Sérstakt efni sem léttir bakpoka ferðalanga

Á ferð minni nýlega erlendis kom ég í íþróttabúð sem var með bakpoka fyrir fjallgöngu fólk sem er svo sem ekki í frásögu færandi nema að þar rakst ég á sérstakt efni sem hafði undra verkanir sem eru til hagsbóta fyrir þá sem stunda fjallgöngur og útivist.

Það er gaman að fara á Hornstrandir og ganga þar um stórbrotna náttúru. En maður þarf að bera bakpoka mis þungan og fyrir þá sem eru orðnir fótfúnir eru þetta mikil framför.

Efnið er sett í pokan innan um dótið og dreift jafnt um pokann og léttist þá pokinn um 50 % ótrúlegt undur. Nú ef fólk vill vera vistvænt í þessum málum er hægt að fá sér stóran hund eða geit til að bera farangurinn. Það mundi falla vel að íslenskum aðstæðum. Vandræðin við geitur er að þær geta stundum verið styggar. Það væri nú ekki gott ef geitið strunsaði til fjalla með nestið og fólk yrði matarlaust. Þess vegna mundi ég sem gamall bóndi og gangnamaður hiklaust mæla með þessu undraefni. Engin spurning.

 

 

 

 

Athugasemdir

[Gunnar Heiðarsson, 1.4.2015 kl. 10:54]

Má ekki bara bera nóg af þessu efni innanklæða og svífa yfir Strandirnar?

[Þorsteinn H. Gunnarsson, 1.4.2015 kl. 11:30]

Góð hugmynd Gunnar.

[Þorsteinn H. Gunnarsson, 2.4.2015 kl. 09:15]

Ég held að þetta sé aprílgabb. Það var töluverð umferð hjá mér út af því og þó var það ekki tengt við frétt, sem alla jafnan gefur meiri umferð.