Getgátur bænda ,almennigur bendlaður við sauðaþjófnað án lögreglurannsókar.

Furðulegur málatilbúnaður. Engin veit hvað hefur gerst, Bara heimatilbúnar fullyrðingar.

Það er svona sami stíllinn á þessu máli og drápið á hrossinu sem átti að hafa verið skotið innan um álftahóp sem svo reyndist rangt.

1. Lambið var sérmerkt með bláum lit. Það bendir til að það hafi verið í sértækum aðstæðum. Beinast liggur við að álykta að lambið hafi verið flegið af kunnáttumanni og verið hafi að venja lambið undir aðra kind gæti verið tvílembingur. Tæplega hafa útlendingar kunnað svona til verka auk þess að ef þeir hafi farið inn á afgirt land þá hefði féið styggst og það ætti að vekja búendur um að eitthvað hafi verið að gerast á svæðinu. Lömb villst undan og mikill jarmymur orðið. Bændur eru á vakt allan sólarhringinn og átt að taka eftir þessu.

2 Lömb á þessum aldri eru varla æt og ekki farinn að safna holdum. Eins og það sem kallast að það var bara skinnið og beinin. Það mætti alveg eins álykta að skinninu hafi verið hent út  fyrir, hundurinn dregið það út á tún eða veiðibjalla flogið af stað með það og misst það niður.

Sko það er alvega lámark að láta óvilhallan kunnáttu mann og lögreglu rannsaka mál áður en fullyrt að hér hafi verið sauðaþjófar eða útlendingar. Það átti að láta skinnið eiga sig og kalla til votta. En nú er búið að spilla sönnunargagninu og málið ónýtt. Þannig að bóndinn getur bara verið maskaralegur og veifað skinninu og sagt þessa sögu og treyst að henn  verið trúað.

Fór inn á afgirta jörð og fláði lamb

Athugasemdir

[Gunnar Heiðarsson, 7.6.2022 kl. 23:05]

Þetta er nú meira andsk... bullið í þér Þorsteinn!

[Þorsteinn H. Gunnarsson, 8.6.2022 kl. 17:23]

Altaf batnar það. Nú hafa fundist tvö göt af ákveðinni stærð samkvæmt dýralækni. Þá er rétt að spyrja voru göt á skinninu líka? Ekkert gat er á sjá á bjórnum, en ekki er hægt að sjá það glöggt. Þá er gripið til þess og það kemur í fréttum að haglabyssa hafi verið notuð. Ég er reynslubolti með haglabyssu svo ég komi með hliðstæðu við dýralækninn sem sagðist vera reynslubolti. Ef haglabyssu  væri beitt á þetta lambkríli, þá væru nú lítið eftir af síðunni. Þannig að málið verður enn dularfyllra en áður.

Ég get sagt sögu af tveim bændum í minni sveit á öldinni sem leið. Þeir voru báðir hrekkjóttir. Hjá öðrum bóndanum var af og til að drepast lömb hjá honum . Hafði hann það sem sið að marga dauðu lömbin undir mark nágrannans og fara með þau yfir og dreifa þeim þar. Nú var grannin alltaf að finna dauð mörkuð lömb og dróg þau heim og vil finna ána en aldrei tókst það. Engin ær jarmaði. Var þetta mál hugleitt gaumgæfilega og varð niðurstaðan að þetta væru alltaf annar tvílembingurinn sem drapst. og gekk þetta svona út sauðburðartímann. svona getur lífið verið erfitt hjá bændum.

Ég læt þessi orð hans Gunnars afskiptalaus og geri ekkert með þau. Hann er ágætis drengur, það sem ég hef séð til hans.

[Sigurður Antonsson, 8.6.2022 kl. 23:59]

Sammála. Furðufrétt. Bendir til að fréttamiðillinn sé ofvaxinn. Ģúrkutíð.

[Gunnar Heiðarsson, 9.6.2022 kl. 15:34]

Þorsteinn, sem búfræðikandídat, búnaðarráðunautur og fyrrum bóndi, þá veist þú manna best að sú fornaldaraðferð að nota skinn til að venja lömb undir, hafa lappir og haus aldrei verið látin fylgja skinninu. Og þó við íslendingar séum allra manna bestir á öllum sviðum, þá er ekkert sér íslenskt að kunna þá list að flá skepnur. Reyndar má frekar segja að það sé deyjandi list meðal landsmanna, enda sláturhús landsins verið að mestu mönnuð erlendu vinnuafli um margra ára bil.

Út frá þessum punktum voru helstu rökin í pistli þínum og því kalla ég hann bull.

Hvað skeði nákvæmlega varðandi þetta lamb  vitum við tveir auðvitað ekki og ekki víst að það muni nokkurn tímann upplýsast. Hitt er vitað að lömb hafa verið elt uppi hér á landi, af erlendum ferðamönnum. Erlendis þekkist vel að vilt smádýr eru drepin til matar og þó okkur dytti aldrei í hug að leggja okkur kjöt af unglambi til munns, er ekki endilega það sama að segja um fólk sem alið við aðra menningu. Þó er ég ekki endilega að segja að svo hafi verið í þetta skiptið, bendi bara á fordæmið.

Hitt er deginum ljósara að hvort heldur bændur flá lömb til að nota skinnið til að venja undir, eða flá þau til að selja skinnið, þá er verkið yfirleitt klárað, þ.e. haus og lappir skilið frá skinninu.

[Þorsteinn H. Gunnarsson, 9.6.2022 kl. 17:03]

Rétt,  hjá þér Gunnar. Ég tók eftir þessu þegar pistillin var farinn. En þetta var allt svo laust í reypunum að mér fannst rétt að leyfa einum pistli að fara. Eins og dýralæknirinn fera tala út og suður um að lambið hafi verið skoti báðum hliðum en götin ekki eins stór og enda svo með því að tala um haglabyssu. Þá var mér öllum lokið. En látum þetta duga og þakka þér fyrir leiðréttinguna. Veit þú hver Bila-Bergur er?

[Gunnar Heiðarsson, 9.6.2022 kl. 20:45]

Sæll Þorsteinn. Kannast bara við einn Bíla Berg, Berg Arnbjörnsson. Sjálfsagt einhverjir fleiri fengið þá nafnbót.

Sá er ég kannast við vann hjá bílaeftirlitinu í gamla daga. Merkilegur en stundum nokkuð seinheppinn. Margar skemmtilegar sögur eru til af kalli, enda fór ekki alltaf saman hugur og hönd hjá honum, hugurinn yfirleitt nokkuð á undan.

Kveðja af Skaganum

[Þorsteinn H. Gunnarsson, 9.6.2022 kl. 21:04]

Gunnar Sko ég get stundum verið fljótfær eins og Bergur, enda er hann föðurbróðir minn.

Ein saga svona til að ljúka þessu spjalli. Bergur fór að veiða með vinum sínu í Víðidalá. Veður fór versnandi. Þegar þeir settu niður tjaldið var komið hvassviðri. Allt gekk nú samt vel þeir fengu sér að borða og fóru svo að sofa. Um kvöldið fór Bergur út til öryggis og batt tjaldið við E 100.Bergur var veiðimaður af lífi og sál og reis snemma  og útbjó sig til veiða.Fljóthuga og skjótráður setti hann Plymman í gang og ók af stað og reif tjaldið ofan af félögum sínum sem eftir lágu. Þetta  bjargaðist en tjaldið var hvítt og engin fastur botn.

Amen eftir efninu.