37 milljónir í tap 2007

Sjálfstæðisflokkurinn var með 37 milljónir í tap á samstæðureikningi sínum 2007. Reyndar voru allir stjórnmálaflokkarnir með tap á rekstrarreikningi 2007. Einhvern vegin verður að afla fjár til að fjármagna halla í rekstri. Varla er hægt að tína dósir upp í tapið eða selja kleinur. Þess vegna er auðveldast að láta þá sem þykjast eiga peninga borga. En að láta húkka sig svona rétt fyrir kosningar er svakaleg. Hver kjaftaði eiginlega frá? 

Sjálfstæðisflokkurinn sker sig úr með að vera einn flokka, sem sem er með réttan höfuðstól. Flokkurinn er með eigið fé að upphæð kr. 386 milljónir og þar af veltufjármuni kr. 51 milljónir. 

Aðrir flokkar eru með öfugan höfuðstól þ.e. skulda meir en þeir eiga. Það þýðir ekki að þeir séu gjaldþrota á meðan þeir geta staðið í skilum.

Ég legg til að stjórnmálaflokkarnir komi sér upp bás í Kolaportinu og annarstaðar út um land og selji þar bílskúrsdót, til fjáröflunar, frá almenningi. Frambjóðendur geta verið þar að afgreiða og komist þannig í bein tengsl við kjósendur. Þetta gæti sparað flokkunum ýmis útgjöld svo sem auglýsingar o.þ.h.

Skilað til lögaðila

Athugasemdir

[Hafsteinn Björnsson, 8.4.2009 kl. 22:33]

Þessi tillaga þín um kompudaga í Kolaportinu er ansi fín, þarna myndu pólitíkusar komast í beint samband við kjósendur og geta komið sínum málum á framfæri.