Allir með náttúru á Þjóðfundi

Það er gaman að lesa það sem kemur frá Þjóðfundinum, t.d þetta:

Umhverfismál

• Inn í framtíðina með virðingu fyrir náttúrunni, bættri umhverfisvitund og gagnsærri nýtingu auðlinda. Ég vil hafa náttúru.

 Það verður einhversstaðar fjör í kvöld fyrst allir Þjóðfundargestir eru með náttúru.

Fólk logandi af áhuga

Athugasemdir

[Þórgnýr Thoroddsen, 15.11.2009 kl. 13:10]

Þú veist, er það ekki, að þú getur ýtt á „næsta“, og færð þá niðurstöður frá öðru borði?

[Þorsteinn H. Gunnarsson, 15.11.2009 kl. 13:52]

Það er nú margt skondið í texta frá þjófundinum t.d. þetta:

Tækifæri

• Ísland í alþjóðasamfélagi verði táknmynd friðar og umburðarlyndis. Íbúum dreifbýlis tryggt réttlæti og þjóðin líti glöð til nýs Íslands.

Verður þá íbúum þéttbýlis ekki tryggt réttlæti?

Íta á ,,næsta" þá fær maður niðurstöðu frá öðru borði segir þú það virkar bara ekki í tölvunni hjá mér. Svo datt síðan með niðurstöðum út.

[Þórgnýr Thoroddsen, 15.11.2009 kl. 13:59]

Það er verið að uppfæra á fullu. :) Alltént þá eru niðurstöðurnar misgáfulegar, en líttu á stóra samhengið félagi..

[Þorsteinn H. Gunnarsson, 15.11.2009 kl. 14:04]

Já, ég skil þetta þannig að það koma niðurstöður frá hverju borði en ekki heildarniðurstaða sem allir samþykkja.

[Þórgnýr Thoroddsen, 15.11.2009 kl. 14:06]

Rétt, en síðan verður líka gefið út allt sem hver einstaklingur skrifaði og setti fram.

[Þorsteinn H. Gunnarsson, 15.11.2009 kl. 14:44]

Þótt ýmislegt í texta frá fundinum sé vanbúið vegna tímaleysis, og einstaka bloggari hafi gert sér til gamans að grínast með náttúrulega tillögu til viðhalds þjóðinni, að þá er það afrek eitt út af fyrir sig að halda fundinum í formlegum skorðum og ramma. Hugmyndafræðin er hér önnur en á hefðbundnum fundum. Hér er lögð áhersla á að sem flestir fái að tjá sig.

Að hafa hvatt upp 1200 manns, án þess að viðkomandi þjóðfundarfulltrúar hafi haft fyrir fundinn nokkurt samband eða tengsl, er þjóðarafrek.

Mér hefur oft verið það ráðgáta hvernig Sturlungar á fyrri tíð söfnuðu liðsafla með stuttum fyrirvara, saman.

Sturlungar notuðu sendimenn og bændur, en í þessu tilfelli þjóðfundar, eru tölvur og farsímar notaðir til liðsöfnunar.

Með stuttum fyrirvara er því hægt að draga saman mikinn liðsafla, ýmist á einn stað á landinu eða á fleiri stöðum.

Hér er liðsöfnunarvaldið tekið af fjórflokknum og fært til þjóðfundar.

[Sveinbjörn Ragnar Árnason, 15.11.2009 kl. 23:58]

Þjóðfundur er flott framtak !  Þó  læðist að manni sá grunur að FjórKlanið standi að þessu öllu saman, á bakvið tjöldin.  Nú þarf að deyfa mannskapinn niður.  Því ekkert er gert fyrir skuldug heimili og því er Þjóðfundur málið.  Ekki er verra að láta Gjaldþrotakallinn í OZ stýra öllu bixinu. Fólk er svo auðtrúa, sjáið hvernig bankamenn plötuðu almenning og eru enn að plata almenning. Íslendingar læra ekki, þeir eru meðvirkir stjórnmálamönnunum. 

Íslendingar  láta stjórnmálamenn og flokka plata sig ítrekað. FjórKlanið er með mikinn móral, Framsókn og Sjálfstæðisflokkur sennilega spilltustu stjórnmálaflokkar á Norðurhveli jarðar veita nær enga stjórnaranstöðu, þeir eru með of mikinn móral.  Búnir að leggja grunninn að glötun einnar þjóðar. Því er nær engin stjórtnarandsstaða og vinstri flokkarnir hella yfir okkur almenning ógeði útrásarmanna og bankaeigenda þeirra fyrrverandi. Þeir eru allir góðir, gamlir  og gildir  vinir FjórKlansins.

Hvernig er hægt að reka landið mitt í gjaldþrot á aðeins 66 árum.  Landið mitt er gjöfult og miðin full af sjávargulli?  Jú ég hef komist að svarinu.   Stjórnmálaflokkarnir, (FjórKlanið),  sjá til þess að tiltölulega lítill hluti þjóðarinnar hefur  völdin, stjórnar og á peningana. Eftir Miklahvell s.l. haust á eingöngu að endurreisa þennan litla hluta vina FjórKlansins og fjármálseiganda við, sem ég tel vera c.a. 3-5% þjóðarinnar.   Þetta er gert beint fyrir framan augum almennings. 

 Því er mikilvægt að meðvirkt fólk  sjái að sér og taki hagsmuni sjálfs síns og hins almenna Íslendings og ráðist gegn þessu kerfi sem á sér upphaf  og hefð   í gegnum stjórnmálaflokkanna á Íslandi.

Til að greiða uppí skuldir óreiðumanna hefur verið ákveðið af FjórKlaninu að láta almenning endurbyggja FjórKlanið og fjármagnseigendur. Á innan við sólarhring tryggði Samfylking og Sjálfstæðisflokkurinn fjármagnseigendum og FjórKlaninu  framhaldslíf.  Geir og Ingibjörg og reyndar fleiri þarf að færa fyrir  Landsdóm.  Skaði þeirra við stjórn landsins er margvíslegur, fólksflótti, hörmungar fjölskyldna, atvinnuleysi, vonleysi og fl., en  fjármagnseigendur geta klappað  þeim lof í lófa um ókomna tíð

FjórKlanið hefur  stjórnað Íslandi með sameiginlegu ábyrgðarleysi alltof lengi og við almenningur horft á aðgerðarlaus.  Því væri réttast að almenningur myndi byrja á viðamesta vandamáli  Íslands.  Að brjóta niður fjórflokksmúrinn.  FjórKlanið er helsjúkur. Nú á  erfiðum tímum, gengur fjórflokkurinn  laus  með einhverja lægstu greindarvísitölu í manna minnum, (var reyndar ekki mælt þegar Sigmundur Ernir var í glasi).  Því ríður á að gera  viðamiklar breytingar á stjórnháttum á Íslandi. Það yrði gert með því að brjóta fjórflokksmúrinn niður, helst fyrir ársbyrjun 2010. Stórt fallegt land með fáa íbúa hefur ekki efni  á FjórKlaninu  öllu lengur. 

Stöðuveitingar í gegnum fjórflokkinn hefur tryggt að enginn á að geta brotið niður fjórflokkinn.

Það, hve ástand Íslands er orðið flókið, stafar af því að stjórnmálaflokkarnir krefjast stöðugt tryggingar fyrir því að almenningur ráðist ekki á samtryggingarkerfi stjórnmálaflokkanna. Því brenna eignir almennings upp, gjaldborg fjármagnseigenda var tryggð í boði FjórKlansins. Gerendur geta og vilja ekki borga skaðann, almenningur skal greiða fyrir sukkið, sama hvað það kostar, nema ef vera skyldi að fjórflokkurinn myndi missa völdin. Því er verkið ærið, leggja þarf fjórflokkinn að velli. Það verður gert með óeirðum og byltingu. Það er eina von almennings að hér verði stokkað upp og gefið á garðana af sanngirni. Stefnum á að það verði afgreitt fyrir árið 2010. 

Niður með fjórflokkinn, byltingu strax.

Dæmi: Það sagði við mig einn góður vinur  minn, að Íslendingar væru sennilega eina þjóðin í heiminum sem myndi keyra fullir ef engin viðurlög væru fyrir því, reyndar talaði hann um allt 70% þjóðarinnar. Fólk væri bara akandi úti blindfullt ef engin væru viðurlögin. Íslendingar eru hugsanlega mjög sérstakt fólk meðvirkt stjórnmálamönnum.

[Þorsteinn H. Gunnarsson, 16.11.2009 kl. 16:10]

Það er ýmislegt til í þessu hjá þér Sveinbjörn, mjög ítarlegur texti. Takk fyrir