboðskandídata í einhverskonar stjórnlaganefnd. 

Í kosningunni sjálfri liggur efinn.

Alþingismaðurinn verður að virða þrískiptingu valdsins og fara að dómum.

Ef ég brýt umferðalög og fæ sekt að þá er hæpið að löggjafinn verði með íhlutun um það mál.

Hitt er rétt sem formaður allsherjarnefndar reifar í fréttinni að hægt sé að endurtaka kjörið.

En ég held að rétt sé að leyfa landsmönnum að halda sín þorrablót og hafa þar uppi gamanmál áður en frekari ákvarðanir eru teknar um stjórnlagaþingskosningar.

Tveir kostir í stöðunni

Víst er brotið á fólki Ögmundur.

Víst er brotið á fólki Ögmundur.

Það góða fólk sem bauð sig fram til stjórnlagaþings hefur lagt margt hvert fram fjármuni í þetta dæmi. Stuðningsfólk sem hefur verið með væntingar og lagt fram fjárframlög og vinnu.

Væntingar þeirra stjórnlagaþingsmanna sem eru með kjörbréf í höndunum eru að engu orðnar og sárindi þeirra því eðlilega mikil.

Ég tel rétt og skylt að aldursforseti stjórnlagaþings kalli þingið saman og þingið ráði ráðum sínum.

Nei það er líklega ólöglegt.

Eðlilegra væri að á Alþingi samþykkt þingsályktunartillaga þar sem hlutaðeigendur væru beðnir fyrirgefningar á þessum mistökum.

En áfram verðum við samt að halda áfram að vera til og ræða málin.

Á engum manni var brotið

Ólöf veður reyk

Ólöf Nordal, varaformaður Sjálfstæðisflokksins veður reyk með þessum ummælum sínum um óvönduð vinnubrögð ríkisstjórnarinnar.

Það er gert til að drepa málinu á dreif og tvístra því og draga athyglina frá mistökum Alþingis.

Það er Alþingi ásamt með forseta Íslands sem ber ábyrgð á löggjafarstörfum öllum og lagasetningu ekki framkvæmdavaldið.

Bætist við aðra pólitíska óvissu

Alþingismenn ættu að skammast sín

Það sem Alþingismenn ættu að gera í þessari stöðu er að leiðrétta atkvæðamisvægið milli kjördæma með breytingu á kosningalögunum þannig að hver maður hafi eitt fullgilt atkvæði óháð búsetu.

Síðan ætti að rjúfa þing og kjósa í vor.

Þeir alþingismenn sem nú sitja á Alþingi Íslendinga eru ekki hæfir til að setja landinu lög sem endurspeglast í þessu máli sem er grundvallarmál og raunar liggur þetta allt ljóst fyrir í kosningalögum hvernig formið á að vera.

Síðan ættu þeir að fara heim til sín og skammast sín, þangað til þjóðin hefur fyrirgefið þeim þessi alvarlegu mistök.

Kemur ekki til greina að hætta við