Mjög fallegt hús

Þetta er afskaplega fallegt hús og er með vísan í íslenska byggingarlist, finnst mér. Íslendingar hafa lítið eða ekkert getaða tengt gamla torfbæin með gænum þökum við sína húsagerðarlist, þannig að fyrir mér sem er alinn upp í torfbæ er þetta upplifun að sjá svona hús. Svo er það skírskotun til landslags, svo sem hóla og bergs, allt í góðu jafnvægi.

 Vona bara að múslimar biði Allah um frið og spekt, nær og fjær. Ekki veitir af á þessum ljótu tímum.

Góðar stundir

Útlit nýju moskunnar

Hóruhús? Útlits einkunnir?

Lesendur verða að afsaka en ég næ ekki þessari frétt alveg.

Það er sagt: Einnig hafa stúlkur verið skelfingu lostnar við komuna í fangelsið og jafnvel þakkað fangavörðum fyrir að vísa þeim frá þar sem þær vildu alls ekki heimsækja fangana en þorðu ekki að segja frá því.

Þetta er allt saman mjög undarlegt og þarfnast betri útskýringar? Á vegum hvers koma stúlkurnar í heimsókn? Þegar þær verða skelfingu lostnar, ha?

Margir farmenn geta  minnst svona útstillinga í Hamborg og Amsterdam. Nýmæli að þetta sé stundað í ríksifangelsi á Íslandi. Þeir fara að ókyrrast fangarnir á Kvíabryggju við þessi tíðindi.

Fangar gáfu stúlkum einkunnir

Innflutningur á mjólk hafinn frá Svíþjóð

Konan sendi mig út í búð að kaupa mjólk. Ég hlýddi eins og ég geri alltaf og skundaði að kælinum og tók tvær laktósafríar fernur frá Örnu að vestan að ég taldi. Þegar afgreiðslustúlkan sagði hvað þetta kostaði eða 798 kr hrökk ég illilega við og fór að skoða málið þá var þetta innflutt mjólk frá mjólkurfyrirtæki í Svíþjóð sem heitir Arla. Umbúðirnar eru líkar, bláar og hvítar.

Mér þótti málið svo forvitnilegt að ég tók eina hyrnu frá MS sem ég borgaði 208 kr fyrir hin fernan var frá áður nefndu fyrirtæki í Svíþjóð og varð ég að greiða 398 kr fyrir líterinn.

Ég hugsaði mér hvað er hér að gerast? Hef aldrei  séð nýmjólk í búðum hér sem er framleidd í öðru landi en okkar eigin landi.

Það verður forvitnilegt að fylgjast með þessu. Tekið skal fram að um laktósafría mjólk er að ræða í báðu tilfellum.

Gerill eftir Snæbjörn Ragnarsson. Smá umfjöllun leikmanns

Veit einhver hverra manna Arnhildur Stefanía Þuríður Laxdal Fanneyjardóttur er, sem er persóna í bókinni Gerill eftir Snæbjörn Ragnarsson ? Er hún frá Kvennabrekku eða Tittlingastöðum í Húnavatnssýslu? Einu sinn var stúlka að fara norður í sveit með Norðurleið og átti að fara úr á Tittlingastöðum. Þegar fór að koma að því að far út úr rútunni spurði bílstjórinn hvað bærinn héti sem hún væri að fara til. Stúlkan var feimin og sagði ,, Ég á að fara út á Smáfuglastöðum", kunni sem sagt ekki við að nefna hitt orðið. Það er óhemju fjör í bókinni hans Snæbjörs, en það er bara aðalsögupersónan sem fær drátt. Það er ekki sanngjarnt. Ég er kominn aftur að bls.184 Bókinn er kominn með 3 blómamyndir. Mjög lífleg bók.

Nú er ég búin með bókina hans Snæbjörn Ragnarsson. Nú, nú. Hún byrjaði nú ósköp rólega og togaði ekkert sértaklega í mann. Einhvert más úr rokkara sem er kominn fram yfir síðasta söludag ef því er að skipta og svona. Skipti kannske ekki máli hvernig maður héldi á bókinni. Ennnnnnnnnnnnnnnn, smátt og smátt fór eitthvað að gerast og þá fór maður að verða forvitinn sérstaklega þegar aðalpersónan gat barnað tvær á einu augabragði, en ég hef alltaf verið hræddur við slíkt, það gera meðlagagreiðslurnar. En áfram hélt strokkurinn með smérið og mörg atvik voru frumleg, hugmyndarík og nýstárleg. Þetta er heimur sem maður kannast ekki við. Lífleg frásögn þótt margt væri ótrúlegt. Sérstaklega hafði ég áhyggjur af því hvernig átti að borga fyrir upptökurnar, þegar vinurinn keypti bara mótorhjól fyrir tiltæka peninga þá stundina. Sá nú ekki hvernig væri hægt að komast út úr slíku.Hössi umboðsmaður hefði orðið alveg galinn.

Nú verð ég sjálfhverfur:

Það var nú líka ótrúlegt hérna í gamladaga þegar stýrimaður og vélstjóri á Ísborginn fóru í land í Póllandi í vetrarfrökkum um hásumar í breyskju hita og ég spurði hvort mennirnir væru ruglaðir. Þá kom skýringin, þeir mundu selja frakkana fyrir zlothís og lifa eins og kóngar. Sjálfur kom ég hálf ber að ofan með gamla gardínu um hálsinn, (eftir að hafa selt nælonskirtu til að skemmta mér fyrir), að skipi og vopnaðir verðir með riffla og byssustingi hlógu að manni, en gerðu manni aldrei mein, sérstaklega ef maður gaf þeim að reykja. Já þetta er bók sem hægt er að mæla með, viðfangsefnið sérstak og margar fantasíur sem ef til vill einhverjir getur staðsett sig í þó engin viðurkenni slíkt nema þá hjá sálfræðingi eða geðlækni, ellegar hjá kynlífræðingi. Persónur eru frekar sjálfshverfar og sverja sig í ætt við tíðarandan. Takk og bless, Bibbi minn.

Hvað er að frétta af lagningu Arnarnesvegar í Kópavogi?

Íbúar í Þorrasölum og nágrenni hafa tekið eftir framkvæmdum við svo kallaðan Arnarnesveg sem á að liggja frá hringtorgi á Reykjanesbraut upp í gegn hjá Þorrasölum og áfram upp eftir. Þetta verður raunveruleg hraðbraut. Eftir skilti sem hefur verið sett upp við nýbyggða húsagötu er Vegagerðin byggingaraðili og er búina að taka í sundur gamla veginn sem íbúar hafa farið. Engar upplýsingar hefur maður rekist á um þetta verk. Veit einhver hvernig umferð hjólandi og gangandi fólks verður háttað hér á meðan Arnarnesvegurinn verður lagður? Tel  óvunandi ef ekki er hægt með góðu móti og með öryggi að komast á göngustíg meðfram kirkjugarðinum. Auk þess finnst mér það lélegt af bæjarstjórn Kópavogs að vera ekki með neina upplýsingamiðlun varðandi þetta verk. Það væri nú lámark að send dreifibréf til íbúa á svæðinau um þessar framkvæmdir varaðandi verktilhögun og verklok t.d. Bendi á að börn eru gangandi hér í skóla í myrkri og alskonar veðrum. Foreldrar með kornabörn í vögnum. Engar stætisvagna samgöngur eru komnar á svæðið þó það sé að verða fullbyggt og fleirihundruð atkvæði í uppnámi. íbúar þurfa að ganga fleiri hundruð m að biðstöð við Salalaug. Svæðið óupplýst og erfitt og eiginlega ómögulegt yfirferðar þegar fer að snjóa. Í raun þarf að afmarka svæðið sem næst stendur byggðina með girðingu eða eftirliti því erfitt getur verið fyrir bílstjóra og stjórnendur þungavinnuvéla að hafa augu með forvitnum börnum sem geta verið á ferð á vinnusvæðinu. Hætt er við að stórir skaðar geti orðið á fólki ef ekki verður hið snarasta brugðið við. Hætt er við að fylgi dali hjá flokkunum ef ekkert verður að gert og er það sanngjörn krafa að upplýsa um verktilhögun og framgang verksins, öllum til hagsbóta. Sú krafa er hér með sett fram í allri vinsemd.

Þorsteinn íbúi í Þorrasölum 5-7 Kópavogi.

Björn á Löngumýri hrekktur og svekktur

Eitt sinn bjó maður að nafni Sigurður Magnússon á Syðri-Löngumýri í Blöndudal fyrir 1945. Hann var lengi innheimtumaður hjá Ríkisútvarpinu efti búskaparlok.

Þeir áttust stundum við  á Löngumýrunum Björn Pálsson og Siggi en báðir gátu verið hrekkjóttir.

Eitt vorið drapst töluvert af lömbum um sauðburð hjá Sigga á Syðri-Mýrinni. Hann hafði þann háttinn á að marka þau undir mark Björns og dró þau svo yfir til karlsins og skildi þau eftir þar.

Síðan fundu menn þessi lömb og drógu þau heim til bæjar að venja undir en skildu ekkert í því að þeir fundu aldrei mæðurnar og engin ær virtist hafa tapað lambi. Þetta þótti allt mjög dularfullt mál og vafðist fyrir Ytri-Mýrarmönnum um langahríð.

Björn var mjög skaðasár eins og allir almennilegir bændur eiga að vera og hvað upp þann úrskurð að sennilega væru þetta allt tvílembingar því ærnar jörmuðu ekki þar sem talið væri að þær héldu öðru lambinu og var nú allt kyrrt um sinn.

Þetta var nú meiriháttar hrekkur og þetta sagði mér Hannes á Auðkúlu sem fylgdist með öllum skemmtilegum málum í sveitinni.

Hrekkjavakan á börum bæjarins