Reykjavíkur maraþon 2024 - Hvað er maraþon?

Á wikipedia og á Vísindavefnum kemur fram að marþon sé langhlaup kennt við borgina Maraþon á Grikklandi. Það er 42,195 km langt og er það vegalengdin sem talið er að boðberi nokkur hafi hlaupið með skilaboð um sigur í bardaga við Maraþon, frá borginni til Aþenu í kringum 490 f.Kr. Hafði þar Aþeningum tekist að sigra innrás frá Dareios Persakonungi og hans herdeildum.

Segir svo frá að boðberinn hafi ekkert stoppað á leiðinni og hafi látist um leið og hann skilaði af sér fréttunum.

Maraþon eru oft hlaupin inni í borgum og eru sum þeirra afar vinsæl, s.s. í New York, London og Chicago. Þá eru líka hlaupin hálfmaraþon sem er 21.1 km. Hér á Íslandi er líka 10 km hlaup og 3 km skemmtiskokk fyrir alla fjölskylduna.

 

Maður er nefndur Jón og hefur viðurnefnið hlaupari. Hann er Biskupstungnamaður. Hann er þekktur fyrir áhuga sinn á allskonar hlaupum. Jón ók vörubíl og flutti áburð fyrir bændur á Suðurlandi í den. Við kynntumst þegar verið var að lesta bílana í Áburðarverksmiðjunni, þegar ég var þar við störf vorin 1961-1965. Jón hefur tekið þátt í allkonar hlaupum. Einu sinni hittumst við á götu og tókum tal saman og bar þar á góma hlaup og ræddum um hvað margir væru að glíma við ofþyngd. Jón sagði að þetta væri ekkert vandamál. "Ef ég væri heilbrigðisráðherra mundi ég láta ríkissjóð borga fólki fyrir að hlaupa svona milli stöðva. Árangurinn mundi koma strax fram", sagði Jón kíminn.

Í Reykjavíkurmaraþoni er á ýmsum stöðum stöðvar til að þjónusta hlaupara, fá vatn og orkudrykki, o.þ.h. Og vera með viðburði til skemmtunar, því það verður að vera gaman. Við krakkarnir í Laugarnesi ákváðum 2018 að vera með viðburð. Ákveðið var að taka videó af hlaupagikkjunum og sýna Laugarnesið  og láta Sigurð Ólafsson söngvara og hestamann syngja. Vera með Massey Ferguson og fána til gamans. Þetta tókst og það mjög vel.

Hér frumsýnum við þetta menningartengda videó.

Upptöku annaðist Erlendur S. Þorsteinsson.

Athugasemdir

[Sigurður Þorsteinsson, 25.8.2024 kl. 12:44]

Gott innlegg

[Þorsteinn H. Gunnarsson, 25.8.2024 kl. 14:23]

Þakka þér fyri Sigurður. Gott og gott. Aðdragandi:  Ég var nú búinn að skrifa þett innleg og með það fyrir augum að fræða fólk um hvernig þetta maraþon hófs. það væri fróðlegt fyrir fólk að spá í það.

Ætlaði að tengja það við frétt eins og við gerum bloggarar. En þá kom engin frétt um maraþonið fyrir en um hádegi kom smá frétt´og var sagt frá tveimur  erlendum mönnum sem voru fyrstir í mark, ekki að það færi neitt í mig að þeir væru erlendir. Ég hef sjálfur verið erlendur maður og á son sem heitir Erlendur. nú, nú, svo kemur hádegi og engin frétt svo miðdegiskaffi engin frétt Þá fór mér ekki að lítast á blikuna. Eins og við gerir margir bloggarar þá er efnið búið að gerjast svolítið og ég vildi setja þetta innlegg, með vídóklippunum og með söng Sigurðar, en hann á vissan stað í hjörtum okkar í Laugarnesi. Svo kemur ekkert frá Mogganum og komið kvöld. Ég vissi nú að þetta hlaup var vegna þess sem kemur fram í innlegginu að hlaup með frétt af unnum sigri í orustu, en lítð meira. Um kvöldmat fór ég að viða að mér fróðleik sem dugði fyrst Moggin klikkaði. Svo var ég ákveðinn að setja Jón hlaupara inn. Hann á ýmislegt sameiginlegt með okkur bloggarum, en hann var mjög fastur á sýnum skoðunum og var stundum í málaferlum, en út í það fer ég ekki. Kv, ÞHG